吞POT 雞煲火鍋.住家菜 (山林道) (已結業)

我同朋友兩個人叫咗半隻胡椒豬肚雞煲，湯底好鮮甜， 湯底有粟米、腐竹、蘿蔔……好重嘅胡椒味，十分暖胃！我地食咗好幾件雞，件件都好多肉，而且雞肉十分嫩滑，雞煲真係好香胡椒味，雖然半隻雞，兩個人都好夠，湯底好順喉，回一回氣之後我哋再加湯底打邊爐。肥牛質素很好，肥瘦適中，份量又夠！十全大寶丸，全部係手公，好有特色，入口有驚喜，賣相十分亮眼，每一粒都很唔錯！有黑松露墨魚丸、蟹粉墨魚丸、 鵝肝蝦丸、海膽墨魚丸及芝心牛丸。我個人就最喜歡海膽墨魚丸，海膽味很突出，而且墨魚丸十分爽口彈牙！