light_bt的个人专页

Lunch time 既Lv.5 放題，$608 加一最主要都係食牛肋肉，一口牛比較難燒熟，我通常都唔會叫。Lv.5 日本玉名黑牛牛肋肉Round 1 , 睇樣都滿意，雖然有部份夾雜住太多脂肪。Round 2 , 還可以，但有部份嚡瘦肉Round 3 , 依然有雪花紋，脂肪含量提高，更重口味，一路燒d 肥油一路滴落個爐火度，d 爐火噴黎上黎Round 4 , 滿意Round 5 , 最後一碟，最靚一碟Lv.4 澳洲和牛牛肋肉，肉質幾好，只係冇日本個款咁香牛味。性價比Ok，我叫左6片都係咁靚，似靚既安格斯牛。Lv. 3 美國和牛板腱肉，呢款肉通常都唔會出事，亦唔係話超好食。Lv.2 美國見島和牛肩肉，例牌又嚡又瘦個種平價放題肉，冇影到相。如特登去食燒肉都仲要挨瘦肉，就不如食Lv.3 。加埋一 $668，如喜歡肥膩和牛的話，食得過。係一田買10片呢種級數既牛肉，都要大約$200 。如唔想太肥膩，澳洲和牛都抵食，早割/夜割$348加一。…查看更多

見到Lunch $208 有極上黑毛和牛放題，幾平，可以試試。根據過往經驗，咁平既和牛放題，d 肉應該有d 紋睇下，都會有d 肉味，但會有好多肥膏。今次就睇睇$208 和牛俾d 乜野人食先。有驚喜，呢d 牛肉同"和牛"扯唔上任何關係，似其他牛肉放題店最低級既美國牛肉，我仲以為黎錯左$108 個款牛肉。好彩d 牛肉唔係韌，只係又嚡又瘦。我食左3碟牛肉已經唔想再食落去，食菜算數。食過咁多間牛肉放題，呢間都算中下級數，仲衰過茶餐廳干炒牛河個d 牛肉。加一，$228。…查看更多

過左年後，間間火鍋放題店都加曬價，要搵間抵食又冇伏既火鍋放題店都唔容易。德家既宵夜$188 牛頸脊優惠冇左，牛涮鍋過年轉餐牌後得返d 肥膏肉同瘦肉。有個fd 介紹牛氣，就入左去牛氣試試。揀左尾二價位既 $348 嚴選澳洲和牛放題Round 1 , 類似牛角C餐既牛板腱，但呢碟牛味更濃，唔嚡唔瘦，好彈牙。冇太多多餘肥膏，咬走脂肪後唔會碎濕濕。佢切肉既厚度剛剛好，有d 鋪切得太薄，冇曬口感，切得太厚又太韌。Round 2 , 肉質唔同，更好食，似係牛小排。肉味好濃，唔似係任食既肉，高分之選。Round 3 , 接近Round 2 ，外表差少少。Round 4 , 接近Round 1Round 5 , 接近Round 1。能夠保持水準，其實已經好難得。整體水準好好，好過食牛涮鍋既"熊本和牛肥膏放題"。$348 唔算好平，但物有所值。…查看更多

Lunch time, 佐賀和牛放題$406 第1 round , 外表似幾好，食落韌到飛起。唔講佢有幾鞋及有冇肉味，呢兩碟係韌到入唔到口。講你都唔信，我望落去都唔信會係咁。每碟食左2片就退左，叫佢換過2碟第2 round 冇咁韌，但都係偏韌，又鞋，應該係牛較差的部位，未食過日本和牛係咁既樣試下澳洲和牛，唔韌，但頗瘦，冇肉味，唔會再叫牛小排，非常正常，最似樣係呢碟彈性好，唔鞋口，有肉味係食放題期望既牛肉試多次佐賀和牛，唔通俾左錢唔食咩。第3 round，同第2 round 冇乜大分別，都係韌韌地第4 round , 都係韌韌地，d 貨就係咁樣第5 round , 好少少叫多碟牛小排，d 肉痴住隻碟，同埋食落有少少怪味，只食左半碟食左11碟牛，但因有部份肉太韌，大約掉左2-3碟。佐賀和牛整體都係偏韌，激安牛XX既美國和牛好食好多;無辦法下試埋澳洲和牛，亦唔係好食，我食過4，5次既既屯門牛一既澳洲和牛，表現更穩定，肉質更好;牛小排算係正常水平，但激安牛XX 亦會更勝一籌。整體性價比好低，$400食咁韌既肉，我自己唔會再食。放題牛肉既質素有好有壞係好正常，太肥唔緊要，我可以咬走d 肥膏。太瘦都唔緊要，我當健康飲食。但如果最壞情況係會韌到咁緊要，就真係有點失望。…查看更多

在屯門店食過幾次澳洲和牛放題，表現都好穩定，今日經過太子店又再試下澳洲和牛。澳洲和牛較屯門店差，都係又鞋又硬既部位，食開就會明。接近我之前食"牛知己" 既韓牛後腿肉，似雞胸肉咁鞋 (韓牛後腿肉係更差)。試左碟極上美國牛，同澳洲和牛差唔多質素，早知叫極上美國牛個餐，反正都係伏，但平d。食過10幾次屯門店，佢地澳洲和牛既表現係好穩定。今日係太子店食澳洲和牛，係不太愉快既經歷。極上美國牛及澳洲和牛既性價比都好低，食完一次之後係唔會想再食，本人不敢再返啅。就算再食返牛一，都只會返屯門店。…查看更多

同朋友經過兆康，求其食個dinner , 我叫左個芝士海鮮焗飯$49，朋友叫左個什會湯米線$37。焗飯非常穩陣，係有焗過既。之前食過上水廣場個間茜X既焗飯 , 佢真係好似冇焗過，就咁淋個汁上去咁樣。呢個焗飯都幾足料，有塊大魚柳係入面，d 芝士又唔會太多太肥膩，剛剛好，整體我認為係好過商場既連鎖西餐廳個D $50-60既飯餐。平時去開商場，入去個D扮西餐廳既茶餐廳，茜X , 香港達X/椰XX , 紅螞X , 都唔知叫乜野食好。牛扒又乾又鞋，焗飯又冇焗過既，豬扒飯塊豬扒又凍既，意粉又煮到淋patpat等等。我朋友叫左個什會米線，個湯底當然係hea 既味精湯，但勝在十分足料，有豬肉片，雞肉，叉燒，蝦仁，魷魚等等。…查看更多

都知道如叫黑毛和牛，質素會很不穩定，所以試試美國和牛 (Lunch $208) , 心諗應該都唔會衰過美國進口牛肉。睇樣好似唔錯，雖然冇乜油脂。但食落好鞋，肉好瘦，係較難食既部位。下面個碟差唔多。可能咁岩切到d 垃圾部位，叫多半碟試。但都係又瘦又鞋，d貨就係咁樣。好彩可以叫低級d 既牛小排。牛小排既表現好好多，肉係有彈性，唔會太瘦。整多碟牛小排先，否則冇啖好食。美國和牛既質素係十分一般，感覺好似食緊白烚雞胸肉。食過咁多次牛涮鍋，係我食過最差既肉 , 表現差過美國進口牛肉 , Mou~如鍾意食瘦肉，係值得一試，佢勝在冇乜肥膏，唔洗不停吐肥膏。因為有牛小排搭救，所以給OK。…查看更多

食過佳記既極品牛柳後，唔信邪，再係天水圍食牛扒，我唔信食唔到一塊唔乾唔硬既牛扒。上次揀牛柳，今次叫最貴既特級肉眼扒，$148，心諗一定冇死錯人，就算唔好食都應該未至於湯渣肉咁款，我今次叫7成熟。(雖然有d難切，及有少少老，少少鞋，少少乾，但勝在冇乜脂肪，健康飲食)我當時是叫了7成熟，但廚師可能怕太生會唔健康，所以幫我煮熟d , 真係多謝您啊，抵讚。好在佢冇醃到好咸。雖然d 瘦肉有少少"痴"牙，好似將一件件湯渣食落肚咁樣，好頂胃，但我只食了3分1已經好飽肚，好抵食啊。本人並沒惡意指控，而是善意推介，大家可以睇相片，岩食就去食啦。…查看更多

雖然知道牛扒並唔係間間餐廳都整得好食，但見佢賣$92一個扒餐，應該都唔會太差。叫左碟鐵板牛柳(7成熟)拼炸蝦球，等左2x分鐘，諗住個廚房真係慢慢煎，會整得好食d，點知又係衰過普通茶餐廳d 牛扒。蝦球好油，帶子尚可。最穩陣係薯角，但都好油。牛柳又干又"鞋"，似湯渣豬肉。牛柳又醃得太咸，如果點黑椒汁黎食，真係咸到攞命。d 牛柳真係老到食唔到落去，最後食左幾件薯角就算。跌左$92，去是但一間茶餐廳食碟四五十蚊既黑椒牛扒飯，應該會好過佢。…查看更多

突然有鋪癮想食和牛火鍋，但如去一田買，$200幾蚊先得10塊，去和民個d 日式餐廳又怕係劣食，所以一於去食牛涮鍋和牛放題。之前都已經試過幾次紅磡黃埔及奧海城既牛涮鍋分店既和牛放題，但黎10碟牛，得1-2碟係滿意，其餘都係大型肥膏(一塊牛，肥膏佔半塊，不過牛肉部份味道都OK既)，甚至唔知俾左d 乜部位，又“鞋”又硬。問經理點解咁難食，例牌求其打發你。心諗，又係既，晚餐$400幾蚊任食和牛，梗係俾d 廢野你食架啦，就好似大X屋放題任食拖羅，梗係俾赤身你食，唔通任食大脂咩.....但今日好想食和牛，所以抱住勇者心態，去天水圍牛涮鍋食和牛火鍋放題。Lunch 平幾十蚊，就算中左伏，條氣都順d。心諗天水圍應該都唔多人食貴野，我諗d 靚貨都唔會係天水圍出現。不過，竟然有驚喜。第1，2碟牛，竟然冇大型肥膏，比較奧海城同黃埔店，厚身，牛味重，好食。第3，4碟，有少少唔同，但尚未出現大型肥膏，都好食第5，6碟都keep到表現，依然未出現大型肥膏。第7碟，冇咁靚，未出現大型肥膏，都好滿意。雖然第一，二碟明顯較靚。牛涮鍋既牛肉切得較厚，口感好好。牛陣既和牛放題雖然都有靚牛，但太薄，唔好食。食奧海城及黃埔分店，我會食到10碟，因為佔一半都係要吐走既肥膏。今日我只能食到7碟，因為冇乜肥膏要吐。我諗每個人都介意d 牛太多肥膏，以下係元朗廣場牛X 既Lunch 和牛放題，俾大家欣賞何為大型肥膏，及切得太薄:賣點係: 極多肥膏，及一夾即碎竟然係天水圍食到供應穩定既和牛火鍋放題，真係好好運，希望天水圍牛涮鍋keep到咁穩定既供應。信用卡9折，$318，抵食…查看更多

還記得前排食天水圍佳記既星州炒米咖哩味超濃，蝦仁十幾隻，爆多蛋絲，Wow, 超足料，同其他低端茶餐廳很不同，印象中都好過太興既所謂“特濃星州炒米(一d 都唔濃)"。咁岩經過屯門佳記，梗係要食返碟星州炒米。但可惜，今日既星洲炒米咖哩味淡，得4隻細蝦仁，3條蛋絲，唯獨火腿及叉燒絲夠多。雖然唔係用最差個種米粉，但可能因為廚房忙碌，炒功都一般，青椒火腿凍凍地，米粉又真係冇乜味，有少少失望。紅豆冰都係衰過天水圍佳記，椰奶又係水咁款，完全冇奶味，好彩有紅豆蓉搭救。同鋪不同廚師，分別真係好大。星州炒米加紅豆冰，盛惠$70。…查看更多

叉燒湯拉麵如之前食家所講，湯底好淡，似水溝鹽，慘過食出前一丁(豬骨味)；未試過拉麵專門店會整得出咁差既湯底，我覺得M記扭扭粉既豬骨湯底都好過呢個湯底，簡直難以置信。叉燒外表雖似煎得很香，但乾又硬，似瘦肉；麵質似平價上海麵，雖然選了普通麵質，但依然太"林"。只有溏心蛋尚可。$68 一碗湯拉麵，唔平唔貴，但日本拉麵黎講真係做得唔好。我睇完之前既食評話湯拉麵個湯好差，當初都唔信會咁差，但食完後就明白了，真係似雞粉+熱水+鹽既湯底。請大家真係唔好叫湯拉麵，冇樣好，是趕客之作。飲品: 冇波子汽水，冇橙汁，連可樂都冇，失望。…查看更多

食港式早餐，最怕是遇到: 似洗碗茶溝奶既奶茶、煮到淋曬既公仔面、咬唔爛及得個鹹字既沙嗲牛肉、又乾又老既炒蛋"餅"、似未煎過既煎腸仔、似未烘過既多士等等。早上6:45am到元朗，很多餐廳都未開門。見到利興咁早就開門，即管入去試試d 早餐。沙嗲牛肉面良好，炒蛋不太老，腸仔尚可，多士良好，凍奶茶不錯。整體來說，是安全的港式早餐。…查看更多

見旁邊一粥面同KFC 都滿曬人，再加上樓下味精拉面成日都唔夠人手做野(慢吞吞)，一於試下呢間茜廊。閒日中午，冇乜人食，3,4成台是空的。環境都幾舒服，似椰林閣親民西餐廳feel。紅豆冰 - 另外加了$20。紅豆好好，夠蓉，唔會太硬，甜度適中。但奶方面就似冰水，完全冇奶味，似奶白色的冰水。絕對不是愛好清淡或不清淡的問題，是真的冇奶味。乳酪忌廉雞球焗飯 - 有炒飯底，但個樣真係唔似焗過，似茶餐廳d 碟頭飯。味道普通，似茶餐廳快餐既質素。(其實我覺得普通茶餐廳既焗飯反而好食d。)整體冇乜驚喜，價錢比茶餐廳貴些，野食都黎得快。如只為飽肚可一試，但如想食好野，不試也可。…查看更多

因趕時間而入左黎，叫左個吉列豬扒烏冬加凍奶茶。凍奶茶普通，烏冬唔係街市個d 垃圾打邊爐烏冬，還可以。吉列豬扒剛炸起，但竟然完全唔脆，似放左好耐既吉列豬扒。肉質食落好實好硬，本身又冇乜味，可能冇醃過。最奇怪係d 肉係偏紫色的，從未見過係咁既顏色既豬扒。我食過好多間茶餐廳既 吉列豬扒配沙律，都未試過食過咁難食既吉列豬扒。真係好難食 ，仲要成$70，難食到真係要寫呢個報告出黎，係十分難忘既經驗。…查看更多