andyng0502的个人专页

是咁的, 早幾日咁啱行過見好多位就入去幫襯下都有小小驚中伏因為星期六晚巿竟然係完全無人, 結果果然不出我所料風味牛舌: 牛舌切到細細粒, 份量極少,  作為前菜味道唔算太差但完全唔值, 小伏燒茄子: 燒得OK, 好易就起到肉出來,  但個調味唔中唔日咁, 有啲過鹹, 怪怪地, 小伏黑松露鵝肝飯團: 個飯團燒得幾焦香, 但搵哂成舊飯都搵唔到所謂既 鵝肝, 另外飯團表面只放左極極極細少量既黑松露, 極度唔值, 大伏! 燒生蠔: 完全食得出唔係生蠔來, 有啲似蠔豉, 店員用大量蒜容去蓋過陣味, 食個陣諗緊吞唔吞好真係驚肚痛, 未食過咁伏既燒生蠔🤢最嬲係唔係生蠔但收生蠔價錢, 大大伏!! 真. 南蠻炸雞: 呢個最嬲! 真係好意思加個「真」字係前面。首先個炸雞完全唔似炸雞, 完全無香脆口感, 似係求其煎熟左啲雞咁, 失敗!沾醬都求其俾碟沙津醬就算, 唔係南蠻雞獨有既雞蛋塔塔醬, 失敗!  南蠻炸雞個精髓係個醬汁度, 但呢間完全唔係個回事, 個汁完全係得個鹹字, 求其用啲燒汁加上去就算, 失敗中既失敗! 我諗日本人食到呢個應該會反枱!  大大大伏!! 呢間食完已經俾我加入左「永世唔會再光顧」既餐廳list …查看更多

飲杯茶，食個龍蝦飽🦞・呢間最近新開嘅龍蝦飽專門店評價唔錯，終於有機會試到。以後來呢度唔單止食pancake，仲可以食埋個飽，正呀😋・⊳ Original Lobster Set 原味龍蝦飽餐🦞 $128⊳ Truffle Lobster Set 黑松露龍蝦飽餐🦞 $148兩個龍蝦飽set都配有薯片及檸檬汽水～店家採用來自美國嘅Cozy Harbour嘅高級龍蝦肉🦞蝦肉份量雖然唔算多，不過肉質及鮮甜度都唔錯同配有西芹粒粒嘅沙律醬汁一齊食既豐富又夠fresh～另外個包係用超高人氣嘅Bread Elements麵包🍞，烘左底好香好鬆軟整體來講用料十分講究檸檬汽水好夠氣，甜度適中，食完個飽用來解膩一流 ✨…查看更多

銅鑼灣樓上超美花藝cafe💐・呢間係位於銅鑼灣的人氣cafe☕，佈置上以各式各樣花藝作為主題，處處都係打卡位，十分吸睛✨。假日想搵間靚靚cafe 食嘢吹下水，呢度絕對係一個好選擇。食物方面提供創意西式料理及甜品，賣相及味道都唔錯😋・⊳ 韓式泡菜煙鴨胸炒蝴蝶粉🍝蝴蝶粉煮得剛剛好，煙韌有咬口，泡菜醬汁酸酸地帶點微辣，幾好食。而煙鴨胸質感都唔錯。⊳ 香草忌廉什菌意大利飯🥣意大利飯煮得十分濃郁入味，忌廉汁好creamy，而什菌份量都唔少，好好食。⊳ 碟豆花綠茶🍸呢杯一望都知係打卡之作，顏色配搭得好靚。飲落唔會太甜，不過茶味略嫌不足。⊳ 玫瑰花釀紅茶🍹呢杯飲落帶有小小花香，幾特別又不會太甜。…查看更多

呢間丼飯外賣店係區內甚有人氣🤩小店主打各式魚生丼飯，食材新鮮，性價比高。對住係附近嘅街坊(即係我🤣)來講真係幾好嘅福利，隨時可以買返屋企慢慢嘆😋・⊳ 精選魚生飯 🍣🍱呢款丼飯有齊三文魚、油甘魚、劍魚腩同帶子，仲附有唔少配菜：中華沙律、螺肉、甜粟米。另外要讚下佢個包裝，相當精緻吸睛，外賣盒來講真係好有誠意✨魚生都幾新鮮，除左帶子一大粒其他都各兩件，個人比較鍾意油甘魚同帶子。不過當日嘅壽司飯略嫌有啲撈得唔夠均勻，食落有d位酸啲有啲又無咁酸，呢方面可以再改善下。・順帶一提，店鋪咁岩同另一黃店茶星人相連，買丼飯時可以順便買埋野飲，正呀😋…查看更多

位於灣仔的「尚青商號」，取名很有台灣味道，原來尚青在台語是寓意「最新鮮」。餐廳開業雖不算久，卻已成為不少人的新寵，每次去都總是排上長長人龍。環境佈置簡約純樸，牆上貼了不少台灣樂隊及電影的海報，設置的貨架上販賣著一些台灣地道商品，如原材料、醬料、廚具等等。雖然之前已光顧過不少台式餐廳，不過這家的確令我留下了深刻印象，感受到了店家於料理食物上的熱誠和心思😌。・⊳ 埔里花雕半筋半肉麵(手工寬麵)🍜牛肉麵吃過很多，但花雕酒的牛肉麵就很少見，毫不猶豫就點了。伴碟十分有心思，除了有醃蘿蔔、酸菜，還竟然有我超喜歡的油條‼️加分加分‼️ 湯底的花雕酒味挺濃的，十分順口，有點像藥膳湯的感覺，好好喝👍🏼。喜歡這個手工麵的麵質，滑溜而帶有彈性，口感及掛湯能力不錯。牛肉及牛筋都很入味，質感軟腍，而牛筋也有彈性，份量還不少呢。⊳ 台酒三杯雞飯🍲🍚這個是我吃過最特別的三杯雞了。三杯雞上枱時以小鐵鍋盛載著，還特別附上蠟燭燒著，是為了讓客人進食時仍能保持鍋中物的溫度。三杯雞是炸過的，肉質嫩滑，配上濃厚調製台酒醬汁，用來送飯一流😋。⊳ 台式鹽酥雞✨這個鹽酥雞超好吃的‼️作為吃過無數炸雞的炸雞發燒友，這個有驚喜到我🤤 雞肉炸得十分酥脆香口，炸漿與其他家的有明顯不同，雞肉肉質也很嫩滑，吃得出是新鮮即炸的。連雞皮也炸得超香脆，毫不油膩，像吃薯片似的。・只是吃過一次這家已成為了我香港最愛台灣餐廳的頭三位，喜歡吃台菜的不能錯過喔😋！…查看更多

呢間cafe係近期熱點之一，餐廳環境佈置了各種超美的花藝作品💐💐💐，加上有大型落地玻璃，陽光感及空間感十足，超適合用來影相打卡✨。當日叫嘅食物都十分精緻，味道唔錯，襯得起呢個咁靚嘅環境😌。・⊳ Cloud Egg Bagle🥯☁️賣相相當精緻吸睛，可以上演戳破蛋黃的療癒畫面🥚好喜歡呢度嘅Bagle，口感唔會太結實，味道帶有小麥香味及淡淡甜味，而且剛焗起有啲脆身～好好食🤤⊳ Zen Cake ✨另一打卡之作，賣相幾得意，剩係睇個樣真係唔會估到味道。咬開原來係類似苺味cream嘅口感，酸酸甜甜的，開胃得來味道幾好😋⊳ Signature Soy Milk Latte ☕本身好喜歡飲豆奶，卻好少飲到用豆奶沖嘅咖啡～味道唔錯，淡淡的豆奶味同咖啡味中和得幾好，奶泡打得十分綿密細膩…查看更多

相信成日去開旺角的都對呢間唔會陌生。已經係旺角開業多年，主打日式串燒、手打烏冬及各種日式料理。食物質素唔錯，串燒款式超多選擇，岩哂唔同口味嘅朋友😋・⊳ 汁燒魷魚筒🦑魷魚幾大條，質感爽口有彈性，師傅燒得岩岩好，表面微微焦香，加上濃味日式醬汁，味道唔錯 👍🏼 ⊳ 脆脆鱈魚片蟹籽沙律手卷 🌯第一次食鱈魚片製成嘅手卷，感覺唔錯。鱈魚片好香魚味，烤到卜卜脆，配上蟹籽沙律一齊食，令整體口感唔會太乾，又帶清新鮮甜，幾岩我口味😋 ⊳ 黑椒蜂蜜燒雞翼 🍯燒雞翼～我鍾意食🎶🎵 啲旋律係咪即刻出哂來呢!? 識唱嘅一齊唱😂 呢個雞翼燒得好好，皮脆肉嫩，夠哂味，好快就食到得返兩條骨 🙈⊳ 岩鹽串燒雞皮蘆筍 🍢用雞皮包住蘆筍一齊燒，雞皮燒到脆卜卜，配埋蘆筍一齊食，味道既香口又清新，毫無油膩感✨⊳ 汁燒日本年糕西班牙豬卷 🍢🥩幾鍾意呢個，年糕軟糯有咬口，加埋表面嘅醬汁豬肉片，幾好食，鍾意食煙韌口感嘅朋友可以試下🙌🏼⊳ 蒜蓉燒象蚌仔✨象蚌仔肉質爽口彈牙，調味唔錯，蒜蓉份量都幾多，岩哂我呢個乜都要多蒜嘅人🤣 ⊳ 忌廉蟹肉餅 🦀成日都會忍唔住叫呢個🤣 蟹肉餅炸得十分酥脆香口，咬落係蟹肉忌廉，外脆內軟，好好食 🤤⊳ 胡麻軟殼蟹沙律手打烏冬 🦀來得呢度緊係要試下佢個手打烏冬😆 烏冬果然高質，滑溜、爽口、彈牙有齊哂。軟殼蟹炸得酥脆香口，肉質飽滿，溝埋胡麻醬好正 ✨・總括而言今次嘅評分唔錯，鍾意日式串燒嘅朋友可以搵機會試下 ☺️…查看更多

相信唔少香港人都好熱愛生蠔，我自己就係一個超級鍾意生蠔嘅人，偶爾都會食下獎勵一下自己😋 九龍城最近新開左一間生蠔專門店，老闆精心挑選進口高質生蠔，款款都勁新鮮✨ 當日外賣左兩款返屋企同朋友聚餐，配上甜酒🍷，真係好chill好正呀🥳！ ・⊳ 日本生蠔⊳ 法國生蠔外型比較厚肉肥美個款係日本生蠔，剩係見到個樣都已經流哂口水🤤 加上檸檬汁及cocktail汁調味，味道十分鮮甜，海水味適中，而口感很creamy，一口食落去啖啖肉真係超滿足😙！而法國生蠔亦同樣鮮甜度爆分，海水味濃，食落口感上相對比較爽脆，蠔味相當濃郁細膩，帶有強烈的回甘😋。…查看更多

香港的ᴄᴀғᴇ真的越開越多，亦越來越有特色，注重的不只在食物上，更花上滿滿心思在裝潢上、佈置上。這間位於九龍城的ᴄᴀғᴇ是近期印象最深刻的一間，環境走暗黑格調路線，空間感十足，給人一種寧靜紓解的感覺。如果有幸坐在近門口位置，更可以欣賞咖啡師沖煮咖啡的技術。・⊳ Tofu Cheesecake with Sesame Sause⊳ Tiramisu⊳ Iced Matcha Latte⊳ Latte M Size本身就喜歡吃豆腐，也喜歡豆腐味的甜品這款豆腐芝士蛋糕十分好吃芝士蛋糕質感軟滑，豆腐味清新配上芝麻醬更為味道添上層次Tiramisu很濃郁，味道及口感都值高評分假日去九龍城探索一下舊區再來這裏放空一下都不錯…查看更多

前排見唔少foodie推介元朗呢間嘅芋頭鮮奶，作為一個芋頭鮮奶控，當然一早已經bookmark左。早兩日終於有機會來元朗飲到，結果好飲程度超乎我所望！如果你都鍾意芋頭奶，呢杯野真係不容錯過🤤！。・⊳ 芝雪大甲芋頭鮮奶加芋圓✨聽個名都知呢杯野真係勁邪惡，不過我鍾意😂 雖然主角係芋頭，但估唔到表面嘅芝士奶蓋都咁高質，芝士味勁濃郁，飲得出係真材實料打出來。主角嘅大甲芋頭打到好綿密，芋頭味勁香，同明治鮮奶溝埋一齊真係好好味呀，係我想要個隻味😋 而芋圓口感十分Q彈，味道唔錯，比起普通珍珠我更鍾意呢個芋圓🤤 另外值得一提嘅係好難得呢間嘅芋泥唔會過甜，唔會俾個甜度破壞左芋泥嘅香味，啱哂我呢啲好怕甜野嘅人😌 ⊳ 芝雪芒芒沙沙🥭朋友叫左呢杯都讚不絕口，飲得出係用新鮮芒果🥭攪出來。原汁原味，甜度亦適中，炎炎夏日用來解渴真係一流🌞 鍾意芒果嘅朋友可以試下😋・總括來講沐淳嘅出品飲得出係真材實料，值得一飲再飲！希望來緊會開多啲分店啦，元朗國真係有點遠呀…查看更多

新餐肉出左咁耐一直都未試過，咁岩近期McCafé新推出左新餐肉芝味簿餅，即刻搵個機會去食個下午茶，配一杯熱鮮奶咖啡，為忙碌嘅一日放鬆一下☺️。簿餅賣相唔錯，有幾粒厚切新餐肉新餐肉味道比我想像中好，口感同傳統餐肉都幾似配埋熱溶芝士同茄汁，真係好豐富 邪惡得來又無咁大罪惡感…查看更多

拖羅來講雖然已經食過無數次，但現場望住師傅劏原條藍鰭吞拿魚，然後即食新鮮拖羅壽司刺身真係第一次。鉄火堂就俾到呢個機會大家，佢地每次劏魚都會係social media預告，俾大家mark定個時間來欣賞劏魚表演之餘，仲可以即時買來食😋。當日劏既吞拿魚有成95kg，超級巨型，師傅劏個陣都要有另一位幫手。劏唔同部位時要用唔同刀具，期間要用到一把好長嘅特製刀，師傅拎出來展示個陣令我不禁諗起鬼滅之刃(sor上哂腦🙈) 師傅手起刀落，技術純熟，好快就KO左成條魚，現場畫面真係幾震撼😳・今次總共試左3款，好食嘅程度令我感到好難忘，真係有種去左日本築地巿場嘅感覺😆 ⊳ 拖羅壽司盛盒拖羅壽司盛合有1件大拖羅，1件中拖羅同兩件赤身壽司，可以同時食到3個部位。魚肉味濃甘香，油脂豐富，而壽司飯酸度都恰到好處，件件都好好食，大滿足😌⊳ 大拖羅刺身大拖羅超肥美，油脂豐富到好似雪花咁，佈滿魚油花紋，入口即溶。因為係新鮮即劏，完全無任何雪藏感覺，滿口都係拖羅嘅鮮甜味同甘香味，實在太正🤤⊳ 赤身刺身赤身質感相對比較結實，雖然無大拖羅咁多油脂，但魚味都十分濃郁，食多幾塊唔會覺得膩😋・係無限掛住日本嘅心情下可以有呢個體驗，十分特別。估唔到香港都可以有呢個機會，真係有啲錯覺去左日本咁。另外餐廳提供立食同外賣，如果趕時間買返屋企慢慢嘆都唔錯🤤…查看更多

今次呢間cafe位於何文田(平時真係十年都唔去一次😂)。Cafe俾人感覺十分乾淨整潔，行日式簡約設計風格，而且地方好寬敞，坐得好舒服。・⊳ 炸軟殼蟹。蟹肉及魚飛子。胡麻醬烏冬作為軟殼蟹粉嘅我覺得呢間整得好出色(所以調色上專登調d色出d)，上碟個下已經覺得好靚，好少可見到d軟殼蟹炸到個外型咁完整。上面仲有一舊仔蟹膏做點撮，可以撈烏冬或配蟹食。軟殼蟹食落外皮香口酥脆，而且蟹肉都好有蟹味(唔知用咩字眼代替蟹味😂)。另外烏冬係扁身的，口感好爽滑Q彈，撈上胡麻醬口味好夾✨…查看更多

作為香港人最愛餐廳之一的譚仔三哥，不時都會推出新野食滿足食家味蕾。最近推出左「三哥水煮鴨血米線」，身為一個麻辣鴨血fans，見到個名已經好興奮 🤤 ，早幾日試完覺得好好食，湯底同鴨血都有驚喜，值得推薦👍！・⊳ 「三哥水煮鴨血米線」＋魚腐 一碗好食嘅米線必定要配一個好湯底。今次呢個「三哥水煮湯」係以15種香料及醬料調味而成，亦加入左花椒﹑八角同鮮辣椒，辣度方面則由5小辣起跳。當日叫左2小辣，水煮湯飲落香辣有層次，比平時食開嘅麻辣湯更多左一份辛辣感，辣得幾過癮😆。而鴨血經濃湯及胡椒煨扣到入哂味，同個水煮湯好夾，質感都十分嫩滑😋。秘製鴨血更可以自由選揀各種唔同湯底，品嚐鴨血米線碰撞各款經典湯底的獨特美味！…查看更多

中環一帶有好多burger店，早幾日burger癮發作🍔，試左呢間位於石板街附近的。係網上見到佢食評唔錯 ，仲要係良心黃店，一於試下🤤！・⊳ 難忘的白松露漢堡因為真係好鍾意食松露，一見到有「松露」呢兩隻字通常都會叫🤣。Burger份量好大，配搭一塊超厚漢堡扒，賣相好掂👍🏼。麵包煎得脆脆的，質感鬆軟，塗上牛油食落好香。中間夾住幾塊用松露炒香了的菇，好香好濃松露味！而漢堡扒牛味充足，唔會太乾，超厚的肉肉食到好滿足，適合食肉獸。・鍾意burger的不妨一試😋…查看更多