迎‧潮 (已結業)

上兩次已經想去試下"迎" 嘅菜式，不過都話訂滿，所以無緣品嘗! 今次可以訂到位，心中都有一份喜悅。 the One 嘅"迎" 佔盡地理優勢，位於高層20樓，可望維港夜景。用餐方面，招乎比一般中式洒樓好。經理介紹左魚翅四喜餃，佢話雜誌有介紹過，所以我地點了一試。顏色吸引，蝦肉爽口，重有少量魚翅增加貴氣，做得精美!個蠔煲就麻麻，個煲上菜時唔係熱到啫啫聲，啲蠔肉比較實，粉就厚左啲, no good!39 頭日本吉品鮑 雖然可以用刀义去享受，不過真係細隻左啲, 鮑汁味okay.個木瓜燉魚皇湯就中規中矩，算唔錯。玉盤鮮豔素碟上賣相差左啲，唔夠正，味道算係清淡。堂煎德州牛扒本來想賣弄服務技巧，增添視覺享受，可惜，員工技術有代改善 雖然味道okay, 不過賣相唔得, 同肉地比較韌!黑瓜子斑 反而唔錯，有魚味唔沙皮，而且抵食!!! 甜品方面, 經理推介豆豆千層凍餅, 個樣 okay, 即係紅豆多層 pan cake, 但係比較乾。