金鳳大餐廳 (山林道)

前兩日下午茶時間行過山林道，想揾個地方食飯，見到金鳳餐廳有好多款下午茶又好抵食。喺呢度牛扒就食得多，下午茶就真係第一次，所以決定入去一試。
一睇 menu就見到我的至愛❤「蕃茄豬扒焗飯」，當然即刻落柯打啦。
等咗十分鐘左右，熱辣辣嘅焗飯就上枱啦。第一啖食落去，塊🐷豬扒又厚又多汁，茄汁鹹甜適中，唔會過酸，仲配有炒飯底，做法都算認真。這餐飯只係$36，仲有野飲，好抵。宜家又平又好食嘅焗豬扒飯，真係買少見少啦。

蕃茄豬扒焗飯

$36

走之前見到隔離枱個豬扒包配雞翼都好吸引，下次要試下。