孖G妹的个人专页

孖G妹途經CWB超市，無意間發現了新櫃位juchheim，見到好多年輪蛋糕在眼前，保羅稱年輪蛋糕為「大碌餅」，孖G妹對年輪蛋糕的牌子就無特别研究！但每次去日本必定順道買些回來品嘗或做手信。係香港居然見到有日本品牌年輪蛋糕，梗係要立即買個返屋企試食啦。先看包裝已給滿分 。年輪蛋糕以不同size出售，孖G妹買了個標準size，約4人份量，盛惠$88，價錢相當合理，蛋糕用鮮橙色禮盒装著，拎起手十足十一份名牌子的禮物，盒內的蛋糕也好像變成驚貴的禮品，再配上一個同色系紙袋，Lady們拎走時真氣貴氣又優雅，滿足小姐們一陣虛榮感 。估唔到買個蛋糕也咁華麗，日本包裝確有一手呀，看見禮盒式包袋，以這款蛋糕用來送禮也十分得體。而其他size嘅年輪蛋糕亦用上同款但不同顏色的禮盒裝著， 感覺同樣高檔。而口感方面，一咬蛋糕感覺香滑鬆軟，feel到蛋糕軟綿綿並隨即溶化在口裡，同時滲出陣陣蛋香味。而蛋糕不是太甜，較容易入口，由於蛋糕質感軟屬，唔會感到太「濟」，食完一啖更想有再吃另一啖衝動，標準size很快就被掃清。若大家喜歡鬆軟蛋香感重的蛋糕，就一定不能錯過啦！ 但若喜歡吃較硬身，較有實質咬口感的蛋糕，就不是這款啦！…查看更多

孖G妹一直有留意Main St. Deli,因為孖G妹同保羅都好鍾意食burger,不論平貴。而Main St. Deli評價都唔錯,有晚保羅話想食burger,孖G妹就話不如去試下。Main St Deli係一間酒店嘅地下,入到去環境裝修似華麗版嘅西洋漢堡包店,地方闊落,坐位舒適,天花有水晶燈架!坐定定後,保羅開始睇有咩食,由頭盤開始叫,不知不覺最後成枱食物,真係有d誇張!大家睇下有咩食！每枱都送上兩大個酸瓜和椰菜絲,好好味,非常醒胃!DRINK-$168上網d人話lemonade好飲,亦係保羅至愛之一,唔叫唔得,但都幾貴,每杯要$60,所以叫了一Jug lemonade$168,飲到四杯.,酸微微,都幾好飲！SALAD-Caesar Salad+Smoked $163孖G妹覺得超唔抵食,但保羅話想食,自己係屋企整抵d!SOUP-Onion Soup$68,係全餐唯一最唔得嘅食物。SOUP-Mushroom Soup$75,好杰好味！MAIN-8oz monster beef burge$148份量真係十足,跟薯條及洋蔥圈,薯條可揀粗、幼或薯角,今次揀左幼著條。漢堡order了五成熟,咬落肉質唔錯,ok嫩滑,滲出肉味,但就無醬汁,無咁Juicy,但整體好味,價錢來說,比飲品和沙律更抵食。重要阿仔塊面咁大洋蔥圈,真係超巨型,孖G妹見到都嘩一聲！MAIN-MSD Breakfast$158份量都幾多,有蛋、煙肉、肉腸、茄汁豆.....,煙肉又脆又唔噥,超好味！由於今餐實在太飽,食唔落甜品。整體來說：環境舒適，服務ok，食物質素唔錯，價錢合理。…查看更多

由於保羅這星期只能在CWB食Lunch，所以孖G妹兩度出CWB 同保羅吃午飯，但想不到一星期內兩次都係在世貿wildfire食，保羅似乎愛上了這裡。兩次來這裡lunch time都坐滿人，而孖G妹和保羅都是較早來，所以都坐到窗口位置，望正遊艇會景觀。其實Lunch係一個salad bar+main course+dessert+coffee/tea，我們兩次都係order了兩個set加一杯cocktail，埋單連加一$240,價錢合理。自助沙律bar都是一般簡單配料，選擇亦唔多，無咩特別，有粟米、蕃茄、青瓜、凱撒沙律、雜錦凍肉，通粉沙律，另有煙三文魚，都幾新鮮。而南瓜湯味道也不錯。最難食係用咖哩味撈雞肉粒沙律。第一次main course保羅吃snapper，魚肉肉質鮮甜亦夠滑，加上伴菜，份量十足，賣相都睇得。孖G妹則吃pizza,薄底pizza,有青椒、洋葱、辣肉腸等配料，咬落個底都夠脆，份量都幾大，孖G妹同保羅只吃了一半，另一半則打包。甜品係焦糖布甸，合哂孖G妹和保羅胃口，正，又香又滑。第二次main course保羅吃菠菜煙肉忌廉汁意粉，菠菜健康，勁多煙肉。孖G妹則吃牛扒伴薯角，牛扒份量都ok大，切落夠淋，lunch厘講都唔錯。甜品係凍餅，都唔錯。這裡都叫坐得舒服，又有海景睇。經理和服務員招呼亦很好及有禮貌。沙律bar較為普通，但main course+dessert+coffee反而唔錯，比想像中好，加上main cours份量好夠，味道幾好，杯coffee都可以呀！…查看更多

孖G妹今晚與同事一行5人前往位於太子附近的鳳城酒家吃晚飯，孖G妹略聞鳳城是一間老字號的酒家，十分多人慕名而去，孖G妹就第一次到這裡吃飯，由同事負責訂位，聽聞在徦日訂了位也要等，務必訂定位就較穩陣啦！而且有些餸菜亦要預先訂，今次預先訂了焗西米布甸！一行5人準時6時30分攞位，入座率已有一大半，最後叫了五個餸，每人一碗牛乳粥，加埋焗西米布甸，好可惜有同事想吃的大良野雞卷今日沒有得吃，埋單680元。坐低之後無幾耐，餸菜都很快相繼上枱，反而係五碗粥遲遲未來，因已吃了幾個餸，重未有粥送，而餸菜都普遍較油膩，唯有追追。前後追了兩次，分別係唔同員工，第一次個哥哥話就有，但相信無特別追過，而這個哥哥在我們坐低後，不是招呼特別好，但就不斷搭訕，我們講咩，佢都無故插嘴，總之十分奇怪。到第二次追粥，個姐姐態度十分差，好似嫌我哋煩，但其實佢應該唔知我哋追過，很誨氣説叫左就有架啦。唉！頓時覺得老字號果真唔憂做，但今時今日咁嘅服務態度，應該下次唔會再來了。咁真係無理由d餸食哂咁濟，五碗粥要最後上架！高湯炸粉果，無錯係炸嘅粉果，相信現在唔係好多地方有得食，聽聞都係出名小食之一，食前浸一浸湯。粉果外表炸至金黃色，內裏有冬菇、豬肉、筍........。其實聽落到應該好好味，但孖G妹咬落覺得似咸水角，感覺十分油膩，雖然已浸一浸湯才吃，所以應較適合男士吃，怕油膩的人就不太喜歡啦，試一隻也無妨。大良炒鮮奶，亦都係必食名菜之一，炒鮮奶當然唔易煮，鮮奶同蛋白要控制合宜，面頭再灑上欖仁火腿茸。 這個大良炒鮮奶賣相不錯，但唔係好夠奶香亦無奶羶，普普通通.，味道一般。乳豬拼生腸，份量唔多，乳豬唔夠香脆，生腸就真係好爽囗同彈牙兼肥美，頂呱呱。雞油豆苗，若果真係唔油得，唔肥膩得，千祈唔好叫這個，真係好油，嘥哂d豆苗，住份量就幾足架。炸子雞，都算皮脆肉滑，不過不失，唔係唔好食，但又唔係話十分好食，無咩驚喜。牛乳粥，第一次吃牛乳粥，無咩味，普通白粥應該重棉重好味，唔係好得，失望。焗西米布甸，一大煱上然後分五份，布甸夠熱，亦唔太甜，普通滑，唔夠香，唔係傳聞中咁好味，失望。總結：普普通通，無咩驚喜，流水作業，無セ服務，一次就夠，失望而回，不油不膩，就不要來。…查看更多

保羅同孖G妹出了CWB食飯，第一次去這間細細居酒屋，聽說主埋人和部份職員都係日本人，亦見有日本人食客，好似幾好咁。最後點了五樣東西、兩個串燒及兩杯飲品。食品都十分有日本風味。角煮御飯($32)-份量不多，只是一個碗仔多d，但豚肉很淋很入味，隻蛋唔駛講，正。鐵板豆腐($45)-有四舊，豆腐很滑，煎得剛好，薄薄外層，沒有燶，面頭加上木魚絲，好好味。廣島炸蠔($65)-有四隻，size大，外層香脆，咬落鮮甜美味，正。鐵板炒麵($58)-鐵板盛覑，放低後一陣，仍見到陣陣熱辣辣的煙， 睇見已覺得好味道，雖然配菜只有少許椰菜和豚肉，但只要好食，簡單的配料就已經足夠。食落口感唔乾身，有少許濕，麵條幼細，調味上亦十分九州風，好日本feel，難以形容。薯仔沙律($42)-完全日式feel薯仔沙律。雞翼串($16)-唯一唔好食，太多味粉，過咸。露筍煙肉串($18)-一口咬哂，簡單又好味。總括食物質素唔錯，有日本風味環境都ok，有bar檯位，服務都ok。…查看更多

近日公仔箱不繼播放視帝醒哥「幾時返嚟呀？」嘅電視廣告，提醒大家又係食大閘蟹嘅時間啦！所以孖G妹和保羅決定帶埋小新仔去食大閘蟹啦..............！今次去咗The One嘅東海，睇吓裝修點。嘩！星期六晚上到去，果然人山人海，檯檯等拆蟹，但孖G妹和保羅好好彩，二人檯居然唔駛等位，反而大檯就要慢慢等啦。我哋當然叫咗最抵食嘅大閘蟹套餐，每位$280，另加蟹粉手打魚餅...........！套餐究竟有咩食：每人一盅魚翅佛跳牆-大碗足枓，唔錯！每人兩件生拆蟹粉蒜蓉飽-飽熱和脆，蟹粉鮮甜份量多，可滿滿放在飽上，食法如魚子醬，幾特別！每人兩隻蟹粉小籠飽-皮超薄肉多，滲有蟹粉味，咬落有少許肉汁！每人兩隻江蘇大閘蟹-足両，鮮甜，兩轉蟹都ok！上湯灼時蔬一碟-ok，當晚灼芥蘭！每人一碗手打烏冬-烏冬ok，但湯底麻麻！每人一碗薑茶湯丸-有薑味，普通！蟹粉手打魚餅-魚餅彈牙，但份量少！整個套餐都唔錯！都算抵吃，食到好飽！係期間人多，其中小籠飽同大閘蟹等了一陣子才有得吃！前後這餐都吃了兩個鐘頭。環境係較grand嘅酒樓，但玻璃窗景觀麻麻！…查看更多

孖G妹和保羅今晚在三號風球凡亞比的吹襲下以街坊裝出現旺角，目的就是尋找一煲靚湯。富記係極之平民的食店，但當妳飲過富記的靚湯，一定會迷上，入到去，妳會見到每檯都會例叫一煲靚湯。今晚我哋叫了三餸一靚湯啦。快d睇吓煲靚湯：魚片芥菜咸蛋豆腐湯$43-保羅超鐘意飲，夠下火，不含味精，份量夠，料多，唔駛自己買料煲，方便。快d睇吓d好餸：薑葱炒豬腰豬膶$52-勁多薑葱，腰膶入味，但份量不多。芽菜炒蝦仁$52-算多蝦仁，屬簡單不過不失的餸菜，所以味道不差，份量都足夠，但略嫌貴。腐乳蒸雞$52-保羅極力推介，即北菇蒸雞，不過換咗腐乳蒸，我哋等咗碟雞都有半個鐘，其他餸都食哂，就是等這碟雞送飯，份量例牌，腐乳普通入味，雞除有幾舊滑之外，其他都唔係咁滑，所以等咗咁耐，反而麻麻地。你會再來這裡就是為咗煲下火靚湯，至於小菜則仁見智，因為小菜係唔差，但其實以平民格局的食店來講，每樣餸都要$52都幾貴，是大眾化價錢。而這裡係無服務無裝修的舊式老舖，服務阿姐話之妳，兼地方狹窄，衛生環境其實唔係咁好，筷子都是痴立立，但相信食唔死，地面則污糟邋遢。但個個客人都係照樣繼續食，這裡繼續人來人往，生意唔憂做，真係要寫個服字。若果日後環境有改善，就更加好啦！…查看更多

孖G妹和保羅相約在銅鑼灣，但就未想到今餐食乜好，保羅話四周撞行，最終發現這間上海食店啦！由於孖G妹和保羅六點多已去到食店，因此還有很多位，後來陸續坐滿，七點開始要等位。坐落後，見店舖裝修尚算簡潔雅緻，唯始終係銅鑼灣區，二人枱較擠迫，坐滿後亦人多聲多，食完都要走啦的格局！而餐牌上食物種類都唔少，好多上海名菜。而孖G妹和保羅則揀中一個二人套餐，再加鮮肉小籠飽及蟹黃灌湯飽。食店晚上要收每位茶錢八元正，但就有桂花烏龍、西湖龍井、貢品杭菊、南翔茗茶、雲南舊潽洱和玫瑰果味茶共六種茶選擇，同抬各人亦可自選喜愛的茶，而茶葉則以每人一個小型焗荼盅盛載。雖然要收錢，但孖G妹和保羅都覺得這項服務很好，亦值得俾八元，而茶葉味都唔錯，亦可各自飲自己鐘意的茶。而二人套餐包括：竹笙燉雞湯 X 兩碗：以套餐飲到燉雞湯來講都合格，幾多竹笙，且湯盅很大，飲咗好耐先飲完！好味鎮江肴肉：夏天食都幾消暑，有成八至十舊，唔喊，點埋嗰醋食，少少酸味調吓，幾好播！好味！上海粗炒：炒得夠熱，乾身，不肥膩！好味！土豆雞：味濃，雞滑，加埋紅椒洋葱，賣相鮮豔靚靚，炒得亦夠火喉！保羅覺得勁好味！豆蓉飽：即一般壽包，換成豆蓉涵，但就無一般蓮蓉咁甜，較適合男士及非甜愛好者！合格！鮮肉小籠飽：皮尚算薄，鮮肉份量適中，食落剛好。但就好快凍！唔錯！蟹黃灌湯飽：保羅見到張相覺得好似好正，於是叫了一個試吓，上枱見賣相真係幾別緻攪鬼，像一只巨型小籠飽，中間插了支飲管，吸飽內湯料，好似吸熱湯，勁濃蟹味，十分有趣！試得過！二人套餐：兩盅湯+三個餸+一甜品，盛惠二百元，套餐加鮮肉小籠飽六隻則多二十五元，而蟹黃灌湯飽較貴，一只要三十元。套餐份量都十分足夠，加埋小籠飽都已食到十分飽，灌湯飽則試食吓，最後埋單三百元。係銅鑼灣區來說都唔算太貴，適合一般家庭和朋友聚會，而食物水準和服務都中上。…查看更多

孖G妹和保羅因為睇戲，睇完戲就high tea啦，但今次係chinese tea，知道i-square樓上多間酒樓都會飽覽維港及尖東景，所以就上來試茶兼睇景。不倒翁環境裝修走高檔格調，四周玻璃都設有梳化卡位，因此一邊坐著嘆茶，一邊望著靚景都真是超級舒服，超級正。而場中的枱椅亦寬堂舒適，亦能望到窗外景色。今日點了以下點心，現下午飲茶，每人送蝦餃一隻。鳳爪，有些辣，惹味。蘿蔔糕，賣相靚仔，上碟時切成方形塊狀，入口方便。而味道不過不失。波菜餃，賣相靚仔，蝦+少許波菜，有菜有蝦，配搭很好，清清地，食落味道唔錯。咸水角，普通，但都夠熱。牛肉球，一般。羅漢齋腸，足料清清地，味道唔錯。蝦餃，鮮蝦彈牙大隻，料足不錯。總觀，點心味道普遍一般至不錯，但又未至於超級好吃，但如果要服務好，坐得舒適，睇得靚景，不倒翁也是不錯的high tea 選擇。…查看更多

孖G妹與保羅係餐廳的忠實粉絲，但就第一次食Sunday Brunch，睇吓有沒有驚喜，與平日的lunch有咩分別。先介紹Sunday Brunch有咩吃，buffet bar有冷盤海鮮(生毫、蟹、蝦、龍蝦仔、青口、翡翠螺、扇貝)，各式沙律、凍肉及西式伴菜。還有一款西湯，甜品及生果。推介-冷盤海鮮，新鮮好味！生毫海水味濃，鮮甜！蟹肉肉汁鮮甜，多肉！龍蝦仔多肉美味！推介各式沙律及西式伴菜好味，食材新鮮！薯仔沙律係至愛推介！除了buffet bar外，坐低後每人有一客鵝肝、一客egg benedict、一籃麵包及一份魚子醬，另外可選一客main course，每人一杯餐酒或橙汁。推介:鵝肝，份量十足，煎得乾身香脆，伴蘋果醬，醬汁與鵝肝互相配合，美味非常。推介egg benedict，沒有太多蛋黄醬，但都唔錯，賣相ok架，覺得有驚喜。推介麵包，孖G妹至愛推介，雖然食咗會很飽，但每次來都忍不住口不停吃，因麵包脆條實在是非常好味，又薄又脆，又香口又易入口，飽都要食。推介魚子醬，送上魚子醬，十分有驚喜，當堂升呢，食得招積。除了食物質素保持水準外，這裡服務也很好，服務員多次添加橙汁，亦會詢問食物情況，地方亦坐得舒適！美中不足，甜品款式不多，味道亦未見特出，需進一步改善。…查看更多

孖G妺與保羅因在i-square睇戲，又無乜時間，之前曾路過這間鋪頭，都想入去試試，今次終於行入去啦！這間餐廳標榜不是快餐，亦不是餐廳，是飲食新概念。全部材料由東京空運到港！當妳行入這間餐廳坐低就會明白以上概念，餐廳裝修以黑白簡約為主，餐牌食物主要是意粉，意粉種類選擇亦不多，所以不想食意粉，就要入去，店內有服務員數位，但需自行往cashier排隊order食物。孖G妺與保羅分列order咗意粉-shrimp tomato +mushroom$84食落口感覺到正是傳統日式煮法，意粉煮得較粗較硬，食落ok好味，蝦意想不到的爽口彈牙，都有多隻，配合蕃茄醬煮成，味道令人醒胃，值得試，而份量普通，胃口大就不夠吃！意粉-bacon cream$60亦是日式硬身意粉口感，烟肉美味可口，配合草菇，以忌廉醬汁煮成，不是十分creamy那種，少少調味，較乾爽硬身。而份量一般。花茶-rose peach & icead herb tea$40兩杯，原來是用茶包，覺得有點不值。沙律-ceasar salad$25合格的ceasar沙律。如是日式意粉愛好者值得一試，材料feel到新鮮，但選擇多，亦沒有太多招呼。…查看更多

旺角分店往往要大排長龍，至少排一粒鐘，食完幾碟點心就要走，完全不合孖G妹享受美食的邏輯，因此就算幾多人話去，孖G妹都無話要去！居然係深水埗開分店，就趁在開業初期即本去試吓。孖G妹與同事一人5人殺入點心店，六點去到，都很旺場，但都有位！速速order點心試試，其實選擇不多！等食期間，新舖頭環境企理，但始終人多，多枱，典型熱鬧嘈吵茶樓feel，靜靜傾談就不用唸啦！至於服務態度有些好，有些差。食物質素又點呢？較ok只有蝦蛟、黄沙豬膶腸同酥皮叉燒包，但只係較特別，不是好好味！其他點心則普通過普通，甚至唔好味，根本不用特登嚟食！ 試食咗沙茶牛肉脆春卷：feel唔到有沙茶，同普通春卷無分別，d料少到不得了。 蝦腸：份量少，無特別。牛肉球：一團肉，無味。燒賣：一舊肉，無味。 蘿蔔糕：無味，亦煎得唔香，完全不覺得有蘿蔔味。盅飯：無汁乾淨淨， 飯亦煲得不夠火喉。粉果：普通。鳳爪：普通。總結失望！太唔搪！選擇少！價錢貴！每樣至少要十多元！份量少！細碟！食物樣貌亦未如理想！…查看更多

Doraya係保羅同孖G妹最愛嘅飯堂の一，每當想起肥味吞拿魚就想來一次，每次食都係咁好味。加上食材新鮮，價錢又合理，所以係必食の選！以前主要得與藍鰭吞拿魚相關嘅定食和一些小食。但現在加入了很多其他食品，包括各式刺身、海膽、壽司、冷麵、拉麵和天婦羅.......等等，多咗很多選擇，但質素仍然保持水準。今晚保羅同孖G妹order咗兩個定食和三個小食，大家一齊睇吓，不過唔好流口水喎！油甘魚&藍鰭吞拿魚二色丼定食-定食包括前菜、漬物、蒸蛋及麵豉湯。見到嗰賣相，已經流哂口水，因為大大塊刺身鋪滿係大碗飯上面，色澤鮮豔，見到都開心哂。食落去果然新鮮甜美，飯都好味道，當然係日本米啦，成碗食哂，份量十足！正呀！北海道黑海膽配藍鰭吞拿魚腩蓉定食-定食包括前菜、漬物、蒸蛋及麵豉湯。海膽是由北海道函館引入，賣相都很有睇頭。急不及待試食海膽，好甘甜呀！入口即溶！因為有時係HK食海膽始終唔係係日本漁市場即食，會覺得無咁鮮味。但這個好正，真係好似即食咁，但就少咗d!唔係好夠喉！至於吞拿魚腩蓉當然都係很美味！吉列炸蠔-有五隻，兩人食都足夠有餘，炸得啱啱好，咬落香脆，又有蠔味。正！刺身-大多數人喜歡食三文魚刺身，但保羅同孖G妹反而喜歡食另類不顯眼刺身，醋酲魚刺身口感較厚和較實，完全不肥味，與三文魚感覺截然不同，食得多三文魚的人可以試吓啦！餃子-可order5隻或8隻，保羅同孖G妹係餃子痴，所以order8隻，皮薄，細細隻，肉質鮮美，煎得剛好，沒有燶！今餐就係咁食到飽飽啦！實在太滿足！總結，Doraya仍然保持水準，食咁多次都係好好味！食材新鮮！價錢合理！不愧係保羅同孖G妹至愛飯堂！…查看更多

保羅同孖G妹近日勁忙，所以很久沒有出動，今晚見到雜誌介紹@Rex Caffe，就去試試。出咗環球大廈向上環方向行8分鐘就見到啦！由於價錢唔貴，保羅同孖G妹又想吃一餐豐富晚飯，保羅超額order以下食物！Appertizer(Foie Gras) + Pasta(Angel hair with Prawn)-$146Appertizer(Seared Scallop) +Pasta(Carbonara) + Main(Seabass)-$264Carrot & Tomato Soup-$40White Bean Soup-$40White Wine-$56Caffe latte(Large)-$33開動啦！先上頭盤！保羅至愛的鵝肝-用蘋果蓉做醬汁，保羅評夠香蘋果味，鵝肝亦大塊，但煎得不夠脆，亦不夠硬新，普通。孖G妹至愛帶子伴雜菜沙律-食份量都算幾足，有四粒帶子，帶子好甜好淋，好好味。而意大利腊伴蔬菜沙律，味道唔錯。再上湯！蕃茄湯-湯係「杰」身那種，但較淡，需加盬調味！白豆湯-較特別，香濃白豆味，但都是較淡，需加盬調味！到主菜！保羅至愛卡邦尼意粉-水準ok！但醬汁可以再creamy d!麵身都是意大利 style煮得較硬！大蝦甜椒天使麵-材料有蝦、甜椒、黑欖、洋葱等配天使麵，麵條幼身，味道帶微辣，食落惹味，唔錯！保羅至愛鱸魚-份量＋足，兩大塊，伴有南瓜同蕃茄，鱸魚面舖咗好多香枓，煮得較乾身，食落面脆肉滑，驚喜之選。由於保羅同孖G妹都食得飽飽！所以不能再叫甜品啦！只order一杯latte加大，嘩！加大咗latte個杯似湯碗，保羅話勁抵！都ok香滑！總括，這裡環境唔錯，可以靜靜地享受一頓晚餐。另食物份量充足，質素中上，價錢亦抵！唯附送麵包實在係普通過普通，唔應該咁差，扣分之項目。麵包是西餐的靈魂嘛。…查看更多

近日有很多懷舊主題茶餐廳出現，孖G妹叫埋保羅去試吓啦！由於是假期，都幾爆滿，樓下無位，要上樓上，無卡位坐囉！孖G妹本來想食美式早餐，但俾保羅截停話，有乜理由係到食西式嘢，梗係去西餐廳先食啦！最後叫了兩個南瓜湯、焗豬扒飯、蝦球磨菇伊麵同兩杯奶茶。其實見佢的菜單都幾多元化，有d西式嘢食：但係又有中式嘢、如叫餸食飯同煲仔餸等：但又有港式嘢食，如焗飯咁。所以妳會覺得唔知係度食緊咩菜式，不中不西，可能這就是佢嘅特色crossover加fusion菜！食物嚟啦！熱奶茶-孖G妹不是奶荼精，間中才飲一杯，我覺得這裡奶茶應是港式地道feel，濃烈奶荼味，是香港先有那種，不是太滑，但都ok！南瓜湯-出奇地唔錯，係混有濃濃薑味，幾特別，同埋都幾好飲，幾滑！蝦球蘑菇伊麵-很明顯中西合壁煮法，出奇地幾好味，蝦球大大嗰，幾彈牙！蕃茄汁煮得唔錯，很入味又加咗d菇一齊煮，唔錯！配埋伊麵嚟食，都好好味呀！焗豬扒飯-只是普通豬扒，但煮得好淋，尤其醬汁好正，令到d豬扒質素大大提昇，嗰飯都好味好多，同埋最緊要夠熱！估唔到d食物都唔差，但其實這些懷舊主題餐廳，即是包裝過嘅荼餐廳，講真價錢都唔平。叫多幾個餸，肯定要百多二百元，但香港嘢，點都要支持吓啦！又可以懷舊吓嘛！…查看更多