Mamaday (已搬遷) 新店位置

雖然早左兩個星期book位，但去到依然要等15分鐘先有位。pizza就係辣肉腸芝士pizza。呢款pizza係薄批個種，外邊脆中間軟熟。呢個pizza食落無驚喜，講唔出有咩咁好食，普普通通一個pizza。辣肉腸食落乾身，芝士味唔濃。鰻魚飯既飯用左醬汁去煮，不過就太多汁，食落都好水咁。蛋就幾滑幾好食，鰻魚就一般普通燒鰻魚味。牛扒多筋難咬，無牛味。沙律幾fresh。配上兩塊大蝦片，脆卜卜幾香口。炸物方面就有魷魚圈、薯條同炸蝦。薯條新鮮炸好好脆無油淋淋既感覺，炸蝦就麻麻，唔彈牙無蝦味。甜品方面，都係無特別。waffle既朱古力味都香，不過就好硬好乾。第一次食waffle係配海鹽雪糕同埋cream cheese，幾特別。心太軟切開有流心，朱古力味香濃。整體黎講，全部食物都唔太好食，無咩特別。如果要早兩個星期book位既話，就真係淨係食環境唔係食物質素。