一點心 (通菜街)

营业中

休息中

五点九就黎到，见到门口有几个人，以为要等位，原来系等外卖的人。唔洗等就有位，都有三四张空枱。原本俾佢个餐包吸引黎，点知佢张点心纸划左，无得叫两个人叫左四个点心。叫左无几耐，啲野食就到，分开叫可能会好啲，始终比较钟意食啲热腾腾既点心。丰料珍珠鸡真系几大只同埋几多料，有鸡，叉烧，冬菇同肉碎，糯米饭够林，但又唔会好湿。两个人分唔会好溜。蟹籽烧卖还好啦，几鲜味，猪肉肥瘦适中，不过就无咩虾，所以有少少实。炸两肠肠粉片几滑，如果叫其他肠粉应该会几好味。但个炸两就好一般，有啲un，得少少位系脆。可能因为炸两皮有啲厚呱。。。叉烧包两大个，面包够软绵，馅料又够，食完呢个都几饱。不过男友食个个啲馅有㶶味，应该系煮㶶左个馅。整体感觉不错，但地方较少和挤迫，厕所要去后巷。