蘇媽.蘇媽馬來西亞茶餐室

34度熱辣辣，路過蘇媽蘇媽原本想入去飲杯凍咖啡就叫人幫我落單。店員就叫我用手機自己落，load咗3分鐘都load唔到，我就再叫店員幫我落單，店員就叫我連佢公司WI-FI。

我心不甘情不願連接公眾Wi-Fi，大家明就明啦！連上Wi-Fi後，再load多3分鐘都load唔到，我就問店員可以幫我落單嗎？店員就叫我load多陣，一定load到。

我絕對支持電子化落單，又環保、又準確，不過我實在太渴，攪咗10分鐘都load唔到，所以走咗。

對唔住我錯，應該去路邊珍珠奶茶🧋店買凍飲會快啲。希望你哋唔好嬲我無幫襯就走咗，唔好意思，我實在太渴。