牧羊少年與他的浮萍

是日星期日，以為一定好多人排隊，但比我想像中快。餐廳環境非常舒適，就算我坐高枱亦都唔會覺得不自在感自在。依到都係用QR Code落單，都user friendly。


蜂蜜青蘋果西芹汁 / 黑咖啡
水果汁好好飮，飲得出係新鮮榨，好清爽，蜂蜜就重手左少少，甜左少許。黑咖啡就正常發揮。

All day Breakfast
其實同平時果d all day breakfast 差唔多，但個黑松露腸真係好好食，好香。魚就好少用到食款魚，通常都係炸魚柳，可以份量多少少。

雞扒漢堡
雞扒超厚，咁厚身都可煎到雞肉嫩滑真係唔容易，依方面非常出色，另外個人覺得雞扒調味方面可以再重d，漢堡飽軟淋，好食。薯條亦都炸得香脆。

焦糖蛋糕
非常好食，唔太甜又唔溜，面一層焦糖，再一層雞蛋布甸，再加了一層薄脆，底就係多糕，真係絕配。

環境舒服，一家大細同朋友聚會既好地方。