為食快樂熊的个人专页

前兩日， 住觀塘嘅好朋友介紹呢間地點都幾隱蔽嘅“串燒屋”， 相約九點鐘食特價放題。入到店內，店員好細心地介紹，除咗串燒任叫， 仲有網燒材料及炸物， 出面自助食物有提子，菠蘿，棉花糖，啫喱， 餐前小菜，螺肉，雪糕...飲品方面除咗有雞骨草， 罐裝汽水，呢度仲有比較少見嘅黃色罐檸檬可樂，啤酒係喜力，夠曬凍，都係任飲!我們先來一些餐前小食去開開胃口先！我們點了一些炸物， 我覺得吉列炸生蠔超好食， 同埋炸蝦餅，都叫咗兩次。台式香腸 味道都唔錯。跟住串燒同埋燒物陸續上到枱， 這些自動轉轉嘅串燒真係十分方便，啱曬我哋啲懶人。一邊傾計，一邊飲啤酒又唔怕佢會燒焦， 真爽！燒大蝦， 多春魚，雞腎， 麻辣雞翼， 蒜蓉燒蠔， 秋刀魚，都係必食推介。呢度嘅穀飼牛西冷， 入口牛味不錯， 啱曬我啲食肉獸。…查看更多

細個嘅時候，爸爸好喜歡帶我哋去‘’金鳳‘’食嗰鐵板餐， 嗰陣時一聽到話去‘’金鳳‘’ 我和細佬就蹦蹦跳，十分開心!!!相信好多街坊都有差不多嘅經歷，‘’金鳳‘’確實係陪我們一起成長。早兩日收早， 約咗同事試下呢間係荃灣 中染大廈 8咪半商場 嘅‘’金鳳‘’一入到店內，裝修新淨，地方相當大，雖然我哋六點半鐘嚟到，差不多已滿座， 好彩早到一步， 唔使等位😁我們分別點一個牛柳餐及什扒餐， 紅湯白湯各一。先來一份熱騰騰嘅餐包同牛油，羅宋湯酸酸甜甜，裏面嘅雜菜都很足料，忌廉湯相對就淡了一些， 餐湯勝在夠熱，都幾好飲。傳統嘅牛型鐵板， 侍應倒上黑椒汁/洋蔥汁， 立即肉香撲鼻， 呢啲就係港式扒房嘅風味！鐵板牛柳餐配上黑椒汁， 我點了7成熟， 旁邊有小小燒焦嘅香味。 牛柳十分柔軟， 牛肉味好突出， 有兩塊厚厚嘅牛柳， 底下仲有翠玉瓜同薯條。 啱曬我呢啲食肉獸， 份量十足，大滿足！我朋友點了一個什扒餐配上洋蔥汁， 我梗係要試下味喇😃！巨型嘅大豬扒 (大過塊鐵板)， 雞翼，腸仔，火腿及小牛排，勁足料！洋蔥汁真係十分惹味， 同巨型嘅大豬扒好夾。我們兩個一面傾計， 慢慢享受兒時回憶嘅鐵板餐。當然係叫番杯餐茶 - 凍咖啡，熱檸茶😁…查看更多

早二日經過深水涉，經過呢間古早牛肉麵，見裡面坐滿人，於是係門外睇下memu，原來係食台式嘢。好掛住去旅行，尤其係台灣小食，呢度款式都幾多，價錢都好合理。(大腸麵線$30)大腸唔算大肥，脂肪適中，入口有咬勁，麵線好爽，十足去左台灣小店一樣。(酥炸大豬排$36)超级巨型，足夠二人享用。外層炸得十分香脆，熱辣辣，食入口豬排肉汁豐富。(話梅豬手 3件 $22)豬手炆得夠柔軟，入口有些少甜話梅味，豬手好入味，不會太濃，抵食!(百香果雪梨茶$17) 半糖，去冰。好有誠意，跟足我嘅要求，抵讚!茶底夠濃味，百香果少少酸味加雪梨，好適合配台式炸物。…查看更多

難得放假， 同埋屋企人入去大尾篤踩單車， 經過龍尾村附近， 見到呢間日式居酒屋。 居然有海鮮火鍋海鮮， 於是我們回程嘅時間就入去試下啦!老闆好細心，安排露天位置畀我們放小狗， 仲介紹呢度嘅火鍋，係用傳統嘅炭火燒， 文火加熱，令到海鮮更入味。我們叫了一個海鮮火鍋套餐， 依家做推廣， 象徵式加一蚊就送埋龍蝦刺身， 真係好抵。龍蝦刺身， 十分新鮮爽口。 鯛魚及三文魚十分甘香甜美。水果茶非常足料， 裏面滿滿鮮果肉， 又唔會太過甜，十分清新美味。一上枱超巨型嘅海鮮鍋， 賣相非常搶眼， 有巨型嘅生蠔， 蟶子， 元貝， 花甲。食完面頭嗰層海鮮，面仲有大量嘅蔬菜包括有 娃娃菜，小棠菜， 冬菇，洋蔥 ，金菇， 海鮮菇。豬骨湯底加埋海鮮嘅精華，蔬菜， 格外鮮甜。 …查看更多

早嗰排喺大圍經過這間餐廳，感覺都唔錯 ，裏面嘅擺設氣氛都幾好feel，我朋友就建議入去試下。由於係閒日，而且六點零鐘，裏面都唔算太多人，一坐低就睇下個menu ，種類真係選擇很多， 有啲花多眼亂！呢度嘅 latte 都幾有水準[煙燻鴨胸田園沙律]沙律菜夠新鮮，同沙律醬嘅味道十分夾，煙燻鴨胸，肥瘦適中，鴨胸上有微微嘅煙燻味，鴨胸入口柔軟 一啲都唔韌。絕對係開胃前菜。[燒 BB乳豬]上枱賣相已經十分吸引， 呢間西餐唔講真係不知道係大圍嘅小店 ， 擺碟十分講究，好似去咗高級西餐廳一樣！除咗第一眼見到脆脆嘅乳豬外皮，中間嘅乳豬肉更加可以分出幾個層次，一層一層嘅bb乳豬，食得出廚師嘅心機同埋火候。除咗皮脆肉嫩之外，入口肉汁更加十分豐富。這個絕對係必食推介波士頓龍蝦意粉份量十足，夠哂二個人食有餘，龍蝦肉結實爽口，仲有好多龍蝦膏，入口好有嚼勁。這客意粉有有半隻波士頓龍蝦，龍蝦醬汁味道香濃，真係幾啱我口味 。要讚一讚係意粉 ，煮得煙韌得嚟，軟硬程度適中。有驚喜！…查看更多

好耐冇約朋友食飯,今日約埋同事去咗荃灣大鴻輝食雞煲打邊爐.其實喺荃灣選擇很多,不過比較價錢同埋食物質素,呢間雞煲好食,火鍋配料夠水準,價錢亦差不多,確係好抵食.我們三人都對食雞煲好有要求,之前喺九龍城附近散嗌都會叫雞煲嚟食下. 這間 18樓雞煲,名副其實真係有啲料到. 雞件大大件, 肉質亦覺新鮮,最緊要係個調味醬, 獨特嘅麻辣 味道真係越食越爽,啱曬我哋重口味一族.最令我驚喜係火鍋配料非常豐富,肥牛水準極高,豬肚亦新鮮,爽口.大大隻海蝦, 鮮魷魚鬚,土魷, 是日海鮮係細細隻嘅蟶子仔, 真係超抵食.埋單每人 200蚊都唔使, 食到飽.…查看更多

這間18樓雞煲, 之前都試過, 貪佢任飲任食兩小時,而且食物水準都唔錯｡今次同埋兩個侄仔一齊來,再次捧場｡先來一個小辣雞煲,味度適醬汁惹味, 雞件啖啖肉, 好足料, 裡邊有芫茜,洋蔥十分惹味, 無得輸｡跟住開始打邊爐雪花肥牛脂肪適中 ,好有肉味｡蔬菜喺雪櫃自取乾淨及新鮮海蝦好大隻 , 仲有是日海鮮飲品選擇好多最喜歡就係這款青檸汁,少少甜十分清新地方頗大而且乾淨整潔, 我們四人安排坐一張超大卡位, 仲可以靠近窗邊望夜景, 這個價錢真係10分超值。…查看更多

疫情稍為好轉些，又開始轉秋季，今晚當然要約埋幾個朋友一起食火啦。今次去咗油麻地分店的吞pot火鍋。店員好有禮貌帶我們入坐。剛好坐近窗邊，可以見到夜景，十分寫意。店員隨後送上醬料供客人自行調教。看完餐牌，發現這個胡椒豬肚雞煲好特別，一於試試。胡椒味好濃，豬肚爽口又新鲜，好特別。雞份量也很多，雞肉好滑，又嫰口的感覺。食完雞煲再食火鍋，點咗響玲，又脆脆地，味道好好味。也叫咗個手打香煎鹅肝蝦丸，好特別，好少地方能食到。鹅肝也好好食。配多個烏冬，十分滿足。額外叫多個炸豬大腸，即炸出來，熱熱地，好味道。個人認為是必食的食物。飲品也有十多種選擇，有特別的青瓜及西柚特飲。個人認為食店整體都很滿意。尤其食材夠新鲜和雞煲款色又多，下次會再去食食。…查看更多

天氣開始涼涼地，今晚一於唔煮飯，約埋個 姊妹去食雞煲打邊爐。這間吞pot 雞煲火鍋， 之前有朋友帶過嚟尖沙咀呢間十分隱蔽嘅分店， 水準真係唔錯， 所以今次到我做識途老馬帶姊妹嚟試下。雖然今晚我哋六點半鐘就嚟到 ， 同埋今晚係跑馬日， 但裏面都陸續有客入嚟， 雖然呢度 唔係熟客真係唔識嚟，但係見佢生意都唔錯，希望保持水準。二人叫咗半隻胡椒豬肚雞煲， 再加一碟肥牛， 二人都食到相當飽。這個胡椒豬肚雞煲，真係真材實料， 啖啖雞肉， 雖然半份雞，但係份量十足， 裏面嘅豬肚十分肥厚，而且清洗乾淨， 我們二人都飲咗三至四碗雞湯， 裏面嘅胡椒味十分濃， 但入口好舒服， 加上鮮甜嘅雞湯， 十分值得推介！手切肥牛，厚薄適中，而且脂肪比例恰當，落水3、4秒就可即食， 呢度嘅肥牛我都覺得十分新鮮， 而且牛味十足！…查看更多

呢個星期突然凍左好多，又係時侯圍爐打邊爐取暖，任食打邊爐明碼實價任飲任食就係同朋友至愛之選。朋友帶路，打邊爐同燒野食都係收一個價錢，計落人均都係$180左右，旺區呢個價錢有任食兩種食法算好抵食！坐底先左個雞煲，要左小辣，份量好多，個汁多哂入味，雞肉唔錯入到味。食完雞煲，唔使落單點野食，包保唔會漏單同等，直接出去扲，即刻即滾。有牛肉、豬肉、雞肉、丸類同菜，基本上平時打開邊爐有得揀既呢度都有，但任食打邊爐好少有海鮮竟然呢殊會有，種類都好多下，有蝦魷魚鬍，青口，同幾新鮮。我地打邊爐同時圍爐燒埋野食，燒肉燒海鮮再燒菠蘿，燒爐隔住張紙吸油效果好，無咁油，同燒出泥既野食都脆身金黃啲D，唔錯！同場加映 ， 仲有魚生，刺身甜蝦，螺肉，中華沙律等冷盤小食， 想要熱食有湯有麥樂雞塊，有炒飯，韓式泡菜等好多小食任君選擇。嘢飲款式種類都好多，仲有雪糕都係任食。總的來說坐得好舒服， 又打邊爐又燒烤都只係$180蚊度， 食物選擇類型多同新鮮，超越性價！ 經已列入咗我哋嘅冬天爐圍之選。…查看更多

放題 menu真係花多眼亂，我哋好醒目依次序逐樣點，先喺自助吧食海鮮之後叫刺身、串燒、炸物、壽司……逐樣點，避免一次過上曬枱！呢啲都係我食放題經驗，因為兩個鐘一定食得飽，費事啲嘢一次過上曬㭘，唔凍又唔熱就影響曬啲味道！出面自助吧有大大隻凍蝦，入口鮮甜，而且爽口，仲有翡翠螺，隻隻都好大隻，真係食海鮮都已經回曬本！先嚟過蟹粥打底，雖然蟹仔細細，但係粥底都夠味！串燒夠味，尤其是係燒牛舌，好有水準！ 至於燒大蝦，鹽燒喺蝦殼，入口好滋味！炸物都唔錯，炸雞翼、炸榴槤、炸廣島蠔好有水準，唔會太乾，上枱熱辣辣，用嘅材料都十分理想！尤其係榴槤球，好濃味！羊架七分熟，仲有少少血水，食落口一啲都唔騷，十分好食！這間滿屋，無論食物水、準環境都十分唔錯， cp值極高，我會介紹朋友再來！…查看更多

上星期同我D老友聚下舊，佢介紹嚟呢間位於尖沙咀嘅 [洪鼎火鍋] ，由於我呢個朋友要求都好高，所以佢介紹嘅應該冇錯。食店裝修好靚，沿著樓梯進入地庫，面大多係以卡位設計，坐得闊落，裏面嘅地方好整齊， 乾淨企理！餐牌有多款套餐，我哋先點了一個滋補嘅清雞 木耳雞湯火鍋湯底。呢個清雞湯火鍋湯底，真係材料十，除咗有瘦肉，大大隻肥雞之外，仲有啲白果，入口清甜順喉， 我哋每人都飲咗兩至三碗，先至選取唔同嘅火鍋配料！呢個木耳雞湯，一點味精也沒有，雞肉十分嫩滑，一啲都唔韌，侍應仲好好招呼準備刀叉 畀我哋慢慢享用呢隻嫩滑嘅肥雞！享受完咁滋補嘅雞湯，侍應即刻幫我哋加湯底下半場我們點了重慶四寶拼盤， 安格斯肥牛 及海鮮配料！拼盤上枱賣上十分搶眼這個四寶拼盤有黑牛柏葉、鵝腸、豬紅、豬腰……黑牛柏葉十分爽口彈牙， 鵝腸清洗都十分乾淨可以放心享用，豬红大大舊入口結實，豬肝 鮮味。美國安格斯牛板腱，顏色鮮豔，加水輕灼即可入口，肉質好靚！ 絕對唔係平時火鍋放題 可以相比！海蝦新鮮，十分彈牙！這裏食物質素及環境，真係十分唔錯，最適合朋友聚舊慢慢食！…查看更多

我同朋友兩個人叫咗半隻胡椒豬肚雞煲，湯底好鮮甜， 湯底有粟米、腐竹、蘿蔔……好重嘅胡椒味，十分暖胃！我地食咗好幾件雞，件件都好多肉，而且雞肉十分嫩滑，雞煲真係好香胡椒味，雖然半隻雞，兩個人都好夠，湯底好順喉，回一回氣之後我哋再加湯底打邊爐。肥牛質素很好，肥瘦適中，份量又夠！十全大寶丸，全部係手公，好有特色，入口有驚喜，賣相十分亮眼，每一粒都很唔錯！有黑松露墨魚丸、蟹粉墨魚丸、 鵝肝蝦丸、海膽墨魚丸及芝心牛丸。我個人就最喜歡海膽墨魚丸，海膽味很突出，而且墨魚丸十分爽口彈牙！…查看更多

自從觀塘區開始重建，好耐都冇去過裕民坊一帶，前兩日同朋友去懷緬一番，沿路一直行 到牛頭角道，見到轉彎的小角有間茶記，正好想醫醫肚。裏面地方都算寬敞，裝修亦較為新淨。睇一睇menu， 價錢抵食，而且種類繁多。先來兩杯紅豆冰，甜度適中， 正好解下渴！我地當然係點了些主打招牌菜，芝士煱皇牌厚切豬扒飯，豬扒十分柔軟，而且芝士味濃厚， 焗飯飯底小小燒焦，有水準！黑椒牛仔骨飯，黑椒汁味道十分濃烈，而且頗辣， 牛仔骨夠牛味， 醒神！瑞士雞髀腸仔蛋飯，呢個係我朋友嘅至愛，瑞士汁酸酸甜甜，加上腸仔蛋真係既地道又好味！…查看更多

同朋友喺太子附近打完雀局， 經過呢間 "聚好冰室" 見到門口有多款菜式選擇，睇門面好新淨，裏面環境都算闊落， 經過門口侍應好主動特別介紹，叫我們試下招牌羊腩煲， 我們受不住誘惑推門進去！這個羊腩煲相當份量十足，仲送生菜一碟， 煲裏面配料十分多，大量嘅支竹、仲有冬菇， 薑蔥闢去羊腩嘅騷味， 羊腩肉夠厚，羊腩皮 一點也不肥可以連皮一齊食， 裏面嘅羊腩份量真係足夠我們三人吃， 裏面嘅羊腩煲底亦十分濃味， 送飯一流！裏面嘅侍應尤其係收銀姐姐，好好笑容，經常問我哋夠唔夠，同埋味道啱唔啱， 好有人情味嘅小店！…查看更多