Bisket的个人专页

早排朋友去完台灣返黎鍾意左食麻辣火鍋, 咁就搵左呢間黎食. 而我就第一次食麻辣火鍋. 叫左個麻辣同莞茜湯底, 等有個清清地既湯底滾下菜嘛, 唔洗咁肥.每人都有條圍裙, 可以保護下件衫唔驚中招.首先黎個小食重慶炸酥肉. 咬落夠晒酥脆, 而且食落慢慢有一陣陣麻辣味但又唔會太濃烈. 會令人越食越想食的, 幾正.之後就主角出場, 面頭全是辣椒, 紅油, 香料等, 見到就知夠晒辣. 但就欠缺左D香味, 只有辣味.叫左都不少野食, 整體黎講不過不失. 怕辣的只要唔食豆腐、油炸鬼、麵條呢D勁吸湯的食物既話係OK. 但想食盡湯底精華就記住食啦. 包你食到鼻涕出晒黎.最後仲叫左個枇杷凍諗住清熱氣啦, 點知味道勁奇怪, 一入口就即吐返出黎個隻. 只可以講不是我的茶~**洗手間環境不是太好，又窄又細. 成個垃圾桶既紙巾爆晒出黎. 可能就收工啦, d員工想收鋪先清潔, 不過客人就有個差體驗.…查看更多

大時大節係旺角行完街，又要搵食。本身去了list中另一間，但去到睇完餐牌又好似一般般。所以同行朋友就提議黎呢到。店都算幾大間，不過人唔多，都算舒服。因唔特別肚餓無叫set，就散叫兩碟。Carbonara 賣相不錯，面放上半生熟蛋再和意粉芝士撈勻，味道不錯而且意粉軟硬度適中。海鮮意大利飯（不太記得名字）飯，海鮮料數量都ok，有蝦、帶子、魚和青口。不過就唔大粒。順帶一提，餐廳不提供水，冷暖都要比錢。連少少的一杯水都要比錢就有點兒那個囉！…查看更多

自從公司搬遠咗都好耐冇黎食lunch啦, 難得放半日假就黎懷緬下佢d炸雞定食.呢到既炸雞份量多又唔會炸到好油, 炸完入面仲好juicy唔會話好乾身, 所以一向都係我既首選.炸雞會跟個酸酸地的醬汁, 可以加入放係面的蘿蔔蓉，用來減輕炸雞的油膩感。但個人就鍾意沙律醬多d. 飯係用日本米, 好有飯香又黏口. 而味噌湯都好足料, 有海帶同豆腐粒. 始終係日本人開會唔同d，唔會好似清水咁既味道。無食咁耐，味道保持到水準真係一間難得餐廳。…查看更多

一間細細的餐廳, 有工業風的裝修, 落地大玻璃, 係繁忙銅鑼灣的一角帶點休閒感, 晚餐就決定係到食啦.有點肚餓的關係, 都點了不少. 先黎肉眼扒沙律和煙三文魚沙律. 兩者的沙律菜都新鮮的, 肉眼扒就煎得比較熟, 比較可惜但都軟腍的. 沙律中會夾帶一些士多啤梨和藍莓, 食落清新, 再配橙味醬汁可以減輕食肉的油膩感, 唔錯. 煙三文魚就砌咗朵玫瑰花, presentation都幾特別. 用上黑醋做汁, 唔酸反而係甜的.小食都點了兩個, 芝士煙肉釀烤菇和炸薯條配黑松露醬. 烤菇配芝士煙肉係無得輸, 而烤菇夠厚身, 多汁. 薯條炸得剛剛好, 外邊夠脆, 中間仲有薯肉食到. 而且凍咗都仲好脆. 至於黑松露醬味道不錯, 松露味夠突出.主菜要了個龍蝦汁虎蝦意大利麵, 每條意粉都吸收到龍蝦汁, 味道夠晒濃郁, 虎蝦爽口但不夠大隻.最後甜品係楓糖什苺窩夫和法式焦糖燉蛋(自家烘焙茶味). 窩夫賣相幾靚, 可惜唔脆, 有點腍身. 燉蛋甜度適中, 不過茶味不夠濃, 唔係好食到茶味.最後, 因室內空間不大, 同隔離張枱都非常近, 完全聽到人地講緊咩.…查看更多

行開呢頭買野, 就上網見新開餐廳一於試下.一入門口有對高過人既鐵甲人棟係到…..想點呢….唔覺靚所以無影相~坐好後就睇見餐牌有10蚊隻愛爾蘭生蠔, 又忍唔住叫咗. 蠔雖然唔係特別肥, 但都夠味同新鮮. 可以暫時滿足一下食生蠔既慾望.之後就上蒜蓉包同湯, 包夠熱又脆, 蒜蓉味剛好. 湯就係甘筍薑藍青口濃湯, 飲落去薑味好重但又唔覺得奇怪, 同甘筍好夾, 有創意又好味. 全晚最鍾意就係個湯, 不過青口就只有半隻.主菜就係軟殼蟹天婦羅咸蛋黃扁意粉, 一碟好fushion既新菜式. 日本的軟殼蟹天婦羅, 中國的咸蛋黃, 意大利的意粉. 首先軟殼蟹炸得唔錯, 好脆又唔會太厚粉, 而軟殼蟹都大隻的. 咸蛋黃意粉就覺得一般, 一凍左就會越食越腬.另一個主菜係慢煮法式鴨腿配紅酒燒汁. 鴨腿皮煎得唔夠香脆, 肉有點乾身. 個紅酒燒汁味道好奇怪, 仲有點苦. 反而伴菜的焗蒜頭甜甜地幾好食. …查看更多

好耐無去一風堂，裝修完好似比之前細左定係錯覺呢。慳妹上身叫左一碗赤丸另加一隻蛋，計落係平少少比起就咁叫一碗有齊晒。叫完好快就有得食，最鍾意加佢d牙菜同芝麻一齊食，成碗麵味道豐富晒。食左幾年，d味道都無變，都係咁好食。一個人食飯，真係唔錯既選擇。仲要讚下d員工好快手又有禮貌，服務好好。…查看更多

又到聖誕又到聖誕，12月係要食個聖誕餐開心下，今年就去食韓燒。聖誕節二人餐，有1++韓牛。先黎前菜，都有成6，7碟。生洋蔥，海帶，泡菜等等。飲品就一杯係青提，真有提子係入面，望落都幾靚。另一杯係紅桑子，兩杯都唔會太過甜。而聖誕餐前菜就有煎帶子同三文魚。帶子比較細粒，三文魚就唔錯，加埋生菜一齊食，好清新。燒物有韓牛，護心肉，豬頸肉，鮑魚，菇。韓牛夠腍，有牛味，好食。護心肉都好腍，又無脂肪，女仔好啱食。豬頸肉好硬，食唔到。鮑魚不過不失啦。仲有一隻芝士焗龍蝦，肉爽同芝士都足夠。最後甜品有兩個好可愛鹿鹿樣既cupcake，朱古力味，應該係孖寶蛋糕黎。成個餐都好多，飽到上心口。聖誕真係增肥月～…查看更多

行到山林道盡頭，仲要行上一條樓梯先見到間餐廳，都真係好隱蔽。環境唔錯，有分室外同室內。一黎就叫個198蚊就有一打生蠔同白酒既set，咁抵無理由唔叫啦。生蠔新鮮但開得唔乾淨有蠔殻，同唔夠肥厚。白酒易入口既。海膽多士，一d海膽味都無但就好夠芝士同多士夠脆。當係玩下拉絲都ok既。蒜蓉牛油焗翡翠螺，螺肉都好彈牙，有蒜蓉牛油香味。岩鹽蒜蓉焗大蝦，隻蝦一d都唔大，有被騙既感覺同d味係晒個殻到，食蝦時就只食到蝦既味。最後係焗千層麵，好食。邊皮焗到燶燶地好脆，中間既肉醬同芝士都調味控制得唔錯。係成晚最好食的。…查看更多

第二次黎食飯啦，因為上次愛上咗呢到個大大碗蜆同大大碗菜，所以返兜又黎食過。碗蜆同上次一樣咁大，份量真係好多，d蜆又新鮮又甜。而佢個湯低係胡椒湯。不過今次個湯就無上次咁濃同甜，感覺退步了。（忘了影相）而碗芥蘭菜分量比起上次少咗，個湯又鹹左少少，不過芥蘭軟硬度煮得剛剛好的。椒鹽豬扒塊豬扒沒有炸過頭，肉夠嫩滑，外層脆脆地口。伴菜既洋蔥加上椒鹽好好食。叫咗半隻鹽焗雞，雞肉都有咬口。最鍾意佢個薑蓉真係好多薑，夠晒足料。最後仲叫咗招牌燒鴨河粉，燒鴨沒有什麼特別反而個河粉好滑同埋比起街出面薄身好多，類似喺大陸食嗰啲沙河粉，而個湯低都夠味。食完晒會有生果同糖水送，個橙會切好晒，好細心同埋碗蕃薯糖水好夠薑，好有薑味，好飲。最後讚下間餐廳個服務態度好好，會主動不停換碟同睇下夠唔夠茶。係環境有點嘈。…查看更多

又到星期五搵個地方黎個開心時刻~上網揾咗好幾間最後決定試下西班牙菜. 佢個happyhour 去到晚上9點夠晒時間飲多兩杯. 一開始飲杯白酒暖下個胃, 智利出產溶易入口,甜度剛好.之後就叫D開胃小食, 先黎個牛油果蟹肉卷配三文子. 外層被金色一塊類似芝士的東東包住, 入面就係牛油果同蟹肉. 味道唔錯的, 蟹味都幾出. 而且賣相都幾靚, 但只得三條, 份量太少. 特色沙律, 比個名呃了~ 只是一般出面D伴菜沙律, 最多加了幾粒橄欖,搵唔到咩特色.正常沙律一個.烤焗香辣豬小脾，每一隻豬小脾外層都焗到好香脆, 但肉就有少少乾同辣粉唔夠, 如果再多D或配燒汁會更好食但忘了影相..全晚最好食係個四重芝士pizza, 個餅皮好香脆, 芝士香濃而且非常多, 拉絲完全無問題, 真係好好食.最後就係西班牙油條甜品, 熱辣辣上, 炸得外脆內軟. 好似食緊沙翁咁同埋覺得唔點朱古力醬會更加好食.…查看更多

放假要食好西~ 上網睇D人話呢間係澳牛2.0就一於試下.去之前已經做定功課諗好食咩, 一坐低就可以叫了~ 最後叫咗三款主打. 首先係炭火叉燒飯(大). 大碗同細碗的分別就係多了隻煎蛋同條菜. 因為隻蛋好重要, 所以諗都唔洗諗就叫了碗大. 先講隻蛋, 煎得非常靚, 蛋黃好吸引仲有燶邊架. 而叉燒係厚切大大舊,唔似得有D地方切到超薄如紙咁. 叉燒味道是不錯的, 不過食唔出炭燒味, 同埋多返D肥會比較好食. 而飯方面希望可以再多點汁就好. 之後就茶餐, 有叉燒湯意粉, 炒蛋同多士. 意粉硬度剛好, 唔會係浸咗超耐脹晒果隻. 個湯有D似忌廉雞湯既味道, 不過又唔肯定係唔係. 而炒蛋就好滑, 入口就滑了落肚lu~ 最後就公司三文治, 個三文治黎到真係嘩一聲, 好大件, 好足料. 叫咗個牛, 原來係咸牛肉黎架, 好開心因為已經好耐冇食過. 整個三文治口感好充實, 多士夠晒厚同有烘過, 外層有少少脆. 入面夾住炒蛋, 咸牛肉, 蕃茄, 酸瓜, 火腿同芝士, 真係非常多料而且好好味. 今餐食得好滿足, 仲好飽~ 個公司三文治真心好好味, 推介呀.…查看更多

又到九龍城搵食, 晏晝想食d有湯既野, 就決定搵間泰國粉麵.佢都有好多選擇, 除了粉麵仲有好多其他泰國食物. 不過今次試下d粉先. 朋友叫了遊船河, 入面咩都有少少. 豬肉丸, 豬肉, 牛肉咁啦. 因為唔係我食, 都不太肯定. 試咗佢個湯, 味道濃郁, 好似有好多精華係到, 好飲.而自己就食燒豬頸肉湯河, 個湯好似清湯咁, 味道較淡. 而豬頸肉燒得唔夠香, 粉的份量都比較少, 所以食完都唔係好夠飽. 同樣都係43蚊的話, 下次都係叫遊船河吧.…查看更多

其實自己本身就唔太食章魚燒既，不過朋友話想玩下就陪下佢啦。佢主要都係4人枱，兩個人去就一定要share一張枱，要扣少少分。枱中間有人氣大熱的bruno爐，今晚就靠佢整野食架啦。我見到芝士兩隻字，其他睇都無睇就叫咗個芝士章魚燒，不過黎到先知原來無章魚粒，得腸仔扮章魚。。嗯，唔緊要啦! 佢有張圖教大家點整，其實只要跟住做倒晒d材料再轉幾轉，基本係人都整到粒小丸子。粒小丸子外層脆，而內心唔會話好多粉漿一pat野咁。再加上醬汁同埋可能係自己整既關係，心理上比起街買係好食d，haha不過要比成八十幾蚊食8粒章魚燒就太貴啦，玩一次就夠。…查看更多

每到lunch time都要諗食咩都幾辛苦，好彩同事推介咗最近新開樓上café食好西。佢有幾款set lunch選擇，包湯/沙律，主菜同飲品，價錢由六十幾到百幾蚊，都係合理水平啦。當日就叫咗個限量供應的BBQ醬燒豬仔脾配薯條。首先黎咗個南瓜湯，好creamy仲有支手指餅比你搞下d湯黎食。之後就主角豬仔脾啦，未食就比個賣相吸引，望落已經覺得好有誠意。味道方面豬仔脾一d都唔乾身，夠嫩滑。配菜的沙律食得出係夠新鮮，而薯條都係新鮮炸起，乾身脆口。不過如果薯條可以加少少辣粉會再嘢味d。整體黎講係一間有誠意的小店，lunch time又多一間飯堂啦~…查看更多

去睇開倉，行完順便搵野食，就見到佢地人手包緊餃。咁手工緊係即刻試食下啦，仲要係用鹿兒島黑豚肉做喎佢有分厚皮同薄皮，料就得白菜同韮菜。咁我地兩條友就試晒兩款啦，唔好執輸一份有12隻，其實已夠食飽一個女生。先講厚皮，因為有一定既厚度所以可以鎖晒d汁，啖啖都食到肉汁。而薄皮因爲薄既關係，有d餃穿咗，搞到走晒肉汁。而料就白菜同韮菜都好食，但因為餃皮影響，個人就鍾意厚皮多。…查看更多