queenie.mch的个人专页

當你中左food craving時，個人就會坐立不安，一直搵邊度有得食你crave嗰樣嘢直到口舌唇齒被滿足。今次，係好想食港式三文治配凍檸茶，左搵右搵就搵到去呢度。店面環境比我想像中舒服好多。乾淨企理，坐到窗邊位的話係可以夠你放空一日無懸念地點左公司三文治，盛惠$48.麵包烘得香脆不過硬，搽上足夠嘅牛油，混入芝士醬仲有熱溶嘅芝士片，滿足。雞排多汁彈牙，唔太入味但都無雪味意料之外，不負佢港式扒房之名。而包中嘅生菜新鮮爽脆。波浪薯條外脆內軟，仲有薯香，要少少🤏意志力先停到手。份量都幾大，其實都好難食得晒。.出事位係凍檸茶。見佢用碎冰上滿心歡喜啜一啖。what the? 係雀巢檸檬茶！我覺得俾人欺騙左感情，凍飲要加$5 ga ma.話雖如此，都想試下佢個鐵板餐。嗰個”渣”一聲，係童年回憶…查看更多

如果你係「沙爹牛肉關注組」嘅成員，應該對”好好運”好熟悉，我就不在此長敘。.大約2:45到係直入唔洗排隊。一場去到，當然係要沙爹牛麵做膽配紅腸煎蛋好好運嘅麵煮得剛好，唔會生骨，剛上枱時彈牙，食到尾都唔會過淋。牛肉係完整嘅一片片，同無鬆肉粉乸過嗰種虛無感。牛味就唔好多諗，無梳打粉味已加分。於我而言，牛肉有88分至於沙爹汁呢，係好食，但唔係我鍾意嘅口味。好好運嘅沙爹汁係偏甜，之後辣味慢慢滲出泥。我相信個甜味係主要來自炒洋蔥。呢個沙爹汁唔係我鍾意嘅味道，因為我鍾意有花生嘅沙爹。但我相信一定有捧場客。.總括和客觀而言，好好運係好食，但無需要千里迢迢去食，排隊多過5分鐘都可以唔洗食，但係最主要係我接受唔到要排隊食嘅餐廳。.但係，凍檸茶係好飲的…查看更多

自從朋友生左小朋友，聚餐嘅地點就以方便、舒服為主。朋友話想食泰國菜，咁又有海港城 coupon，順理成章就揀左呢間.生蝦正常發揮，鮮味欠奉，但勝在質感彈牙，點啲汁都可以彌補不足炒菜唔油，但同時同鑊氣都無咩關係。唔過火，依然爽脆都可以接受柚子大蝦沙律幾好食，有好多柚子，椰絲香甜加上酸甜多汁嘅柚子，值得叫叫左兩個咖喱，一個青咖喱雞，一個馬沙文牛展。兩個咖喱嘅香料味道好薄弱，我覺得馬沙牛展味道麻麻，佢有好強烈嘅牛筋味，換句説話講，佢令我聯想到塑膠嘅味道。牛𦟌同薯仔都唔入味，各自為政。叫左個薄餅，我以為係鬆脆，但係煙韌而外層脆皮乾硬到我有啲怕會整損我個上顎豬頸肉我食左個邊邊位，我以為會油香滿口，但非常乾柴最好食係甜品，椰汁奶黃湯圓香甜，加上有煙韌嘅糯米丸子，脆脆嘅米粒加柔滑嘅椰青條，好食。芒果糯米飯啲芒果都好香甜仲叫左泰北小食拼盤同pad Thai ，所有食物談唔上好好食，我只可以話唔難食。減左4張coupon，埋單$787，諗唔到原因再特意再訪。P.S.前菜係蝦片，要收$15，俾錢唔係問題，唔脆先係問題🙃…查看更多

有一日午餐食左中式tapas(即係飲茶)，到晚餐都仲未落隔，但又想食少少嘢，咁就特然諗起呢間西班牙餐廳。天時地利人和都齊，咁就動身。雖然OpenRice 上係全哈哈笑，但其實我不抱任何期望，你知啦，啲打手無處不在。結果又真係值得有笑哈哈。唔肚餓，純粹點啲小食配酒。點左蕃茄多士，炸青椒，鯷魚沙律 ，松露蘑菇可樂餅，魷魚可樂餅同八爪魚。蕃茄多士上面有厚厚新鮮蕃茄蓉加蒜香，多士以類似pitta bread嘅嘢代替，味道合格以上，敗筆係個包太chewy。同我想像嘅香脆有啲入之後都係整體合格以上。炸青椒粒粒大粒，調味恰當，送啤酒一流鯷魚沙律用西班牙蕃茄(我偷聽到)，無草青味。生蕃茄特別易食到對食材採買有無心機，同樣係蕃茄，唔好嘅貨特別腥。一入口食到生果嘅甜味就知無得呃人八爪魚無過火，墊底嘅薯蓉應該有淋上蝦油，彈牙嘅八爪魚加上軟綿綿嘅薯蓉，好食。可樂餅$15 1粒，我無任何投訴。同外面三倍價錢嘅質素一樣，外脆內軟，淨係啪croquettes已夠開心。酒水價錢都非常合理。係feel 到sangria嘅紅酒落得比較輕手，但咁就可以連酒量比較差嘅人都可以小酌一杯其實我覺得最加分嘅係啲staff真係好友善，同係真心地友善，會擇日留肚重訪Btw 呢個非試食活動，特此attach張單以正視聽Who should go? 兩個地鐵站內都可以去…查看更多

不時不食，不止應用喺食材，都應該應用係餐廳。如果我係濃冬嘅時候泥kinship, 感覺可能會有所不同。beef tartare 牛肉無剁得好碎仍留有筋肉嘅咀嚼感。調味夠咸，甚至有啲過咸。佢應該係用左老干媽辣椒醬去調味，花椒嘅麻香係討喜，但好油，再加上太咸又配好重味嘅芝麻脆片，食完後我宣告自己嘅味覺已陣亡。如果配rice cracker可能會好啲。我會俾呢個beef tartare 68分但其實今餐嘅其他食物分開食都好食，但一齊食就heavy得有啲吃不消。好似主菜個燒豬腩配粟米蓉。豬肉燒得軟嫩多汁，加左菠蘿同粟米粒有小驚喜，有一種見到魁梧嘅男人抱住隻芝娃娃嘅感覺，粗獷中有啲小清新，只係食完後已食唔落個burnt onion risotto 但甜品嘅coconut panna cotta係好食。椰子味香濃，奶凍柔滑，配上西柚粒同芒果，有食楊枝甘露嘅感覺。而Banana parfait 上嘅whip cream都好輕柔，但食唔落了但太少食油膩嘢嘢，個肚唔舒服左一晚。我同kinship非係適當嘅時候遇上。…查看更多

點解人會食素？想健康啲？想環保啲定唔想殺身？亦有人覺得食素肉非食素，但對於雜食者，呢個都係一個baby step，係願意係個人選擇中作出取捨。走肉蔬食研究所係作為雜食者都可以輕易接受嘅素食餐廳。佢大多數餐點都係用素肉烹製，想當年李嘉誠投資素肉時都覺得呢件事好匪夷所思，但隔左咁多年素肉已係新嘅飲食風朝。叫一個餐就可以任食小食，白飯同糖水。而佢嘅小食都好好食，特別鍾意個麻辣紅薯粉，有係四川菜餐廳食嘅味道。當日另一半點左叉燒蛋飯，”叉燒”係可以媲美真叉燒，至少唔會太多醬，煎蛋嘅焦邊都係做得好，要食晒一碗飯係無難度。而我點左素滷味，滷肉飯有好香嘅五香，仲有肉碎嘅質感。但素滷味對我泥講有啲太咸。總括而言，走肉蔬食研究所係值得撘三個站嘅地鐵去食。(但除非坐到卡位，係坐得比較逼)…查看更多

要走就要走，找呢度嘅出口朋友找到佢嘅出口。話別嘅日子轉眼就到。覺得如果有排都唔會返香港，去「胡同」好似係最好嘅選擇，中菜好食，又有無敵維港境。去食free flow brunch最怕佢top up慢，「胡同」 top up得好快，酒杯一定常滿！頭盤嘅鵝肝煙燻蛋香濃軟滑;金沙茄子外脆內軟，但又唔油膩。我平時最討厭食熟帶子，總係覺得如嚼蠟，但今次黑蒜帶子難得仲係鮮甜。主菜嘅青花椒鱈魚非常軟嫩，炒飯都粒粒分明。但最得我心嘅係甜品。豆腐奶凍好香豆味，正好清一清味蕾。兩個波波一個裏面係奶皇，另一個係Nutella, 香脆軟糯同集於外皮，而內餡非常香濃，好食好食。重點，胡同個廁所好陰森恐怖，細膽之人最好同朋友一齊去。食一餐飯可以有去埋鬼屋嘅刺激感。😂…查看更多

Food craving 來臨嘅時候係好難抗拒。從來對一樣食物無渴求，但就可能係啲關注群組見到一個post或一張相就無法控制地好想食。去到餐廳大約八點半，好多想叫嘅餸都無，咩菜都賣晒，想叫豬紅都無，但餐廳好sweet，淨返一粒豬紅送埋俾我。我叫左秘製醬汁撈紅薯粗粉，叫左小辣，但都唔係太辣。係惹味嘅，即使粗粉唔算太掛汁都夠味。配料係雞絲，比眼見嘅多汁。另一半點左酸辣紅薯粗粉。配料嘅白蘿蔔好入味，雲耳爽口，佢點嘅配料好似比我嘅好食。埋單2個加埋唔洗$90 ，填肚但又唔難食就可以。…查看更多

Who should go? 係附近可以去細細個成日去加連威老道行街，但近年加連威老道已變得十室九空。反而多咗啲食店，或超級市場進駐。呢幾日無啦啦好想食撈紅薯粗粉，見到巴辣仔有紅薯粉，都照頂住先。原來餐廳有兩層，一推門入去見到得個侍應姐姐喺度，我仲以為佢中場休息。但原來巴辣仔都幾受好感嘅員工歡迎，食到5:00 ，都陸陸續續見到有人過嚟食飯。叫咗微辣紅薯粉，配料要咗豬紅、水魷、羊肉片同萵筍絲。紅薯粉煮得煙韌，但湯底嘅微辣比我想像中更溫柔，同非川式香料嘅辣，應該進取啲嗌小辣。水魷有啲硬，豬紅未入味，但羊肉片好正！有羊味！萵筍絲鮮嫩無渣，呢兩個餸值得叫中規中矩啦，但如果再去的話，可能會試一人烤魚…查看更多

老牌嘅麵舖好似買少見少,反而拉麵舖，好食嘅或唔好食嘅，一區都有幾間。但傳統麵食嘅溫暖感，係拉麵搵唔到。劉森記最出名嘅係佢嘅蝦籽竹昇麵。有時想要啲刺激感會叫雞腸蝦籽撈麵。但人生平平淡淡都係樂趣，所以其實我更愛佢嘅蝦籽湯米，有時會配水餃，有時會撘雲吞，都食得寫意。佢嘅米粉唔係東莞米粉，係有啲彎彎曲曲嘅河源米粉，正好可以撈埋湯裏面啲蝦籽一齊食。仲有，唔好錯過佢啲醃蘿蔔。我諗唔少人都為咗佢嘅醃蘿蔔再訪😉…查看更多

Who? 如果附近有千両可以一試撇除政見，千両性價比係高，酒水價錢都好合理。特別係會員通常都有現金卷，用左後大約有九折。特別係依家omakase質素參差，好話唔好聽，除時千両仲好食啲🙃大部分千両係晚市都有日本直送魚，可以預先打電話去分店問同留貨。原條都係由$2xx到$3xx 左右，唔同出面嘅居酒屋，剩返嘅魚骨用泥煲湯或炸左去都唔會額外收錢。但最近一次去發現抽起左芥末軍艦同柚子胡椒系列，傷心😢我仲以為呢兩款壽司好受歡迎，點知都係被消失左…查看更多