B酮的个人专页

雖然早左兩個星期book位，但去到依然要等15分鐘先有位。pizza就係辣肉腸芝士pizza。呢款pizza係薄批個種，外邊脆中間軟熟。呢個pizza食落無驚喜，講唔出有咩咁好食，普普通通一個pizza。辣肉腸食落乾身，芝士味唔濃。鰻魚飯既飯用左醬汁去煮，不過就太多汁，食落都好水咁。蛋就幾滑幾好食，鰻魚就一般普通燒鰻魚味。牛扒多筋難咬，無牛味。沙律幾fresh。配上兩塊大蝦片，脆卜卜幾香口。炸物方面就有魷魚圈、薯條同炸蝦。薯條新鮮炸好好脆無油淋淋既感覺，炸蝦就麻麻，唔彈牙無蝦味。甜品方面，都係無特別。waffle既朱古力味都香，不過就好硬好乾。第一次食waffle係配海鹽雪糕同埋cream cheese，幾特別。心太軟切開有流心，朱古力味香濃。整體黎講，全部食物都唔太好食，無咩特別。如果要早兩個星期book位既話，就真係淨係食環境唔係食物質素。…查看更多

今次叫左一個pancake: 伯爵茶芝士麻糬厚鬆餅🥞鬆餅係即叫即做嘅，等咗大概20分鐘，到嘅時候熱辣辣香噴噴。鬆餅嘅外圍比較乾，中間嘅位置切開有伯爵茶流心醬，鬆軟香甜，不過就唔係好食得出麻薯同芝士味。…查看更多

呢間餐廳Menu比較簡單，只係得一個set，入到去只係需要揀牛扒幾多成熟。Starter: 🍞🥗Home-made bread roll麵包鬆軟，不過如果入面係熱嘅話會更好。配上牛油同埋帶有玉桂香味嘅果醬十分好食。因為麵包食落有空氣感，如果食晒一個都唔會覺得好飽肚。所以就算胃口比較細，都唔需要擔心食完包同個沙律會食唔落一陣嘅牛扒同薯條。Garden Fresh Romaine SalasSalad就平平無奇，冇咩特別。生菜配上沙律醬，麵包糠同煙肉，清甜爽口。上面加上芝士粉，多咗一種鹹香。Mains: 🥩🍟8 oz premium USDA rib-eye steak + free flow crispy golden fries 不得不讚佢哋嘅薯條好好食， 炸到金黃色，食落熱辣辣，每咬一下有種脆卜卜嘅感覺。呢個薯條食落唔係有種好多粉好重身既感覺，而係你食得再多都唔會覺得自己會變好肥嘅感覺，所以會係咁食。而且佢哋係可以無限refill，如果食得落唔驚熱氣嘅話可以encore 多round。牛肉方面，叫咗五成熟，煮得啱啱好冇過熟變咗七成。肉同脂肪比例各半，一口肉一口脂肪感覺好正。肉質嫩滑，冇嗰種食落去咬唔到好難吞嘅感覺 ，絕對值得一試。👍🏻…查看更多

見到之前有報導過呢見食店，諗住去試一試，點知中曬伏！麻辣牛肉牛筋面 ($69)呢個麵既牛肉、牛筋、同埋麵其實都係冇乜味。牛肉冇牛肉味，牛筋亦都唔夠先鮮。剩係得嗰個湯底有係好濃嘅辣味啦但係唔夠麻香味。炸甜不辣 ($29)呢個甜不辣都係冇乜味嘅，無魚肉味。另外，都冇俾其他醬汁俾你去搭黎食。香蔥麻辣肉燥飯 ($38)呢個飯嘅肉操其實都係得個辣字，係冇其他味道，而且個飯食落去有少少水。不過配搭生蒜嚟食都幾特別幾夾。芝士玉米蛋餅($40)呢個都係無咩味，有既係得蛋味,d蛋食落都係無咩調味，真係食落好健康咩味都無。蛋餅皮又唔煙韌又唔酥。芝士奶蓋炭燒烏龍 ($19)奶蓋完全唔係奶蓋好稀好似水咁，烏龍無茶香得甜味。完全唔推薦！…查看更多

加左一個pancake試下Orange Suzette  Souffle Pancake ($88)首先嗰兩個pancake 就算放內耐都冇塔左嘅情況出現證明唔係好有空氣感，但食落去都唔算好實心好難食。另外嗰啲cream食落去有少少奶粉味而且個質地太稀。最後嗰個橙嘅醬汁比較甜而且係冇咩橙既鮮味。…查看更多

叫左 LV4 既美國 SRF 和牛放題，肉類選擇分別有：美國SRF和牛、美國上級牛胸腹、美國牛胸腹、丹麥皇冠豚梅肉和美國特選雞腿肉。而湯底方面揀左櫻花蝦沙爹湯和四川麻辣湯。一坐低，侍應會上個鍋同埋你揀個個餐既肉類各一碟，之後就可以按照個人喜好用平板去追加肉類。不過當日我地揀既LV4只係黎左美國上級牛胸腹、美國牛胸腹、丹麥皇冠豚梅肉和美國特選雞腿肉，而全個套餐最貴既美國SRF和牛就消失左。明明叫左LV4就黎得LV3既肉，感覺欠佳。首先講下自助區有咩食物揀。丸類方面就有魚肉包雞丸、龍蝦丸、墨魚丸、南瓜芝士丸、蟹王餅等。其實丸類差唔多無一款係好食，如果真係要試既話可以試下魚肉包雞丸。呢款丸一咬開好多汁，入面既雞肉非常滑，比起打邊爐既雞肉更加嫩滑。其他丸類普遍黎講都係乾同埋太實心，完全無咬口。例如南瓜芝士丸，第一食落無南瓜味，第二芝士係假芝士味，成粒丸都係好膠既感覺。另外就講下菜類，呢到既蔬菜種類都算多，基本上一般打邊爐店有既蔬菜都有。不過如果想食d比較特別既菜例如羽衣甘藍就無了。菜類都算新鮮，無蓉蓉爛爛。美國上級牛胸腹之後就講下放題既肉類。因為第一次上既肉類無美國SRF和牛，所以就淨系食左美國上級牛胸腹。呢款肉牛騷味比較重，另外就係脂肪都比較多，一層肉一層脂肪，食落口感都唔錯。美國SRF和牛我地第一碟既美國SRF和牛係我地追加先有。睇得出同美國上級牛胸腹有好大分別。望落去有明顯既雪花蚊，食落口就有濃烈既味，但就唔係美國上級牛胸腹既騷味而係牛味。至於雞肉同豬肉方便就無咩特別，可以話係比較其他打邊爐黎講無咁好食，所以食左一開始黎個碟之後就無再追加。湯底！！！四川麻辣湯底唔算好辣，亦都唔會越食越辣，而覺得唔夠辣既朋友可以係追加到揀辣醬增加辣味。不過個湯底真係有d太油，食完第二日我地兩個都肚屙！！！！可能湯底太油膩既關係。如果大家唔想食太油可以揀返清湯類，例如昆布湯。…查看更多

去到既時候坐左係露天位置，由於當時樓上做緊工程，間中有少量碎石跌落，比較唔安全。因為有d石仔飛左落個包到，我就問下可唔可以換過個，店員都好好人換左個新個俾我，但亦建議可以開返帳篷防止碎石跌落影響安全。菠蘿油個包可能出爐好耐而變凍左，就冇得整溶舊牛油。食落牛油還牛油個包還個包，無食緊菠蘿油既感覺。菠蘿包既酥皮係幾脆無話淋曬，但係個包就無咩味，食落都唔鬆軟。17蚊食呢個包真係唔值得！…查看更多

呢間cafe係無得book位，如果唔想等位既朋友就可能要早d黎。當日我地去到大約12點半已經見到好多人係到排緊隊，最後等左大約半個鐘就有位。我地叫左兩款食物，分別係煙三文魚配天然酵母麵包同埋中東羊肉配椰菜花。煙三文魚配天然酵母麵包你會見到有兩塊麵包上面有好多塊煙三文魚，白色既就係乳酪芝士，一粒粒既就係綜合香料。麵包偏硬，但就唔會係好乾，中間部分好濕潤，配上苦苦地既火箭菜同埋咸咸地既煙三文魚好夾。乳酪芝士既味道將煙三文魚既鮮味提升，係無其他調味底下，香料粒就係主要調味，但其實都唔係好食得出味。中東羊肉配椰菜花羊肉口感似煲湯肉有少少韌。而檸檬和乳酪既感覺好fresh，令到整個感覺無好膩既感覺！…查看更多

甜品既種類其實就唔係好多，基本上都係普通經典中式糖水。叫左兩款分別係芝麻糊拼杏仁霜同埋冰花燉雞蛋。冰花燉雞蛋呢個其實就即係冰糖燉雞蛋。食落口感好滑，凍冰冰咁好舒服。雞蛋食落好似食棉花糖咁入口即溶。雖然加左冰糖，但無好甜既感覺，係清甜既感覺。芝麻糊拼杏仁霜芝麻糊拼杏仁霜呢個食落杏仁霜既味道比較濃，芝麻糊比例就比較少。兩款食落都係好滑無渣。不過芝麻糊同出面既就唔同，係比較稀，似係飲咁感覺多過食。整體黎講都係幾好食，真材實料。…查看更多

叫左四款食物，分別係惹味蒜蓉包、thai-in木瓜沙律、街邊燒牛肉同埋青咖喱軟殼蟹。呢見餐廳既職員都好禮貌，服務態度好好。另外值得一提既就係呢間餐廳係唔限時，所以可以慢慢食。惹味蒜蓉包本身無諗住叫呢個包，不過職員見到我地叫左青咖哩就建議我地叫埋蒜蓉包配咖哩食，於是我地就抱住試下既心態叫左一份。呢款蒜蓉包係軟身個種，而唔係好似法包硬身個種。食落蒜蓉味就真係唔算好濃，麵包都唔太鬆軟。不過用黎配咖哩食真係不得了，蒜蓉既味道加上咖哩既香辣好好惹味。thai-in木瓜沙律呢個沙律就麻麻。如果係鍾意食西餐個種沙律既話，食呢款沙律就會覺得味道太濃。不過我地就覺得吾係調味既唔好食，而係沙律既草腥味。食落好大陣豆個種腥味。好唔好食就真係好見仁見智。街邊燒牛肉牛肉肉質嫩滑，不過呢種滑係有種好似有d梅咁。另外就係味道好濃，就係個種你一食就知道你翻到屋企要係飲水，飲水都解唔到渴個種。調味咁濃有機會就係牛肉本身唔係好新鮮所以就要用咁多味精去遮蓋唔新鮮既肉味。不過食落都算係有汁唔算好乾。青咖喱軟殼蟹呢個咖哩真係好好食，唔係個種咖哩調味包既味道。咖哩味偏甜，係甜辣甜辣既味道食落好開胃。咖哩入面都有好多配菜，分別有瓜、豆同埋一d香料。軟殼蟹方面，分量都唔算少。雖然有炸過，但係無食落好熱氣好乾。質地食落外脆內軟，肉質彈牙爽口。推薦！…查看更多

呢間cafe位於尖沙咀k11，主要係食鐵板燒三文治。Menu上三文治選擇唔多只有六款，當日到既時候大約12點但有兩款已sold out。本來想試下拉麵叉燒三文治，但由於售罄所以揀左蝦兵蟹將鐵板三文治同慢條斯理食肉獸鐵板三文治，套餐仲包埋薯條，沙律同飲品。三文治方面望落去材料豐富。麵包有烘熱過但可能同醬汁夾埋一齊過左陣就淋唒，變左濕既麵包。個人覺得兩款包餡料偏鹹同炸過，食落好快會口乾。薯條炸得唔錯冇番炸好多次既感覺。整體上鐵板燒三文治幾有特色係可以打卡既店，但味道方面可以改善。慢條斯理食肉獸鐵板三文治蝦兵蟹將鐵板三文治…查看更多

Ritz Carlton既下午茶見到上網有唔少好評，所以就黎試下。當日cafe 103 無開放，所以就去左116行政樓層享用，我地亦好好彩有機會坐到窗口位。下午茶有一層咸點，兩層甜點加鬆餅。第一層：咸點鴨肝醬法式蘑菇泥及紅嗓子果醬配軟包三文治呢款咸點非常開胃，食落去軟淋淋，加上鵝肝醬既咸香加上紅嗓子果醬既酸甜非常好食。牛油果蟹肉芝麻脆筒配薰衣草開心果脆粒睇相就知無芝麻無薰衣草開心果脆粒。雖然個名叫脆筒，但係個筒係淋既。不過牛肉果蟹肉既味道唔錯。菊花石榴果凍球呢個凍球係無咩味，菊花理應係入面但係唔知點解係係個球出面。石榴果甜甜地，係唯一食到既味道。焗迷你火腿芝士杏桃菠菜酥呢個酥其實味道唔錯，內陷好似食緊白汁意粉既感覺。不過就好膩，食完會飽飽地。咸點具體上勉強合格。第二層&第三層：甜點檸檬青檸蛋糕基本上個蛋糕無咩味道，係得青檸味既 cream同埋檸檬味片。個蛋糕唔係鬆軟個類，比較實心同埋吾夠鬆軟。蜜糖薰衣草蛋糕呢個蛋糕真係唔好食，薰衣草既味道太假，食落以為自己食緊清潔劑。至於所謂既蜜糖味就唔係好食得出。椰子芒果泡芙泡芙質地已經做得唔好，淋曬外皮唔脆。內夾有d酸既芒果肉加上甜甜地椰子味既cream，味道有d唔係太夾，不過唔算難食。士多啤梨乳酪蛋糕呢個甜品係全部甜點之中唯一比較好食同埋正常。呢個食落唔會好甜，有陣陣既士多啤梨香味，唔錯。椰子百香果杯甜點黎講呢個真係中伏之最。聽個名就應該覺得佢係有百香果既酸甜同埋有椰子既甜。不過食落口既時候係大部分都係酸味，而個種酸味完全係好似食緊原個檸檬咁。另外，仲有一種唔知係邊到黎既咸味，味道超級奇怪。總括而言，甜點方便完全係fail，唔會係一般酒店應該有既水準。原味鬆餅及檸檬鬆餅鬆餅一來無咩奶香味，二來凍曬又好乾。scone黎講呢個係唔及格。…查看更多

一去到已經full曬，最後等左一個鐘先有位。我地一共叫左7款串燒，分別有：串燒蜜糖燒賣、皇牌燒牛舌、燒法式羊架、惹味黑松露墨魚滑、必食芝士蒜蓉燒生蠔、脆脆蜜燒響鈴卷、日式煉乳燒麻糬。串燒蜜糖燒賣 呢個魚肉燒賣彈牙，加上蜜糖既甜味，好好食。不過燒賣肉質結實，食到好膩。皇牌燒牛舌牛舌燒得剛剛好，好嫩滑，幾乎係咬幾下就溶化。加上惹味既辣味簡直係想無限encore！燒法式羊架羊架燒得7成熟，都無話太過韌。食落去d肉質流曬出黎，加上脂肪既香味真係令人停唔到口。不過呢款羊肉略有羊羶味，吾鍾意羊羶味既朋友可能會唔太鍾意食。惹味黑松露墨魚滑墨魚滑彈牙，黑松露既味道就好淡，似係d菇味多d。不過整體黎講都幾特別唔錯！必食芝士蒜蓉燒生蠔蒜蓉分量十足，不過就唔係好香口，就算食曬d蒜都唔會覺得有口臭，芝士味道淡，唔會搶左蠔既鮮味。蠔肉嫩滑，不過就有d太腥。脆脆蜜燒響鈴卷食落味道好似馬仔咁，酥脆香甜。比起打邊爐既響鈴黎講，燒既響鈴比較無腐皮既豆味。如果平時吾鍾意是響鈴既朋友可以試下呢款，會令你對響鈴改觀。日式煉乳燒麻糬呢個麻糬係唯有我吾建議點既食物。麻糬口感太實，完全無麻糬個種軟綿綿既感覺，另外就係麻糬既味道好難食，有好大陣既麵粉味，就算點左煉乳都蓋唔住個陣味。…查看更多

如果大家想堂食既話就至少要一人一個order。舖頭地方細，大約只係可以容納5個人。法式焦糖燉蛋泡芙 Crème Brulee泡芙係即叫即整，所以要等一段時間。首先泡芙外脆內軟，個個脆既程度係好似薯片咁，咬落去係脆卜卜。雖然外表係好乾爽好脆，但入面依然保持住鬆軟。然後就係泡芙既內陷，燉蛋香滑加上甜甜地cream完全無好heavy既感覺，反而係剛剛好。最後就係泡芙上面既焦糖，脆卜卜又無死甜既感覺。成個泡芙係好輕型，唔會有食膩既感覺，有別於平時大型既泡芙連鎖店。…查看更多

早一個星期打去問，點知夜晚full booking，所以就諗住早d walk in睇下有無機會。大約五點左右到，職員話無曬意粉同飯類，問o吾ok，之後我地諗住都仲有其他食物，覺得都無所謂啦就入去。之後當我地order既時候，我地想叫一個salad一個扒同埋一份雞翼，點知職員話無扒無salad，得返炸物同野飲。個一刻都幾無奈下，一入黎個陣又吾講清楚d。所以唯有就淨係叫左個避風塘雞翼同埋兩杯drink。避風塘雞翼雞翼煮得太乾，完全無曬任何肉汁，連雞翼呢個比較肥美既部位都煮到好似雞肉咁dry。雖然肉質真係煮得過曬火，但係避風塘既味道唔錯。辣味同蒜味都夠濃郁。豆腐咖啡豆腐味雪糕有好濃既豆腐味，而且好香滑好食！咖啡味道一般無咩驚喜。紫薯latte呢款紫薯latte係無加糖，所飲落去淨係有紫薯原本既味道同埋牛奶既味。如果鍾意飲甜野既朋友就可能會覺得太淡有d難入口。不過飲落就有少少渣唔夠香滑。p.s. 如果大家係晚市與下午茶之前既時段walk in記得問清楚有咩食物係無得叫。…查看更多