.
大約2:45到係直入唔洗排隊。一場去到，當然係要沙爹牛麵做膽配紅腸煎蛋
好好運嘅麵煮得剛好，唔會生骨，剛上枱時彈牙，食到尾都唔會過淋。牛肉係完整嘅一片片，同無鬆肉粉乸過嗰種虛無感。牛味就唔好多諗，無梳打粉味已加分。於我而言，牛肉有88分
至於沙爹汁呢，係好食，但唔係我鍾意嘅口味。好好運嘅沙爹汁係偏甜，之後辣味慢慢滲出泥。我相信個甜味係主要來自炒洋蔥。呢個沙爹汁唔係我鍾意嘅味道，因為我鍾意有花生嘅沙爹。但我相信一定有捧場客。
.
總括和客觀而言，好好運係好食，但無需要千里迢迢去食，排隊多過5分鐘都可以唔洗食，但係最主要係我接受唔到要排隊食嘅餐廳。
.
但係，凍檸茶係好飲的
