象仔家族的个人专页

是日星期日，以為一定好多人排隊，但比我想像中快。餐廳環境非常舒適，就算我坐高枱亦都唔會覺得不自在感自在。依到都係用QR Code落單，都user friendly。蜂蜜青蘋果西芹汁 / 黑咖啡水果汁好好飮，飲得出係新鮮榨，好清爽，蜂蜜就重手左少少，甜左少許。黑咖啡就正常發揮。All day Breakfast其實同平時果d all day breakfast 差唔多，但個黑松露腸真係好好食，好香。魚就好少用到食款魚，通常都係炸魚柳，可以份量多少少。雞扒漢堡雞扒超厚，咁厚身都可煎到雞肉嫩滑真係唔容易，依方面非常出色，另外個人覺得雞扒調味方面可以再重d，漢堡飽軟淋，好食。薯條亦都炸得香脆。焦糖蛋糕非常好食，唔太甜又唔溜，面一層焦糖，再一層雞蛋布甸，再加了一層薄脆，底就係多糕，真係絕配。環境舒服，一家大細同朋友聚會既好地方。…查看更多

去到九龍城，唔食返餐泰國野好似對唔住自己咁，本身有一間食開，但發現最近幾次食物水準下降，所以就去openrice發掘下其他新餐廳。今次就揀左泰仔美食，見門口都好多人排隊，應該ok掛。雖然人多，但因為佢地有限時，用餐時間80分鐘，所以我地好快就可以入座。因為好肚餓，一坐低即刻叫野食。煎蠔餅非常香脆，味道對版，勁多蠔仔，勁大大隻而且非常飽滿。泰式咖哩雞肉係我地最鐘意果種泰式咖哩汁既味道，應該係用咖哩粉炒香，加左d花奶，再加蛋漿，好好味。雞係用雞胸位，但一d都唔鞋口，配料洋蔥、紅椒亦非常香口泰式牛肉炒飯飯炒得非常乾身，開頭以為牛肉，係一串果d燒烤牛肉，原來係肥牛粒，但牛量都多，香口既，加埋三色豆一齊炒（我平時唔食青豆，但因為整個飯炒得好香口，所以連埋一齊爬埋入口）。仲叫左杯芒果沙冰，芒果味唔夠出，但都可以接受既。整體食物美味，性價比非常高，雖然人多，但每一位客人都照顧周到，我跌咗隻筷子落地下，佢一聽到啲筷子聲，即刻幫我執起，然後拎個對新嘅筷子俾我，服務非常好，所以一定有回頭。　…查看更多

每次黎到Grand Hyatt steak house, 真係有賓至如歸感覺，一出lift 就對住reception，即刻招待，好快帶我地入座，之後即刻有同事再招呼，問想要咩飲品咁。Order食物時，我地問既問題都有問必答，而且非常清晰，比我地既感覺係好熟悉食物既品質，烹調方式，非常好。蒜蓉包先送上signature既蒜蓉包，真係熱辣辣，勁香蒜味，唔夠可以向佢地encore，佢地非常樂意附上。薯條配黑松露醬又係每次黎都忍唔住order，真係炸得好好，好香脆又唔油，又唔乾硬，就算凍左都保持香脆，做到依一點真係唔容易，油溫控制非常重要，薯條面加左parmesan cheese同埋新鮮香草，真係好香，另外，黑松露醬又係令到薯條生息不少，真係好好食。黃鰭吞拿魚牛油果他他又係每次黎都必叫，吞拿魚非常新鮮，冇腥味，加埋紅椒粒，法國蔥粒，牛油果，醬汁有橄欖油帶點甜豉油味道，撈埋真係好好食，加埋檸檬汁，令味道更上一個層次。期間，又會問我地對食物有冇咩意見，比好多advice我地，好親切。另外我叫左壺熱水，不時幫我斟水，又加水，搞到我都唔好意思飲咁多水，服務實在太貼心啦。…查看更多

個幾月冇去幫襯，今日襯有時間，快快去。好立克/齋咖(大杯)好立克甜度岩岩好，唔會話落得太多沖劑粉而渴喉。咖啡都係一貫茶餐廳風味，大大杯好抵飲。雞扒三文治(烘底)雞扒用少少五香粉醃過，唔會太搶味，肉質鮮嫩，炸得非常香脆，加上搽左少少蛋黃醬食落唔會覺得好乾身，做得非常出色。西多士西多士炸得外脆內軟，加埋牛油練奶真係下午茶首選，同埋咁切法，件件都係邊，唔駛爭。菜肉雲吞生麵菜肉雲吞餡料勁足料，菜多豬肉肥瘦適中，醃嘅味道都啱啱好，生麵就鹼水味重d，但都好爽口，可以下次叫淨餃或者其他麵種。誠記總係隔個幾星期就心思思想去幫襯嘅茶檔，無論食物出品、服務、一事一物都盛載住人情味。…查看更多

星期六中午經過竟然唔駛等位，梗係入去食啦。仲可以揀位坐，揀左高枱唔駛同人搭枱，因疫情已習慣唔搭枱，同埋如枱與枱之間距離太近都盡量避免去果間食肆。高枱隔離就係廚房，可以睇住整甜品真係一種樂趣。kimono Yuzu Soda / Americano柚子梳打好飲，唔太甜又夠柚子味。咖啡保持水準，唔錯。Okonomiyaki Fries蕃薯條熱辣辣，外脆內軟，蕃薯好甜，加埋蛋黃醬、日式燒汁同埋木魚絲真係食唔停口Ma La Chicken & Waffles雞炸得非常香脆，肉都嫩滑，花椒後非常香口，麻椒味十足。Waffle 好香牛油味，如果可以脆d會更加好。兩樣野夾埋一齊食再埋蔥油，食落好似食緊油雞飯咁Egg Sandwich麵包非常軟淋，牛油果夾埋車打芝士炒蛋何蘭醬係好食既。本來order左個Sourdough Egg Tart, 好彩唔記得落單，因為已經飽到反艇😅。…查看更多

海洋公園好耐冇去，同埋有兩張免費飛，去玩去顛去ocean park啦。出發前都諗住食冰極餐廳，同埋以為平日冇咩人唔駛點等位，點知去到要等成80幾張枱，好彩隔離有企鵝館同埋其他館睇，睇住等，不過都算快，等左半個鐘就有位。我地叫左一個set同埋另外叫埋一個意粉同小食，份量好大份，應該咁講係同收費成正比。忌廉磨菇湯(Set)好濃磨菇味，好creamy，好飲。黑松露沙律配煙三文魚(Set)煙三文魚味道唔錯，沙律新鮮。燒加拿大豬胺(Set)豬胺好厚，肉質濕潤，簡單調味已經好好食。蘋果金寶(Set)好香肉桂味，唔太甜，好食。餐飲(Set)即磨咖啡唔錯，味道香濃。忌廉帶子意大利(一人份)帶子用牛油煎得香脆，岩岩好熟，所以肉質嫩滑多汁，意粉彈牙，忌廉汁香濃，好好食炸咖哩椰菜花薯餅炸得香脆，原來咖哩、椰菜花、薯蓉三樣一齊咁夾，咖哩味好香，但唔辣，唔錯。餐碟都印有企鵝🐧公仔，甜品更加有企鵝朱古力擺盤，見到真係開心既。…查看更多

早兩星期已訂定位7月1日加拿大國慶同老爺奶奶飲茶。可能因假期關係，分兩場時段，我地就訂左11:00時段。去到夏宮時，枱已準備好即刻可入座。燒腩仔次次都會叫，真係好好食，皮超脆，肉淋多汁，水準之作。鮮蝦春卷炸得香脆唔油膩，蝦肉非常彈牙。腐皮卷甘荀絲冬菇絲等餡料好夠味，腐皮炸得香脆唔會因為餡料獻汁而變軟淋。鮮蝦燒賣帶子鮮甜，蝦亦非常彈牙，味道唔錯。春風得意腸腸粉皮薄滑，包住炸脆彈牙蝦卷，好食。油鹽水金銀蒜炸豆腐豆腐本身應該用油鹽水浸過再炸，已經好夠味，加埋炸蒜，令豆腐生息不少。蜂巢紅棗糕唔太甜，好夠紅棗味。食物保持水準，服務更加唔駛講，做足五星級酒店應有服務態度👍🏻👍🏻👍🏻。…查看更多

要落CWB拎件，近近地去牧羊少年食個lunch,順便行下Sogo感謝察。係屋企遙距拎定飛，去到岩岩好有位✌️牛油果香芒烤雞沙律配胡麻醬羅馬沙律菜非常新鮮、爽口。牛油果熟度岩岩好，車厘茄、芒果都好甜，雞烤得入味，加埋胡麻醬撈埋一齊食，可以食唔停口，份量好大但一個人KO一碟完全冇難度。厚切芝士雞扒蕃茄沙律菜漢堡包配酸忌廉炸番薯條雞扒非常厚，包好軟熟，係我鐘意既包款，包入面醬汁岩岩好，食既時候唔會流到成手都係汁。蕃薯條炸得香脆內軟，好香蕃薯味。份量又係好大，食半個都好飽。Weekend lunch menu 都成日轉款，所以次次都可以試新野。…查看更多

知道依間小館存在好耐，亦都知道排隊起跳個半鐘以上，所以唔會期望會有機會食到。是日星期六，誰不知，1:45經過門口，見到冇咩人，即刻襟張飛，要等9張枱，於是周圍行下再行返去，2:15可以入座，冇期望得到嘅快樂係特別開心。一坐低侍應提我地快d落單，咁難得食到，緊係盡叫盡食啦。酥炸芋角炸得香脆，芋蓉五香粉唔太重手，虾米豬肉餡好夠味甜梅菜叉燒腸腸粉皮薄滑溜，梅菜味突出，叉燒大大粒，好足料鮮豬膶燒賣豬膶新鮮粉嫩，冇腥味，肉丸有冬菇粒，味道不錯金銀蛋莧菜餃餡料塞滿了整個餃，好似食緊一碟金銀蛋炒莧菜咁，味道相當豐富干蒸牛肉牛肉彈牙，加埋少少芫茜，正常水準流淚流沙包見到點心紙張圖（加油）字樣，真係即刻「見字下單」，見到實物，成個人精神晒。講返味道先，皮薄，內𥚃非常流心，唔太甜，奶皇味好夠👍🏻米芝連第一叉燒依度係半份，共5件，每件都非常厚切，肉質非常軟淋，醃料味道適中，蜜糖甜度剛剛好，果然名不虛傳因為太遲入座關係，好多點心都已經賣晒，下次一定要試莎翁、椒鹽九肚魚、煎糯米雞、仲有仲有...................下次再為大家報告…查看更多

跑馬地茶餐廳/冰室都有好幾間，但好食既只限一兩間，今日下晝就揀左去牛奶冰室。冰室位置係馬場對面，雖然睇唔到草地，但見到好多樹，感覺好舒服。Order食物係scan QR code嘅，但如果有特別要求可以同侍應講，佢會幫你同廚房講，但太部份要求例如少甜、少冰、檸檬茶多酸、少酸都可以係電話落單時可以揀，都幾方便。全日常餐： 生滾牛肉湯通粉、牛奶炒滑蛋、蒜蓉多士 、熱檸水 $56先黎牛奶炒滑蛋、蒜蓉多士，蛋炒得好香好滑，蒜蓉多士又烘得好香，夾埋滑蛋一齊食真係一流。跟住再黎生滾牛肉湯通粉，先飲啖湯先，原來係薑味湯仲有d薑絲添，薑味岩岩好，好好味😋牛肉係鮮牛，好淋好食。通粉煮既時間岩岩好，唔會過淋👍🏻。最後後埋杯熱檸水，佢地係用檸檬汁，所以唔需要自己篤檸檬，仲可以要求檸檬汁份量，非常好。對面咁舒服嘅境，食物質素又咁好，真係令人心情都舒暢d。…查看更多

去太古shopping, 食Banchan & Cook 一定係我哋既不二之選。店舖位置係商場開放式位置，十分開揚，枱之間隔距亦寬濶，用餐感到十分舒適。燉牛肋骨蛋包飯 $142賣相好靚，牛肋骨肉軟淋，醬汁香甜濃，非常入味。蛋火候煎得十分有水準，切開蛋時保持流心效果，香滑。部隊鍋拉麵 $98韓國午餐肉、香腸、茄汁豆、芝士、年糕、韓國辣醬加埋韓國煮麵必用既煲，真係好有風味。韓式辣炒年糕 $89餃子炸得非常香口，加上韓國傳統既粉絲餡，不會太滯，不錯不錯。年糕非常煙韌，辣醬味道迎合返香港人既口味，不會太辣，韓國魚糕同年糕混合一齊食。👍🏻甜辣併蜜糖無骨炸雞 $208炸雞非常香脆，肉質嫩滑有肉汁。甜辣醬非常野味，甜辣比例調教十分恰當，而蜜糖醬口味亦非常順喉，唔會有漿住喉嚨既感覺。炸年糕外脆內煙韌，好有咬口。仲有炸脆左嘅薯條墊底，吸晒d醬汁，非常好味👍🏻食飽飽就開開心心回家去😊😊…查看更多

紅磡素年一向係我嘅素食飯堂，今次第一次去荃灣friends，係素年旗下餐廳，果然食物質數保持一貫水準👍🏻穿過大街小巷，Cafe正正就係學校對出藍球場。一入到Cafe，感覺好舒服😌，裝修簡約鮮明，比人有好大既空間感。Menu中英對照，十分貼心日式咖喱吉烈豬扒意大利飯👍🏻$108熟悉既日式咖喱汁配上意大利飯，原來可以咁夾。日式咖喱汁味道香濃，應該係日式咖喱中既甘口味，小朋友都啱食，而配料亦都不容忽視，車厘茄、蘆筍、雞脾菇可中和咖喱濃膩感。吉烈豬扒（新豬肉）炸得非常香脆，完全無油膩感，而內𥚃非常Juicy，配上蘋果片食真係絶配。紅菜頭鷹嘴豆泥扒漢堡包配蕃薯條👍🏻$108紅菜頭加鷹嘴豆泥做漢堡扒、加上牛油果蓉🥑、生菜、蘋果片，感覺非常清新又健康，簡直係superfood，包亦鬆軟，食晒成個漢堡包都唔會有罪惡感。蕃薯條炸得非常外脆內軟，食到每一條入面都有蕃薯蓉，真係食到停唔到口。每個午餐都包一杯飲品，今次揀左玄米茶/咖啡總結：環境舒適，食物高質，服務有禮。…查看更多

上次去完阿元來了之後，去咗附近街行左一陣，發現開咗好多餐廳，例如：美國菜、泰國菜、日本菜、法國菜等，而令我最深刻印象的正是我現在要推介嘅食店。知道今日要去澳門做嘢，要成七點左右先返到香港，所以一早已經約定老公今日要去食韓國炸雞開心下。我哋去到大約7:45到，店內已經坐滿食客，大概等左15分鐘就可以入座。店內面積不是太大，可容納大約30名食客，其中有靠窗的吧枱位置，一邊吃炸雞，一邊飲啤酒看看街上行人與事物，都是一種樂趣。炸雞種類大概分好幾種：雞翼、雞塊、雞鎚及雞件（帶骨）。而醬汁就有醬油、甜辣、原味辣汁、白汁及BBQ汁，又可以Combo Set（即係兩種味道各半）。見到其他食客枱上的雞份糧頗大，所以我地叫左一個Combo Set & 蛋卷。葱絲炸雞 (Combo Set - 甜辣醬 & 原味辣醬）： 一拎到黎大大碟，雞塊份糧頗多、另外還有兩隻炸餃子及炸年糕。先講雞塊，炸得恰到好處，外層香脆，雞肉頗滑有肉汁。雞塊應該沒有特別醃製，沾上粉漿就落鑊炸。驟眼望落，兩隻醬汁顔色一様，好難分辨是哪一種醬汁，但一食便知龍與鳳。原味辣醬感覺似平時係買到一盒盒既韓式辣醬，比甜辣醬既辣度較高，加埋生既香蔥把辣度升級，配埋碑酒，真係要播番套「來自星星的你」。而甜辣醬，少辣帶甜，兩種醬汁都非常野味，不自覺地一舊一舊咁放入口。炸餃子餡料是廣東口味，炸韓國年糕炸得煙靱，沾上醬汁吃，又是另一種風味芝士蛋卷：熱辣辣既蛋卷，包著熱溶既芝士，食起來不溜，加上茄汁、沙律醬令蛋卷的味道提升。自家製Lemonade: 有柚子係底，味道不太甜，不錯不錯。此店有跟食物速遞公司合作，進餐期間見很多外賣速遞一袋二袋咁拎走。總結的就是，如只吃一盤炸雞，二人是可以清碟，但叫其他食物，真係投降。下次叫埋朋友一齊再試醬油味、BBQ味炸雞及紫菜飯波。…查看更多

朋友call Dinner又係港島區，梗係去聚一聚啦，友人話未食過此店，就去試下啦，5個人叫左卡邦尼意粉：同平時食既味道有點不同，平時重奶油味，而依度重蛋黃味，味道不慣，有點怪怪的巴馬火腿芝士Pizza:依個做得不錯, 幾好味, 原來咁既配搭係幾襯架喎👍🏻蜆肉炒意粉：冇咩特別燒黑毛豬頸肉：好鞋呀，份量又少，配菜比主菜好大蝦意粉：麵好靭整體來說：份量少，如意粉每碟每人只有一口仔份量。又太重味，每一碟麵都好靭。一d都唔飽，又唔好味，絕對冇下次。…查看更多

同事想食燒鵝瀨，我倆不用說就自動自覺行去陳記叉燒燒鵝飯、例湯（$58）：叮囑半肥瘦叉，都唔係既，好鞋同瘦，燒鵝比左鵝脾我，但我懷疑唔係同一隻黎，一舊脆皮，一舊皮似擺左好耐，皮靭既。今日失準了。…查看更多