影片
更多
2010-09-21
38 浏览
孖G妹和保羅今晚在三號風球凡亞比的吹襲下以街坊裝出現旺角，目的就是尋找一煲靚湯。富記係極之平民的食店，但當妳飲過富記的靚湯，一定會迷上，入到去，妳會見到每檯都會例叫一煲靚湯。今晚我哋叫了三餸一靚湯啦。快d睇吓煲靚湯：魚片芥菜咸蛋豆腐湯$43-保羅超鐘意飲，夠下火，不含味精，份量夠，料多，唔駛自己買料煲，方便。快d睇吓d好餸：薑葱炒豬腰豬膶$52-勁多薑葱，腰膶入味，但份量不多。芽菜炒蝦仁$52-算多蝦仁，屬簡單不過不失的餸菜，所以味道不差，份量都足夠，但略嫌貴。腐乳蒸雞$52-保羅極力推介，即北菇蒸雞，不過換咗腐乳蒸，我哋等咗碟雞都有半個鐘，其他餸都食哂，就是等這碟雞送飯，份量例牌，腐乳普通入味，雞除有幾舊滑之外，其他都唔係咁滑，所以等咗咁耐，反而麻麻地。你會再來這裡就是為咗煲下火靚湯，至於小菜則仁見智，因為小菜係唔差，但其實以平民格局的食店來講，每樣餸都要$52都幾貴，是大眾化價錢。而這裡係無服務無裝修的舊式老舖，服務阿姐話之妳，兼地方狹窄，衛生環境其實唔係咁好，筷子都是痴立立，但相信食唔死，地面則污糟邋遢。但個個客人都係照樣繼續食，這裡繼續人來人往，生意唔憂做，真係要寫個服字。若
富記係極之平民的食店，但當妳飲過富記的靚湯，一定會迷上，入到去，妳會見到每檯都會例叫一煲靚湯。今晚我哋叫了三餸一靚湯啦。
快d睇吓煲靚湯：
魚片芥菜咸蛋豆腐湯$43-保羅超鐘意飲，夠下火，不含味精，份量夠，料多，唔駛自己買料煲，方便。
快d睇吓d好餸：
薑葱炒豬腰豬膶$52-勁多薑葱，腰膶入味，但份量不多。
芽菜炒蝦仁$52-算多蝦仁，屬簡單不過不失的餸菜，所以味道不差，份量都足夠，但略嫌貴。
腐乳蒸雞$52-保羅極力推介，即北菇蒸雞，不過換咗腐乳蒸，我哋等咗碟雞都有半個鐘，其他餸都食哂，就是等這碟雞送飯，份量例牌，腐乳普通入味，雞除有幾舊滑之外，其他都唔係咁滑，所以等咗咁耐，反而麻麻地。
你會再來這裡就是為咗煲下火靚湯，至於小菜則仁見智，因為小菜係唔差，但其實以平民格局的食店來講，每樣餸都要$52都幾貴，是大眾化價錢。
而這裡係無服務無裝修的舊式老舖，服務阿姐話之妳，兼地方狹窄，衛生環境其實唔係咁好，筷子都是痴立立，但相信食唔死，地面則污糟邋遢。但個個客人都係照樣繼續食，這裡繼續人來人往，生意唔憂做，真係要寫個服字。若果日後環境有改善，就更加好啦！
张贴
