foodiew.w的个人专页

今日黎九龍城唔系食泰國野，而系要食蒸氣火鍋！蟹仙主打用「蒸」黎烹煮海鮮，食到原汁原味的海鮮鮮甜。餐廳堅持每日空運新鮮海鮮，確保食材有最佳嘅品質！每樣海鮮店員都會一一介紹，仲會幫我地蒸埋，把控蒸煮嘅最佳時間好貼心。一開始就已經系放入生米、排骨、芋頭、粟米喺鍋煲粥，去蒸煮海鮮嘅期間吸收嘥海鮮嘅精華，超正！海鮮方面，今次揀咗尊貴海套餐，有野生膏仔蟹🦀，韓國釜山野生鰻魚，野生琵琶龍蝦🦞，秘制南非鮑魚，大西洋野生青口，加拿大野生海虎蝦🦐，韓國釜山蠔🦪，黃金翡翠螺🐚，蟹皇大元貝，好豐富！🔸野生膏仔蟹🦀蟹黃滿晒出，肉嫩又鮮甜，一打開蟹鉗就係滿滿蟹肉，好滿足！🔸釜山野生鰻魚薑絲清蒸，油潤香滑，配wasabi好清新！🔸野生琵琶龍蝦🦞好少見，肉質唔似一般龍蝦咁彈牙，但蟹味超濃郁，第一次試即刻愛上！ 🔸秘制南非鮑魚炆得入味，連花菇都吸飽汁，食落超香！🔸大西洋野生青口店員建議咩都唔好點，果然超鮮甜，淡淡海水嘅鮮味，但唔會鹹🔸加拿大野生海虎蝦🦐新鮮彈牙，原味最好食！🔸釜山蠔🦪飽滿creamy，入口帶啲海水清甜，好正！🔸黃金翡翠螺🐚一扭即出大串螺肉，味道濃郁🔸蟹皇大元貝配蟹皇醬蟹皇醬份量都唔少！酸甜開胃，元貝飽滿彈牙🔸有機蔬菜籃清蒸蔬菜菇類可以保留食材嘅鮮甜，食完一堆海鮮之前食返d菜balance 下🔸椰汁雪燕店家好好，仲送左甜品比我地食！椰汁雪燕甜度啱啱好，雪燕慢慢化開，食完邊爐再食，涼浸浸，好舒服～…查看更多

今日同朋友黎到Tower535嘅Lounge Hakuba食晚飯。之前lunch系食過，主打食日式小菜便當，估唔到一到夜晚唔同左，系居酒屋路線，環境都好適合同朋友放工飲返兩杯嘆下🍻今次叫左二人set, 有11樣野，好豐富好抵食！仲叫左兩杯cocktail🍸前菜嘅芥辣八爪魚超級清新。微灼過嘅帆立貝鮮甜，三文魚油香。酥炸雞翼非常香口，抵讚係單骨雞翼超方便，配上柚子蜜糖解膩，食不停口。炸豆腐外脆內軟，滑捋捋，而且非常入味，大讚！太卷方面，芝士牛油果香，牛肉濃，非常飽肚。串燒方面，明太子鹹香絕配淋淋嘅山藥，金菇肥牛卷外面嘅燒汁芝麻香入面絲絲金菇口感紮實，濃香紫蘇配上鮮嫩雞腿肉，加埋流心蛋配五花腩嘅新穎組合，想酒一流。鰻魚炒飯，粒粒分明，鰻魚汁滲入珍珠米相當入味，鰻魚不但足料又香濃。甜品鯛魚燒香口又爆漿，完美作結。飲品方面叫左兩杯cocktail, 佢地嘅cocktail都好靚好特別，值得一試！蘭：白蘭樹下Gin做基酒，有白蘭嘅香，同淡淡嘅陳皮香，混入紫蘇同tonic，充滿獨特草本幽香。山：同樣以gin做底，加入wasabi嘅山感覺截然不同，同樣有紫蘇香，更有薑，青瓜嘅清新，再有山葵嘅餘韻。…查看更多

今日嚟到左期待左好耐嘅重房食omakase! 師父真係好風趣幽默，刀功又了得，仲好用心機咁同我哋介紹每道料理。無論係食材揀選定係擺碟都好用心！師父仲會觀察我哋食嘢嘅進度，會根據我哋嘅喜好調整，好貼心！🔸蟹肉秋葵伴麻醬：蟹肉好鮮甜，配埋秋葵嗰種滑滑地嘅口感，好開胃呀～麻醬都唔會太濃，啱啱好！🔸蘿蔔螺肉串個螺肉超入味，好鮮甜呀！蘿蔔炆到好軟身，吸晒啲汁，濃味到不得了🔸土佐醋北海道帆立貝帆立貝嫩到不得了，貝柱火炙過有少少焦香，土佐醋配埋青柚子皮，係好清爽嘅微酸，好開胃🔸愛侶魚刺身：白身魚超滑，唔會黐牙，配個梅子昆布醬好特別，有梅香又清新，好鍾意！🔸北海道岩生蠔一上枱就雙眼發光😍個蠔好大，食落好creamy好甜，配埋啲三文魚籽同青橘子啫喱，清新得嚟又唔會太鹹，正！聽講個三文魚籽用柚子醃咗三日，令到三文魚籽唔會咁鹹，師父好用心呀！🔸稀有純白時不知：第一次食呢種魚！師傅介紹白色嘅時不知係好稀有，表面燒過好香，油份比較重，滑身，配埋牙蔥同明太子醬，會冇咁油膩🔸磯煮鮑魚配蘿蔔：個鮑魚煮咗好耐，又嫩又彈牙，亦都好入味，個鮑魚肝醬超濃郁，蘿蔔都好甜。🔸北海道噴火灣藍旗吞拿魚中拖羅：今晚嘅主角！夾埋沖繩菠蘿食好創新，減輕左吞拿魚嘅酸味，更加鮮甜！🔸赤貝壽司個赤貝好大隻，爽脆彈牙，配青檸汁好refreshing，個壽司飯溫度啱啱好，微微酸味，好開始！🔸紋甲魷魚壽司厚身魷魚，師傅刀功好勁，微焦香又彈牙，好香甜🔸金目鯛壽司厚身有油香，配柚子胡椒啱啱好，唔會搶咗魚嘅風頭。個魚好肥美，入口即溶！🔸醬油漬鰤魚壽司個芝麻鹽好香，京蔥清甜，個魚嫩滑油香，食完仲有回味，超正！🔸馬糞海膽壽司呢個海膽creamy到飛起，甜度啱啱好，配埋烤海苔，口感滿分！我最愛！真係好奢侈嘅享受🔸特製魚湯用咗三十幾種魚煮，奶白色好靚，青甜又有香菇，微辣層次，超鍾意呢個湯！🔸夕張蜜瓜：最後嘅甜品，多汁香甜，vnd綿密，糖度好高，完美ending！…查看更多

今日同frd去左尖沙咀三日月食鐵板燒，好耐冇食，勁期待😍環境非常好，仲有幾間房，可以人少少，靜靜地，直接望住師傅為我地烹調！一人set有沙律、前菜、虎蝦、蟶子、茶碗蒸、牛/豬、炒飯、味噌湯同甜品，好豐富🤤🔸青木瓜沙律配柚子汁好開胃！青豆的爽脆配合木瓜絲的酸甜，再加埋清新的柚子汁，真係好fresh🔸三小碟三道都好有驚喜！煙燻雞肉香得來又嫩滑，搭配椰菜的爽脆，味道層次分明。味增茄子就係香醇入味，帶出一種沉穩的豐富口感。帶子裙邊，微辣過後的鮮甜真係令人想多食幾啖。🔸大虎蝦虎蝦又大隻又鮮甜，配上蝦頭醬同香草醬，味道又清新，連蝦鬚都煎到好香脆。師傅仲將蝦頭蝦鬚都擺返一成隻蝦嘅形狀，好有心思！🔸鮮活蘇格蘭蟶子皇香蔥胡椒牛油炒，爽脆又原汁原味，火候把握得好好。🔸茶碗蒸黑松露油香扑鼻呀，三文魚籽增加魚湯的香濃程度，蒸蛋滑得來底部有木耳絲，增添了特別的口感。🔸美國Prime肉眼薄燒卷肉卷五成熟爆汁，卷住香蔥和雜菌，解左牛嘅油膩。🔸鐵板炒飯飯粒分明又香，蛋香、蔥香同鐵板香一次享有，健康嘅蔬菜配搭更是滿分。🔸豆乳味噌湯暖心之選，豆乳和味噌融合得宜，喝完舒服晒。🔸抹茶紅豆大福抹茶香微苦搭紅豆的甜，做結尾超正！期待下次再來！…查看更多

今日同朋友系荃灣搵左間西餐廳小店Vision 8，見佢環境都唔錯，諗住一齊係個度慶祝生日。店員服務好好主動殷勤，會主動換碟和斟水，而且生日仲幫我地寫字畫碟，好有心機💕餐包估唔多佢地嘅幾食，軟法包，鬆軟麵包同脆麵包包薄片，配上自家製黑松露牛油，好香口，黑松露味重，好正餐湯系椰菜花忌廉湯，欣賞冇椰菜花嘅草青味，好creamy經典蟹餅沙律沙律菜配有柚子醋，酸酸地好開胃，蟹餅外表炸到好香脆，外面有一絲絲蟹肉，蔬菜加忌廉混合，好soft威靈頓牛柳威靈頓牛柳肉質細嫩多汁，酥脆金黃的麵包外皮夾埋幼嫩嘅牛肉，食落層次好豐富！加埋微酸嘅蘑菇醬，好開胃～側邊仲有搭配薑香薯蓉，清新解膩😲煙三文魚配千島醬薄餅pizza個底系薄批，好脆，煙三文魚份量都幾多，仲有拉絲嘅芝士，好邪惡🤤千島醬嘅酸甜滋味，以及煙熏三文魚嘅鹹香，再搭配上清爽的火箭菜，好解膩👍🏻…查看更多

今日同屋企人一齊系葵廣附近行街，係新都會商場嘅龜記買野飲，之前係台灣都飲過龜記，係香港就第一次！🔸柳丁翡翠柳丁味酸酸甜甜，再配埋綠茶，整體清爽唔膩。柳丁果香嘅鮮味加上綠茶嘅回甘，啱晒提神醒腦，尤其係熱辣辣嘅日子。🔸花沫珍珠烏龍奶茶呢款奶茶厲害在珍珠真係Q彈同烏龍茶香氣濃郁。多種頂級茶葉融合啲奶香，細品有層次。珍珠嘅口感令整杯茶飲變得更加有趣。🔸旺梨四季春台灣鳳梨香氣，同四季春茶清爽味道好夾。飲落去有活力感，放鬆消暑首選。🔸檸檬蘆薈蜜檸檬酸香清新，加蘆薈粒令口感層次增加，每啜一口都帶啲變化，酸酸甜甜吸引唔少愛清新口味嘅朋友。🔸蜂蜜檸檬蜂蜜嘅天然甜醇香令檸檬酸味平衡。呢款飲品柔和、清新，簡單但唔失層次。…查看更多

今日我嚟到銅鑼灣的 The Grill Room，佢哋嘅 $98 半自助午餐，真係幾吸引，想去食好耐！一入到去，環境好好大好多位，平日lunch時間都幾多附近返工嘅人去食。環境舒適，燈光柔和，坐得非常舒服，感覺就似去咗高級酒店餐廳用餐咁，店員的服務亦非常周到。半自助餐有各式新鮮沙律，配搭精緻，每樣都好吸引。仲有炸物，有炸雞同薯條，香脆可口。估唔到仲有埋甜品，亦非常高質，有蛋糕同可麗露。仲有餐湯跟！主菜方面，可以另外價錢選擇。🔸香草蕃茄醬青口扁意粉青口扁意粉配上香草蕃茄醬，味道鮮美，意粉煮得剛好，咬落去有彈性🔸香煎三文魚柳煎得好香，外皮香脆肉質鮮嫩，搭配清新的菠菜苗同枝豆，整體味道平衡，非常美味…查看更多

想同朋友飲返兩杯傾下計嘅朋友仔可以試下銅鑼灣嘅RICHKAT PIZZA & BAR!❗️呢間係露天bar，提供自家釀造嘅啤酒同簡餐。啤酒由自建酒廠製作，仲有獲獎啤酒! 餐廳有室外室內嘅部份，室外環境好chill, 可以望到跑馬地馬場又可以望到部分維港嘅景色，好啱同朋友同事收工嚟飲返兩杯🍻🔸手工啤酒品鑑套餐一定要試下佢地嘅啤酒，今次我地揀左6款啤酒🍻🥥好椰真係好椰！好香椰子味，口感好soft,易入口，加埋檸檬汁，好fresh, 好埋夏天飲🍺🍑桃寶水蜜桃味，酸甜清爽，有海鹽提升層次🍺🍇葡萄熟了葡提子香，酸酸甜甜，仲有海鹽調味。🍺☕️侍郎咖啡、黑朱古力同乾果味，層次豐富。🍺🏝️星仔熱帶水果風味，IPA酒香濃烈🍺🍊Deja Vu雙倍IPA，熱情果同柑橘香，清新有活力🔸黑松露雜菌薄餅🍕軟身薄餅，芝士香濃，黑松露菇菌好香🔸肉醬意粉🍝濃郁番茄味，意粉面條爽口彈牙🔸洋蔥圈香脆，加川味香料，配酒好夾。…查看更多

最近同朋友去啟德行下，去左名苑酒家食中菜。呢間餐廳相對新穎，裝修風格現代而富有設計感，同傳統嘅酒樓相比，空間寬敞，令人更加舒適自在，好啱一家大細一齊去。🔸四季椰子雞湯 湯色清澈，好香椰子味，加上雞湯好鮮甜，好滋潤🔸貴妃五殼雞雞肉肉質鮮嫩，鮮香，唔會太肥🔸香茅胡椒焗海中蝦 蝦肉鮮甜，搭配香茅和胡椒的獨特風味，讓人耳目一新。焗製的過程保留了蝦的鮮味，蝦殼香脆到連殼都可以食！🔸蒜蓉蒸娃娃菜呢道素菜簡單但風味，蒜蓉的香氣與娃娃菜的清脆口感相得益彰，讓人感受到清新嘅蔬菜味道。🔸椒鹽豆腐粒豆腐外脆內嫩，椒鹽的香氣撲鼻而來，呢道小吃不單作為開胃菜十分合適，仲可以作為配酒的小點心，食唔停口。…查看更多

趁未到天氣好熱，決定黎打個邊爐！一入到嚟，店員超友善，第一時間就幫我噴咗消毒液，真係感覺好貼心！漁火呢間火鍋店，主打滋潤燉湯湯底，湯底款式都有六七種，都係平時嗰啲少見嘅湯底！今次試左花膠響螺燉赤肉湯，啲料超足，未開始食邊爐我已經飲咗一碗，真係好滋潤，好濃郁！前菜就有泰式生蝦，生蝦又鮮又彈牙，配埋嗰個泰式酸辣醬，酸酸辣辣好醒胃。打邊爐配料點左有花甲、手切牛頸脊、雲吞王、蝦滑、墨魚滑、蔬菜拼盤同埋即炸響鈴。花甲又肥又大，每粒都好鮮甜，完全無沙👍🏻手切嘅牛頸脊油花完美，好嫩滑😋雲吞王大大粒，有蝦豬肉韭黃，好足料，皮薄餡靚。蝦滑用咗大蝦，鮮甜有咬勁；墨魚滑嗰個彈力真係啱啱好。即炸響鈴一定要叫！有兩種食法：一係熱辣辣直接食，好鬆化，肯定比薯片好味；一係浸落湯入面，吸味，味道又係另一回事。最後嗰個時令蔬菜都好豐富！飲品我地叫左店鋪自家製嘅竹蔗茅根，入口真係好甘甜，又清熱，飲完超舒服！…查看更多

Weekday約左朋友食個靚lunch，去左銅鑼灣Tower535一間食日式便當，餐廳以Retro Pop為主題，集美日風格於一，每個角落都放置了充滿美式復古的海報、燈箱，好適合打卡，環境闊落又悠閑舒適。Build Your Own Bento 自選便當可以自選一個主食、兩款肉類、兩款前菜，同一杯飲品，好豐富。其中一款揀咗，日本珍珠米，秋葵醬油漬，山葵山藥漬，味噌比目魚，烤牛肩胛。前菜嘅秋葵醬油漬同山葵山藥漬好特別，由其系山葵山藥漬，wasabi香而唔辣，令清甜淡口嘅山葵食落勁開胃牛肩胛好有牛肉味，醬汁調教啱啱好，牛肉唔會太過老。比目魚充滿魚脂，口感嫩滑，好香口。而朋友嗰款就揀咗其他選擇，有藜麥沙律，香草南瓜，溏心蛋，手打雞肉餅配牛油香蒜日式菇汁，日式洋蔥炒牛肉。香草南瓜好香甜，溏心蛋嘅流心啱啱好。炒牛肉份量好多，味道濃郁，配埋洋蔥甜甜地非常適合送飯。手打雞肉餅都好好食，好香菇味，肉餅都好juicy!☕️瑪琪雅朵☕️靜岡焙茶🥐宇治抹茶牛角窩夫牛角窩夫烤得好香脆，加上抹茶醬同抹茶雪糕，非常濃郁，甜而不膩🧇…查看更多

今日去左觀塘工廈一間餐廳食fine dining, 之前已經有friend推介過，一直都bookmark住，今日終於決定黎試下！呢間餐廳都幾有心思，木系無印風嘅裝潢，坐位寬敞，中央垂吊住一個大大嘅月球，好啱打卡。喺觀塘難得搵到一個好寧靜有格調，可以慢慢坐吓同朋友傾吓偈嘅地方😍Set Dinner 由$368-$468有多款不同選擇，價錢包Welcome drink、三款頭盤、湯、主菜、三款甜品和飲品，以fine dining黎講，佢都算幾抵食，味道都幾好😋Welcome drink台灣梨山高冷茶，味道清甜甘潤滋味Trio Starter 🔶北海道雪場蟹肉黑魚子茶碗蒸茶碗蒸以香濃柔滑的蛋羹作底，搭配爽口的昆布，爆漿的墨魚子，以及鮮甜的蟹肉，形成了豐富的多層次口感🔶脆炸黑松露鮮蝦慢煮八爪魚紫蘇米紙卷這款紫蘇米紙卷香脆薄嫩，完美中和了黑松露的濃郁香味。外層酥脆，內裡彈牙的八爪魚肉提供了絕佳的味覺平衡。🔶白醬油花雕醉蘇格蘭鵪鶉蛋以花雕酒入味的鵪鶉蛋，一入口就勁香花雕酒嘅味道，搭配酥脆的蘇格蘭式炸法，濃香醬油味輕盈又不失精緻Soup🔶炙燒帶子白甘荀楓糖啤梨忌廉湯呢個湯俾我嘅印象最深刻，梨湯搭配楓糖，帶來濃郁口感，清新中透著甜美。炙燒帶子亦非常彈牙鮮甜😍🔶干邑龍蝦湯香濃龍蝦湯，滑潤綿密，還有彈牙鮮蝦在湯中驚喜現身，每勺都是清新滋味。Main🔶磯煮鮑魚蘆筍黑蒜忌廉汁三文魚子意大利麵呢個意大利麵嘅質感嘅特別，有啲似蕎麥麵嘅感覺，吸附香濃黑蒜汁，鮮嫩的鮑魚和三文魚子完美搭配，西日風格絕妙🔶頂級澳洲M7和牛西冷•野菌燒汁和牛西冷我地揀左三成熟，煎得啱啱好，粉嫩，油花漂亮，配野菌燒汁及菠菜，味道香濃，仲有又薯仔同紫薯蓉製作嘅撻，靚得黎又好食！Trio🔶烏龍茶白桃蛋糕外層creamy白桃味，白桃嘅甜膩被烏龍茶完美中和。🔶櫻花水信玄餅清透明亮的jelly, 爽口櫻花增添清新風味。🔶薰衣草檸檬梳打薰衣草香氣飄逸，檸檬酸甜清新Outro drinks🔶月桂•梨（熱）精緻刀功切開的梨片，呈現如花朵般散開嘅美感。熱蜜糖月桂茶的香氣融入甜美的梨香，非常清新🔶香橙•梔子花茉莉和乾橙嘅清香撲鼻，口感清爽宜人…查看更多

之前喺日本食完壽喜燒，過左一排勁想食。估唔到喺香港搵到一間勁高質嘅壽喜燒—位於旺角嘅十侍‼️🔶鹿兒島A5黑毛和牛壽喜燒（2人份）套餐包括前菜，鹿兒島A5黑毛和牛西冷肉眼360g, 季節野菜盛合，日本蘭王蛋，讚岐烏冬/飯，同埋甜品。✨最特別嘅一定系十侍用棉花糖取代砂糖，當加入壽喜燒汁嘅時候，見住棉花糖慢慢溶化，勁治癒🥰店員會幫手煮牛肉，可以揀自己想要熟嘅程度。🥩十侍選取嘅鹿兒島A5黑毛和牛更係有埋證書認證，每塊都好大塊，油脂分佈平均，入口即溶，充盈牛味，吸收左壽喜燒汁，鹹甜啱啱好，加入埋蘭王蛋漿，令肉質更細滑，好滿足🤤🍲季節野菜利用壽喜燒汁來配搭時令野菜，包括油豆腐、冬菇與旺菜，這些蔬菜吸足了汁液嘅香味，尤其是豆腐，略微燒過後更加滑嫩，非常入味。🍜我哋仲揀咗讚岐烏冬，烏冬吸晒d醬汁，入味得黎又彈牙。🧆開胃前菜&飲品🍹前菜提供汁煮蘿蔔與南瓜，醒胃開幕，為膳食奠下完美基調。飲品部分，乳酸蘇打以其清新帶領胃口，而熱情果薑汁特飲酸酸甜甜，補足膳食嘅層次感。🍢串燒除左壽喜燒，我地仲叫左串燒！牛舌嘅表面焦香，內裡嫩滑有牛味，稀有部位的雞肩嫩肉多汁，秋葵的外皮脆而內裏不滑，南瓜的甜美與冬菇的香味濃郁，串燒中每道都別具一格。🍨甜品以雲尼拿雪糕作為完美的收結，濃郁香草味，口感順滑。…查看更多

今日去踩單車，經過科學園，打算入去食個午餐。見呢間楠天Kitchen都幾多人食，就入去醫一醫肚先！🔶招牌梅菜蒸魚 佬味十足，魚腩肥美，梅菜鹹甜適中，送飯一流👍🏻跟餐仲可以加$15就有油菜，份量十足🔶230叉燒滑蛋飯 似係升級版黯然銷魂飯，洋蔥蛋包飯非常下飯，配上獨門醬汁醃製嘅燶邊梅頭叉燒，嫩而入味🔶老火湯 本來想飲燉湯補一補，可惜賣曬😿跟餐加$5奉上老火湯，老火蓮藕雞腳湯依然正，好抵飲❗️🔶手拍青瓜 跟餐加$10, 超級大份，酸辣之餘，蒜香同香菜味十足🥒🔶香煎韮菜餃（3隻） 跟餐加$15, 煎得好香脆，內裏爆餡，好juicy, 又有濃濃韭菜香🔶黑糖冬瓜奶桃膠 Q彈桃膠，黑糖冬瓜奶台味十足，不會太甜🤤…查看更多

餐廳喺中環ifc3樓，環境裝修華麗優雅，好有格調，仲有落地玻璃欣賞維港夜景，好chill☺️今日試咗「世味人生」Degustation Menu，真係一個好特別嘅中菜體驗。🫖桂花玄米茶有唔同茶可以選擇，我揀左桂花玄米茶，玄米嘅味道比較重，有淡淡的桂花香，好清新。🥂Pertois-Lebrun L'Extravertie入口好smooth, 味道好清新，好適合做開胃酒！🔶慢煮泡椒蟶子皇一上枱，乾冰嘅效果製造出仙氣嘅感覺，視覺一流😍微酸微辣嘅泡椒令蟶子皇更加鮮甜，好開胃🔶 草莓醬淮山.柑橘梅子番茄.香辣凍花甲柑橘梅子番茄用左意大利蕃茄仔，番茄甜甜酸酸，配上柑橘梅子醬汁好清新。薄萵筍夾住啲淮山蓉，同埋嗰啲草莓醬，真係清爽。香辣凍花甲都有淡淡嘅芫茜香，食完覺得特別醒胃。🔶 金腿雪燕甜豆芙蓉羹金華火腿粉到清淡嘅羹湯味道更昇華，綠豆味道好清新，仲有一絲絲嘅雪燕，好正，蛋白整到一粒粒好似綠豆咁，口感好特別。🔶脆皮海參.鵝掌呢個海參好特別！海參外皮嘅炸漿用咗竹炭粉嚟整，好脆，好香口，內裏嘅海參好軟糯，呢度仲係我最鍾意！鵝掌煮得好入味，係好好食嘅一道菜。🔶珍寶珠呢個係人蔘蜜糖味嘅sorbet，人參味重但唔苦，好清爽，中場調節下，sorbet下嘅桃膠亦帶出少少自然甜味。🔶脆磷馬友魚魚煎得啱啱好，肉質依然嫩滑，配獨門炸魚鱗，香口，口感豐富。🔶茅台鮮蠔屈雞煲茅台香味同雞、蠔都好夾，一打開煲就聞到香氣。蠔好鮮口感順滑，啲雞都好嫰！🔶花膠甘栗珍菌炆飯呢個飯用料真係夠，是日好味道，飯粒依然分明，非常香濃。🔶萬壽薑茶鴛鴦湯圓有芝麻湯圓同紅糖椰絲湯圓，湯圓皮薄內餡正，姜茶湯底再加片片紅棗嚟暖暖身。…查看更多