alfredfu的个人专页

好少入西貢, 不過今次因要大網仔做嘢, 放工後就相約到西貢一嘗西貢海鮮。全晚最喜歡海膽, 唔好講食, 睇到個樣都流口水!!! 鮮甜到........清蒸老鼠班, 肉質好滑, 要成六＋八蚊一両, 價錢比市區食市貴咗八蚊両, 但蒸功相當唔錯。海星湯好清甜, 滋養品, 入秋季節飲, 就最適合!:)炒澳洲鮑片, 原隻有手掌般大, 味道okay, 不過大厨炒得過火少少, 炒鮑片好考功夫, 有改善空間!本地龍蝦, 皮薄, 用上湯整, 肉質彈口, 正!…查看更多

餐前小食.....小黄花個樣好正, 顏色金黄, 小脆香口蠔仔粥: 配料有大地魚料, 好香, 蠔仔漲仆仆, 好有口感!最正都係條三刀魚, 鱼皮又滑又厚, 魚肉好嫩, 緊緊熟, 每両成60蚊, 真係貴得有道理豆醬雞就嘛嘛, 不試也罷。第二正就係木薯清心丸, 小甜有益, 可以添食!…查看更多

細佬生日，今次去佐敦呢間不倒翁慶祝，招呼就幾好, 各樣火煱料十分新鮮，湯底用涼瓜排骨，冇噤燥熱。 最值得回味係龍躉頭腩，皮厚又彈口，膠質豐富，美味非常!!生蠔, 脆肉鯇都唔錯，年糕袋跟銅鑼灣那間分店有少少唔同，內餡有啲甜，買相就不及銅鑼灣好。鮮榨西瓜汁清涼小甜, 最啱飲!…查看更多

環境氣氛好好, 有歌舞肋慶, 生日聚會一個好地方!:)咸奶茶第一次飲, 只係咸味冇乜特別。羊什蕃茄湯都係一般, 多啲蕃茄會好啲。羊肉雲吞唔錯, 一口一隻!串燒羊比牛舌好味。真係唔知新彊有扇貝食, 可能係食老干媽啦甜品我最喜歡紅豆燒餅, 好香紅豆味, 非常熱、香、正!!!…查看更多

第一次品嘗日本鱈場蟹，用不同烹調方法去食，好有新鮮感！每隻蟹超過2kg, 一隻蟹足夠兩人食。第一道菜燒鱈場蟹香噴噴， 蟹肉豆腐粉絲煲啲豆腐好正，蟹肉鮮甜就不用多講。啲蟹糕多到成個殼都係，因為旺季，啲蟹有好多蟹子，睇落去係黑色，但做shabu shabu 經紙火鍋係變成橙紅色，口感豐富! 重有蟹肉餃子，雜燴粥....個肚以經好滿足:)火鍋湯鮮甜到 wa.....正到甜品有芝麻雪糕, 好香芝麻，又滑!…查看更多

位於Heritage 1881 嘅中菜館，環境清靜，服務素質佳，係呢道食午餐另有一種滋味杏汁白肺湯有雞湯底味, 杏汁味則偏淡，湯澄現奶白色，用料十足!鮑魚食得多，用呢種整法，第一次見，用普洱滲然後將鮑…查看更多

位於地庫嘅老上海飯店，係老正興嘅舊鋪，有相當懷舊情懷，伙計一般都上了五十歲，說話速度跟語氣都係同招牌『老上海』好襯。清水大閘蟹有六両重，肉鮮有黄膏、合時宜!鱔糊甜了少許，可能是上海菜吧。蒓菜魚片湯，用大條花鱼起肉，蒓菜口感好特別、滑滑地，湯味清淡，正!擔擔麵就一般，麵質不太韌但欠缺花生香味。高力豆沙比較實，唔夠鬆化。…查看更多

今次嘗試得獎點心，第一樣係"藕斷絲蓮"個樣子睇嚟非常吸引，手工精緻，用紫菜條作環，放入口外皮鬆脆, 內涵有奶皇同芒果粒，既滑又有鮮香芒味，外脆內軟，口感好特別，抵佢攞金獎!第二樣係"水晶禮盒"賣相瑩通誘，皮薄，非常細緻，有脆肉瓜同菌茹粒做餡，爽夾香!第三樣輪到燒汁煎包，熱透嘅沙煱上放滿蔥條，在檯上傳來陣陣葱香，包身軟滑，一口咬落去，燒汁即爆入口中，味正之餘但要小心燙親條脷啊!燒鴨唔肥皮脆，充滿鴨嘅肉汁味，不能跟一般酒樓比較。糖水都幾持別，有鮮人蔘、棗子、天山雪蓮子，小甜、好潤!…查看更多

店鋪位置雖然唔起眼，但內部裝修相當唔錯，有中日色彩。招呼一流，服務員經常親自為客人火鍋除去火鍋湯上湯泡，值得一讚:)湯底方面首遌牛奶魚渴底，老細話用北海道牛乳加埋鯊鱼骨湯底，真係白滑有牛奶味同鱼味海膽非常新鮮，入口便知正貨! 赤貝味道鮮美，脆肉鯇魚片一定要試！又彈牙又滑，不單冇泥味重好有鱼鮮味:)加拿大桶蠔好大隻竹笙好爽、健康之選。櫻花牛粒好甘，入口嫩滑牛舌芯好正，有牛味有口感！…查看更多

坐係窗邊卡位可以望吓街景, 坐得好舒服, 員工禮貌好!:)早上口乾乾，都係想食啲濕濕哋嘅嘢，所以選了鮮茄魚湯魚蛋米線，魚蛋味道一般，啲米線就好滑，雖然湯底有罐頭番茄，不過佢都加新鮮茄肉落去，加埋魚湯底，好好味 我成碗飲哂!奶茶有啲失望，冇茶香，色澤偏黑唔夠紅，又唔係好滑，不試也罷。…查看更多

上兩次已經想去試下"迎" 嘅菜式，不過都話訂滿，所以無緣品嘗! 今次可以訂到位，心中都有一份喜悅。:) the One 嘅"迎" 佔盡地理優勢，位於高層20樓，可望維港夜景。用餐方面，招乎比一般中式洒樓好。經理介紹左魚翅四喜餃，佢話雜誌有介紹過，所以我地點了一試。顏色吸引，蝦肉爽口，重有少量魚翅增加貴氣，做得精美!個蠔煲就麻麻，個煲上菜時唔係熱到啫啫聲，啲蠔肉比較實，粉就厚左啲, no good!39 頭日本吉品鮑 雖然可以用刀义去享受，不過真係細隻左啲, 鮑汁味okay.個木瓜燉魚皇湯就中規中矩，算唔錯。玉盤鮮豔素碟上賣相差左啲，唔夠正，味道算係清淡。堂煎德州牛扒本來想賣弄服務技巧，增添視覺享受，可惜，員工技術有代改善 雖然味道okay, 不過賣相唔得, 同肉地比較韌!黑瓜子斑 反而唔錯，有魚味唔沙皮，而且抵食!!! 甜品方面, 經理推介豆豆千層凍餅, 個樣 okay, 即係紅豆多層 pan cake, 但係比較乾。…查看更多

日本啡菇海苔豆腐煲最正算係海苔，好有海水味、滑潺潺，配合豆腐加啡菇，口感幾特別銀棯醬茄子雖然個賣相跟住家菜很相似，非常平凡，但整個菜式被銀棯醬增添了生氣，味道正得非常:)黃油菌燒青玉茄(鐵板上)，賣相似西式鐵板燒，色彩艷麗，青玉茄好清甜，跟紫茄子完全不同野生雜菌蒸鈑除雜菌外，還有薑絲，好有飯味 原味黑麥汁可以一試，話有益身体!胡椒珍菌豆腐啲豆腐好滑，味道啱啱好。總括而言，簡單、唔咸唔肥膩，正!…查看更多

有大地魚做湯底加上用料十足的水餃; 有, 肥豬肉粒，冬菇, 木耳, 笋絲, 先聞到大地魚的香湯, 再望見皮薄飽滿的水餃, 立刻把整隻水餃放入口; 冬菇加笋絲的香味爆發出嚟, 正到暈! :)而河粉好滑, 水餃河加凍0茶只係23蚊，可算係平靚正！但杯凍0荼就嘛嘛, 荼色偏黑…查看更多

第一次食用鹽鮮煮的方法去食龍蝦, 幾特別, 迫晒龍蝦啲鮮味出嚟:)而一味兩食; 另外龍蝦身做剌身, 又可放上湯, 嘗試多方面食法去滿足味蕾的需要。但係龍蝦刺身船個樣唔係幾好,冇乜顏色襯托, 剌激唔到視覺享受 杏汁豬肺湯可以一試!鹽水菜心 okay盆雞肉幾滑、有雞味!條黃皮老虎斑唔錯。反而我覺得豉汁涼瓜炒得出色香味:) 碧綠涼瓜質感不軟不硬、少甘味又有豉汁香味, 正!…查看更多

火燄海中蝦可算是新意思, 賣技倆; 不過味道鮮美非常!:) 因用花調酒燒, 所以好有酒香味! 難道在剛剛熟, 不會過火, 真係要啲技術。松茸燉響螺, 好濃味, 飲完個嘴脣好黏! 老虎鮑重正; 好鮮女嫩呀!文昌雞好滑, 加上紅蔥頭香味, 可為色香味皆全。臘腸斑冇沙皮, 大廚蒸功一樓, 值得一讚:)消脂菜汁有紅菜頭, 菠蘿加涼瓜汁, 好消滯 夏日消暑必選。桂花蜂蜜燉蘆薈, 潤曬! …查看更多