mateo21的个人专页

天氣變凍，係時候去食燒肉啦今日試呢間燒肉喺樂富，係一間韓式燒肉，老闆都好似係韓國人除咗套餐同再加小食之外，都有燒肉任食，有唔同Level揀今次就試下個普通level先。有韓國餐廳最常見嘅配菜：泡菜同雜菜芽菜涼拌，仲有生菜比你包肉食，完全唔會油膩，食幾多都得！燒肉盤側邊仲有雞蛋，要快快趣食，如果唔係雞蛋就會熟晒肉類選擇有19種，海鮮6種，仲有蔬菜同韓國特色小食。飲品方面，除咗普通汽水同韓國罐裝果汁之外，仲有我最鍾意嘅忌廉溝梳打餐廳本身配搭左三款醬汁，餐紙上邊有寫，所以唔使驚，亦都唔使走去問店員我熟食方面我最鍾意係鵪鶉蛋，甜甜地，會一粒接一粒咁樣食，食唔停口如果鍾意食豬肉嘅，又唔想燒太耐，可以揀一啲薄片嘅肉，肉本身有唔同嘅醃料，同生菜一齊食都好夠味道，超正另外海鮮方便，魷魚、青口同扇貝都好好食，食得出好新鮮，青口本身有少少調味，食落甜甜地牛肉可以揀厚切嗰款，肉味濃郁，同生菜一齊食好滿足。…查看更多

飲過好多次功夫茶啦最近飲竹園分店比較多推薦38奶霸 有三款配料好滿足不過杯野好甜 記得要較甜度見新出咗朱古力奶蓋 飲咗朱古力奶蓋綠茶 半糖 好味唔會好怪 朱古力味都幾濃 就係普通奶蓋多咗份朱古力味另外想表揚員工態度好nice 有個戴眼鏡嘅後生仔員工 問咗佢好多問題 有咩配料 乜嘢茶底果啲勁有耐心解釋俾我聽 好有禮貌 有講有笑…查看更多

首次嘗試地中海菜，整體上感覺都唔錯，有少少西餐而異國風味感覺更重嘅菜式環境算唔錯，枱與枱之間都有少少距離，燈光唔算太暗服務員態度好好，會介紹今日有咩新鮮食材。墨魚汁意大利粉配大蝦：食材新鮮，大蝦都有好多隻，另外仲有兩種蘑菇同洋蔥，醬汁係好濃郁嘅cream味。份量好大，如果想食多啲其他嘢嘅，可以同朋友share。希臘餃子（羊奶芝士和菠菜）：味道好特別，係從來冇食過嘅味道，餃子底下嘅醬汁有少少似奶油同香料混合而成。餃子裏面嘅芝士係可以拉絲，菠菜可以令到餃子平衡返，唔會太濃味青口配馬里涅拉舞醬汁：青口屬於厚肉，醬汁裏面有好多香料同蔬菜，係從來冇食過嘅味道，不過對我來講有少少太重口味，鍾意重口味嘅人可以選擇呢個菜式。檸檬梳打：呢度有各式各樣嘅酒，不過我唔識飲酒，好在都有唔同嘅soft drinks 或者咖啡選擇，好適合同朋友嚟飲嘢食嘢同傾偈…查看更多

餐廳環境唔錯，不過地點有少少難搵，係金雞廣場，本來都唔覺得呢度會有餐廳有主食嘅餐牌，另外亦都有飲品同小食選擇。價錢都算幾親民，服務員態度亦都好好座位係梳化，感覺上都有少少私人度。西班牙煙鴨胸燴飯：個燴飯有濃郁嘅醬汁味，配搭有少少芝士，味道鹹鹹香香，亦都配合兩種燈籠椒同洋蔥，去減少個燴飯嘅油膩感特色拼盤：最為突出嘅係雞翼、洋蔥圈、芝士條呢三樣。雞翼係蜜糖雞翼，甜味啱啱好，外皮煎/焗得啱啱好；洋蔥圈係加工過嘅洋蔥圈，絕對唔係只有生洋蔥拎去炸，食落甜甜地，下次可以直接叫一份洋蔥圈食；芝士條係可以拉絲，鹹鹹香香，不過一定要趁熱食小天使（花茶）：花茶有四至五款，亦都有唔同嘅功效儀式感滿分，茶壺下邊有蠟燭熱住個花茶朱古力蛋糕：朱古力蛋糕上邊有個醬汁，食落好似有少少酒味（唔肯定），蛋糕唔算好甜，碟上嘅裝飾亦都好有心思，打卡一流…查看更多

一間好高質素嘅打邊爐，食物質素非常之高，店員亦都好好態度價錢同食物質素成正比。首先環境都唔錯，每個位置都有少少屏風或者間隔，令到自己有少少私人空間嘅感覺。而家咁啱有六個晚市套餐優惠，個個都好抵食，亦都有為咗唔食牛肉嘅人着想嘅套餐。鮮椰子紅棗滋補清遠雞鍋（椰子雞半隻）：呢個鍋湯頭非常之鮮甜，完全唔會好重嘅藥材味，打邊爐之前飲咗一碗，就知道用呢個湯底打邊爐係冇得頂紐西蘭羊肉卷：羊肉嘅味道十分濃郁，食得出好新鮮，絕對唔係平價貨，鍾意食羊肉嘅朋友一定好愛。首創路邊手工炸魚皮：新鮮炸起熱辣辣，上邊有少少類似孜然粉同椒鹽嘅調味料，食落好惹味，不過對我嚟講有少少辣；但只要將佢放落湯底，煮幾秒，超級超級好食吸收咗湯汁，之後加埋調味料嘅味道，手工炸魚皮必叫自家製黑松露墨魚滑：煮完之後好彈牙，估唔到黑松露同墨魚滑都幾夾，本身墨魚滑已經調好味，所以唔使擔心無黑松露味。生劏海斑仔：食得出真係好新鮮，某幾個部位有少少多骨，食嘅時候要小心d。新鮮食材配搭有層次嘅湯底，真係好難得。…查看更多

去到九龍城就諗要食泰國菜，喺九龍城試過幾間，而黃珍珍呢一間，都係唯一一間會重複去食。海鮮炒飯：海鮮用了新鮮，炒飯有飯香，叫飯食嘅時候最好配一個咖喱，咁樣就最抵食。明爐烏頭：呢個係必食！必食！必食！睇相都可以見到條魚係有魚油，屋企人話有魚油嘅魚，係新鮮同埋好食。如果覺得湯汁唔夠，可以叫侍應加湯汁落條魚度。另外裏便都有少少大嚿嘅豬肉碎，個底有少少菜，佢哋吸收咗魚嘅精華。燒豬頸肉：呢個唔係串燒系列，不過好食過串燒，價錢上抵食好多，又方便好多，唔會有竹籤阻住晒。佢就好似泰國版嘅叉燒咁，甜甜地，油脂分布平均，呢個都係必食。…查看更多

石屋Cafe環境都唔錯，雖然如果自己一個人去食會麻煩咗少少，因為要搵咗張枱先，之後先可以去收銀度揀嘢食。柚子炸雞：跟餐加錢，雖然應該唔係即刻炸，係翻熱，不過加10幾蚊就有，味道都唔錯。All day breakfast ：超級飽肚，如果唔係好肚餓，可以兩個人share再加少少小食。個煙三文魚沙律係最好食，另外牛角包同格仔餅都好好食，好鬆脆，格仔餅有配煉奶。不過牛油果就一般，如果可以熟多少少就好。手撕豬肉漢堡配薯條：個漢堡包我覺得好惹味，味道係有啲BBQ味，再加少少香料味，不過朋友就覺得唔係幾好食，個人口味不同，我就覺得下次我都會再食呢個包。薯條都夠脆，正正常常。…查看更多

喺香港地，以一間用camping為主題嘅餐廳，喺環境上我可以比好高分。近門口位置有一張搖搖凳，舖頭裏邊有窗口嘅位置，都掛咗一串串樹葉，陽光照入嚟真係好有郊外feel。 Lemon tart：味道偏酸，份量亦都較少，價錢都合理，都冇咩好挑剔。Camper’s cheesecake：味到就好一般，感覺上cheesecake係現成買返嚟，之後加少少棉花糖喺上邊燒下。Cucumber lemonade：價錢同味道好唔合理，只可以話呢間餐廳去食環境。味道都算清新⋯⋯Iced matcha latte：無糖，味道偏苦，價錢平過另一杯嘢飲，有比較之下，呢杯飲品還可以。如果你純粹只係想搵個環境唔錯嘅餐廳，我都推薦你去嘅。…查看更多

突然間好想食串燒，行過見到呢間舖頭裝修簡約，餐牌睇落都幾抵食。餐牌都有好多唔同種類嘅選擇，肉類、蔬菜類、海鮮類、炸物等等，款式應有盡有。一開始店員會為你添加兩種調味料，一種係辣粉，另一種係孜然粉。如果鍾意食重口味嘅，可以自行添加。另外呢間舖頭嘅紙巾好特別，係吊係天花板，可以保持枱面上有空位放食物。多春魚：烤得剛剛好，大部份身體都好完整，加埋孜然粉嘅味道，重口味首選錫紙娃娃菜 ：裏便除咗有娃娃菜，仲有粉絲，食得出應該係有上湯嘅感覺，不過裏便有辣椒，本人唔食得辣，如果你食得辣嘅十分推薦。烤生蠔 ：烤生蠔上邊有好多蒜蓉，配搭生蠔嘅鮮味，可以話係相輔相成，價錢亦都好合理，必定要再叫一次。原隻烤魷魚：實物睇落好大隻，口感亦都好彈牙，食得出本身魷魚嘅味道，再加上孜然粉，無懈可擊。…查看更多

今日去食burger，環境唔錯，枱與枱之間都有啲距離，感覺上唔會太迫。近門口呢個俾錢嘅地方都幾特別，好適合打卡用。另外食物都幾多選擇，有素食、有牛肉、有海鮮、有家禽類吉列廣島蠔芝士漢堡：廣島蠔味好鮮味，個蠔炸到啱啱好。雖然芝士嘅味道唔算好突出，但佢配搭咗蕃茄同生菜，整體感覺上唔會好油膩，會有種令人一食再食嘅感覺。鵝肝鱈魚柳漢堡：鵝肝味道好濃郁，不過鵝肝都出咗名係有少少油膩，所以同朋友分享一人一半就啱啱好。另外鱈魚柳都好大份，炸得好香脆，魚柳好實淨，一啲都唔鬆散。另外佢跟咗個沙律，配柚子醋，令到成件事都好清新。馬蘇里拉芝士條：炸得好鬆脆，熱辣辣，不過就冇乜調味。所以問店員拎咗佢哋嘅茄汁，茄汁反而好特別，食落有少少酒嘅味道。最犀利係芝士可以拉絲，好適合打卡用。…查看更多

行過見到有間日本嘢未食過裏面都幾多人，好多都係一家大細，感覺上一家大細嘅人食得都有啲保證，所以就入去試吓每人都要一杯熱茶，飲落應該係綠茶都幾香。仲有一大壺熱水可以自己添加。唐揚雞軟骨：雞軟骨份量都幾多，我覺得質素都幾高，因為唔會剩係得軟骨都有少少肉，而每一件都好大舊，炸得好香脆。跟咗個沙律醬，肥仔必食又抵食。蒲燒鰻魚丼（走蔥走洋蔥）：鰻魚好大條，個底有啲雞蛋絲，感覺上飯量唔係好多，如果可以多啲就好啦。鰻魚味道好出，感覺上都有返咁上下質素。…查看更多

成日經過土瓜灣都冇入到去試，今日就入去試吓，睇餐牌價錢都好似好抵食門面裝修都幾好睇，今日平日但都好多人入去食dinner。值得一讚去服務員態度好好，唔需要好高級，只要親民就會令到成餐飯都食得好開心。冬陰功雞肉pizza ：冬陰功味好出，有少少辣，餡料好豐富大量嘅芝士、菠蘿、洋蔥、雞肉、火箭菜，所有嘢味道都夾得好好。成個Pizza好惹味，Pizza底亦都啱啱好唔會太厚 。綜合水果紅茶：裏邊有藍莓、火龍果、士多啤梨、檸檬、青檸，最特別係個底有粒話梅，成杯飲品，酸酸甜甜好開胃，份量亦都好大杯。朱古力芝士蛋糕：係一種偏酸嘅芝士蛋糕，口感偏濕潤，朱古力味偏淡，芝士味偏重。意大利栗子法式布朗尼：裏面有蛋糕同cream，外邊有栗子醬包住，味道偏甜。…查看更多

銀咖喱食物質素都算唔錯，今日見到買滿100送餃子，所以就去食。但今日個店員真係好無禮貌，我哋對餐點有啲疑問 ，所以走去問個店員關於食材嘅問題。但個店員真係好冇禮貌，我哋都唔該前唔該後，店員對我哋嘅態度好似欠左佢10幾萬咁我哋都唔係問啲咩無聊嘢，冇專登刁難佢，佢感覺上覺得我哋好浪費佢時間囉前前後後我哋嘅問題30秒都冇，計埋落單我哋都係1分鐘之內嘅事。我知做服務業係辛苦，但都要對人有基本嘅尊重同態度，你唔需要好歡迎我，但就唔好西口西面囉，說話態度都好差。我俾人咁西一西，食龍肉都冇味啦。重點係佢前一刻同同事傾偈係好好態度，但一對住客人就好冇禮貌。所以我唔覺得係佢本身對個個都係咁。總之服務態度就肯定負評，有得比負星星我都想比！…查看更多

一個人冇嘢做去咗mikiki 行，行到有啲肚餓就見到呢間舖頭好似幾好食，選擇都好多。因為本身唔食牛同某啲海鮮，有好多餐廳都未必啱食。舖頭裏面幾大，又有卡位，雖然冇咩風景但係都坐得幾舒服。我叫咗一個燒豚肉飯配沙律，燒豚肉味道好濃郁，不過食落有少少煙韌。牙力唔係幾好就未必食得到上邊有少少菠菜（應該係），調味好好食，令到個飯冇咁油膩。個沙律都有兩至三款蔬菜，我另外有兩種沙律汁可以自行加落去，蔬菜份量都好多。…查看更多

今日同同事去飲茶，呢間酒樓質素都唔錯，價錢都唔算貴，我覺得合理。我哋叫咗一個燒味飯、乳鴿、雪山叉燒包、紅油抄手。燒味飯真係超級驚喜，燒味份量好多，每樣野味道都好好。叉燒、雞、鵝，燒味飯好高質素，豉油唔會好鹹，好食到幾乎一個人食晒一碟，因為同事唔太鍾意食飯我可以一個人霸左個飯。雪山叉燒包都幾好食，甜甜地，識落我覺得似菠蘿包加叉燒包。個乳鴿我就冇咩點食，感覺上比較鹹。紅油抄手比較普通，食完一次就未必會再食。…查看更多