環境算唔錯，枱與枱之間都有少少距離，燈光唔算太暗
服務員態度好好，會介紹今日有咩新鮮食材。
墨魚汁意大利粉配大蝦：食材新鮮，大蝦都有好多隻，另外仲有兩種蘑菇同洋蔥，醬汁係好濃郁嘅cream味。份量好大，如果想食多啲其他嘢嘅，可以同朋友share。
希臘餃子（羊奶芝士和菠菜）：味道好特別，係從來冇食過嘅味道，餃子底下嘅醬汁有少少似奶油同香料混合而成。餃子裏面嘅芝士係可以拉絲，菠菜可以令到餃子平衡返，唔會太濃味
青口配馬里涅拉舞醬汁：青口屬於厚肉，醬汁裏面有好多香料同蔬菜，係從來冇食過嘅味道，不過對我來講有少少太重口味，鍾意重口味嘅人可以選擇呢個菜式。
檸檬梳打：呢度有各式各樣嘅酒，不過我唔識飲酒，好在都有唔同嘅soft drinks 或者咖啡選擇，好適合同朋友嚟飲嘢食嘢同傾偈
