金潮軒 (已結業)

環境舒服，食物都okay, 只係按地段貴咗啲，三個人食咗$700 幾，人均消費逾$200。四個菜都不錯，特別推介係滷水鵝片拼鵝腸，夥計話鵝腸係新鮮，同行識食朋友話食得出好新鮮，爽口，有油香，無腥味，力推唔食內臟嘅我一試，果然試咗好有驚喜，再嚟呢度食，有朋友叫呢味菜我都會再一齊食！鵝片都好好味！炒麵就麻麻，麵底水分太多，唔夠脆身。鮑魚大小有點唔平均，$88一隻，最少叫兩隻，好鮮味，肉質爽彈！普寧白菜仔都不錯，醒起要影相時已清咗碟，所以無相。