bessieying的个人专页

好簡單兩個字評價：麻麻。比較好應係個例湯同無影相嘅凍奶茶，個雞就等咗好耐先嚟，味道如賣相——一般。星期日晚，度度都好多人要等位，呢度都有客嘅，但唔使等位，明啦！…查看更多

聞說坤記腸粉好有名，於是搬入大圍第一朝就去試下。環境就好「落地」，但企理嘅，只係我想返屋企歎住冷氣食，就無坐低。叫咗一碟腸粉，加魚蛋同墨魚丸。兩款丸都乒乓波咁大，彈牙架！但鋒頭俾腸粉搶曬，因為好滑！又香又薄身，熱辣辣，如果係冬天即場食應該好正。剪腸粉個姐姐仲好好傾，話間店幾十年歷史，叫我多啲嚟幫襯，仲同場加推我試佢地嘅即磨豆漿，唔太甜，有豆味。一定會再幫襯！…查看更多

環境舒服，食物都okay, 只係按地段貴咗啲，三個人食咗$700 幾，人均消費逾$200。四個菜都不錯，特別推介係滷水鵝片拼鵝腸，夥計話鵝腸係新鮮，同行識食朋友話食得出好新鮮，爽口，有油香，無腥味，力推唔食內臟嘅我一試，果然試咗好有驚喜，再嚟呢度食，有朋友叫呢味菜我都會再一齊食！鵝片都好好味！炒麵就麻麻，麵底水分太多，唔夠脆身。鮑魚大小有點唔平均，$88一隻，最少叫兩隻，好鮮味，肉質爽彈！普寧白菜仔都不錯，醒起要影相時已清咗碟，所以無相。…查看更多

如果喜歡窩夫，這裡會是很不錯的選擇，因為主打窩夫甜品。當日食飽飽去到，真心食唔落窩夫，三個人叫咗呢三樣，抹茶茶味不錯，每樣大約$50，合理價錢。值得一提係白色三點嗰款甜品，椰汁+ Espresso + 椰子味雪糕，建議將 espresso 淋上雪糕食，再淋椰汁再食，最後變成一杯椰汁 espresso 特飲，不錯！…查看更多

對住個海嘅餐廳都係收幾百蚊位，聖誕推半自助餐，五百幾蚊一位，算幾抵食！半自助餐嘅bar 枱唔算大，但有生蠔、三文魚、雪場蟹腳、鮑魚等海鮮，仲有火雞、春卷、咖哩角、蝦餅同湯。主菜我地兩個人叫咗兩款，炭燒龍蝦夠鮮又夠惹味，肉眼扒大塊又好肉質鮮嫩。個人覺得主菜比buffet bar 更正！但聽聞平時呢間餐廳係食西餐同泰國野，有機會都會嚟試下呢度嘅生蝦刺身同咖哩炒蟹！甜品選擇唔算多，但樣樣都整得幾好味，啲蛋糕好滑！個餐汽水或橙汁任飲都好抵，如果加$58仲可以有紅白酒任飲～總括嚟講都係好嘅 festive choice!…查看更多

尖沙咀返工，六點放工最好就係去HH....Happy Hour!呢個地方前身係Spasso, 因為地點方便，露天又啱煙民朋友，仲要對住海景，所以以前都成日黎HH, 換左新餐廳EPURE，依然係飲野好地方，而且環境再正啲！叫左杯cocktail Piña Colada, 味道不錯，而且有酒味，無呃秤，唔會mocktail 扮 cocktail，酒量唔好就要「先揚聲」，朋友無idea飲乜，侍應又好好咁推介，但亦可以膽粗粗叫杯Nothing, 睇下會調杯咩俾你～ 值得讚嘅係配酒果仁、橄欖、小食都好高質素，唔係一杯送薯片。是日黃昏坐到夜晚，睇住靚靚日落景，一直到夜景，氣氛不錯，唔同三五之己，同另一半黎浪漫下都真係好不錯～…查看更多

以為去元朗食私房菜會好偏僻，但原來有西鐵又ok, J出口直行5分鐘就見到餐廳。環境比想像中好，感覺舒服企理，叫左三樣野：1. 避風塘瀨尿蝦（必試！讚！）又大隻又惹味！啖啖肉！一人一大隻好滿足！大隻到可以一開三～2. 砵酒焗蠔上菜未拆開錫紙已經好香！食落味道不錯，覺得可以再鹹啲～ 洋蔥味好香，但有少少搶左酒味。不過平時只食生蠔嘅我都有清曬呢煲蠔。3. 咖喱蟹煲唔係泰式咖喱，所以無甜味或蛋花，反而有薯仔，送飯一流，唔算辣，鍾意咖喱又怕辣就好啱，想辣啲就可能要落單前講聲。加分位係上菜勁快，而且有糖水送～ 最最最加分位其實係抵食！三樣海鮮都係四百蚊多啲～不過要點海鮮最好預訂（蟹同瀨尿蝦我係預訂嘅），即時叫可能無貨～…查看更多

兩個人，叫三樣野，兩杯野飲，$700。Crab cake, 三件，蟹肉多，味道ok!海膽扁意粉，個海膽都算多，但都幾鹹。Cold cut 幾款都不錯。但三樣分量都唔算多，尤其個意粉係一人份咁。兩杯野飲最唔好，mocktail唔甜，cocktail就唔甜得黎都無乜酒味。整體一般，唔係一定要再黎嗰種。…查看更多

話曬米芝蓮，對食物期望自然高，可能因為咁而有啲失望。最好味係餐前小食同甜品，但amuse bouche個湯感覺好無誠意，只飲左兩三啖就無飲，似日式清麵豉湯，做唔到令人開胃的效果。主菜走地雞配小龍蝦同黑松露味道還可，但鹹左啲，要不停飲水。蒸鴨肝份糧好大，可惜係最失望一道菜，因為係蒸唔係煎，表面一定唔係香脆嗰種，但遺憾嘅係內裡質感又唔實又唔軟，入口唔夠滑，亦無咩油香，都係無食曬就停左手。服務方面，上菜等嘅時頗長，同枱有內地客人，但侍應普通話唔太好，但當然整體服務都好好。…查看更多

環境：維港無敵海景、高樓底配大大盞水晶吊燈服務：服務態度好，上菜速道適中，不過有道菜落漏左醬汁，要叫侍應返黎再落過食物：賣相精緻，amuse bouche味道層次豐富，前菜蟹肉啫喱同主菜的海鮮的味道都好，可惜係太鹹！甜品：個盒有個小抽屜，靚，馬卡龍係一口size，鳥結糖亦唔黐牙，不錯…查看更多

坐吧枱，加埋一，$220一碗刺身飯。細食如我，呢碗飯淨食魚生都夠飽（但如果正常食量或男士應該唔夠滿足）所有魚生都好新鮮，味道鮮甜，但如果計性價比，仍然略嫌貴左啲，覺得$150左右比較合理。…查看更多

三個人坐吧枱轉角位，都叫傾到偈。吧枱位置都唔會太窄，仲可以睇住日本師父即整野食。全晚由師父話事，精選一啲壽司刺身，其中一個炸小蝦幾得意，有啲似炸白飯魚，應該好啱送啤酒。刺身係非常鮮味，拖羅尤其肥美，一口魚油～最激讚係和牛刺身，鮮味，入口即溶！生蠔同海膽亦都值得推介！…查看更多

樓上店，午餐都要二百幾，但食過又會覺得值，尤其呢間野夜晚貴好多。叫左個壽司餐，件件壽司都好新鮮、精緻，味道當然好！不過壽司款式無得揀，由壽司師父話事～壽司餐仲連一個迷你魚生飯，好細碗嘅，但都好味。影埋朋友個三併定食，有魚、有魚生、有天婦羅，貪心人事的選擇。前菜有蒸蛋同漬物。…查看更多

想食壽司，如果嫌元氣、板長太悶，壽司廣又貴到喊，可以考慮下千兩，食物質素幾好，而且有百兩、千兩、萬兩三個唔同價錢嘅餐，等銀包入面銀兩或多或少的你有唔同選擇。三個餐唔單止係壽司數目多寡之別，成個配搭都有分別，迎合唔同人口味。百兩$七十幾，配沙律、湯烏冬、野菜天婦羅千兩$八十幾，配沙律、冷蕎麥麵萬兩$一百零幾，配沙律，全壽司餐…查看更多

可一不可再。可一：餐廳素有名氣，值得豪一次試試不可再：$238一個午餐都唔包飲品令人感覺好呃錢，另叫野飲要$38，加埋一即係三舊水，呢個價錢喺尖沙咀有好多選擇。上菜似飛機餐便當，由湯、主菜到甜品都一個盤上，感覺唔到係咁貴嘅午餐。湯ok好味，但朋友覺得鹹左啲,。麵包熱到辣手，直覺覺得似微波爐叮完咁。主菜食牛，普通，只屬不過不失水準。Macaron 味道好人工，友人覺得似藥水味，侍應話係rum酒提子味，我就覺得餡太多，咬一啖唧曬出黎。朱古力好味。…查看更多