去之前已經做定功課諗好食咩, 一坐低就可以叫了~ 最後叫咗三款主打.
首先係炭火叉燒飯(大). 大碗同細碗的分別就係多了隻煎蛋同條菜. 因為隻蛋好重要, 所以諗都唔洗諗就叫了碗大. 先講隻蛋, 煎得非常靚, 蛋黃好吸引仲有燶邊架. 而叉燒係厚切大大舊,唔似得有D地方切到超薄如紙咁. 叉燒味道是不錯的, 不過食唔出炭燒味, 同埋多返D肥會比較好食. 而飯方面希望可以再多點汁就好.
之後就茶餐, 有叉燒湯意粉, 炒蛋同多士. 意粉硬度剛好, 唔會係浸咗超耐脹晒果隻. 個湯有D似忌廉雞湯既味道, 不過又唔肯定係唔係. 而炒蛋就好滑, 入口就滑了落肚lu~
最後就公司三文治, 個三文治黎到真係嘩一聲, 好大件, 好足料. 叫咗個牛, 原來係咸牛肉黎架, 好開心因為已經好耐冇食過. 整個三文治口感好充實, 多士夠晒厚同有烘過, 外層有少少脆. 入面夾住炒蛋, 咸牛肉, 蕃茄, 酸瓜, 火腿同芝士, 真係非常多料而且好好味.
今餐食得好滿足, 仲好飽~ 個公司三文治真心好好味, 推介呀.
