譚仔三哥米線 (軒尼詩道) (已結業)

作為香港人最愛餐廳之一的譚仔三哥，不時都會推出新野食滿足食家味蕾。最近推出左「三哥水煮鴨血米線」，身為一個麻辣鴨血fans，見到個名已經好興奮 🤤 ，早幾日試完覺得好好食，湯底同鴨血都有驚喜，值得推薦👍！
・
⊳ 「三哥水煮鴨血米線」＋魚腐
一碗好食嘅米線必定要配一個好湯底。今次呢個「三哥水煮湯」係以15種香料及醬料調味而成，亦加入左花椒﹑八角同鮮辣椒，辣度方面則由5小辣起跳。當日叫左2小辣，水煮湯飲落香辣有層次，比平時食開嘅麻辣湯更多左一份辛辣感，辣得幾過癮😆。而鴨血經濃湯及胡椒煨扣到入哂味，同個水煮湯好夾，質感都十分嫩滑😋。

秘製鴨血更可以自由選揀各種唔同湯底，品嚐鴨血米線碰撞各款經典湯底的獨特美味！

2