FoodieMCLee的个人专页

前兩日下午茶時間行過山林道，想揾個地方食飯，見到金鳳餐廳有好多款下午茶又好抵食。喺呢度牛扒就食得多，下午茶就真係第一次，所以決定入去一試。一睇 menu就見到我的至愛❤「蕃茄豬扒焗飯」，當然即刻落柯打啦。等咗十分鐘左右，熱辣辣嘅焗飯就上枱啦。第一啖食落去，塊🐷豬扒又厚又多汁，茄汁鹹甜適中，唔會過酸，仲配有炒飯底，做法都算認真。這餐飯只係$36，仲有野飲，好抵。宜家又平又好食嘅焗豬扒飯，真係買少見少啦。走之前見到隔離枱個豬扒包配雞翼都好吸引，下次要試下。…查看更多

平時因為工作關係間中在太子區開餐，上星期有個老友搵我，於是就到好媽媽食午餐。平時我較多食B餐，即係滷肉飯，喜歡台灣菜的我，除了西環嗰間滷肉飯之外，另外一間食得過的就是這間。這次因為朋友點餐的關係，叫了柚子骨配白飯，皮蛋豆腐和炸雞排，雖然沒有叫到我的例牌，但仍然給我很多驚喜。皮蛋豆腐個汁撈咗蕃茄茸，味道很清新，完全沒有膩的感覺，而且這做法很特別，我從來未試過。平時我都知炸雞排幾好食，因為B餐間中都會拼炸雞排。今次因為單點的關係，好大塊，調味粉在雞排旁，要幾多點幾多。我個朋友都對炸雞排讚口不絕，又唔油膩，炸粉厚度恰道好處，雞排不會太薄，啖啖肉。柚子骨味道不錯，酸酸甜甜幾開胃。整體來說，這間店食物味道不錯，下次同朋友聚會一定來這裡，試多D嘢。…查看更多

好耐沒有走到元州商場那邊，有一日放假行過去附近買嘢，見到商場有很大的變化。見到商場的廣告板有台灣小食，就走去看看。從門面到所用的字句已經富有台灣味道。眼見充滿著童年回憶的肉鬆煎蛋餅，即使飽飽地都買來試下。見到現場即製的蛋餅已經十分興奮，可惜他的製成品同我想像已經有距離，試一啖覺得有點乾身，醬汁唔夠，雖然味道不過不失，但不是我尋找的早上路邊攤的煎蛋餅，頓時有點失望。…查看更多

月初朋友話大坑新開一間韓式蒸氣鍋，叫我一齊去試新嘢。我當然應約，我們一行四人話試新嘢，其實都係胃食，同埋聚一下。朋友一早就訂了位，好彩他訂了位，晚飯時間坐無虛席，我見到有D walk in 客要等位。打開餐牌只有3個餐，全部海鮮，另一頁就是飲品餐牌。我們決定豪一下，食最貴個餐，而且要人參雞湯底。點餐後，他們就上了幾碟前菜，不可缺少的當然是泡菜，幾碟前菜𥚃，我最欣賞是大豆芽菜，我們仲叫多一碟。我們幾個傾計一段時間後，終於正式上菜了，一次捧九層鍋，好有氣勢，很有新鮮感。上鍋後店員仔細解釋什麼時候開始食，還建議五分鐘食完一層，為免D海鮮過熟，仲比埋一個小型漏斗做計時，不用那些電子計時器的響鬧聲打擾我們傾計，非常貼心。終於開始食啦，D海鮮十分新鮮，食到海鮮的鮮甜味，由於沒有油的關係，純粹用蒸的方法烹調很健康。本來以為只有海鮮，沒有其他嘢食，原來每一層都有些蔬菜和菇菌，令到賣相更好，味道更豐富。食到最後就是充滿海鮮味道的人參雞湯，所有的精華都在湯裡。這次聚會我們都非常滿足。後記：要改善的地方是，若上鍋的時間快點會更好，因為由點菜至開始食的時間稍長，等到肚餓了。…查看更多

我朋友介紹行過觀塘去小時光試下。今日終於去到啦，一入去就被小時光的環境吸引住，他們以懷舊課室為主題，的確很有特色。課室內的木枱，木櫈都搬到這餐廳來，加上侍應都穿上小時光的特製校服，另我有置身於校園的感覺。可能平時這餐廳很多人，侍應們在下午四五時，客人廖廖可數的情況下仍然請我們坐在一邊，方便之後安排坐位給其他客人。雖然如此，但他們仍然有禮貌，整體來說，他們工作時都親切有禮。我和兩個朋友點了滷水拼盤、撈麵和雞扒飯。我再叫洋甘菊洛神花茶，雖然我忘記了朋友所點的飲品，但我們三個都不約而同稱讚飲品好味，凍飲的賣相既簡單又特別，至少也吸引我們影相。可惜食物味道仍然有待改善，滷水唔夠味，撈麵D木耳有苦味，幸好其他配料味道可以，炸雞扒又薄又硬。D前菜味道可以，帶D辣味，有醒胃的感覺。我唯一覺得好味的只有白飯，因為軟硬適中，而且帶飯香。後記：由於從餐具，托盤和枱櫈都是木造，用餐完畢自行把托盤等餐具放回餐車，木製用品不容易清潔，離開後覺有手指有點「黐笠笠」。…查看更多