澳葡牛奶餐室

营业中

休息中

疫情都兩年啦，真係好耐冇去過澳門啊，今次嚟到我澳萄餐室懷念下先。入到餐廳第一個感覺就係整潔同埋好光猛👍🏼坐得舒服，上菜都幾快，主菜小食甜品都點齊哂😝咖喱牛坑腩飯咖喱香得來唔會太辣，味道比較溫和，牛坑腩肉質嫩滑。吉列魚柳蛋蓋飯配照燒汁吉列魚柳鬆脆，魚柳夠厚身，蛋夠晒香滑，配埋照燒汁一齊食👍🏼瑞士雞翼無法抗拒嘅瑞士雞翼，皮爽肉嫩，夠晒入味。香炸韭菜餃即炸外皮香脆，餡料夠多，仲保留到肉汁添。正宗雙皮奶雙皮奶牛奶味好重，又香又滑，真係食唔停口。杏汁燉奶呢幾日天氣凍咗咁多食返個甜品滋潤一下，我就比較偏愛杏汁嘅味道，入口順滑，杏汁味道香濃。好想試埋葡撻㗎但真係已經好飽下次再嚟食過啦😃