siuhahahaha的个人专页

金玉滿堂今日好想食小炒，出到旺角諗起之前食過呢間金玉滿堂，位置方便又好味，我哋叫咗三碟小菜，全部都係大大碟，仲好友鑊氣添👍🏻蒜蓉粉絲蒸頭腩粉絲完全吸收晒蒜蓉同埋魚汁嘅精華😍蒜香味濃郁又唔會蓋過魚香嘅味道👍🏻頭腩魚肉味道香濃，又充滿骨膠原，非常適合女士們❤️欖角冰梅骨呢道菜非常開胃，梅子醬甜中帶少少酸非常之出色，排骨炸得香口肥瘦適中，有淡淡欖角味道10分有層次，好食😋西蘭花炒斑片西蘭花🥦好清爽，斑塊夠入味，而且啖啖肉，有鑊氣又好味👍🏻分量，仲要大大碟好抵食😃下次人多就可以試多幾度菜啦🤭…查看更多

今次又來到BTS美食站，佢係九龍城必食泰菜名單之一😆裝修特色，有泰國車站感覺，嘢食有水準，仲講快啲食嘢啦😁泰皇咖喱飯包軟殼蟹$238見到隔離叫咗個軟殼蟹法包好靚仔，所以我哋都跟住叫😂咖喱好適合香港人口味椰奶香濃咖喱汁辣度剛好，配上酥脆軟殼蟹及鬆軟法包，一試愛上😍泰式鮮蝦炒金邊粉$108金邊粉大大碟，每次去泰國都必定會食，最鍾意就係撈埋花生碎，仲有好多鮮蝦喺入面又彈牙又新鮮🤩串燒拼盤$118泰菜又點少得串燒呢？今次就叫咗個串燒拼盤，貪佢樣樣都有啲，一次過試晒幾樣嘢，剛剛燒好熱辣辣配埋沙嗲醬食超正，當中最鍾意就係泰式臘腸，充滿油香椰青49食泰菜又點少得椰青呢😂下次可以試下海鮮孖寶…查看更多

泰菜真係食極都唔厭，雖然元朗都有好多泰菜餐廳，個人比較鍾意小曼谷😆泰王咖喱法包軟殼蟹份量真係好多，我兩個大食鬼都差啲食唔晒，咖喱汁好香椰奶味，唔會太辣，用嚟點法包就最正，軟殼蟹炸得鬆脆香口👍🏻👍🏻泰王咖喱炒紐西蘭青口咖喱同樣出色，紐西蘭青口好肥美，又鮮甜美味泰式濕炒牛肉河好有泰國風味嘅濕炒牛肉河，好似去泰國都一定會食濕炒河，比乾炒河粉更容易入口😋河粉分量充足，口感順滑，湯汁掛滿河粉及牛肉，另外配菜爽口，十分有水準👍🏻小曼谷原隻芒果糯米飯原隻芒果糯米飯真係好吸引，糯米香滑軟糯，再淋上濃郁椰漿，椰漿有淡淡的鹹味，配上新鮮超甜芒果超滿足🤩珍多冰食泰菜好多時都係會飲珍多冰，當埋佢甜品食都得，貪佢夠晒多料，又夠咬口…查看更多

大喜屋真係好多地方都有，今日就個朋友入咗嚟沙田食大喜屋午市放題，食足三個鐘都唔夠我哋吹水🤣🤣食物款式都幾豐富，二百零蚊一位都幾抵食😄餐廳環境好大地方乾淨飲品款式勁多，除咗無糖茶類之外，仲有汽水、果汁、咖啡、啤酒、清酒、梅酒等等自助區冷盤有凍蝦、蜆，熟悉有柞樹歌日式小丸子瑞士雞翼等等，小朋友一定鍾意有得夾糖🤣攞完嘢飲梗係先來刺身啦，呢度款式都好多比較鍾意帶子、赤蝦、赤貝、油甘魚，擺盤幾靚仔刺身夠新鮮鮮甜，當然唔少得壽司啦呢度有幾款創意壽司最正就係海膽山，仲有蟹三色、柚子帆立貝、火炙岩鹽燒左口魚、三文親子海膽燒都係幾特別又好食🫶🏻其他炸物串燒熟食當中，最欣賞京燒比目魚，魚肉甘香嫩滑，蒲燒鰻魚夠肥美，龍蝦沙律半櫻花蝦多士香脆好味。炸物方面平時食得最多就係榴槤炸彈，紫心香芋丸，芝麻雞翼，今次仲有埋吉列牛乳炸鮮奶，唔會太甜趁熱食味道啱啱好😃花膠扒是蔬🥦，花膠超級大塊，夠淋又滑又充滿骨膠原，女士們不能錯過，仲有個上湯蘆筍燴蝦球都好值得一試，蝦球又大粒又彈，估唔到日式放題加入啲中式食物都一樣咁出色🤩食到8899梗係向甜品區🧁🍧🍨🍭進發啦，甜品櫃內有多款選擇例如布丁燒日本大福各款蛋糕乳酪等等，當然唔少得雪糕雪條啦，食埋甜品就話想完美嘅句號啦🫶🏻三五知己下晝出嚟食吓放題吹吓水，二百零蚊任飲任食質素都算幾好呀😃…查看更多

食泰菜去九龍城就出晒名啦，咁多餐廳要點揀呢？我自己就有幾間心水店，而泰象館就係其中一間😃泰菜嘅味道就好似我去泰國旅行食到嘅一樣，另外上菜速度又快，職員又有禮貌👍🏻所以成為我心水之一👍🏻蛋包鮮蝦金邊粉 $76見到係廚師推介所以試吓，金邊粉嘅外層係用薄薄嘅蛋包住，加少少青檸汁食落酸酸甜甜咁，非常之開胃，入面嘅鮮蝦都非常之彈牙，撈埋花生碎粒食仲正，仲要即叫即炒熱辣辣，份量都好多㗎😂燒烏頭 $142泰式鹽焗烏頭好正，無泥味，魚肉都能保留肉汁，肉嫩又鮮甜，係一道一試就愛上嘅料理青咖喱雞$78咁多咖喱之中，比較少食青咖喱，今次朋友想試吓，原來青咖喱都幾好味㗎，唔會太辣，但咖喱辛香味十足，入口有淡淡椰奶香味，與雞肉配搭起嚟非常合適😋薄餅 $27食咖喱又點少得薄餅呢，又酥又香，配埋咖喱汁一流呀😍芒果糯米飯 $60芒果香甜，糯米口感煙韌配埋椰汁食非常之夾…查看更多

今日又去搵食啦，不過唔係山旮旯地方，正正係你我都一定有去過嘅旺角，就係煙廠街露天街市入面的隱世菜館，金玉滿堂係一間中菜館，餐牌選擇多，最緊要係好食又夠鑊氣。黃金海鮮砂鍋粥每份砂鍋粥都係即叫即煮，加入海鮮，有蜆肉、蝦，蟹等，大蟹鉗都預先敲碎，方便進食👍🏻海鮮的精華濃縮到粥入面，每口粥都非常鮮甜，層次感十足。值得推薦👍🏻👍🏻麻香爽魚皮而家好小餐廳有爽魚皮食啦，夠爽口又嫩滑，帶點麻香仲可以點芥辣食👍🏻完全冇腥味，好快就俾我哋食晒啦🤣香草芥末奇趣元貝王一上枱就香氣撲鼻，夠哂鑊氣，仲好足料呀，元貝好厚肉又帶鮮味，入面仲有啲脆卜卜嘅脆米好香口，淡淡的芥末味又唔會蓋過元貝的鮮味😋下次要叫多幾個朋友一齊食，咁就可以叫多幾個菜啦😝…查看更多

食放題多數會揀大喜屋，今次就揀咗旺角分店係創興廣場，午市食足三個鐘慢慢吹水慢慢嘆。自助區有冷盤海鮮，凍蝦，仲有各款前菜沙律，熟食有中式小菜及炸物，飲品選擇勁多，無糖茶類、啤酒、汽水、冷熱飲品咩都有😍點都有樣岩你飲😂刺身拼盤好新鮮呀😋有三文魚、北寄貝、赤海蝦、甜蝦、虎蝦都好新鮮又鮮甜😃炸物必點炸榴槤球、炸芋丸，仲有芝麻雞翼又脆又嫩，天婦羅唔會好厚粉👍🏻全部都encore🥢燒物每次必點烤羊架、牛舌、厚鰻魚、燒菠蘿😍都係好正。熱食仲有黃金芝士開邊蝦、一口牛柳粒、極上花膠等等都係值得推介最後甜品都有10幾款選擇，真係幾個胃都唔夠放呀😂今次試咗雪糕、泡芙同埋布丁，仲有好多甜品都未試過，已經好飽啦🤪唯有下次再嚟過啦。…查看更多

今日去九龍城買啲嘢，順便喺嗰頭食埋午餐，泰菜館茶餐廳裏面都有港式下午茶嘢食😆又可以食到泰式，又可以食到港式，哩間泰象館新裝修😃好似懷舊茶餐廳咁，仲有兩排卡位，坐得舒服😁😃勁肚餓嘅我哋，除咗每人食個午餐之外，仲叫多一份下午茶share🤣越式生牛肉河 $42生牛肉河係我其中一樣最鍾意食嘅嘢，加上我係牛肉嘅愛好者，一定要食返碗啦😝睇住半生熟嘅牛肉被熱湯浸熟之後😍入口嫩滑有牛鮮味，湯底清澈，帶着香濃嘅牛味。海南雞飯 $50海南雞雞肉夠晒嫩滑，雞皮又爽唔會太肥，仲要啖啖肉配埋秘製海南雞醬汁，油飯香噴噴，粒粒分明帶有油香，有咬口唔會過硬，正👍🏻豬扒包配沙律 $36豬扒包即叫即整，熱辣辣香噴噴😍包面有黑白芝麻更加香口，豬扒醃得夠入味👍🏻仲有水果沙律🥗幾清新呀。青檸梳打&菊花薑蜜午餐加$5就有得特飲啦🥤…查看更多

今日發現銅鑼灣有間新餐廳，午市仲有丼飯食添😍最平$38抗疫價丼飯，跟餐小食同飲品仲係無限加配呀🤩好抵食呀👍🏼meun有二十多款選擇，有刺身🍣壽司、小食同埋燒肉定食，緊有一款岩你❤️吞拿魚香蔥拖羅魚蓉丼 $98拖羅做成魚蓉，油脂豐富👍🏼甘香肥美，配上蔥花白飯就變成美味嘅丼飯啦🤤燒和牛沙律 $88和牛沙律惹味得哩又健康清新，和牛香氣撲鼻，肉味濃郁，油脂分布平均，配以沙律菜食，清淡健康又有營養👍🏼七味一口雞翼 $12雞翼係我嘅至愛，七味雞翼辣辣地，夠晒入味，非常香口。原味和牛餃子 $18皮薄煙靭，內饀飽滿豐富，保留肉汁，油香美味凝聚於一口餃子之中。晚市開返可以過嚟試吓食燒肉，店內環境寬闊，仲有好多卡位添👍🏼…查看更多

午市都超多人，排隊等入座等咗一陣就入得啦，居酒屋有兩層高，下層係廚房，客人主要坐樓上。而家午市好抵食，叫一客極上·午市割烹，就可以半價惠顧嚴選·午市割烹，真係好抵食呀。申子三色丼 $298三色丼有三文魚籽、拖羅蓉、海膽🤩簡直係黃金組合呀，海膽非常甘甜，拖羅蓉肉質肥美，幼細香滑，而每粒三文魚籽顏色都好鮮艷，晶瑩剔透，咬落脆卜卜網燒西冷牛扒丼 $109 （半價）西冷牛扒燒得剛好，牛肉好嫩滑又無筋，配埋一個蛋黃令到牛肉入口更滑。極上鹽燒牛舌心 $88每次去居酒屋都會點牛舌😍，呢度嘅牛舌心真係超級軟嫩，油香味濃，口感又爽滑，簡單鹽燒已經能夠突顯濃郁牛香。加點檸檬汁及少少鹽哩食，仲正😋蓬鬆玉子 $98看似簡單嘅玉子食落一啲都唔簡單，玉子內有拉絲芝士，雞蛋又滑又香，配埋燒汁及沙律醬食仲好味😋…查看更多

而家夜晚冇得出街食飯，唯有中午出動啦，今日就去左旺角食日式放題啦。食足三個鐘都係$188/位，嘢食種類又多，餐廳夠晒光猛又闊落，食飯最緊要坐得舒服呀嘛😆而家大部份放題都係用QR code落單，但係值得一讚👍🏼呢度落單個介面真係簡單又清晰，非常易用。完全冇漏單上菜收碟都好快手。刺身選擇非常之多，叫咗甜蝦、赤海蝦、泰國虎蝦，仲有榮螺、北寄貝、帶子、吞拿魚三文魚同埋蜜汁飽片😍😍又有海膽手卷、鵝肝壽司、火炙壽司等等，壽司飯又夠實淨，唔會一夾就散，壽司細細件唔會太飽肚，可以食多啲嘢😝熟食方面都好正，推薦黃金少開邊蝦，羊架燒得岩岩好，芝麻雞翼夠晒香脆，炸榴槤球香芋球都好正，燒比目魚又香又滑，點埋沙律醬食仲正，仲有燒菠蘿醒下胃😄比較驚喜嘅係吉品飽汁扣花膠，冇諗過真係超大塊，又林又滑嘟嘟咁😋我都食咗三四塊，女士們千祈唔好錯過啊❤️外面仲有飲品區，自助沙律吧， 冷熱飲都有齊好貼心最後食埋甜品就大滿足啦😁…查看更多

疫情都兩年啦，真係好耐冇去過澳門啊，今次嚟到我澳萄餐室懷念下先。入到餐廳第一個感覺就係整潔同埋好光猛👍🏼坐得舒服，上菜都幾快，主菜小食甜品都點齊哂😝咖喱牛坑腩飯咖喱香得來唔會太辣，味道比較溫和，牛坑腩肉質嫩滑。吉列魚柳蛋蓋飯配照燒汁吉列魚柳鬆脆，魚柳夠厚身，蛋夠晒香滑，配埋照燒汁一齊食👍🏼瑞士雞翼無法抗拒嘅瑞士雞翼，皮爽肉嫩，夠晒入味。香炸韭菜餃即炸外皮香脆，餡料夠多，仲保留到肉汁添。正宗雙皮奶雙皮奶牛奶味好重，又香又滑，真係食唔停口。杏汁燉奶呢幾日天氣凍咗咁多食返個甜品滋潤一下，我就比較偏愛杏汁嘅味道，入口順滑，杏汁味道香濃。好想試埋葡撻㗎但真係已經好飽下次再嚟食過啦😃…查看更多

想食水上人加菜，而家銅鑼灣都食到啦😃唔使一定入大澳，早前同朋友嚟到銅鑼灣大澳德發食飯，食水上人家才即係蜑家菜，以鮮味海鮮為主，餐廳裝修充滿水上人嘅風格，上下兩層環境又大又舒服。見到有啲海鮮孖寶餐都幾抵，不過朋友想食龍躉所以冇叫到孖寶，餐牌嘅選擇非常之多，我哋揀咗以下食品：♦️沙嗲銀絲滑牛煲 $98沙嗲醬嘅味非常之濃郁，粉絲吸晒沙嗲汁嘅味道超正，粉絲非常煙靭，牛肉都非常之滑👍🏼♦️蒜蓉蒸龍躉腩 $148龍躉腩好滑份量好足夠，而且大大嚿全部都好新鮮而且又爽甜。♦️椒鹽焗鮑魚 $148炸蒜超級香脆，鮑魚食落彈牙而且鮮甜，開頭仲怕椒鹽鮑魚會好硬，但點知啱啱好非常之正。♦️自家檸檬薏米水 $25薏米夠淋，清甜好味第時銅鑼灣想食中菜又多個選擇啦😋…查看更多

食泰國菜，點都覺得去九龍城食係好味啲地道啲🤪同埋最緊要方便，今次就揀咗宋王臺站一出就見到嘅小曼谷，宋王臺站B2出口一出就見到，黃色嘅招牌好易認🇹🇭❤️沙嗲串燒 雞肉豬肉 （每款$34）串燒即叫即燒好快就有得食，燒得好香口， 保持肉汁唔會太乾😊❤️泰式燒羊架$88燒羊架都係即燒，外脆內軟，羊架又唔會太蘇，食落好有羊味，肉質鮮嫩。❤️泰式煲仔翅 $98呢個泰式煲仔翅除咗有翅之外，仲有兩片花膠，啱晒我哋一人一舊，份量夠兩個人食，好懷念去曼谷唐人街食雞煲翅嘅日子。❤️海南雞飯 $78每次都會點我最愛嘅海南雞飯，呢度嘅海南雞做得唔錯，雞皮爽脆雞肉嫩滑有雞味，再點埋秘製海南雞醬汁，正呀😍❤️小曼谷原隻芒果糯米飯 $72喺泰國餐廳食甜品又點少得芒果糯米飯呢，以前去旅行喺機場都要買返香港食😜哩到餐廳現場食暖粒粒嘅糯米飯，再配埋原隻芒果同椰汁，正呀🤩🥢小曼谷泰國美食 (南角道)⛩️九龍城南角道9-11號地下…查看更多

今日嚟到將軍澳海濱公園，天氣清清涼涼，望住個海同朋友吹吓水都幾舒服，吹到咁上下就去附近搵嘢食，經過OMG Chicken見到有個二人餐二百零蚊都幾抵食就入咗去啦😄餐廳唔算好大，但係樓底高，坐得算幾舒服，侍應都好細心，提醒啲碟邊會熱，小心辣親，同埋會收碟加水👍🏼二人餐 $278包括左個🥣湯、🥗沙律、🍕Pizza、🍗一份炸雞同埋🍟一份小食，仲有兩杯🥤飲品，個南瓜湯真係煲得好棉，唔會好似出邊咁水流流，沙律除咗有車厘茄、生菜、青瓜之外仲有啲蒟蒻增加口感，Pizza我哋揀咗千島烤雞，升級左芝士薯條，熱辣辣食都幾正，主角炸雞出場，係兩隻雞鎚同兩隻雞全翼，整得幾入味，配埋個蜜糖醬哩食好夾呀，飲品升級左士多啤梨特飲同埋四季春茶，茶味幾清新，士多啤梨味就普普通通。…查看更多