flywingwing's Profile

最近新都會新開左間茶餐廳，平時行過都見有好多人等位，不過入位都算快。見餐牌都有好選擇，除咗平時嘅茶餐廳食物，仲有一啲小菜選擇，我哋叫咗一個茶餐同埋板燒和風牛柳飯。茶餐有丹麥多士配火腿奄列，多士焗得金黃香脆，外脆內軟，奄列夠滑，蛋香十足，不過火腿份量唔算多，如果可以再加少少就更好。至於麵就揀左辣魷魚出前一丁麵，都幾惹味，湯底辣得嚟又有魷魚鮮味，唔會只係死辣。魷魚炆得夠腍又入味，每啖都有微微辣香同埋濃郁滷汁味，口感唔會韌。任何套餐加$12可以轉鴨屎香檸檬茶。板燒和風嫩牛柳飯食落好香，牛柳煎得啱啱好，外層微焦，入面仲保持嫩滑，唔會嚡口。和風醬汁帶少少甜味，同飯一齊撈真係一流，令成碗飯都充滿香味。加埋配菜都好豐富，有唔少既蔬菜，茶餐都有可以食得均衡。…Read More

最近羲和雅苑推出五周年嘅慶祝優惠套餐，都幾抵食，兩位嘅套餐有四款前菜，半隻烤鴨，三款主菜同埋仲有個炒飯，咁多嘢食加埋都係$538⭐️前菜四拼前菜有四款（乾隆白菜，黃金皮蛋，蒜泥白肉，山楂汁淮山），四款前菜用精緻嘅架上碟，充滿宮廷菜的精緻感，最欣賞係乾隆白菜，酸酸甜甜嘅味道加埋爽脆嘅白菜，好開胃⭐️羲和馳名烤鴨（半隻）烤鴨皮脆肉嫩，入口帶點焦糖既香氣，鴨肉保持肉汁，配上薄而彈牙既餅皮，再點上特製甜麵醬，層次豐富⭐️宮保雞丁雞肉嫩滑，帶有微微焦香，同花生既脆口形成對比。醬汁融合甜、酸、辣既味道，入口帶點四川花椒既麻香，送飯一流⭐️松露蠔仔煎蛋蠔仔好新鮮，無腥味，煎蛋外脆內嫩，帶點微焦既香氣。松露同蛋香好夾，整體味道細膩⭐️籠仔荷香蒸菜心菜心鮮嫩，蒸得岩岩好，仲保留爽脆口感。荷葉既清香滲透入菜心，無過多調味，可以食到蔬菜嘅自然甜味⭐️瑤柱蛋白炒飯炒飯粒粒分明，蛋白滑嫩，帶有瑤柱的鮮香，鹹香適中。瑤柱絲分佈均勻，每一啖都食到鮮味⭐️楊枝甘露&薑汁小桃膠楊枝甘露既芒果味濃郁，加上椰汁口感順滑。小桃膠口感軟糯，吸收哂薑汁既微辣，十分暖胃…Read More

前兩晚接朋友收工，佢帶我去KCC食飯，一直以為晚上6點後KCC既食肆會閂哂，估唔到夜晚都有間唔錯既西餐。呢間 Season Cafe 位置寬敞，坐得好舒服，外圍既位置仲有落地大玻璃，望住出面街景食野打卡一流！💛Season 招牌雙蟹肉特制蟹餅初頭以為蟹肉餅係日式個種炸既忌廉蟹肉餅，蟹肉好少，忌廉醬汁就好多。呢個招牌蟹餅用煎既方式烹調，可以保留蟹肉既鮮味，入面仲要啖啖都係蟹肉，好滿足！💛匈牙利鵝肝經典手打牛肉芝士漢堡配黑松露薯條呢個漢堡好有誠意，漢堡入面既鵝肝大大舊，仲有煎到好香口。不過可惜漢堡既麵包有少少偏硬，如果軟熟D就可以夾返鵝肝既口感。薯條係我鐘意個款，唔會炸得太乾身，表面既鹽份量亦都岩岩好。💛香煎深海大蝦盲曹魚配龍蝦汁我最欣賞係呢個盲曹，份量超多，加上質感滑溜。配菜既份量同種類亦都好多，有煎香既茄子圓埋薯蓉，淨係食呢個主菜已經好夠食。💛是日餐湯配蒜香法包💛丸久小山園抹茶 Latte…Read More

觀塘工廈有好多隱世美食，今次食新開既牛霸王，主打手打牛肉漢堡飯。手打牛肉漢堡有兩款的選擇，一款是安格斯，另一款係和牛。每款手打牛肉漢堡飯，都配有靚靚既蘭王蛋，另外可以自選醬汁同埋配料。🍛招牌手打和牛漢堡蘭王蛋飯和牛漢堡肉質鮮嫩，入口即化，肉汁豐盈，濃郁的肉香🍛手打芝士安格斯漢堡蘭王蛋飯安格斯漢堡充滿豐富的肉香，肉質彈多汁，加上入面有芝士，口感豐富❄️冬季限定日式大根沙津每條大根都晶瑩剔透，一絲絲既大根好似花瓣咁靚。大根非常爽口，無苦澀感。沙津上面有蔥花同埋木魚絲，另外配上芝麻醬同埋炸蒜粒，配料都好夾大根，忍唔住係咁食🥟雞皮餃子🐔外皮煎到好香脆，入面既餡料充滿雞油嘅香味，啖啖肉好滿足🍵白桃烏龍茶白桃加埋烏龍茶既清香，岩岩好平衡返食牛肉漢堡排既油香…Read More

估唔到大圍既小街開左間高質既日式小店，入面既氣氛好似日式居酒屋，岩哂同朋友飲吓酒放鬆吓黑松露鯛魚刺身鯛魚片切得夠晒薄身，肉質彈牙爽口。排列得咁靚好似朵花咁，光澤仲閃閃發亮，證明魚肉夠新鮮。黑松露嘅香氣同鯛魚本身嘅鮮甜味好夾，唔會蓋過魚生嘅細膩口感。日本生蠔（岩船町）岩船町出產嘅生蠔一向以味道濃郁同質素穩定出名，呢兩隻真係冇令人失望。肉質肥美飽滿，咸中帶鮮，慢慢散發出淡淡甜味，仲帶少少奶香，非常有層次！沖繩苦瓜黑豚肉沖繩苦瓜出名唔苦，加埋黑豚肉嘅鮮嫩肉質完美結合，帶出一種獨特嘅風味。苦瓜炒得岩岩好，唔會過於軟爛，再加上啲蛋碎同鰹魚片，令整體口感更加豐富，好岩配埋白飯食。汁煮牛舌牛舌煮得軟腍入味，肉質滑順，咬落去真係好滿足。醬汁好有薑嘅香味，可以辟走牛舌嘅臊味，又可以暖身☺️好啱冬天食牛肉稻庭烏冬稻庭烏冬嘅麵條滑順有嚼勁，配上嫩滑嘅牛肉片，湯底清淡卻夠味，帶出牛肉嘅鮮香。…Read More

原來荃灣廣場地庫都有好多餐廳，同屋企人行完街落地庫搵野食，見到呢間既pizza 套餐好似都幾抵食。入到舖頭，見到餐廳嘅用色都係大膽鮮艷嘅顏色，好啱打卡pizza 套餐：10吋厚批pizza餐湯配蒜蓉包特色沙律主食一份兩杯飲品⭐️泰式柚子墨魚仔沙律柚子清新酸甜，墨魚軟嫩帶海鮮鮮味，豐富口感，加埋香辣既泰式調料，好開胃👍👍⭐️龍蝦湯配蒜蓉包龍蝦湯頭濃郁香醇，龍蝦肉質鮮甜彈牙，香料恰到好處，配上蒜味濃郁嘅蒜蓉包，口感同埋味道都一流⭐️秘製北京填鴨薄餅呢個薄餅係招牌推介，薄餅酥脆可口，濃郁嘅煙鴨胸配上芝士同北京填鴨醬，薄餅上面加上脆爽的香蔥，大大提升整個薄餅嘅味道，充分體驗中西合璧的飲食文化，令人回味無窮⭐️香煎澳洲安格斯肉眼扒配薯菜呢個安格斯肉眼扒賣相吸引，色彩鮮艷豐富，肉眼扒肉味濃郁，啱晒鍾意食肉嘅食肉獸。薯菜特別值得一讚，薯蓉滑溜香口，有濃郁嘅忌廉香味，蔬菜都係特別有烤焗過⭐️荔枝玫瑰果肉芝士奶蓋荔枝玫瑰的清新與芝士奶蓋的醇厚融合，產生了獨特的甜香氣息，果肉的細緻口感與奶蓋的絲滑質地相得益彰，口感豐富⭐️ 水果乾洛神花茶洛神花茶散發出一股怡人的花香，帶有淡淡的玫瑰味道…Read More

好耐無去樓上cafe, 朋友想搵個地方chill 下，行過金雞廣場見到呢個Station 3 樓上cafe, 入面環境舒適，大大張梳化，岩哂成班friend 玩board game🌼煙三文魚忌廉蕃茄醬扁意粉意粉上面有好多塊煙三文魚，煙三文魚有濃濃既煙燻味，同忌廉，蕃茄醬的奶油香味和酸甜味好夾🌼黑松露帶子鮮菌燴意大利飯呢個意大利燴飯味道濃郁，意大利飯質地綿軟，吸收哂忌廉汁，加上帶子同埋雜菌，口感豐富🌼蜜糖雞翼雞翼大大隻，面頭有甜甜既蜜糖，入面雞肉充滿香草既香味🌼花茶系列食完呢兩款味道濃郁既主菜，岩哂飲返杯花茶解一解油膩感，我地叫左可人兒花茶同埋小天使花茶可人兒花茶有洋甘菊，歐薄荷，杞子，桂圓肉，可以幫助改善失眠，養肝明目小天使花茶有薰衣草，玫瑰花，茉莉花等等，可以幫安定情緒，舒解憂鬱🌼法國朱古力蛋糕&紐約芝士蛋糕朱古力蛋糕既朱古力味濃郁，加埋朱古力海錦蛋糕，口感軟綿。至於紐約芝士蛋糕就係另一種口感，芝士蛋糕口感紮實，濃濃既芝士味…Read More

大角咀不嬲有好多隠世餐廳，今次朋友帶我黎呢間高質既西餐廳，一入餐廳就見到好大既酒櫃，紅酒白酒清酒啤酒樣樣齊😍岩哂收工後品嘗美酒chill 下🔶避風塘香辣雞軟骨估唔到西餐廳都可以做到咁有鑊氣既避風塘風味，雞軟骨炸到好鬆脆，加上香口既炸蒜，好岩做佐酒小食/餐前小食🔶香煎法國鵝肝配香檳啫喱鵝肝擺盤好靚，新鮮嘅食用花加上柑橘，色彩繽紛。呢個法式鵝肝最特別既地方，配上中式傳統嘅白糖糕，白糖糕口感煙靭，加上鵝肝軟滑嘅口感，增加層次。另外，仲有配埋香檳味既啫喱，酸酸甜甜既味道可以解鵝肝既油膩。🔶美式BBQ醬豬肋骨豬肋骨的肉質酥軟又多汁，好容易就可以砌開豬肉同埋骨頭。豬肋骨既BBQ 醬燒烤味濃郁，加上甜味和微辣香味，令豬肋骨的味道更加豐富。🔶法式朱古力心太軟心太軟入面既朱古力軟滑，甜度岩岩好，加上香滑既雲呢拿雪糕，一冷一熱口感令人好滿足…Read More

去睇完Rugby 7之後，順便搵下港島區有咩好食，見到灣仔有間東南亞菜，天氣熱熱地岩哂喇😋原來間餐廳有三層，空間好足夠，都坐得好舒服。呢度主打泰國丶越南同埋星加坡菜，燒烤丶咖哩丶海鮮樣樣有😍🥗泰式柚子蝦沙律呢個沙律好開胃，柚子好甜，一點都無苦澀味，蝦又好彈牙。調味岩岩好，叫小辣唔會太辣，食到每樣食材原有既味道🥜串燒沙爹 (豬，牛，雞）沙爹醬係自家磨製，有粒粒既花生粒，食落口超級香，又唔會過咸遮蓋串燒既香味🍗越式燒春雞釀香茅黃飯入邊嘅香茅薑黃飯好香，感覺唔油膩，春雞既肉都好嫩滑。呢個飯仲有附上菜苗沙津，可以清新一下口腔🥭芒果雪糕糯米飯原本以為呢個甜品係好大個糯米飯，點知係咁精緻嘅甜品。暖暖既糯米飯做底，淋上椰汁，加上新鮮既椰子肉同芒果果肉，仲有冰凍既芒果雪糕，成個組合加埋一齊係完美😋估唔到泰式甜品都有呢種冰火❄️🔥融合嘅感覺😂…Read More

Happy friday 朋友約我去裕民坊食飯，原來新開左Plato Cafe & Bistro 既分店，之前係其他分店都食過，印象中性價比都唔錯我地叫左一個dinner set, 另外再加一份漢堡同埋小食⭐️Dinner set: 忌廉薯仔湯+ 德國脆皮咸豬手配酸菜+雜莓奶昔脆皮咸豬手值得一試👍👍每一塊既外皮都好脆口，加上已經切好哂，同朋友一齊share 好方便🍔軟殼蟹🧀芝士牛肉漢堡呢個漢堡都好高質，漢堡包兩面都有塗上牛油焗，令到個包本身已經好香。牛肉漢堡扒好juicy, 煎得岩岩好🍯蜜糖柚子雞翼雞翼上面淋上蜜糖柚子汁好開胃，但係估唔到淋左醬汁之後，雞翼仍然保留到香脆既口感呢間Plato Cafe & Bistro 既食物質素都好好，加上係餐廳望出去既景係空中花園，好岩拍拖或者同朋友聚會…Read More

參觀完故宮博物館肚仔餓，發現博物館G/F 個層都有特色餐廳，呢間下江南環境舒服，落地大玻璃望住海景食飯。餐廳主打宮廷美食，乾隆皇帝同埋慈禧太后愛吃既宮廷點心都有😋帶俾人有沈浸式既博物館體驗。⭐️下江南套餐：(冷菜）花雕醉雞 & 醉鮮鮑醉雞同醉鮑魚各有特色，醉雞肉質嫩滑，又無骨，一啖一件好爽。醉鮑魚夠哂入味，仲好細心切哂薄片，好易入口(主食）火薰玉蓮鴨子麵原來鴨肉係清朝帝皇菜餚中常有既菜式，呢款火薰玉蓮鴨子麵，鴨肉入口即溶咁，仲有好香既煙燻同埋滷水香味(中國茗茶）苿莉花茶苿莉花茶味道清甜，岩哂飯後飲，職員好好會幫手加水，第二泡既味道依然清香⭐️小籠包小籠包新鮮熱辣出爐，肉汁飽滿，包皮厚薄適中⭐️驢打滾驢打滾是慈禧最愛既點心之一，豆沙包係糯米粉製成既軟皮之中，好似麻薯咁煙煙韌韌。表面撒上既黃豆粉，好似京城郊外驢仔打滾時揚起既黃土咁⭐️棗泥麻餅棗泥麻餅係乾隆下江南既時候發現的民間點心，表面鋪滿芝麻，口感鬆脆，加埋入邊香甜嘅濃郁棗泥，啖啖滿足☺️⭐️桑寄生蛋茶桑寄生蛋茶飲落口好舒服，雞蛋大大隻，桑寄生嘅香甜味都入晒雞蛋度…Read More

最近發現尖沙咀韓國街轉入去漆咸圍個頭，新開左間日式精緻居酒屋，叫「円相」，店名好有意思，指有缺口既禪圈，欣賞不完美的美❤️學習活在當下。店舖既環境都好舒服，可以令客人忘憂，專心於享受美酒佳餚☺️居酒屋當然酒是重點，提供各種手工啤酒🍻，另外有多款日本酒供應🍶，drink memu 都有詳細介紹每款酒既特色，店員都樂意詳細介紹呢，呢間居酒屋絕對岩哂鐘意飲酒既朋友仔😁👍就算唔飲酒，亦有其他特色非酒精飲品提供，我地叫左熱情果黃薑綠茶菌既發酵茶，有豐富既益生菌，味道清新，又唔會好甜。除左飲品之外，食物都有多款選擇，前菜，炸物，串燒，一品料理，燒物等等。我地叫左既食物有：⭐️鮟鱇魚肝呢個前菜鮟鱇魚肝好開胃，魚肝質感幼滑，香味愈食愈出⭐️唐揚甜蝦第一次食炸既甜蝦，估唔到每隻甜蝦都幾大隻，連埋蝦頭一齊炸，保留蝦既香味，呢個炸物好岩送酒👍⭐️蔥花牛肋肉串&蒜香厚切牛舌芯串牛肋肉串燒到外脆內軟，好正☺️至於牛舌雖然係厚切，但係好軟熟呢⭐️火灸明太子蓉山藥煎呢款山藥煎改變我對山藥既觀念，估唔到明太子配上山藥可以咁夾，明太子既咸香令到成個山藥煎都好易入口⭐️夏祭之円相的柚雞 呢個炸雞都係必食推介，肉質鮮嫩多汁，加上最近特別推出既柚子醬汁，清新又唔油膩⭐️明太子燒飯團燒飯團🍙口感煙韌，飯團上既醬油份量適中，唔會搶走明太子既香氣…Read More

今次係第二次去Boholic, 估唔到店入面既裝修已經唔同左😍由之前熱帶雨林feel 轉左波希米亞風，超適合同閏蜜黎打卡📸我地今次叫左個set dinner for two, 份量好足夠👍三個女生食都得😋Set dinner for two ($628):⭐️Boholic 小食拼盤 (+$20)⭐️手拆蟹肉蟹膏撻⭐️是日餐湯x2⭐️鹽燒琵琶蝦辣蕃茄全蛋闊麵⭐️香煎紐西蘭特級穀飼牛西冷配黑椒汁 (+$20)⭐️Boholic 小食拼盤 小食拼盤有雞翼，鳳尾蝦同埋魷魚鬚，每款都炸得好香脆，但又唔會油膩⭐️手拆蟹肉蟹膏撻呢款開胃頭盤一流，蟹肉蟹膏既鹹香加埋三文魚籽令人好開胃☺️⭐️鹽燒琵琶蝦辣蕃茄全蛋闊麵呢款全蛋闊麵顏色金黃色靚，加埋辣蕃茄汁好滋味😋琵琶蝦肉彈牙，一人一件唔洗爭😁⭐️香煎紐西蘭特級穀飼牛西冷配黑椒汁西冷size好大件，岩哂我地兩個食肉獸。我地叫左5成熟，岩岩好👍成個擺盤都好靚，岩哂打卡☺️我地另外叫左兩杯飲品：❄️ Grapefruit Summer ($50)♨️ 蜂蜜洛神花茶 ($35)…Read More

星期日同朋友出去尖沙咀K11 行街街，轉角見到呢間好有叢林feel 既cafe, 就去試試。Cafe 有半露天同埋室內既位, 半露天位置有好多植物包圍住，好似去左渡假咁。至於室內既位置就係行黑白型格風，仲有落地玻璃，成個感覺好chill☺️⭐️冬陰公墨魚麵配炸大蝦 $78冬陰公x 墨魚汁意大利麵既組合好正，冬陰公夠香口，岩哂炎炎夏日☀️好開胃，平時食到少少辣既我覺得辣度岩岩好，唔會太辣。大蝦數量都幾多，有三隻，同埋炸得唔油膩⭐️煙三文魚薄餅 $88呢個薄餅係薄既餅底，脆卜卜，薄餅上面既煙三文魚都好足料，每塊都有三文魚⭐️Latte with oat milk (set drink +$15)平時少見用oat milk 既拉花咁靚仔，通常都係會走哂樣。呢間oat milk既拉花好挺身，值得一讚👍⭐️Apple juice $48呢間cafe 連蘋果汁都可以打卡😍加埋小花花好精緻呢！…Read More

已經第二次黎呢間鐵板燒，質素仍然咁高，可能係日本人職人精神既關係👍我地叫左關東煮，鰻魚玉子燒，炒烏冬，免治雞肉燒，廣島蠔御好燒。今次最驚喜既係牛肉，入口即溶，每一舊都保留到新鮮肉汁，忍唔住又要encore多份😋…Read More