beautiful.lucy的个人专页

三個月內已經第三次光顧，每次都覺得食物好好味。無論係銅鑼灣、尖沙咀或者旺角分店，味道都保持一致，烤雞香脆又多汁，醬汁調得剛剛好，味道的確值得欣賞。 服務方面都幾好，當日男侍應態度有禮，服務周到。落單後，我向門口員工反映音樂太大聲，他都有嘗試幫忙輕微調低音量，算係有心去改善客人感受。 不過，餐廳整體氣氛就比較熱鬧，音樂聲偏高，講嘢都要提高聲量。在埋單時，我再向守門口員工表示傾計傾到聲沙，音樂太大聲。他表示該店是酒吧形式，並有啤酒優惠，有買二送一，並叫我看看牆上海報。但我之後再查看 OpenRice，分類標示為一般餐廳，並未寫明是酒吧。個人覺得食物出色、服務還好，但環境較嘈，唔太適合傾偈聚會。若可以更新標示為「酒吧」，會更清楚反映實際情況。我下次會改去銅鑼灣或者尖沙咀，都不會再去旺角這間酒吧了。…查看更多

34度熱辣辣，路過蘇媽蘇媽原本想入去飲杯凍咖啡就叫人幫我落單。店員就叫我用手機自己落，load咗3分鐘都load唔到，我就再叫店員幫我落單，店員就叫我連佢公司WI-FI。我心不甘情不願連接公眾Wi-Fi，大家明就明啦！連上Wi-Fi後，再load多3分鐘都load唔到，我就問店員可以幫我落單嗎？店員就叫我load多陣，一定load到。我絕對支持電子化落單，又環保、又準確，不過我實在太渴，攪咗10分鐘都load唔到，所以走咗。對唔住我錯，應該去路邊珍珠奶茶🧋店買凍飲會快啲。希望你哋唔好嬲我無幫襯就走咗，唔好意思，我實在太渴。…查看更多

年初五開工吉日搵新店午餐，在openrice見到the One有新開冰室仲可以網上訂位攞埋25個Asiamile,不用思考即訂位。13：30未夠已經到達，店員快速帶我到較尾的卡位，陽光普照直射進來，好舒服，美好的一天。服務員溫柔有禮，仔細為我介紹午餐餐牌，服務水準一流。我當然要試試常餐，選了餐肉，雪菜肉絲通粉，配黑松露炒蛋，茶走。多士係Danish Toast牛油🧈塗兩面，好香好熱黑松露炒蛋就碎咗啲，所以要倒落通粉入面食通粉就重手味精，食完口渴到不得了整體都ok啦…查看更多

今日趕時間吃午飯，只有30分鐘時間。見到不用等位就進去...快速選了卡邦尼意粉🍝叫侍應盡快上菜就可以。侍應十分配合，為我點餐、餐湯麵包很快就到，美味餐湯溫暖餐包，好讚！主菜十分有驚喜，有誠意，好味😋用心製作加服務態度非常好👍🏻…查看更多

我一向對食物無特別要求，因為由細到大已經唔食牛肉，而且又對蝦敏感，如果我再揀飲擇食，我真係要練仙🤦🏼‍♀️🤦🏼‍♀️有日朋友介紹來bandone 買肉，店主力推西班牙黑毛豬，見價錢略貴，膽粗粗就買左一盒兩件番屋企煮。店主得知我係煮飯新手，即刻細心教授煮食方法，仲提示小秘訣！即晚回家跟足店主方法，不用15分鐘已經炮製一份香烤黑毛豬👍🏻👍🏻味道好到不得了，我真係想知係我技術超群還是真係煮黑毛豬零失敗？！煮飯新手突然變煮飯強人！因為搵到滿足感，所以我幾星期就去一次睇下有咩新肉煮。打邊爐黑豚肉、銀鱈魚🐟、加拿大豬胺架、馬介休.....已經係我必入貨清單♥️♥️最近知道佢地在香港仔開新店，方便港島區居民，我都要搵日去朝拜一下。…查看更多

朋友介紹一個無限時的食店，一班朋友可以由晚上7點食、玩、傾到12點，食物質素不俗，而且服務員體貼用心，決定下星期再約朋友仔來敘舊。食物選擇多，沙律前菜，日本和牛，我最愛生薑豚肉燒…查看更多

前幾天，朋友說這間餐廳服務員服務質素差劣，雖然有了解顧客需要，但沒有跟顧客意思做，那麼，問顧客有什麼作用，這是什麼服務？！朋友落order的時候，店員有細心了解顧客要先吃前菜、餐湯，後上主菜。不過5分鐘之後即上西班牙海鮮飯！！朋友驚訝😦！為什麼不是跟顧客意思，先上前菜、餐湯！店員即表示公司的焗爐有四百度火力，可以很快就上主菜！！！天呀！請各位評評理！邏輯上，店員回應是否很有問題？有400度火力的焗爐，就要5分鐘上主菜嗎？再情理上，店員已經再確認上餐湯前菜！但為何要5分鐘即上主菜！最可笑的是，用公司最驚為天人的400度焗爐焗出來的西班牙海鮮飯是冰凍的！朋友即向店員反映主菜是冰凍的，店員反問顧客：「你平時都有食西班牙飯嗎？應該不會有問題。」沒有服務的餐廳、食物質素差劣！…查看更多

平日去筲箕灣食飯，都只會諗起食魚蛋粉！上星期日，與爸爸晚上撐枱腳，經過八沢門口，見有好多食客排隊，諗住人排我又排嘅心態，與爸爸商量下，不如試八沢日本菜！門口靚女接待員友善、親切！不到10分鐘就可以入坐！入坐後，接待員推介了幾款美食！蕃茄沙律、廣島蠔烏冬、廣島蠔黑豚肉串燒、串燒厚切牛舌、牛油燒扇貝......唔理咁多！未食過就樣樣都試！一邊食都唔記得影相最後結論係-爸爸話要聽日再來多次需要店舖小小，坐位不多，但食品質素甚高，值得推介！…查看更多

因為公司聚會，要包一個場，可以容納15人，又要唔限時，真係諗到頭都爆。朋友介紹下，去左德興街倫哥私房菜。服務好到不得了，食品質素好到不得了，環境好到不得了......一句講晒倫哥私房菜正！平日$278+10%任飲任食無限時食過西環、佐敦、太子！始終覺得佐敦最好！…查看更多

閒日放假與家人入西貢吹吹風，原來可以咁輕鬆，叫左個海鮮二人餐，任選4個海鮮仲送一個炒菜，免加一，最後仲有兩個甜橙！好食就唔洗多講，樣樣都新鮮大大碟，食到對手好污糟，最後兩個海鮮都唔記得影。家人都話平過去北角碼頭買回家自己煮。下次閒日再去！…查看更多

之前食完the market已深深愛上，今次做埋會員真係優惠一浪接一浪。Set dinner $358+10% 送$200現今券仲有85折3個人平均$280 食足四道菜！無得輸！不過好食還好食，平還平！都要講個千真萬確嘅事實…大家入去之前一定要有一個認真嘅心理準備就係「冇Service」。因為有啲人會覺得，一個晚餐＄300一定要有返咁上下水準嘅服務，但係呢一間....成間酒店係沒有服務可言，當你抱住呢個心態，大家就會食得好開心…查看更多