lilywong5412的个人专页

首先上枱係清新開胃嘅沙律同埋日式前菜，有藜麥同埋蘆筍，一啲都唔馬虎。時令刺身2點間白薄切肉質結實，味道清甜，捲住海膽味道更添層次，灑上酸紫蘇花更清新。梭子魚皮炙燒處理過，魚油滲入魚肉。時令壽司4點秋刀魚係秋季嘅時令食材，當然不能錯過，銀光閃閃好特別。平政魚以櫻花煙燻後灑上花，味道有驚喜，處理顯誠意！野生拖羅選用不同部位嘅三層薄片疊起，脂肪含量恰到好處，有層次感。北海道紫海膽質地又滑，味道清甜。鐵板燒馬友魚皮脆肉嫩，煎得啱啱好，點埋柚子汁好解膩。北海道帶子大大粒，淋上以菇菌同埋秋葵煮成嘅湯頭，味道鮮甜。馬來西亞虎蝦肥厚彈牙，啖啖肉好正。點埋以蝦膏熬製嘅醬汁十分鮮味。煎鵝肝夾埋多士同埋甜度高嘅日本金一齊食，油香滿分又唔漏。美國特級牛肉薄燒：肉質軟糯得黎唔會太肥。四舊大大件，男士都一定夠晒飽。鐵板炒飯即炒即上枱熱辣辣。芽菜炒得啱啱好，好爽脆。味噌湯以蝦頭熬製，鮮甜無比。抹茶奶凍滑溜無比，茶味香濃。同平時一般嘅Omakase有啲唔同，有魚生又有鐵板燒，啱哂三心兩意樣樣都想要啲嘅我。…查看更多

明太子甜蝦鹹香鮮美，滋味。真鯛肉質細緻柔軟，富有彈性，適合做刺身。兵庫真蠔口感清脆爽口，非常適合生食。有「海牛奶」美譽鰹魚表面炙烤，使其帶有焦香味，𥚃面仍保持生魚片的鮮嫩口感。松葉蟹蟹膏味道鮮美濃郁，有獨特的甘甜味，跟蟹肉一同享用，滋味更上一層樓。門鱔清湯以簡單的調味突出魚的鮮味，帶有淡淡的薑絲和蔥花香氣。深海池魚肉質細緻，口感滑嫩，油脂十足。油甘魚搭配少許柚子胡椒，提升了魚肉的鮮味，有清新的刺激感。牡丹蝦鮮甜，甘香，有漿口感。珍貴嘅姬松茸，口感一流，十分鮮香。赤貝肉質飽滿，味道鮮甜，有豐富嘅海洋風味。吞拿魚醬油漬味道濃厚。拖羅帶有濃郁甘香味。松葉蟹的鮮味和芋圓的甜味結合，有意想不到的風味。海膽味道鮮甜，帶有淡淡的海洋氣息。魚籽鹹香，兩者配搭為壽司，十分味美。鮑魚肉質軟熟，搭配鮑魚醬，味道十大特出。…查看更多

香港餐飲業低迷，連廚師發辦都做優惠，梗係即刻試吓。14貫壽司一人只需$1000，質素一啲都唔將就！前菜三小碟一啲都唔馬虎，各有特色！冷豆腐上面鋪滿鮮甜嘅松葉蟹肉，清清地。水果蕃茄糖道高，鮮甜多汁。爽口嘅水母漬酸味味，非常開胃。14貫壽司密柑鯛：以果皮餵養果然唔同啲。魚肉晶瑩剔透，一啲腥味都無。深海池魚：非常厚切，咬落好滿足。間白魚：魚味相對清淡，配味道濃郁嘅三升漬麵豉醬啱啱好。金目鯛：用火槍迫晒啲皮下油脂出嚟，超正！北海道帆立貝：圓大飽滿，咬落軟腍腍。牡丹蝦：蝦肉彈牙，唔好嘥上面擺埋蝦頭啲蝦膏，更添滋味。石垣貝：夏季先有，係不可錯過嘅時令食材。師傅大大力拍一下會自動收縮好有趣。赤貝：質地爽口，加埋橘香陣陣嘅青檸皮碎十分清新。北海道刺身海膽：本來已經好鮮甜，加埋鹹香滿分嘅三文魚子，味道更上一層樓。醬油漬赤身：以醬油醃漬，鹹香珍珍。銀鱈魚bb：肉質軟嫩，同清新嘅柚子胡椒味道好夾。黑木魚：屬於比較肥美嘅白身魚，同金木雕味道相似。大拖羅：油脂滿分好肥美，唔會太多筋。鯖魚：有啲似手握壽司，以特製醬油調味，味道有驚喜！左口魚裙邊：油香陣陣，入口即溶，雖然食到尾好飽都絕對唔可以錯過。麵豉湯：食完凍冰冰嘅壽司點笑得熱辣辣嘅湯作結尾。抹茶奶凍：質地滑溜，奶香足夠，以黑豆作點綴有誠意。…查看更多

銅鑼灣藏有唔少高質素嘅樓上餐廳，家河屋就係其中之一，環境舒適座位寬敞，適合同朋友共享晚餐。巨峰提子梳打 $40: 大大杯，唔會太甜，味道清爽。特選刺身盛 $238: 三文魚、吞拿魚、油甘魚、深海池魚、赤海蝦、八爪魚各兩片，樣樣都算新鮮，厚薄適中。每款兩塊分享淺嘗啱啱好！月見櫻花海老丼 $220: 二重奏丼定食又有飯又有烏冬，啱晒有選擇困難症嘅我。紅蝦刺新鮮甜無比，撈埋三文魚子同埋蛋黃一齊食味道更上一層樓。旁邊仲有滑嘟嘟嘅茶碗蒸、沙律同埋湯好豐富！海膽龍珠卷 $148: 大大粒橙黃色嘅醬油漬蛋黃鹹香滋味，加埋海膽同埋吞拿魚蓉，超級滿足！西京燒熟成黑豚腩肉 $98: 以白味噌調味，味道帶微甜，咬落油脂充盈。鹽燒油甘魚頭 $68:撥開魚皮，魚肉嫩滑富油香，簡簡單單鹽燒已經好正。…查看更多

餐廳氣氛浪漫，環境優雅。餐前菜小巧可愛，牛油果與牛肉他他混和，味道十分之夾。Lobster Bisque, Lobster Ravioli 味道非常有驚喜。濃郁鮮香，不鹹不膩。Spaghetti, 24 months Parmesan Cheese, Black Truffle喜歡重口味一定要試。廚師現場烹製，先燒溶芝士，再混和意粉，最後放上黑松露片。鹹香芝士味樸鼻，入口更濃，滿足到芝士控。Toothfish, Cuttlefish, Fava Beans, Bouillabaisse 肉質嫩滑，味道甘香鮮甜，讚。Tiramisu酒味顯著，質感綿密，入口融化，甜度適中，好味。…查看更多

老公生日，訂了一間環境，氣氛不錯嘅餐廳。前菜好可愛，似迷你雪糕。原來係八爪魚他他，口感複雜，好食。竹炭虎蝦多士卷造型好特別。面包外層薄脆，虎蝦爽口，蘸少許沙律醬增添味美。烤油封鴨腿配意大利米香噴噴，樸鼻而來。鴨肉保持嫩滑及柔軟又帶一點結實，好香。米粒圓胖，黏黏口感，吸收到臘腸，冬菇嘅精華，味道濃稠，超正。Catalans with Sabayon意式甜品沙巴雍，綿滑香甜，混合杏仁金寳，多重層次， 滋味。。…查看更多

餐廳： 漁獲浜燒（銅鑼灣）標題： 新鮮，味美新一年新開始，今晚宴請下屬晚飯，當然不會吝嗇，一於帶佢食好嘢。日本料理中的浜燒，合胃口不過。浜燒套餐先來開胃嘅蟹籽蟹肉沙律。刺身升級了，肥美拖羅，入口溶化。深海池魚鮮甜。赤蝦有漿口感。牛柳配以蒜片，味道好夾。牛柳肉質軟腍，肉汁豐富。帆立貝揀選清酒來烹調，淡淡酒香，更顯鮮美。芝士龍蝦，熊熊烈火，十分有氣派。肉質爽彈，好味。最後龍蝦頭味噌烏冬，簡簡單單，烏冬配以清甜湯底，不錯。甜品厥餅作為完美晚餐的句號。…查看更多

原先諗住平日晚上去尖沙咀睇燈飾會輕鬆一點，誰知人頭湧湧，逛了一會，便放棄了。與友人去咗一間日式料理店食廚師發板。先付 ：聽㕑師講，八爪魚鬚用了一小時左右烹製，質感軟熟，蘿蔔非常入味。茶碗蒸十分滑溜。季節二品 ：片片晶瑩剔透嘅金鯛，建議原汁原味，鮮美！針魚來自淡路𡷊，肉質彈牙鮮甜。燒物 ： 帆立貝熟度恰到好處，細嫩。炸物 ： 金黃酥脆，啖啖濃香，蟹肉鮮甜。壽司四貫 ：深海池魚，赤貝，黑目魚，拖羅各具特色，停不了口。季節釜飯 ： 飯粒吸盡精華所在，味道十足。甜品 ： 小巧可愛嘅柑啫喱，味美。…查看更多

西柚蝦沙律酸酸甜甜幾清新，蝦仔爽口，實屬開胃前菜。 活龍蝦澳洲花龍非一般龍蝦可比，七成熟厚肉彈牙，唔好曬用翻蝦膏做醬汁，味道更上一層樓！活南非鮑魚南非孔雀鮑魚鮮甜無比，味道一流！有彈性有咬口，點埋忌廉海苔醬味道更有層次。旁邊嘅鮑魚肝有驚喜，味道濃郁，口感似鵝肝，又係另一種享受。香煎牛舌芯鐵板燒點少得牛舌。口感軟嫩，肉汁豐富，見到上面嘅油光就知有幾正！和牛薄燒鹿兒島A4和牛果然唔同啲，牛味濃郁。油脂充盈，入口即溶，包住大量蔥花夾埋食唔會太膩。日式炒雜菜簡簡單單以牛油調味，四色生菜絲啱啱好，爽口得來唔會太硬。日高昆布白蜆湯湯頭以龍蝦殼熬煮而成，難怪禁鮮甜。海膽海鮮炒飯白飯炒到粒粒分明，大大碗夠曬飽。精選甜品牛油多士外表平平無奇，估唔到焦香十足，加埋荔枝雪糕冷熱交融。…查看更多

二人套餐盛惠$1388，食物份量充足，三個人食到夠。蜜汁厚切黑毛豬：黑毛豬果然唔同啲，鬆軟得來又唔會太多肥膏，好juicy。醃得好入味，上面鋪滿蜜糖超級正！七味一口豆腐：炸粉漿酥脆薄身，外脆內軟，上面灑滿金黃嘅炸蒜好惹味，絕對係一道大人細路都難以抗拒嘅邪惡小食。紫砂功夫燉湯：望落細細壺，飲極都仲有！好足料好滋補，用功夫茶杯細細啖品嚐更顯滋味。紅燒乳鴿：乳鴿BB雖然細細隻，勝在肉質嫩滑，富滷水香。外皮香脆得黎唔算油膩。魚湯竹笙魚腐浸勝瓜：其他餸菜咁多肉，揀一個清清地攝取返纖維平衡下！魚湯鮮甜，勝瓜煮到超淋。蝦籽京蔥明蝦球：大大粒嘅蝦球好爽口。以乾冰裝飾伴碟顯心思。杞子桂花糕：估唔到下層嘅椰汁糕同上層嘅桂花糕又幾夾，一啲都唔違和。唔會太甜，兩溝又有新鮮感！蝶豆花柚子茶：臨走店員送上兩杯清新飲品，顏色夢幻又解膩！…查看更多

燒銀鱈魚乾片 $68香脆滋味，帶炭燒香，佐酒一流！刺身拼盤七點盛 $380食日本嘢點少得刺身～以白身魚為主、其中真鯛同埋間白魚最為新鮮！欣賞有各式伴碟例如紫蘇葉、明太子供自行調味。炭火串燒拼盤 $180有選擇困難症，呢個就啱晒！廚師幫你揀是日串燒，包括雞翼、雞心、雞腎、青椒仔、雞頸、免治雞肉棒。最鍾意免治雞肉棒，外脆內軟，有啲軟骨碎口感豐富，點埋生雞蛋夠晒滑！燒番薯配蜂蜜牛油 $48呢個絕對係私心推介！日本番薯口感棉密，甜度十足，已牛油蜂蜜調味又甜又鹹好正！燒粟米 $28粒粒粟米好爽口，冇渣！簡簡單單塗抹鹹香嘅牛油已經係人間美食～肉厚活三年帆立貝 $148上枱嘅時候下面有火焰慶住，仲係熱辣辣㗎 ！好鮮甜，生熟程度啱啱好，保持軟嫩嘅口感。銀鱈魚西京燒 $138輕輕以味淋同白味噌調味，魚肉嫩滑甘甜。份量唔孤寒，呢個價錢都算抵食！雞湯卡邦尼烏冬 $98係一道西日fusion嘅創意料理。大大碗，適合兩個人分享！卡邦尼嘅濃稠度介乎湯同埋醬汁之間，唔算太膩！烏冬比一般意粉掛汁能力更強，滋味滿分。自家製雞蛋布甸 $38布甸滑溜無比，帶濃郁蛋香。上面嘅焦糖焦香陣陣，唔會太甜。柚子雪芭 $38唔會太酸，混入粒粒柚子皮，微甘好清新。…查看更多

朋友得知嚟間壽喜燒專門店做緊優惠，嗱嗱臨約我們去聚一聚，順道食美食。首先係前菜，有磯煮鮑魚，十分軟熟；酸咪開胃水雲和超甜白粟米。蒸蛋非常幼滑。星鰻入口即化。坐在吧檯望著廚師在烹調食物，那種認真，技巧純熟，讚👍。打頭陣A4肉眼，油脂跟醬汁融為一體，肉質軟腍，好味。喜歡的話，蘸少許蛋漿，味道更上一個層次。A4西冷也毫不遜色，同様軟腍，口腔內滿滿是脂香。黑豚西冷有質感，肉味香濃。肉與蔬菜輪流分隔，可減輕肉類嘅膩感，十分好。舞茸菇清湯時令食材，清甜好飲。…查看更多

今晚呢餐晚飯非常盡興，有朋自遠方來，享受美食之餘，懷緬一番。時令生蠔：西非Namibia西班牙Spanish Rock法國Gillardeau 十分肥美，由清爽到蠔味濃厚，滿足到蠔痴。Tomato & Mozzarella Cheese這款前菜健康又有營養。Oyster Bisque 質感綿滑細膩，蠔味濃郁，滋味！Canadian Pork Chops 烤得好正！肉質軟腍，充滿肉香，肉汁溢出，佳作。Tiramisu酒味顯著，味道又不太甜膩，好味！…查看更多

蟹控一定要試嚟間位於銅鑼灣中心地帶嘅日式料理店，主打蟹😘。晚市套餐有特價，真係好抵食。大蝦沙律大蝦刺身有漿口感。沙律菜爽脆。時令刺身三款，非常鮮甜。松葉蟹肉三文魚子茶碗蒸好香啊！蛋味香濃又滑溜。配料蟹肉和三文魚籽，滋味。鹽焗活蟹鹽味完完全全滲入蟹內，鹹香。蟹膏爆燈，蟹肉一絲絲，香甜可口。龍蝦天婦羅龍蝦肉非常彈口，薄薄漿衣，做到不油不膩。還有蔬菜天婦羅，秋葵，蕃薯…鯛魚白湯奶白色嘅魚湯，濃香，非常暖胃。松葉蟹肉濃湯素麵簡簡單單也不錯。甜品係黑糖蕨餅，抹茶布甸，大滿足😌。…查看更多

母親節亞女請食飯，當然食咩都咁甜啦。去了尖沙咀食日本菜，有廚師發板即做嘅天婦羅和壽喜燒。前菜3品，擺款精緻，吸引眼球。蛋黃醬白露筍，酸味蕃茄和鴨胸。茶碗蒸加入螢光魷魚，滑溜有蛋香。天婦羅係即做即食，熱呼呼的，小心熨口。蝦味香濃。北海道粟米清甜。愛媛縣白子入口綿滑。來自北海道嘅舞茸菇，菇味特濃。炸蠔爆漿，肥美。食完天婦羅，到壽喜燒了。先將配料蔬菜烹煮。隨後三款和牛續片煮，由淡味到濃味。西冷，肉眼和肩位。還有自家製嘅蛋黃漿，另牛肉更滑。再配合月光米，無得輸。大蜆湯鮮甜。最後甜品蕨餅，完美組合。…查看更多