龍皇酒家

今次嘗試得獎點心，第一樣係"藕斷絲蓮"個樣子睇嚟非常吸引，手工精緻，用紫菜條作環，放入口外皮鬆脆, 內涵有奶皇同芒果粒，既滑又有鮮香芒味，外脆內軟，口感好特別，抵佢攞金獎!
第二樣係"水晶禮盒"賣相瑩通誘，皮薄，非常細緻，有脆肉瓜同菌茹粒做餡，爽夾香!
第三樣輪到燒汁煎包，熱透嘅沙煱上放滿蔥條，在檯上傳來陣陣葱香，包身軟滑，一口咬落去，燒汁即爆入口中，味正之餘但要小心燙親條脷啊!
燒鴨唔肥皮脆，充滿鴨嘅肉汁味，不能跟一般酒樓比較。
糖水都幾持別，有鮮人蔘、棗子、天山雪蓮子，小甜、好潤!

藕斷絲蓮(金獎)

水晶禮盒(金獎)

燒汁煎包(金獎)

燒鴨半隻

糖水