吞POT 雞煲火鍋.住家菜 (山林道) (已結業)

天氣開始涼涼地，今晚一於唔煮飯，約埋個 姊妹去食雞煲打邊爐。這間吞pot 雞煲火鍋， 之前有朋友帶過嚟尖沙咀呢間十分隱蔽嘅分店， 水準真係唔錯， 所以今次到我做識途老馬帶姊妹嚟試下。雖然今晚我哋六點半鐘就嚟到 ， 同埋今晚係跑馬日， 但裏面都陸續有客入嚟， 雖然呢度 唔係熟客真係唔識嚟，但係見佢生意都唔錯，希望保持水準。二人叫咗半隻胡椒豬肚雞煲， 再加一碟肥牛， 二人都食到相當飽。這個胡椒豬肚雞煲，真係真材實料， 啖啖雞肉， 雖然半份雞，但係份量十足， 裏面嘅豬肚十分肥厚，而且清洗乾淨， 我們二人都飲咗三至四碗雞湯， 裏面嘅胡椒味十分濃， 但入口好舒服， 加上鮮甜嘅雞湯， 十分值得推介！手切肥牛，厚薄適中，而且脂肪比例恰當，落水3、4秒就可即食， 呢度嘅肥牛我都覺得十分新鮮， 而且牛味十足！