poompoom88的个人专页

復活節前趁假期前夕跟朋友出來聚聚，在網上搜尋了不錯的日式燒肉店，便揀了這間在佐敦的餐廳進餐相聚。溫室蕃茄沙律（$62）雖然是來食燒肉，但首先點了個沙律來開開胃。沙律的份量是非常多的，底下放滿了沙律菜，而面鋪滿了很多塊蕃茄，加上酸酸甜甜的沙律汁。搞拌後一起食，沙律汁的酸甜加上新鮮的沙律菜，清新的感覺便在口中散發，酸甜的沙律汁令人食完後十分開胃。牛魔再現（升級）（$630）我們點了美國prime牛小排、美國prime牛角切、日本產A4和牛眼。首先試了美國厚切prime牛小排，燒了一陣已聞到很香的味道，店員還教我們先封煎了兩邊保存肉汁，入口感覺肉味十分濃同埋十分軟熟，入口咬兩啖就已經溶化，加上店提供的三款不同醬料，可以試足三種不同既風味。日本產的A4和牛，薄薄一塊，油脂十分多，入口即溶，肥而不膩，跟牛小排的濃郁牛味相比，亦是另一種的口感享受。特大緬甸虎蝦（$260）真係好大隻，成隻碟咁大好巨形，因為咁大隻一見到就夾左落去燒，店員都好細心會定時協助我們燒。正反兩面燒完之後，店員就幫忙立起隻蝦燒蝦頭底下難熟的位置，好彩有店員的幫忙先順利咁食到呢隻巨形的虎蝦。燒左好耐終於食到，咬落去真係啖啖都係肉，好有質感，加埋蝦膏一齊食配搭更加完美。總括而言，食物的質素同服務都十分好。下次也會約朋友一齊來食晚餐。…查看更多

尖沙咀是餐廳林立的地方，業界要在這個人流咁旺既地方生存都有難度，因為選擇實在太多了。今天機緣巧合之下找到一個幾好的餐廳。煙燻北海道八爪魚一般的刻板印象都會覺得食八爪魚這類海鮮是會好韌的，咬極都咬唔開，就係火喉控制得不夠恰當，起初我也怕會食到類似這種感覺的八爪魚。幸好沒有。上菜有煙由入面流出來，在觀感方面已十分吸引了。打開後見到悉心既擺放令人胃口大開。八爪魚肉肉質有嚼勁得來不會有難咬的感覺，加上煙燻了很久的濃濃味道令人吃不停手。墨西哥凍湯是一道十分精心設計出來的菜色，除了器皿的使用外，加上冷冷的氣體刺激你的視覺。凍湯有很清新的蔬菜味道，有少少青瓜味。此外還加上了墨西哥辣椒，令到有一種畫龍點睛的感覺，每到整個凍湯昇華到了另一個層次。香煎智利鱸魚鱸魚肉質厚實，口感十分豐富，但最令我覺得驚喜的是現送的湯汁，味道柔和得來而味道口感也做到豐盈的感覺，另外擺設精美而有心思，令人目不暇及。除了食之外也是視覺上的大大享受。…查看更多

銅鑼灣真係好多好好食既餐廳，每次黎到呢到都可以食到唔同既美食，今日特地黎到呢到選了一間日本餐廳食飯。我地點左一個海鮮盛合已經十分豐富，不用再加點也足夠了。響螺刺身呢個螺肉刺身係我食過最高質既一個。螺肉肉質爽脆而不會硬身，除此之外螺肉本身的鮮甜味十分特出，食了第一塊之後我都沒有點醬油來食了，點了反而將螺肉本身的鮮甜味覆蓋了。鹽燒喜知次喜知次呢款魚之前也食過，燒完帶由魚既油香味，而魚肉肉質香口脆爽也能保持到肉汁豐富之外，肉味濃郁鮮味。整條喜知次上，每個位置都可以看得出燒得十分均勻，無論在色香味也是最高的水準。喜知次係一種深海的魚，因為肉質油脂比較多，所以用黎鹽燒就十分適合，鹽燒可以將魚既油脂減去一部份，並且鹽燒可以將魚香更好地散發出黎，因為喜知次油脂較多既關係即使燒完之後食落口的魚肉仍然十分鮮嫩滑，可謂是將此條魚最美味既效果發揮出黎。赤蝦天婦羅蝦肉肉汁保留在蝦內，而炸天婦羅的炸粉十分薄，可以食到外脆內軟的質感，口感跟味道也十分出色。鈴鹿川純米大吟釀食海鮮之餘也飲下日本酒，呢款酒帶有一點點的甜味，除了跟海鮮十分夾之外，也更加配合到女性的口味，易入口又不會太濃烈的酒味。…查看更多

好耐好耐無同朋友去食韓國既炸雞，今次終於達成一致可以去食呢間炸雞餐廳。芝士蟹子蛋卷用料十足，蛋十分厚但是內部仍然保持了十分嫩滑的感覺，加上了最底一層十分多的蟹子，海鮮的鮮味加上蛋味混合在一起，口感及味道的層次也提升了不少。還有濃濃厚厚既芝士，真係引人入勝。加上少少介抹醬更是有一種畫龍點睛的感覺，食多多也不會覺得膩。水冷麵水冷麵的味道令我想起在韓國時在小店食到的味道，我相信也算是十分正宗，而且味質十分細緻，冷冷的湯水是帶有一點點的酸，令你的胃口大開，特別是在這一個炎炎的夏日。蒜香炸雞蒜香原隻炸雞，雞肉保持了鮮嫩的口感，而且外皮做到脆及香，雞肉的處理是十分好。但是我個人最為欣賞的是蒜香的醬汁味道。帶有少少焦香的味道，令到蒜味十分突出，而且除了濃濃的蒜香，也帶有一點甜甜的味道，層次是十分豐富，加上了小菜醃蘿蔔，就算食到有少少膩時也食一個，即時又可以再食更多的炸雞。下次一定要試無骨炸雞。…查看更多

夏日炎炎又BBQ癮起，約朋友一起走黎食下BBQ串燒解解暑。蒜蓉茄子每一次食串燒都會點一點茄子，除了十分入味之外，份量也十分多，可以慢慢品嚐，口感也是十分滑嫩，可以感受到濃濃既燒烤味道。汁燒鮑魚有兩粒鮑魚都算是十分超值，燒法是用汁燒，令到鮑魚深深到吸收了汁液的味道，加上鮑魚自身的鮮嫩口感，兩者配合得十分得宜，而家醬油調教得十分好，每到燒烤後香味濃郁而且也不會太咸，兩者真是相得益章。安格斯牛肉粒牛肉的肉質是十分鮮嫩多汁的，除了外層是有一點燒烤的香味外，內部的肉汁都被鎖定了，一口咬入便有很多牛肉肉汁散發出來。雞肉串燒烤來說除了牛肉難控制火喉外雞肉也挺難的，過火便會肉質粗糙而鞋口。呢兩串雞肉串便沒有此問題，肉質仍帶有嫩嫩的感覺，另外份量是十分足夠，啖啖都是肉。黑松露廣島蠔/芝士扇貝/蒜蓉燒虎蝦三款海鮮都十分鮮味，加上不同的配料，令燒烤完後更加有風味，配料都十分多，蠔肉質鮮嫩又多汁，扇貝過了少少火喉，但有芝士搭救了一下。虎蝦雖然唔夠大隻，但是加上蒜蓉十分惹味。…查看更多

很久沒有跟朋友一起食好野，朋友上星期相約一起共進晚餐，挑選了很久說預約了跟我一起去食好野。磯煮鮑魚應是用慢火在湯汁慢煮熟之後，再冷凍後上菜。 鮑魚肉質十分鮮嫩，而且十分入味。味道濃郁得黎剛剛好，跟鮑魚的鮮嫩配合得十分得宜，湯汁已深深地給鮑魚吸收了。而且冰冷再上菜更是將菜色提升到另一個層次。茄子帶子他他是一款十分出色的冷盤前菜，帶孕刺身加上已煮好的茄子再冰凍後，兩者層層疊疊地擺放，再加上海膽汁，令清淡的一味前菜有畫龍點睛的感覺。茄子軟熟而豐富的口感加上帶子的鮮味，食完令你胃口增加不少。刺身全部款式的刺身都可以說是無可挑剔，質素十分高，可以食得出是十分新鮮的。例如海膽白身魚卷，將不同類型的刺身再加上少少調味，口感豐富之外還十分惹味。伊佐木薄切，除了食法不同平常的點WASABI外，加上蔥及辣椒，味道口感也十分有新意。另外日本紅衫魚，有少少火炙的魚皮令魚皮有少少蕉香，加上魚肉本身的鮮甜真係一流的配搭，刺身真係無可挑剔的，不論新鮮度及好味都是最高層次。…查看更多

親愛的生日了，食飯慶祝當然不可以馬馬虎虎，一定要搵一間好餐廳食餐好既，而且呢間餐廳仲可以睇到維港既燈光表演，可謂大飽口福及眼福。仲同時可以欣賞到師傅即場既廚藝表演。海膽豆腐想不到前菜已可以品嚐到海膽的味道。份量雖小但是十分精緻，海膽也算十分鮮甜。絕對是高質素的開胃菜。滋潤花膠雞湯想不到日本餐廳也可以品嚐得到中式的花膠湯。上菜時已香氣撲鼻，而且味道十分香濃，絕對是經過長時間煮理才可以得出的效果。美國西冷下單時特別跟侍應說明了厚燒跟薄燒各一半，想不到食完之後兩個效果也十分出色。厚燒西冷牛肉的味道比較濃郁，西冷肉質厚實及軟熟，不點任何調味也十分美味。另外也可以點一點海鹽，咸咸地既味道更可以帶出牛肉的另一個層次感。薄燒方面，用牛肉包住醃好的蔬菜，咬入口有一陣清新的感覺，亦都豐富了口感同味道。神戶黑豚黑豚肉味比一般既豬味更濃郁，肉汁十分豐富，但個人覺得薄燒包住泡菜，辣味跟豚肉更加配合得天衣無逢，加埋白飯一齊食更加一流。…查看更多

是日跟朋友放工後到銅鑼灣行街，當然除了行街之外就是一定要搵好野食下啦，搵左一陣搵到一間都幾多人既日本餐廳就一齊排隊試下。刺身3盛($160)共有三款刺身，每款都有三件，而且件件都好厚切，一咬入口就滿滿既感覺，另外魚肉十分鮮嫩幼滑之外，還有油脂好夠，令你食入口中已經有陣陣的魚香在口中散發，十分美味。花魚半條($100)個人認為花魚是一款挺吸引既料理，首先燒完的花魚仍然可以保留到魚既肉汁在內，除此之前花魚的肉質都十分厚實及多肉多汁，用黎燒烤真是不錯的選擇，燒完的外皮還有陣陣既燒烤味，令到魚味更濃郁，整體味道更加有層次。炸魷魚大盛($68)食日本野真係要點下炸物黎食下，十分香口之外，中間的魷魚仍然保持彈牙及肉汁豐富，今次沒有叫酒飲，下次叫埋黎酒黎作下酒菜會更加一流。醬汁焗原雙魷磯燒($70)個人喜好魷魚，連叫了兩款魷魚既菜色，呢一款醬汁焗原雙魷磯燒，濃濃既醬汁深深地混入了魷魚之中，味濃而惹味，食完刺身等鮮甜之後再食另一番的濃味也是一種好好的體驗。…查看更多

朋友喜歡去坐得耐又自由既地方吹水，就帶左我黎呢D一半室外既串燒餐廳吹水食串燒。秘醬燒鮑魚醬汁十分濃郁既味道，鮑魚雖然不算大隻，但是肉質燒得十分嫩滑。一上黎咬上一啖有少少煙煙韧韧，口感十分豐富。醬燒豬仔脾豬仔脾豬味十分濃，跟黑毛豬既味道十分接近，另外醬燒令到豬仔脾更加惹味，而且豬仔脾的肉是十分有嚼勁的，用黎送酒真係一流，味道濃郁口感豐富。黑椒牛油焗比目魚比目魚十分多油份，一夾上魚肉都有一層層的油脂在魚肉上面，令魚肉保持到幼滑既口感，個人喜歡食魚，呢塊比目魚，肉質味道都十分好，令我食唔停口。鹽燒秋葵/黑椒燒牛舌鹽燒秋葵令淡味既秋葵也變得味道濃郁，是一個不錯既方式。另外牛舌個人覺得不夠淋，有少少難嚼，但係味道也十分好，如果再淋一點就更加完美。…查看更多

難得黎到大坑當然要搵搵好野食，大坑區有好多美味既餐廳，有機會就要黎試試。香草蕃茄麵包前菜先黎一個香味撲鼻既麵包，未食已聞到好香既味道，而且麵包做得十分軟熟，令我愛不惜手，呢間餐廳自己焗制的真是有好高的水準。Grilled US Angus Striploin($358)主角就是本人最喜愛的牛扒，揀了安格斯扒五成熟，牛扒十分厚身，但是牛肉既肉質十分嫩滑，果然食牛扒五成熟是最好的，牛扒外層有一陣陣的炭燒焦香味，加上了廚師特制的燒汁，用刀切開一塊塊加上燒汁再食入口真是鮮嫩的令人食不停口，整塊牛扒十分大，我還分享了一部份給我的朋友，真是味美又抵食。Camomile($38)熱泡的Camomile茶，在食完豐富的大餐後飲番一杯熱茶真是消膩的最好方法，菊花味道甘甘地，可以清洗一下口腔。而味道淡淡清香十分岩在食完飯後飲用。…查看更多

黎到星期五又係時候去搵好野食，今次第一次去試一試意式餐廳，體驗一下正宗既意大利PIZZA。佩柯拉拉燉羊麵包小點($88)首先來一個麵包小點，呢個小點一點也不簡單，聽說麵包是呢間餐廳自己焗制，十分香脆可口。另外羊除了燉得十分入味外，而且還好嫩滑，另外有一個更好的是沒有羊的騷味，如果怕羊騷既人大可以試一下。最後在羊肉上加上很多芝士碎，令到味道更加濃郁及層次更高。西西里辣味鮮蝦PIZZA($178)今天的主角西西里辣味鮮蝦PIZZA，正宗的意大利PIZZA的皮是十分鬆軟而且帶有嚼勁，會令你覺得口感十足，呢款辣蝦PIZZA，底有一層芝士加上辣椒及大蝦材料，味道是有少少辣，加上一層厚厚的芝士在麵粉皮跟蝦之間，芝士是流質狀態，咬一口PIZZA即有芝士流入口中，加上PIZZA的皮煙煙韌韌，口感味道也很好，而且也不會有膩感。第一次的意式PIZZA令我留下了不錯的印象。MOJITO($78)食左咁多濃味既野當然要飲下D飲品清清口腔，MOJITO絕對可以有呢個效果，味道十分清新，而且帶少少酸令人既胃口更開，可以食更多的美味食物。…查看更多

每逢在星期尾的放工後的時間都是約朋友出來聚餐聊天的好時間，因為近周末可以傾耐D，大家都盡興一點。今天朋友帶我來到食一餐豐富的海鮮大餐，朋友的介紹都是有水準的，令我十分期待。刺身盛合(6款)($618)首先來一個6款的刺身，每一款的刺身都十分新鮮好味。個人最喜歡的是三文魚刺身，油份好夠，每一片三文魚的油脂分佈都好多，食上口的感覺十分嫩滑，而口中就流下陣陣的魚油香味。另外一款就是吞拿魚腩，食完真係令人難忘果陣感覺，除了油脂好多外，香氣十分濃郁，入口即溶就好順暢地流入左喉嚨，幸好是留在最後才食，不然食其他刺身會覺得大為失色。帶子刺身也十分好，味道十分清甜而且份量都幾大個，令你食落口好有滿足的感覺。活貝漁獲浜燒盛合($718)有多款的海鮮，食才準備好後會有專人幫你在旁邊即燒即食，服務真係好好，而且燒既人是專注幫你燒完所有海鮮才離開，真的是要讚一讚。蟹腳，十分鮮甜，而且肉質好結實，食落口每啖都有肉汁流出，加上厚實的感覺就知道十分新鮮。鮑魚尺寸十分大個，燒完後有一點點縮水但仍然好大，店員有好好地利用了鮑魚的殼黎保護，沒有令到水份流失，燒完後是剛剛好的狀態，鮑魚熟了而水份就剛剛好蒸發及俾鮑魚吸收了，不用多加調味已十分美味。海蝦燒得十分彈牙，好少可以食到咁爽口彈牙的海鮮，只需要加上少少海鹽已十分完美。還有牛油燒帶子，加上牛油黎燒令帶子的味道更香，未食已經十分吸引了，牛油將帶子的鮮味更上一層，令人回味。…查看更多

寒風將到，在寒冷既天氣黎之前再跟朋友出來食飯，今次黎到九龍城不是食泰國野，而是食日本野。九龍城的泰國餐廳出名，但呢間日本餐廳的菜色及味道也十分好。池魚皇壽司/三文魚壽司($118)三文魚壽司是比放題的三文魚要肥美的，除了油份充足之外，三文魚的肉質也十分鮮嫩，味道十分好。另外池魚皇壽司真的是不一般，以前也有食過池魚，但此款池魚皇的魚肉更大份，而且肉質十分厚實及油脂也剛剛好，令到厚厚的魚肉有陣陣的魚肉油香味。食完令你口腔回味非常。燒自家制雞肉丸棒($30)芝士雞肉軟骨棒($35)此兩款的雞肉棒有一點點的相似，雞肉先搞碎再黏在木棒上燒，雞肉肉汁有好好地鎮在內部，一咬開肉汁就流出，其中一款配合了生雞蛋的醬汁，食前先將雞蛋及醬油搞勻然後點黎食，就好肉打邊爐用雞蛋黎滋潤一樣，而另一款則在上面加上了芝士加用火炙，個人是喜歡芝士的，芝士的味道及香港都散發出來，但沒有將雞肉的肉味遮過，反而有了相互提升的作用，濃郁得令人難以忘懷。滑蛋雞肉眼石鍋飯($88)雞肉及蛋都料理得十分好，十分嫩滑可口，而且是石鍋可以將飯的溫度保存，可以慢慢食。但稍微味道不太足夠，自行加上了醬油之後就更加完美。…查看更多

黎到星期四，就快可以放假，當然要約埋朋友，喜愛日本菜的朋友今天帶我黎試下日本居酒屋的風味。環境十分舒適而且日本既感覺都幾重，未食野先感受日本既風味。魴彿($198)/針魚($198)/八爪魚刺身($178)/白子($138)/日本蠔($136)說到食日本菜一定要食刺身，刺身可以看出一間餐廳食物質素，因為刺身一定要新鮮才好味，不可以用烹調和加調味料可以修補得到。我們點了幾款刺身，上台已經見到十分新鮮，每一款都十分精緻。針魚($198) - 針魚第一次試，估唔到係咁好味，鐸魚肉質結實得黎好有咬口，但又不會太難咬，而且針魚是一種好高油份的際，每一片刺身都有足夠的油份令到你食既時候感覺到魚肉的嫩滑。八爪魚刺身($178)-八爪魚可以大家都會係放題時食過，但此份八爪魚特別彈牙可口，除了八爪魚爪大之外八爪魚腳係口中真係好爽脆，令你食到好豐富既口感，加上特別配的醬汁令你更加回味。白子($138) - 在出面餐廳好少機會食到的白子，白子十分幼滑，比玉子豆腐更滑更淋，而且用醬油醃制得合時，十分入味，一試會令你難忘既感覺。牛油果軟殼蟹卷($88)炸了的軟殼蟹用飯卷在中間，外面就有牛油果及沙律醬，味道除了惹味之外，食到中間還有軟殼蟹的酥炸口感，整體的口感及味道都十分好。海膽炒飯($128)十分奢侈的一個炒飯，最主要的配料是加入了海膽令整個炒飯級數升了不少，炒飯的火喉十分好，飯粒是一粒粒而且味道在每粒飯上都有。加上有煙肉等配料，令炒飯的口感提升了，最後還有海膽作了一個畫龍點睛的效果。…查看更多

新年日日都要去拜年，過完年後，難得有時間就約左親愛的一齊去食蠔，豪一個開年飯。九龍城食泰國野就好多，但食蠔就無咁多，難得俾我搵到一間就黎試試。廣島Etajima頭盤當然係生蠔啦，廣島Etajima，蠔尺寸都算幾大，肉質十分肥美，入口既感覺是十分鮮美及creamy，加上蠔的甜美令人回味非常。西式蠔湯質感似係忌廉湯既感覺，但就係充滿左蠔味，湯十分幼滑，加上濃郁既蠔味令口腔內有滿滿的蠔味，而不會有膩的感覺，入口就好順暢的流入喉嚨，味道及口感方面都控制得十分好。江田島蠔烏冬烏冬也有兩個蠔用料真係好豐富，烏冬彈牙而湯底不會太濃，可以更加突出蠔的鮮味，而且份量剛剛好，不會太飽。食完其他菜色之後食是剛剛飽肚既份量。藍梅乳酪蛋糕藍梅乳酪蛋糕的藍梅味道跟乳酪配合得十分好，而且蛋糕濃煙既乳酪味加上清新的藍梅甜而不膩真係絕佳既組合，係食完豐盛既一餐之後再食呢個甜品真係好完美既一餐。套餐性價比十分高，而且用料十分足，份量亦足夠，係食蠔既好去處。…查看更多