Gangnam OPPA (已結業)

Item: Gangnam OPPA
Rating: 3
Author: goodfoodgoodmood

3.5

118 食记

味道

环境

服务

卫生

抵食

1896

旺角

$101-200

韩国菜韩式炸鸡

goodfoodgoodmood

等级2

相信好多人都聽過Running Man呢套韓國綜藝節目，係j2每星期都會播，入面嘅遊戲亦都大受歡迎，主打嘅撕名牌遊戲係香港街頭都出現唔少。就係因為一間新開張嘅韓風餐廳利用Running man作為主題，吸引唔少running man fans，我哋亦都係其中之一。餐廳位於彌敦道，近mtr B 出口，工業貿易中心個邊，亦都同旺角中心幾近。餐廳地方不大，加上啱啱開嘅關係，人流好多。餐廳可能唔係幾習慣，有啲亂。攞位時淨係同佢講低幾多位，講完之後冇比飛俾我哋，淨係講低個籌號，有啲驚如果錯咗或者亂咗唔知點算，不過好彩都無事，我哋6點50去到等位大概8點到食。等等下果陣都keep住有人嚟，但因為等嘅人太多，7點幾半果時已經冇得拎位，啲人上到嚟攞位都無得攞。要食嘅真係要趁早攞位，如果吾係就要等人潮減退咗先得。餐廳賣點係running man，每張枱都有啲玩具，例如桶叔叔遊戲同鱷魚拔牙遊戲，但啱啱我哋張檯個鱷魚拔牙舊嘢壞壞地，唔係好玩到。坐到落去，攞menu好慢，叫人嚟落單都好慢，啲員工好忙。我哋諗住叫芝士排骨同魚糕湯，order個時佢同我哋講話冇晒，即刻好失望，由於個陣時先係8點心諗點解會乜都無

137 浏览

0 赞好

0 留言

餐廳可能唔係幾習慣，有啲亂。攞位時淨係同佢講低幾多位，講完之後冇比飛俾我哋，淨係講低個籌號，有啲驚如果錯咗或者亂咗唔知點算，不過好彩都無事，我哋6點50去到等位大概8點到食。等等下果陣都keep住有人嚟，但因為等嘅人太多，7點幾半果時已經冇得拎位，啲人上到嚟攞位都無得攞。要食嘅真係要趁早攞位，如果吾係就要等人潮減退咗先得。

餐廳賣點係running man，每張枱都有啲玩具，例如桶叔叔遊戲同鱷魚拔牙遊戲，但啱啱我哋張檯個鱷魚拔牙舊嘢壞壞地，唔係好玩到。坐到落去，攞menu好慢，叫人嚟落單都好慢，啲員工好忙。

我哋諗住叫芝士排骨同魚糕湯，order個時佢同我哋講話冇晒，即刻好失望，由於個陣時先係8點心諗點解會乜都無，無辦法咁我哋咪唯有叫過其他啦，再次order時無啦啦又話有返芝士排骨鍋，咁我哋就咗芝士排骨鍋同炸雞拼盤。

芝士排骨鍋：一邊係蛋，一邊芝士，另外有番茄同兩條韓式小食紫菜包住啲粉絲嘅炸物。啲排骨食落一啲都唔辣，仲好甜而不漏，個隻甜係蜜糖味，唔食得辣嘅人係好啱食，但我認為辣少少會比較啱我。雖然排骨個味係不錯，但骨嘅肉唔係好多，骨仲大過啲肉，同其他韓式餐廳比遜色咗好多。

87 浏览

0 赞好

0 留言

蛋煮到啱啱半熟，所以不錯，蛋入面落咗啲三色椒，有啲咬口。至於本人唔係好鍾意番茄，所以冇食到。仲有個兩個小食都係一般啦，係可以feel都同係凍肉舖買嚟一包包可以拎返屋企煮加熱嚟食嘅差唔多。整體嚟講一般啦，但係就啱晒唔食辣嘅人。

另外嘅炸雞拼盤：最出色嘅係薯條，咬落去係脆，啲粉亦都好嘢味，唔止落咗黑椒同鹽，仲有類似BBQ味嘅粉，令人會食上癮。旁邊沙律下面有意粉，啲橄欖油令到意粉味道都唔錯，不過因為啲汁落到晒係啲意粉度，沙律就無乜汁，會有啲乾，鍾意沙律有汁個啲人可能唔係好鍾意啦。主打個炸雞一般，同正宗韓國炸雞有分別，有啲肉好似雞胸咁食落係好鞋，唔夠滑，相信雞胸同雞脾炸嘅時間係一樣，不過皮係炸得脆嘅，所以雞脾雞翼位係好味，至於雞胸就唔好食。其他配菜好似紫菜包住啲粉絲嘅炸物同餃子都係麻麻地，不值一提。

最後想講係餐廳無乜飲品可以選擇，我哋order咗嘅，peach juice得個好細罐，仲要$28蚊一罐，飲品上有啲貴。整體黎講都係利用running man個名先吸引到人嚟，所有嘢都好普通。而且餐廳員工好忙，根本唔會有時間同客人玩撕名牌，我由等位到食完走之前都唔見有客人係走去撕佢哋嘅名牌，所以餐廳除咗佈置得同running man有啲關係外，唔係好見到其他嘢係同runnning man有關。

不過埋單嗰時同貼住gary名牌嘅人講咗幾句韓文，最尾佢哋送咗橡筋圈比我哋每人一個。