石屋咖啡冰室

石屋Cafe環境都唔錯，雖然如果自己一個人去食會麻煩咗少少，因為要搵咗張枱先，之後先可以去收銀度揀嘢食。

1

柚子炸雞：跟餐加錢，雖然應該唔係即刻炸，係翻熱，不過加10幾蚊就有，味道都唔錯。


All day breakfast ：超級飽肚，如果唔係好肚餓，可以兩個人share再加少少小食。個煙三文魚沙律係最好食，另外牛角包同格仔餅都好好食，好鬆脆，格仔餅有配煉奶。不過牛油果就一般，如果可以熟多少少就好。


手撕豬肉漢堡配薯條：個漢堡包我覺得好惹味，味道係有啲BBQ味，再加少少香料味，不過朋友就覺得唔係幾好食，個人口味不同，我就覺得下次我都會再食呢個包。薯條都夠脆，正正常常。