hamutarowithyou的个人专页

放假日想食個靚早餐嘆杯啡,附近見到呢間新店, 梗係要試下～餐廳裝修傾向工業風, 好型格!加上有太陽照射入黎, 環境好正, 打卡一流 menu itmes唔算多, 但感覺好豐富!我地叫左兩份早餐同兩杯野飲～ Egg breakfast加牛角包:配菜好多～有炒菇, 蕃茄仔, 哈密瓜, parma ham. 仲有杯藍莓yogurt！牛角包好鬆脆～好香～ Wafflesresentation好靚, 勁igable!Waffle係脆口既, 配糖漿冇得輸, 水果料好足, 再杯yogurt~勁滿足呀!Latte & Chocolate:Latte帶有D花果味, 好岩我口味～Chocolate唔會太甜, 好香濃！拉花都好靚!係cafe度聽住歌，慢慢嘆個早餐，好chill!…查看更多

今日放假去左將軍澳, 係地鐵站落車行左5分鐘左右, 見到呢間打冷, 之前都有聽過呢間餐廳, 今次既然黎到將軍澳呢邊，就去試吓啦！呢度嘅環境都唔錯，唔會坐得好迫午市有套餐提供, 不過因為太肚餓, 我哋兩個人叫左三個小菜～淨係諗食咩都諗左好耐, 因為真係太多選擇喇！值得一提, 呢度既野飲係自家製既我哋叫咗一支樽仔咖啡同埋羅漢果茶魚香茄子黃鱔煲雖然天氣開始熱, 但係都無阻我要食熱辣辣嘅嘢！黃鱔厚身又爽口, 茄子一直都係我既favourite😉呢個魚香茄子煲真係好好味！沙嗲芥蘭牛肉芥蘭配埋牛肉好夾, 芥蘭好爽口。牛肉又好腍身, 厚薄適中, 又唔會煮到過熟, 再加埋d沙嗲醬, 正呀👍🏻避風塘炒蜆一送到枱上就聞到好香嘅味道, 超級多蜆, 唔會淨係得返啲d殻. d蒜爆得好香, 少少辣, 夠咸香, 好惹味😋呢度有好多正宗既潮式菜, 而且每碟份量好足, 大件夾抵食👍🏻…查看更多

同朋友萬綠叢中見到呢間又光鮮又新淨, 色彩好sharp既離島風外賣店, 決定試下~外賣店主打滷味、涼拌粉皮、餃子, 真係款款都好吸引!除左有熟食take away, 仲有好多產品賣!離島風梗係唔少得海產, 呢度仲有大地魚粉, 油漬瀨尿蝦乾賣,真係好有大澳風味~另外仲有好多口味既餃子! 買定D放屋企想食就可以自己煎/蒸~蝦滷豬手個汁真係冇得彈~同平時食開既滷水汁都有D唔同, 有獨有既香味,又唔會好咸~而豬手夠淋夠哂入味!大澳仔粉皮天口有D熱, 食粉皮就最岩又健康~粉皮又滑又軟, 但又彈性彈性, 非常有口感~D配料好足料, 有蝦, 魷魚,魚肚, 簡直係鮮味滿滿!!油漬瀨尿蝦乾肉餅蒸飯肉餅索左D瀨尿蝦乾既味, 夠哂咸香~帶有少少辣, 夠哂惹味~京蔥羊餃子見係期間限定, 所以想試下! 餃子粒粒飽滿! 一咬開, D肉汁咇哂出黎, 加埋有京蔥, 好香好好食!好滿足! …查看更多

今日行個靚山, 落返沙田黎左乙明邨~見到間好多人排隊既小店, 為食既我地又去望下！雞蛋仔同格仔餅既口味都幾新穎！有咸有甜～其中咸食有手撕雞, 豬柳蛋, 都幾受客人歡迎!雖然見幾多人order豬柳蛋雞蛋仔，但我地想食甜既, 揀左個抹茶黑櫻米~個抹茶味都幾岀, 雞蛋仔外脆內軟, 咬落感覺有D似麻糬~ 黑櫻米又有D粒粒口感~望住店員冇停手咁整, 排隊既人龍一直keep住有.而佢地其他口味既雞蛋仔都非常足料, 加上又好食, 唔怪得受歡迎!…查看更多

今日同過海返工既朋友仔慶祝, 搵間放題開心下.之前都試過荃灣分店覺得好正, 所以揀返佢~呢度既野食選擇真係好多,有日式料理, 又有得打邊爐, 2小時任飲任食, 勁開心!我地揀左晚市A餐, 有齊火鍋料, 刺身, 壽司, 炸物, 燒物同甜品等等~坐低就先揀一人一鍋湯底, 我地揀左蕃茄湯同花膠荳香魚湯.蕃茄湯都幾香濃, 而個花膠荳香魚湯都幾鮮味, 仲有隻小花膠O係入面!好有氣勢既刺身船! 每款都有2件, 淺嚐下~再散叫幾款~D刺身都好新鮮!然後開始叫火鍋料, 用QR code落單, 好方便, 野食都好快送到.呢度有牛肉, 羊肩肉, 牛舌, 豚肉~D肉切得比較薄片, 但勝在快熟! 我地encore左牛舌, 口感唔錯~菜既種類都多, 可以自己出去拎~飲品亦都好多選擇, 實岩飲!烚下烚下同時, 叫下D炸物同燒物~炸物: 芝麻雞翼, 蝦多士, 紫心香芋丸, 炸廣島蠔~ D炸物夠哂熱度同脆口, 而且又唔太厚粉漿, 卜卜脆呀!燒物: 串燒羊肉, 多春魚, 雞軟骨, 燒菠蘿.串燒D調味岩岩好, 菠蘿又甜又juicy!食到咁上下, 就梗係要留肚食甜品~樣樣都好吸引好想食! D甜品真係每一款都有驚喜~特別推介窩夫, 外脆內軟, 拍得住出面D甜品店呀!勁滿足! 勝價比高既選擇!…查看更多

雖然餐廳個門口唔算大, 但勝左有個好搶眼既招牌, 好易搵到!一入到餐廳就俾佢既環境吸引左! D壁畫好sharp, 裝修亦好和風~影相打卡一流~一入門口侍應會打鼓歡迎~好有氣勢~呢度主打刺身、石燒、鍋物、爐端燒、一品、炸物,基本上滿足哂我地既肚仔！我地每款都叫D，樣樣都試下！芫荽豚肉卷D肉汁滲哂入芫荽度, 好香~鹽燒雞翼 & 鹽燒雞雞軟骨雞翼一D都唔會燒到好乾, 好香口; 雞軟骨always my favorite~池魚唐揚炸物食落一D都唔會好油膩, 薄脆既外層包住啖啖肉既池魚~好食!石燒澳洲M6和牛(150g)一見到件件都咁厚切流哂口水, 仲有專人幫我地燒~聽到D肉肉放落石板度既聲音真係好治癒~落D岩鹽同醬汁再燒多陣~已經好香! 食落好juicy, 啖啖肉!日本黑毛和牛鍋燒烏冬天氣凍, 食返碗熱辣辣既鍋物就最岩喇~個鍋燒烏冬都幾足料架~三文魚爆丼真係名副其實係爆丼, 三文魚鋪滿哂成個飯面, 而且每食一啖都咬到三文魚!燒冰火菠蘿菠蘿上面有D糖, 燒到有少少焦糖, 脆脆地~邊食邊飲最開心, 叫左2杯無酒精飲品~巨峰提子乳酸梳打 & 蜜桃乳酸梳打Overall好鍾意呢度, 真係好似返左日本咁.野食夠哂熱度亦都好好食~無得輸既居酒屋~而家Like餐廳社交平台，正價Menu有8折，加埋清酒半價！咁著數，我地梗係支持下啦!…查看更多

秋意愈黎愈濃, 打邊爐既心都愈黎愈濃烈.想留返係大埔烚下烚下, 我同朋友首選黎稻八.有得打邊爐又有魚生食, 仲有得自己整炸物, 而且坐得舒服, 環境乾淨, 勝價比好高~今次我地試新野麻辣鴨血鍋! D配料吸收哂麻辣湯底精華, 好正!如果係芫荽控,不妨考慮麻辣鴨血芫荽鍋~大大件既鴨血加埋D麻辣風味, 岩哂呢排涼涼地既天氣!我地揀左《嚴選澳洲M7和牛盛合》, 包括有：澳洲M7和牛、美國特級牛頸脊、特級美國穀飼牛、白豚肉、羊肉、日本北海道雞片、海鮮盛合、炸物、雞件同任食刺身~和牛盛合每款牛都各有特色, 真係見到都流哂口水~其他肉類同海解都唔差架~刺身方面, 真係樣樣都好新鮮! 三文魚, 象拔蚌同帶子都係我地encore既items!配料區有不同選擇!~炸物區都係好受歡迎~有簡易教學, 唔洗驚無從入手~最後, 佢地D甜品都幾有誠意, 唔hea架~亦都有現成雪糕杯/雪條!…查看更多

同朋友食個簡單晚飯, 唔夠喉, 諗住食個甜品~附近見到呢間甜牙牙, 見有位就入去lu~餐廳入面已經有好多聖誕裝飾, 好有氣氛!我同朋友都係鍾意食朱古力之人, 所以叫左2款都係朱古力既甜品~但呢度都有好多唔同系列既甜品選擇架!朱古力窩夫賣相好吸引, 仲有4球雪糕, 好足料!窩夫食落口有好香濃朱古力味, 而且外脆內軟的~!除左雪糕同cream, 仲有其他配料. 有oreo, 可可球同埋D酥餅碎, 口感一流!心太軟切開佢, 入面既朱古力漿慢慢流出, 我地都流哂口水了!~ 雖然入面有滿滿既朱古力漿, 但食落唔會覺得好甜膩~配埋雪糕食, 正!好滿足!同朋友預早過個甜蜜聖誕~…查看更多

平時比較少黎馬鞍山, 但一落巴士就見到呢間sharp醒既餐廳吸引左~餐廳座位好闊絡舒服~入面都好多座位, 但不消一會都已經坐滿人了~Menu好有好野揀, 而且有唔同style, 真係好有驚喜!是日精選會跟湯, 餐包同野飲, 個價錢十分抵食! 扒紐西蘭西冷牛扒配芥茉紅酒汁塊牛扒好足本呀! 見到都流哂口水~而且煎得岩岩好, 切開D肉汁滲哂出黎, 仲有淡淡既粉紅色, 好吸引!!不得不提個汁, 好香, 同牛扒好夾!香草羊扒石頭咖喱窩 (泰式青咖喱)一上枱就已經聞到好香!! 而且熱辣辣起哂泡泡咁上枱, 整返啖個人都暖哂~羊扒切左件, 方便食, 好貼心呢~除左有切件羊扒, 仲有茄子,薯仔同洋蔥, 全部都好入味.青咖喱辣得黎有D甜同帶有D青檸既酸, 送飯真係冇得輸呀!! 好好味!!叫埋餐飲, 有珍珠奶茶揀tim呀! 好滿足呢!Overall, 呢度既野食好食, 而且價錢都好親民, 唔怪得咁快坐滿人啦! …查看更多

天氣轉涼,又係提醒我同我既邊爐buddies出動既時候!今次近近地O係返大埔呢間食, 又有雞煲,又有得打邊爐~入面既裝修好本土style, 令人眼前一亮~先上半隻微辣雞~雞件既size切得岩岩好~每件雞件都啖啖肉, 肉質仲keep住嫩滑~而且個汁夠哂惹味, 加埋紫洋蔥同芫茜, 色香味俱全!邊食雞邊睇下有咩邊爐配料, 發覺都好多選擇!陳皮魚蛋而家好少可有陳皮魚蛋食喇! MUST EAT ITEM!好懷念, 食返細細個既味道~ 響鈴現炸既果然係唔同! 呢間既響鈴令人一食愛上!食落非常鬆化可口~安格斯肥牛脂肪分佈均勻, 啖啖鮮牛肉味~!羊肉唔會太多肥肉~羊肉唔會so, 好食!芥末貢丸好新奇, 一咬落去已經成到wasabi味道!~味道刺激, 但亦都食到好濃既肉丸味道~牛柏葉口感爽脆, 索埋個雞煲湯底既精華, 正~蔬菜拼盤有好幾款唔同既蔬菜, 好豐富!有南瓜, 菇, 秋葵, 粟米芯等等, 好健康!~竹庶茅根打邊爐飲返D比較清熱既飲品, 自我感覺良好D~飲落清甜, 好潤喉~成枱野食, 好豐富既一餐!…查看更多

一個想打邊爐, 一個想食放題, 但2個都想食甜品~牛の鍋就岩哂我同朋友, 真係一次過滿足哂3個願望!O係樓下行陣超市就上黎醫肚, 我地被安排坐卡位, 座位好闊絡, 枱面亦夠哂大放到好多野食~黎到先揀湯底~湯底都有好多選擇~!野食方面, 火鍋配料都有唔少! 亦有個area可以自己夾菜類/豆品類咁~粗略數數都有成廿款食材!而日式料理方面就有刺身, 燒物炸物, 壽司. 等個湯滾既時候, 先黎D前菜同刺身~野食都上得好快! 先食一轉~刺身相當新鮮~至愛既三文魚好肥美!燒物: 燒菠蘿, 小甜薯, 雞軟骨, 芝士蟹蓋芝麻雞翼: 好正! 外脆內軟, 十分juicy!!壽司手卷既份量都係一口可食哂~唔錯!飲品亦有好多野揀~茶, juice, 汽水一應俱全~!到火鍋配料~海鮮好新鮮~D蝦都好大隻~打邊爐少不了肉肉~牛肉/羊肉/豚肉都好好食! 尤其係美國極上牛肉, 好重牛味, 而且口感鬆軟再食D菜菜子消下油膩感~跟住就到甜品時間!!啟動"甜品係另一個胃", 我地都叫左好幾款試下~!每一樣甜品都好有誠意, 絕對唔係求奇俾D現成野出黎~…查看更多

上次黎過登打士廣場, 發覺呢到真係好多靚既cafe, 所以今次就黎到9樓呢間試下, 嘆返個relaxing dinner~上到去就覺得呢間cafe既風格好小清新, 而且座位好闊絡好舒服~另一邊位置就走型格風, 裝修上真係別具心思~我地叫左個2人餐, 有一個小食, 2個主食同甜品~蜜糖芥末雞翼雞翼控真係無法抗拒~雞翼整得好juicy, 一D都唔會鞋~而且個蜜糖芥末醬較得岩岩好~黑椒雞扒意粉個份量好多, 雞扒亦好大塊~意粉口感一流, 個汁係偏重黑椒味, 我就幾鍾意喇~日式咖喱炸蝦天婦羅飯有4大隻炸蝦, 而且外皮炸得好香酥, 蝦肉亦好爽口!日式咖喱甜甜地, 勁岩送飯! 好食到好快清哂碟飯tiramisu濃濃既咖啡香味~食落口有D甘甜~比利時窩夫窩夫外脆內軟, 而且甜度適中.的的骰骰, 飯後甜品岩岩好!餐飲方面都有好多唔同系列選擇, 亦有以月份為名既特飲~壹月係一杯有朱古力, 棉花糖同雪糕既飲品黎~整到成杯甜品杯咁~朱古力味濃, 味道都唔錯!芒果果粒茶呢個果茶好豐富, 有姜芒果、蘋果、玫瑰果、葡萄、菠蘿同太陽花瓣.飲落好舒服, 味道十分有層次, 有水果既香甜, 亦有花茶既清香. 另外亦可以自己加蜜糖調味~而且愈焗愈有味, 食埋個甜品飲返杯熱茶就最岩~Overall, 好鍾意呢度個環境, 好舒服, 好岩朋友小聚, 又可以一大班fd黎~野食份量都好夠, 亦好好食! 推介推介~!…查看更多

朋友話北角有間打邊爐好正, 話帶我去見識下~初初都冇太大嘅期望, 但一上到去見到個門口有張龍椅, 真係好特別!侍應服務好好, 好有禮貌, 而且張Menu係聖旨, 同門口嘅龍椅互相呼應！我哋坐嘅張凳, 都好古色古香。未食嘢, 就已經比佢嘅裝修攝住! 唔好以為呢間鋪得個樣, 啲嘢比起佢嘅裝修更加冇得彈！康熙花膠雞湯鍋呢個湯底真係好鮮甜! 同屋企阿媽煲嘅有得fight! 花膠同雞係另上。睇住我個朋友將大大嚿嘅花膠同滑脫脫嘅雞放入個湯底度, 就已經流晒口水啦！真係估唔到, 打邊爐嘅湯底竟然有阿媽級靚湯嘅水準！黎都一定要飲咗啖靚湯, 先開始打邊爐！黑松露墨魚滑 +  瑤柱乾貝滑呢兩款滑, 好新鮮！鮮味十足！朋友都話黑松露墨魚滑好食啲, 但我就偏愛瑤柱乾杯滑！和牛一口餃非常特別的餃, 所以我地就叫左黎試, 但當淥的時候大家都一樣烚下烚下！唔記得左和牛唔需要咁長時間, 所以淥左一段時間！入口的牛味好濃烈, 亦好juicy, 相信如果我地時間控制得好的話, 味道會更好！豬頸肉 每次打邊爐必點豬頸肉,  今次又點少得呢！未食之前, 見到佢啲豬嘅紋理, 就已經流晒口水。豬頸肉真係有豬味, 仲非常爽口, 食極都唔膩！ 御前一品 手切牛肉拼盤 如果打邊爐唔叫牛肉, 都唔好話自己去過打邊爐。個牛肉拼盤成座山咁, 啲牛肉白色同紅色嘅紋路好引人入勝！食極都停唔到口, 一塊接一塊咁食！滾得囍蔬菜拼盤冇諗過佢會砌到咁靚、成個花咁, 打卡一流呀~有好多款菜, 連木耳都有, 不過款沙律菜淥完會苦苦地。去滾得囍打邊爐, 真係視覺同味覺嘅一大享受！…查看更多

最近有D秋意, 最岩就係shabu shabu!朋友之前試過呢間唔錯, 所以我當然又要試下啦!呢度有唔同既套餐可以選擇~我同朋友就叫左個$208既套餐, 對女仔黎講都OK夠食~如果想再豐富, 仲會有海鮮拼盤同刺身添!埋到位就叫埋湯底, 我地就揀左期間限定既冬陰功毛蟹湯底, 夠哂特別呀!!原隻毛蟹放入湯, 睇得又食得! 個湯酸酸辣辣, 十分惹味!$208套餐包左美國穀飼牛、豚肉片、羊肉同北海道雞片~所有肉類都好新鮮! 肥牛重牛味, 豚肉片同羊肉都唔錯!雞片有少少醃過, 肉質亦唔會鞋~除左肉類, 仲有D前菜同沙律可以自取, 亦有好多唔同既配料可以打邊爐~食到咁上下, 就玩下個炸物區先!有好多配料選擇!小試牛刀, 試炸2串迷你甜薯~亦有唔同調味料可以加~賣相好靚, 好有成功感~ 外脆內軟, 好食! 自助區亦有D一口甜品~仲有唔同口味既雪條選擇! 十分滿足~Overall, 十分推介呢間shabu shabu! 高質又好玩!野食種類又多又新鮮. 個炸物區亦十分過癮~…查看更多

以前細個唔太熱衷飲茶, 而家大左, 唔係成日得得閒同屋企人去飲茶,所以特別掛住一盅兩件既感覺.見到呢間都幾抵食既點心專門店~今晚同朋友就黎試下啦!老火湯(大): 粉葛赤小豆呢度既老火湯標榜無味精, 日日不同~真係好有家既感覺, 好埋係勁足料! 見呢度出名牛肉, 亦係牛肉世家, 當然要試下D牛肉食品!燒汁牛肉蝴蝶餅呢個既食法有D似片皮鴨, 個燒汁好夾牛肉, 而且夾埋片青瓜, 好清新~一啖有齊3種唔同既材料, 口感豐富! 十分推介!乾蒸牛肉燒賣比一般既燒賣大粒D, 帶有少少莞茜香味.而且粒粒都好飽滿!粟米煎牛餅煎得好香脆, 即叫即煎, 真係新鮮熱辣!牛肉都keep住juicy, 加埋D甜甜地既粟米, 又係一個新配撘!竹炭熔岩奶皇包黑金色, 相當型格霸氣!一met開流心奶黃大爆發, 食落唔會太甜, 仲有好香濃既蛋黃奶味~ 籠仔荷葉北菇蒸雞飯材料滿滿, D飯帶有陣陣荷葉既香氣!鮮肉灌湯小籠包湯汁鮮甜, 肉餡飽滿~紫薯南瓜小丸子最後黎個小甜品作結~外脆內軟好好食!仲有支裝汽水, 好難得~Overall, 呢度環境舒服新淨, 而且食品既價錢都十分親民~ 牛肉既點心非常出色特別, 不愧為牛肉世家!…查看更多