goodfoodgoodmood的个人专页

近期比較多人推介令到我都即刻要去試雖然餐廳食物質素好好, 不論食物或飲品都好打卡, 但始終好多媒介傳播, Too much expectation有時都唔係咁好😅點餐如下:🧇sea shells waffle🥪cream cheese & garlic bun with spring onion🍝eggy carbonara🍹pineapple fruiticano🍹passion fruit sparkling ade個個都大推嘅香葱蒜蓉忌廉芝士包係好食嘅, 可能之前試過一款韓版急凍, 亦都試過其他麵包店嘅味道, 對我嚟講唔算太大驚喜🤣窩夫好厚實以貝殼嘅形狀攞碟, carbonara pasta好煙韌, 亦都大推Booking: walkin, 永遠都係早起的鳥兒有蟲吃, 免得排隊…查看更多

店舖以白色風格配韓系傢俬同擺設, 一半用作紋身, 另一半以Cafe為主, 打卡性十足, 飲品同蛋糕水準都好好☕️Lotus Bisoff Latte $48☕️Einspanner $48🍰Tiramisu $45🍰Matcha Roll cake $45咖啡嘅外型擺碟都好值得打卡, 面頭放咗一層cream飲上去好soft, 值得一提佢哋用嘅冰模係圓型, 同一向正方形狀唔同, 韓系感覺再大大提升cafe部份位置真的很少, 為免排隊就要早啲去, 因為有一半係紋身地方, 所以cafe位置係全部都係安靜區域Booking: walkin…查看更多

餐廳座落於佐敦日系新樓盤本木一層, 擁有落地大玻璃貫穿日系風格到達餐廳嘅時候已經係夜晚八點後, 菜單上面一半食物或飲品已售罄, 如果唔想乜都冇晒就建議早啲去點餐如下:🍽啤酒煮大蜆 $118啤酒嘅味道好濃, 湯底亦都加咗黑椒, 飲落去嗰陣時會辣辣地, 蜆肉嘅數量好多, 大部份都完整喺蜆殼入面🍽一堆串燒 $38-48/串燒和牛西冷安格斯牛舌心 十勝豚肉芝士蕃茄 金鑽鳳梨免治雞肉棒串燒都不過不失, 燒牛肉能夠鎖住肉汁, 肉味香, 免治雞肉棒亦都附上日本蛋汁, 比較香滑🍽燒飯團茶漬飯 $32飯團燒得好脆, 茶漬湯底亦都好夠味, 唯一美中不足係要自己撕開啲紫菜, 有啲唔方便下次應該會再去可以試吓個午餐定食, 叫想叫嘅飲品Booking: openrice…查看更多

PPALLI 빨리韓文嘅意思係: 快啲,其讀音82, 形成咗佢哋嘅logo, 亦都係今期係深水埗比較注目嘅餐廳當日去到餐廳嘅時間比較早, 菜單入面都有一啲菜式只係晚上供應點餐如下:🍽Gim taco $68紫菜包住炸雞生菜同青瓜絲, 係一口小食, 雞肉好有咬口, 配菜爽脆, 最好佐酒🍽kimbap $78相信紫菜飯卷應該好多人都食過, 但哩度嘅紫菜飯卷用嘅唔係飯而係蛋絲, 應該要叫做紫菜蛋卷先岩, 轉左蛋絲少左一啲油膩同飽肚感, 飯卷咬落都比較柔軟🍽Kimchi sando $78吉列雞肉配卷菜加韓式辣醬嘅三文治, 睇佢個名Kimchi以為係紅色嗰種泡菜, 點知原來係一啲小葱嘅配菜, 不過喺韓國來講都算係統稱一種泡菜, 麵包都整得好脆, 但係就要預咗入面嘅配料好多, 一口唔會食得晒嘅狼狽情況🤣另外仲點左杯人蔘tonic同flat white, 唔飲人蔘嘅我真係覺得好苦, 最有趣嘅係咖啡杯側邊印左個餐廳個標語, 杯底亦都有佢個logo, 唔飲到底都唔會發現Booking: walkin…查看更多

當然係有一大堆時代廣場嘅飲食優惠券, 見佢最近開咗一間新嘅餐廳就去咗試, 都係第一次食, 但原來間餐廳係港島同新界已有分店我地去到先搵位都等咗差唔多一個鐘, 用the gulu個app睇番叫到嘅編號就可以周圍行, 唔使企喺度等餐點如下:🍽特選宮崎和牛飯 $169一共有7塊和牛, 食得岀係和牛, 油脂分佈均勻, 入口即溶, 配醬油飯同小配菜, 醬油嘅分佈都適中, 係我哋點餐當中最好食🍽豚肉鰻魚雙拼飯 $138而我就唔建議點豚肉鰻魚, 豚肉比較韌, 且有點老, 鰻魚亦都太多骨, 整體比不上和牛飯🍽炸北海道八爪魚 $58八爪魚嘅味道香口而且新鮮, 可惜太過煙韌完全咬唔開, 都唔會建議食去到可以淨係食和牛, 會比較出色…查看更多

前一日whatsapp餐廳做訂位, 預先預留了2個套餐🍽半日朝食 $158素食嘅half day breakfast, 供應時間由9至11.30am, 整體普通, 可能因為無肉嘅關係,個人比較喜歡佢嘅炸腐皮同西蘭花薯餅, 薑黃炒蛋有啲似炒爛左嘅豆腐其餘以下供應時間由12點開始🍽手作冰花麻煩餃子定食 $128餃子比較黏, 切開時好難完整無缺, 落咗好多辣椒籽, 整體比較辣🍽火炙腐乳野菌味增飯團定食 $98個人認為最好食係飯團配季節小菜, 糖漬蕃茄同枝豆也不錯套餐會包普通飲品, 另加咗個檸檬咖啡冰梳打, 啲冰係用咗咖啡製造令到成杯飲品唔會變淡另外間餐廳有4款麵包訂購, 客人可以預先上網預留一星期後再到餐廳取貨Booking: whatsapp/online…查看更多

前一晚決定去西環, 搵左幾間餐廳, 最尾決定去Nggy & , 開門5分鐘已經排隊即刻walk in入去, 好彩早有得入, 但餐廳都建議上網訂枱一入到餐廳係地面嗰層Order食物再俾錢, 然後上上層揀位, 餐廳有2層, 樓下有bar枱, 樓上有大約20個座位, 因為只有一張四人枱, 而我哋得兩個人, 所以我地無選擇到坐榻榻米, 而坐左係一張2人梳化🍽米米朝食 三文魚茶漬飯配Wasabi青瓜, 昆布同生果, 三文魚煎出來比較香, 可惜茶嘅味道有點淡, 食落去冇乜味🍽月見浮雲親子丼 $118整體來講擺碟靚, 將蛋雞肉同醬油飯攪拌, 蛋香而且雞肉都好滑🍽日式橙香焦糖布丁 $58布丁係滑, 橙味唔太重🍽焙茶朱古力$58個杯好靚, 焙茶同朱古力味道亦都好夾，唔會過甜Booking: walk in/ online (suggested)…查看更多

去長洲玩，點會少得不停咁食食食。講起長洲，一定係諗起長洲大魚旦同芒果糯米糍。今次就介紹下長洲嘅芒果糯米糍。我每次去長洲，都會係去允升甜品嗰度。允升甜品唔止芒果糯米糍做得好，而且其他甜品都好好味，所以每次都會幫襯。熱辣辣嘅天氣最岩食啲凍嘅嘢，而我好鍾意芒果，所以我每次都會叫啲同芒果有關嘅嘢。芒果水晶(左上) $23，芒果凍奶(左下) $22:一睇就見到啲芒果隻色好深，姐係代表佢係好熟，好甜不在話，不過水晶同奶凍都好普通，都係為咗食個芒果甜品，如果要比較，芒果水晶似乎吸引啲，水晶咬落去又爽又冧，比奶凍特別。芒果糯米糍:雖然啲皮好多粉，食果時會跌晒啲粉，又會整到周圍都係，但係個皮好煙靭，厚薄啱啱好，但係又唔會黐牙，包住個大大舊嘅芒果，一咬落去好juicy，啲汁都會咇出來，芒果亦都好甜。仲可以外賣返去，一盒可以4/6/8/12咁買，我每次都係買6個返去，通常6個入面有1-2舊係比較酸，但其他嘅都好甜。芒果糯米糍(黑糯米皮): 而黑糯米皮嘅芒果糯米糍亦都唔錯，食落去比嘅口感同普通嘅差唔多，煙靭程度多少少，黑糯米有小小出，但一啖咬落去芒果味係會較重，呢款亦都不失為好嘗試。下次去長洲又會食呢間，係點都唔會變嘅。…查看更多

熨斗燒烤嘅gimmick嘢吸引咗好多人去幫襯，我亦都唔例外，想睇下究竟熨斗燒烤又幾好玩又幾好食。熨烤達人位於旺角洗衣街，係旺角站行去旺角東站個條天橋跟住個牌話洗衣街就好行落去。餐廳6點先開，由於晚餐都幾多人去，所以我都係6點開個時就到，費事等位。餐廳嘅裝修都幾得意，座位唔多，大約11－12張檯。失望嘅係生菜無得免費添加，兩個人嘅臺蛋漿得一半，亦冇得免費添加。一坐已經擺咗3碟小食，kimchee，芝士同粟米，係比你自己放係啲蛋漿度，由於蛋漿太少，有啲失望。lychee cider：個人認為係餐廳最好味嘅嘢，lychee唔太甜，沙冰量啱啱好，又幼細，唔駛打爛啲冰就飲到啲碎冰，好解渴。雖然支7氣無嘢頂住，但都唔會跌。講下個兩隻醬，真係好差，完全無韓國嘅味道，一隻係豉油加芝麻，隻醬好普通，個人認為隻醬唔係幾適合韓燒，啱用來打邊爐多啲。另一隻係辣醬，辣醬好稀，好水，一睇就唔係韓國嘅辣椒醬，兩隻醬都唔好味。熨斗烤壓套餐：一開始覺得個套餐好吸引，成個餐都可以玩下個熨斗。呢個套餐有5樣，A）磚頭五花腩400g：其實同平時嘅五花腩無分別，不過就厚薄之分，厚厚嘅肉係熨斗壓落去之下可以令到個皮脆啲，亦都迫到啲油出來，都算ok。十分之下俾個8分。 8/10B）牛肩脾肉100g：好普通，不值一提。 5/10C）牛五花肉120g：亦都好普通，不值一提。5/10D）調味豬皮120g：個人認為豬皮幾好，韓式燒豬皮通常都好多骨膠原，而我唔係幾鍾意食豬皮，反而呢隻豬皮我幾鍾意，佢食落口唔會好多膠嗰隻味但係都有咬口。7/10E）M9霜降西冷80g：最差係呢個霜降西冷，講到好勁咁M9霜降西冷，咪又係普通牛柳粒，完全feel唔到同普通牛柳粒有咩唔同，入口一啲都唔融化。2/10本人建議都係散叫好過叫一set啦，呢個套餐質素麻麻。都係玩下個熨斗姐..因為個熨斗烤壓套餐太少，所以就叫咗個大園手攪飯。又係gimmick嘢，攪完將舊飯放係個雪糕筒度，又咸又甜，我食咗一啖就無食過雪糕筒淨係識啲飯。而且啲飯mayonnaise太多，令到隻味好奇怪，好啲嘅係有脆脆係入面，豐富咗個咬口感。餐廳整體黎講都係玩吓個熨斗，熨斗烤肉無疑係可以令到厚嘅肉外皮脆，但係餐廳肉嘅質素麻麻，醬汁又唔好味，feel唔到韓國嘅風味，令我覺得佢唔似韓燒。gimmick 呢啲嘢都係玩吓好啦。…查看更多

記得一開始，呢間餐廳排晒長龍，到依家已經冇乜人排隊，不過唔代表質素差。Sweet monster 位於朗豪坊嘅 i.t 前面，好易搵到。芝士焦糖爆谷雪糕：一睇就見到芝士同焦糖爆谷塞滿晒係個雪糕度，連中間都會有爆谷架，。雪糕同爆谷嘅比例係爆谷>雪糕，夠哂抵食，又唔會好齋唔夠爆谷，做到可以雪糕同爆谷一齊食。芝士焦糖爆谷雪糕可以一次過試晒兩隻爆谷嘅味道，淨係芝士會太鹹；淨係焦糖會太甜，一鹹一甜啱啱好，味道可以中和返。就算爆谷同雪糕一齊食，爆谷都唔會變軟，食到尾都仲係好脆身，雪糕亦都食到尾聲先開始溶，都幾捱得，芝士焦糖爆谷雪糕整體來講係不錯。另外，仲可以買佢嘅爆谷返屋企食，今次買咗朱古力味，個盒賣相好吸引好靚。盒入面又有個袋裝住，唔怕漏。朱古力爆谷：爆谷偏甜，但係有食上癮嘅傾向，好啱攞黎一路食一路去睇戲，朱古力味佈滿晒係個爆谷度，令到每粒爆谷都有味，亦唔會食食下係發現食咗粒未爆嘅爆谷，硬度咬唔開，食到尾就真係好甜，一早攞定嘢飲出嚟就差唔多。最啱就係買個爆谷去上面睇戲，好食過係上面買啦。…查看更多

相信好多人都聽過Running Man呢套韓國綜藝節目，係j2每星期都會播，入面嘅遊戲亦都大受歡迎，主打嘅撕名牌遊戲係香港街頭都出現唔少。就係因為一間新開張嘅韓風餐廳利用Running man作為主題，吸引唔少running man fans，我哋亦都係其中之一。餐廳位於彌敦道，近mtr B 出口，工業貿易中心個邊，亦都同旺角中心幾近。餐廳地方不大，加上啱啱開嘅關係，人流好多。餐廳可能唔係幾習慣，有啲亂。攞位時淨係同佢講低幾多位，講完之後冇比飛俾我哋，淨係講低個籌號，有啲驚如果錯咗或者亂咗唔知點算，不過好彩都無事，我哋6點50去到等位大概8點到食。等等下果陣都keep住有人嚟，但因為等嘅人太多，7點幾半果時已經冇得拎位，啲人上到嚟攞位都無得攞。 要食嘅真係要趁早攞位，如果吾係就要等人潮減退咗先得。餐廳賣點係running man，每張枱都有啲玩具，例如桶叔叔遊戲同鱷魚拔牙遊戲，但啱啱我哋張檯個鱷魚拔牙舊嘢壞壞地，唔係好玩到。坐到落去，攞menu好慢，叫人嚟落單都好慢，啲員工好忙。 我哋諗住叫芝士排骨同魚糕湯，order個時佢同我哋講話冇晒，即刻好失望，由於個陣時先係8點心諗點解會乜都無，無辦法咁我哋咪唯有叫過其他啦，再次order時無啦啦又話有返芝士排骨鍋，咁我哋就咗芝士排骨鍋同炸雞拼盤。 芝士排骨鍋：一邊係蛋，一邊芝士，另外有番茄同兩條韓式小食紫菜包住啲粉絲嘅炸物。啲排骨食落一啲都唔辣，仲好甜而不漏，個隻甜係蜜糖味，唔食得辣嘅人係好啱食，但我認為辣少少會比較啱我。雖然排骨個味係不錯，但骨嘅肉唔係好多，骨仲大過啲肉，同其他韓式餐廳比遜色咗好多。蛋煮到啱啱半熟，所以不錯，蛋入面落咗啲三色椒，有啲咬口。至於本人唔係好鍾意番茄，所以冇食到。仲有個兩個小食都係一般啦，係可以feel都同係凍肉舖買嚟一包包可以拎返屋企煮加熱嚟食嘅差唔多。整體嚟講一般啦，但係就啱晒唔食辣嘅人。 另外嘅炸雞拼盤：最出色嘅係薯條，咬落去係脆，啲粉亦都好嘢味，唔止落咗黑椒同鹽，仲有類似BBQ味嘅粉，令人會食上癮。旁邊沙律下面有意粉，啲橄欖油令到意粉味道都唔錯，不過因為啲汁落到晒係啲意粉度，沙律就無乜汁，會有啲乾，鍾意沙律有汁個啲人可能唔係好鍾意啦。主打個炸雞一般，同正宗韓國炸雞有分別，有啲肉好似雞胸咁食落係好鞋，唔夠滑，相信雞胸同雞脾炸嘅時間係一樣，不過皮係炸得脆嘅，所以雞脾雞翼位係好味，至於雞胸就唔好食。其他配菜好似紫菜包住啲粉絲嘅炸物同餃子都係麻麻地，不值一提。 最後想講係餐廳無乜飲品可以選擇，我哋order咗嘅，peach juice得個好細罐，仲要$28蚊一罐，飲品上有啲貴。整體黎講都係利用running man個名先吸引到人嚟，所有嘢都好普通。而且餐廳員工好忙，根本唔會有時間同客人玩撕名牌，我由等位到食完走之前都唔見有客人係走去撕佢哋嘅名牌，所以餐廳除咗佈置得同running man有啲關係外，唔係好見到其他嘢係同runnning man有關。不過埋單嗰時同貼住gary名牌嘅人講咗幾句韓文，最尾佢哋送咗橡筋圈比我哋每人一個。我諗我下次應該都唔會再去，質素好好多嘅韓國餐廳仲有好多。…查看更多

韓冰係位於港威中心，未到海港城嗰邊，近city super嗰度，位置有啲難搵。我上次去係經Gap穿入去Uniqlo，再係uniqlo另一邊出口出返去先搵到。「韓冰」顧名思義韓國的冰，主打韓式雪花冰，有好多款口味可以選擇，有時亦會有啲節日限定款推出，所以要撞啱時間。除咗雪花冰外，仲有其他甜品同熟食，例如年糕多士，芝士脆脆波，辣炒年糕等。餐廳嘅座位對於甜品舖嚟講已經算多，客人係需要自己搵位然後出去counter買，買完拎牌坐低等服務員送上。記得餐廳係要加10%服務費架，對於甜品舖嚟講其實有啲少見，我都係俾錢果時先知。有咁多款嘢食選擇奈何得兩個人係完全唔會食得晒，所以只係點咗兩款冰試下。藍莓芝士雪花冰：一上枱個賣相已經好吸引，食落口嘅冰好重藍莓味，亦都食得出好重嘅牛奶味，但係兩者係唔會互相搶味，亦都唔會話味道好重而太甜；而佢哋嘅冰入口即溶，好綿嘅感覺，就係因為好重牛奶味，令到食到底時唔會因為啲冰溶晒而冇味。有一個小驚喜就係食食下中間牛奶冰入面都有藍莓醬，就算食晒面嗰浸，都唔會話得返牛奶味好寡。個冰除咗藍莓，仲有芝士蛋糕，芝士蛋糕嘅口感係硬硬嘅質地，配搭返雪花冰綿綿嘅口感，仲有雪糕嘅軟滑，一硬一軟啱啱好。我仲鍾意雪糕上嘅紅莓乾，造成點綴，咬落去脆脆咁，值得一試。綠茶紅荳冰：身為一個綠茶控，最期待緊係有綠茶product嘅嘢。但係呢個冰同藍莓芝士雪花冰我認為係比下去。綠茶紅荳冰嘅味道係有點帶苦嘅綠茶味，佢嘅冰打碎咗加埋綠茶，令到成個冰都有綠茶味，連入面都有。韓冰嘅冰又綿又滑，入口即溶不再講。但係個人口味唔係幾鍾意帶苦味嘅綠茶，食冰時係需要配搭返啲紅豆，但係紅豆嘅份量唔洗話配好多，太多又會太甜。而紅豆我認為唔夠冧，冧啲會更加好。最後個兩舊年糕煙煙靱靱得嚟唔會黐牙，雖然年糕係冇乜味，但係整體嚟可以配合返個綠茶雪花冰嚟食。食食下中間啲冰入面都會有紅豆，好細粒嘅年糕同nuts，豐富個冰嘅咬口，不失為一試。對韓冰整體嘅感覺良好，亦對其他未試嘅食物感興趣，好似toast同芝士脆脆波都想試，下次得閒會再嚟。…查看更多

個日約咗朋友係觀塘嘅kc cafe， 一上到去感覺好商業，唔似係有cafe咁，但入到去即刻俾啲line公仔吸引咗。成個環境擺設好得意，鍾意line嘅要黎。果度唔止係有cafe，又有一邊係賣韓國化妝品同零食都有。可能係平日，所以都唔係話好多人，環境好舒服，唔係好嘈，我哋食咗好耐，都無話趕我哋走咁，係一個可以好好同朋友hea，傾計傾好耐都得嘅地方。 嗰度啲嘢食好多都係甜品，但因為大家都冇食午餐所以就叫咗紫菜包飯，可以飽下肚。紫菜包飯一般般，冇乜特別。飲品方面，我叫咗凍嘅紫薯latte，我朋友叫咗藍莓smoothie，兩杯飲品都做得好好，紫薯latte重紫薯味，牛奶完全無cum過紫薯味，而且唔係好甜；藍莓smoothie就好滑，亦都唔係好甜，所以啱晒我哋唔係鍾意太甜嘅人。 今餐最主打嘅係呢個西瓜冰，真係好正個賣相。食落去都好涼快，尤其係夏天。個西瓜好甜，好多汁。不過唔知係咪我個人嘅問題，成日吉唔到舊西瓜波，但我朋友無好似我咁倫盡啦..個冰真係好好味，食完啲西瓜波就可以飲佢下面啲西瓜汁，飲到底我哋連啲肉都拔埋嚟食。 嚟呢間cafe都係hea下，坐得好舒服，食下甜品好！…查看更多

本身諗住去食聰嫂但係太多人，就去咗附近嘅nun食冰。都等咗30分鐘倒，等果時門口貼住話係fb or ig打卡嘅會送甜品，咁我哋咪問下，唔洗打卡佢已經送咗啲coupon。咁我哋order左好多野但係就好多都嚟錯，明明叫年糕toast嚟咗年糕冰，但因為我哋一見到嘢食就好開心，食食下先記得我哋好似唔係叫年糕冰，但無辦法已經食咗。order咗係coupon入面送嘅雪糕，因為我哋滿200蚊就送兩個，雪糕叫咗個綠茶同士多啤梨味。但之後嚟咗個芒果味，我地又係唔知道嚟錯就食咗，侍應後來先問我哋係咪嚟錯個時先發現我哋冇叫芒果雪糕。跟住嚟番個綠茶雪糕，同士多啤梨雪糕。總之所有order都好亂，好多都係錯。後尾再嚟個芒果芝士冰同哈蜜瓜冰，仲有個綿花糖toast。味道方面，我唔覺得好食。首先講下啲冰，佢哋啲冰一舊舊，冇乜味，芒果芝士冰同哈蜜瓜味嘅冰都係要靠煉奶吊味，用煉奶無其他韓國冰用牛奶冰底咁好味。芒果芝士冰係一般，芒果肉都ok，冇話好酸都食得落口，但唔係超甜嗰隻，入面嘅芝士我幾欣賞，佢係硬身嘅cheese cake，食落有唔同嘅口感；但係哈蜜瓜冰就真係唔係好啱我口味，隻味好假，唔似用哈蜜瓜榨汁嚟整，有啲似哈蜜瓜味嘅碳酸soda飲品咁，食唔到原本哈蜜瓜個隻味，完全一啲都唔好食，可以話係好差；而年糕果隻冰啲粉好乾，都唔係話好好。 冰上面嘅雪糕溶得好快，又係無乜味。芒果雪糕唔夠芒果肉，雲呢拿雪糕佔嘅比例太多，啲芒果醬太多，令到雪糕甜咗少少；而士多啤梨雪糕叫做不錯，士多啤梨果肉唔酸，醬唔係太甜，算係ok；而最差係綠茶雪糕，綠茶味好奇怪，配上嘅紅豆係硬嘅，完全唔可以一pat筆出嚟，硬到淨係可以成舊食，仲有個小丸子係超級粉，一啲唔咬口。 我哋一致覺得最好味嘅係綿花糖toast，熱辣辣咁端上嚟，多士好脆，綿花糖好lum，朱古力醬份量落得啱啱好，係唯一一樣好味嘅嘢啦，不過我諗吾下次唔會去囉！…查看更多

lady m呢個名聽咗好耐，終於得閒去試。位於海港城lcx下一層，座位唔多，我哋一行三人去食下午茶，等咗大概30分鐘至45分鐘到。 綠茶控嘅我係為咗呢個Green Tea Mille Crepes而嚟，所以係十分之期待。但係食完之後覺得佢個crepes冇乜綠茶味，大失所望，但係個cake做到一層一層感好薄都不失拉到分嘅。 好彩我哋仲叫咗其他。好似個Banana Mille Feuille 比我想像中好食，我對香蕉唔係話特別愛好，但係因為朋友話想試，所以就order咗。蛋糕個餅底雖然唔係特別脆，但係吸引嘅係中間個幾舊香蕉，配上啲cream同蛋糕好好味，又唔係好甜。 我哋都叫咗件士多啤梨蛋糕，但係就好普通，唔值一提，唔係話唔好食，但無乜特別。最令我驚喜嘅係signature mille crepes，佢個蛋味好重，味道好香甜，同我expect好唔同，呢個真係要試下。 另外，飲品叫咗兩款，french rose tea latte 同 green tea latte。 rose latte 係好飲過 greentea even 我自己係好鍾意綠茶。rose 味係好香，rose味唔會太多又唔會俾其他味cum過咗。 而綠茶latte又係綠茶味唔夠香唔夠重，好似無綠茶味咁嘅latte，唔係好建議。 下次好想再試埋Citron Mille Crêpes呀！！！ 不過啲蛋糕覺得有啲小貴啦，但係crepes都值得嘅，其他就麻麻啦。…查看更多