wingkiu89的个人专页

朝早睇完宮崎駿手稿展, 之後就出左去尖沙咀.諗住係平日, 點幾鐘, 以為唔洗等位, 點知轉入漢口道, 遠處已經看見一條小人龍, 大概有十幾個人.等左差唔多四十分鐘, 終於有人帶我地上去, 上到去原來仲未入得去, 仲要等多陣, 好彩前面既人唔坐BAR 枱, 我地就即刻有位其實坐Bar枱都唔錯, 有少少街景睇下.因為未食午餐既關係, 我地叫左兩樣野食, 兩杯野飲, 呢道最低消費係一人一杯野飲.先黎杯冰鮮果茶 $58, 好大的一杯, 同價錢成正比.入面都幾多生果, 橙, 蘋果... 酸酸甜甜, 幾清新, 幾開胃 另有一個細杯, 入面有粒檸檬冰, 幾得意.過左無幾耐, 好多食家推薦既粟米芝士肌里肉可頌就到了感覺好豐富, 味道其實幾好, 但可惜可頌是凍的, 都幾失望:(. 特別鍾意佢個香草蒜蓉醬, 配埋D沙律食好好味.Oreo沙冰, 製作需時. 真材實料 !!! 好濃OREO 味, 甜度又適中, 入面仲有好多朱古力碎, 最重要既係一D都唔覺得溜. 下次一定會再叫過.之前叫左佢鬆餅後上, 我地一食完可頌就叫佢上, 但等左好耐, 差不多二十幾,三十分鐘, 之後再催佢多次先上:(.四件大鬆餅, 加一球草莓雪糕, 一球吉士, 同埋幾粒草莓.鬆餅好香, 亦夠鬆軟, 啡色那邊是脆的, 幾香口, 有淡淡的可可味.另一邊似實少少既蛋糕口感, 挺不錯, 再配埋雪糕, 好味道.可惜的是草莓是酸的, 沒有半丁點甜味. 吉士似是即溶吉士粉開的, 沙沙的, 唔夠滑, 亦都唔香.鬆餅吃一塊已經很飽, 假若有MINI SIZE, 會好很多:)…查看更多

第二次黎台灣美食, 因為真係好岩我口味 !!!上次兩個人叫左同個肉臊飯同一個小食, 食到好飽, 所以今次醒目左, 叫左一個飯, 一個小食, 因為之前食左少少野, 所以無再叫多個小食.六點幾黎到, 無咩人.豬軟骨肉臊飯勁大碗飯, 又有幾多肉臊, 豬軟骨有三四舊. 豬軟骨酸酸甜甜咁, 都幾好味, D肉唔會好UN, 不過有D骨就比較硬, 係咬唔到既, 醃得幾入味, 餸飯一流 !! 肉臊個味都係甜甜地, 不過咸左少少, 如果唔餸飯, 就會幾咸, 如果佢帶有微辣, 味道應該會更好 !!!椒鹽魷魚鬚炸得好脆, 又唔會覺得油膩, 不過個汁就偏甜, 配喼汁會好食D, 我地嚐試加D醋落個汁道, 諗住可以酸D, 不過好似唔多得.另外, 仲叫左兩杯野飲, 佢杯鴛鴦珍珠幾好味.…查看更多

七點幾黎到, 已經見到門口有約十個人排隊, 不過知道有限時, 所以當下以為好快就會有位.但發現錯了, 去左附近閒逛了一會, 番番去只係叫左一個號碼 . 結果等等等, 等左個半鐘, 等到成個人呆呆地, 佢個時限無咩用, D客埋完單照坐, 完全無走既意欲...兩個人因為細食既關係, 只點了原味無骨炸雞配芝士味薯片, 其實想試佢個薯仔沙律, 但知道碟沙律係好大碟, 所以最後只係點左一樣野食. 大約過左十五分鐘就上菜了.一大碟炸雞, 醃蘿蔔, 另有兩款醬汁, 一款係蒜味豉油, 另一款係甜辣醬. 因為我比較鍾意食辣野, 所以當然比較鍾意甜辣醬. 炸雞有好多件, 兩個人食其實有D勉強, 好脆, 好香口, 完全唔覺油膩, 不過炸粉偏厚, 肉質一般般, 只係得好少塊係嫩D, 其他都比較HI. 食到最後有D濟, 不過真係幾好味, 但就唔太值得等咁耐.薯片就唔太好食, 唔夠脆, 而且有D油膩, 無咩芝士味, 起初以為係佢會配個芝士汁, 點知唔係, 而係炸既時候落左芝士粉.…查看更多

難得假期，身為新界人真係甚少會出港島。因為天氣既關係所以就扚起心肝去食呢間咁多笑臉既川善茶居。兩點幾黎到，一出lift門，就見到人龍，走到龍尾，剛好排到後樓梯，前面大概有十個人。初時排都唔覺熱，越排越熱:(排左個幾鐘終於等到，坐近窗位。睇左陣餐牌，啲野食都幾貴。叫左兩杯野飲，兩款甜品。Mocha snow white, 純綷係 Mocha latte 少左奶，多左球雪糕。未攪匀之前，有清淡既抹茶味，攪拌後，成杯野既厚度，甜味出番黎，還不錯，但唔特别。Mocha lemonade 好夠凍，好清新既野飲，不過抹茶味欠乏。:(兩杯野飲各$48,再加埋一，成$53，唔值。皇牌抹茶心太軟，都唔算等得耐，約十五分鐘就有，拌碟有vanilla ice cream 加少少瑪莉餅碎。切開，都算流心，視覺享受還不錯，味道就一般般，都有抹茶味。雪糕係雀巢雪糕，而且溶得好快。$78 ,都係個句，唔值。食完心太軟，諗住消化一下，過多陣先追佢個芝士蛋糕。結果，我地最後係追左三次，佢一路上心太軟，brownie, 野飲，完全無理過我地個芝士蛋糕，等左差唔多半個鐘先黎。。。Mocha cheese cake 算係眾多款目中較為值得推薦既一樣。上面白色既，應該係meringue，但唔知係打得唔夠起定點，推一推佢就溶晒，不過呢個唔係重點啦。個cheese cake 係比較實既baked cheese cake, 抹茶味好濃，同個芝士味好balance, 蛋糕亦夠滑，加埋消化餅底，挺不錯。兩人分，食到最後有少少溜。雖然没有很大既期望，但等左個幾鐘，同要呢個價錢就真係唔值啦。今次算係湊下熱鬧，試下人氣抹茶店。…查看更多

五點幾黎到，無咩人，隨便選了個卡位坐。仲有下午茶，下午茶較正常多杯野飲。。。先叫左個茶餐干炒豬扒意粉很乾爽，很有獲氣既炒意粉意粉軟硬適中，唔會好林，豬扒份量算多，約有一塊半，很林，應該落左鬆肉粉。碟意粉好好味，食到最底唔會有油，不過洋葱有縮味:(六點鐘就開始晚市小菜，我地叫左個粟米魚柳，送白飯例湯。例湯好多料，唔似味精湯。期待已久既主角登場魚柳炸得香脆又唔會覺油膩，炸粉唔會好厚，再加埋個茨汁，真係好好味。啲魚亦都夠大舊，而且肉質鮮嫩。係我食過最好食既粟米魚。價格亦同份量成正比。兩個人食唔晒，打包番屋企。。。我地食完野見出面落大雨，坐多左半個鐘都無人趕我地走，可能因為無人等位掛…查看更多

五點九就黎到，見到門口有幾個人，以為要等位，原來係等外賣的人。唔洗等就有位，都有三四張空枱。原本俾佢個餐包吸引黎，點知佢張點心紙劃左，無得叫:(兩個人叫左四個點心。叫左無幾耐，啲野食就到，分開叫可能會好啲，始終比較鍾意食啲熱騰騰既點心。豐料珍珠雞真係幾大隻同埋幾多料，有雞，叉燒，冬菇同肉碎，糯米飯夠林，但又唔會好濕。兩個人分唔會好溜。:)蟹籽燒賣還好啦，幾鮮味，豬肉肥瘦適中，不過就無咩蝦，所以有少少實。炸兩腸腸粉片幾滑，如果叫其他腸粉應該會幾好味。但個炸兩就好一般，有啲un，得少少位係脆。可能因為炸兩皮有啲厚呱。。。叉燒包兩大個，麵包夠軟綿，餡料又夠，食完呢個都幾飽。不過男友食個個啲餡有燶味:(，應該係煮燶左個餡。整體感覺不錯，但地方較少和擠迫，廁所要去後巷。…查看更多

一點半黎到，開始排隊，前面已經有差不多二十幾人。兩點開始叫飛，再等多十分鐘就有位，不過要搭枱。有啲似整定先係道，唔係好夠熱，不過勝在酥皮唔會好厚，饀都夠多，叉燒都幾瘦睇相好吸引，味道就馬馬。。。食落去完全無黑芝麻既香味，成個包其實無咩味，亦唔係流心既。得一兩舊係脆既，其他都係林既，有啲溜，不過腸粉都既滑。幾好味，豬肉肥瘦適中。賣相就，一般般啦。…查看更多

五點九黎到，唔洗等位，仲有卡位坐添。兩個人，叫左三款小食，一款主菜。落左單無耐，啲野食就黎啦。。。粉皮比平常的厚身，可惜卻比較林，不過個麻醬好味，好杰身，每一條都沾有麻醬。彼大的豬肉餡，夠鮮味，仲有肉汁嫁，如果再煎香啲會更好。我最愛既小籠包好多湯汁丫，皮薄而且豬肉好鮮，好好味。其他上海野，無一間比得上。醬汁，配料同上海粗炒差唔多，年糕好煙un，好厚切，仲有啲肉絲，小唐菜同菇，味道不錯，唔會太咸。最後加左個甜點好好味丫:)皮薄，香脆，仲好香添，夠多豆沙，唔會好甜。正！好食係好食，不過有啲貴，茶芥收左每人$12，兩個人食左二百八十蚊。…查看更多

放工經過旺角唔知食咩好，諗起一次下晝去新森林食，都幾唔錯。係門口企左陣，見到啲野食圖片幾吸引，就決定晚餐係呢道解決。佢有二人套餐，但因為小食唔太吸引，所以無叫到。散叫可以自己加湯，同埋計番條數散叫同樣既野食係仲平。。。先黎餐湯，正常質數，餐包係牛角包，都幾鬆脆，唔錯。有三小塊焗過頭同幾肥既豬扒，面頭啲意粉都乾乾地。味道其實唔錯，但份量幾少，男仔會唔夠飽。雖然係炒飯底，但唔太好食，而且個汁無咩味，魚柳還可以。野飲叫左一杯特飲，北海道牛乳布丁紅豆冰，個牛乳布丁有點奇怪，不太好飲。:(水準已經不復當年，唔會再係道食焗野。…查看更多

早早食晚餐下午茶時間又未過，緊係叫番個茶餐先啦，不過男友肚餓，叫左個午餐連湯。下午茶餐同午餐係一機份量嫁，係少左個湯，三十幾蚊咁大碟，真係好抵食雞扒有一大塊，炒飯底，咖哩係印度個隻，因為多汁既關係，所以食落都幾辣。一個女仔真係食唔晒。午餐份量一樣大，海鮮還可以，但炒麵似豉油皇炒麵，不太喜歡，起初以為係日式風味。。。餐湯揀左白湯，男友覺得偏淡，但我覺得還可以。因為食物都偏濃味多汁(港式口味)，所以餐湯淡啲會好啲。…查看更多

之前見到意粉屋既春日意粉廣告勁吸引，今日終於食左啦。春日推介芝士菠菜雲吞，向來都很喜歡吃意大利雲吞果然無令我失望，雲吞皮厚薄適中，餡料亦好香芝士味，不過乾左少少，伴埋蕃茄茸食就岩岩好。可惜得5粒。巴馬臣火腿忌廉烤雞花邊意粉忌廉很creamy 好好食，每條意粉也沾有醬汁，配料就一般般啦。兩碟意粉份量都偏少。…查看更多

每次經過彌敦道，總會看見金御的二拉架，最惹人注意的，當然是$68 片皮鴨的優惠。今晚終於有機會了六點來到，酒樓的燈一半没開，晚場的首位顧客。看看餐牌，款式不多。蒜片雜菌牛柳粒很夠獲氣的一碟餸。牛柳粒很香，很林，而且肉汁被鎖住。送飯一流。今日既主角 - 片皮鴨起初以為一隻鴨很多，但片了皮的時候，只剩鴨的三分二。片很香脆，不過脂肪都幾多，好多油係隻碟道。配料没有很多，只有大葱和甜醬。如果係原價既話，會有啲唔抵。而且服務費收12%,仲有茶芥，加埋加埋食左二百幾蚊。…查看更多

日本之旅愛上吃拉麵，尤其是粗麵條，回到香港當然繼續吃拉麵。不過暫時未找到一間能和日本的媲美的日式炒拉麵味道不錯，但酸味欠奉，唯有自己加一點天婦羅汁。份量也很多，午餐有跟飲品，加了$3點了抹茶鮮奶。很一般的一杯飲料，不夠抹茶味，太甜，甜味主要來自糖水。如果多一點抹茶和奶會好很多。叉燒拉麵湯底很淡，嚐得出不是製作多時的濃湯，溏心蛋也很一般，蛋黃熟了點。唐揚炸雞挺好吃的，夠香脆，而且雞很嫩，有肉汁。配搭的蜜糖芥茉醬則不是很搭配，配沙律醬可能會更好。如果不是因為剛去完日本，應該會給更高的評分…查看更多

心血來潮想吃韓食, 便來到這間好評如潮的韓式速食店.大約下午一時半到達, 在門外等了一會兒便入座了.這裡是先點餐, 後入座, 之後服務員會把食物送上.首先是上了辣魷魚紫菜卷, 魷魚很爽, 很美味, 料很多.額外加錢的小食, 薯容, 魚片則很一般, 魚片咸得很 :(最後是韓式炒粉絲, 甜甜的, 出面吃的通常用很多油炒, 變得很滑身, 這個很乾身, 絕不會覺得膩 !! 很適合怕胖的女生哦…查看更多

之前買了團購的現金劵, $30 = $50 兩張我但點了兩份烏冬, 四款天婦羅和一個飯糰.咖哩撈烏冬咖哩汁有點微辣, 我挺喜歡的, 而且還有一些薯仔, 牛肉, 洋蔥件配料, $37都幾抵食. 不過可能因為咖哩汁是熱鍋裡盛地的, 所以有一點點把烏冬浸淋了.冷烏冬配熱湯, 烏冬較chewy.至於天婦羅, 除了雞柳外, 其他都是炸了一段時間, 都是凍的, 不過海苔魷魚的味道, 口感很不錯, 值得一吃. 胡麻雞柳是新推出, 新鮮炸出來, 熱烘烘的, 胡麻很香口.這裡是自助形式的, 點選好烏冬, 夾了想要的天婦羅, 然後付款. 付款後, 旁邊可以自己加葱, 薑粒, 芝麻, 炸粒. 但記得走之前, 要把自己的用餐拿到回收處.…查看更多