還記得前排食天水圍佳記既星州炒米咖哩味超濃，蝦仁十幾隻，爆多蛋絲，Wow, 超足料，同其他低端茶餐廳很不同，印象中都好過太興既所謂“特濃星州炒米(一d 都唔濃)"。咁岩經過屯門佳記，梗係要食返碟星州炒米。
但可惜，今日既星洲炒米咖哩味淡，得4隻細蝦仁，3條蛋絲，唯獨火腿及叉燒絲夠多。雖然唔係用最差個種米粉，但可能因為廚房忙碌，炒功都一般，青椒火腿凍凍地，米粉又真係冇乜味，有少少失望。
紅豆冰都係衰過天水圍佳記，椰奶又係水咁款，完全冇奶味，好彩有紅豆蓉搭救。
同鋪不同廚師，分別真係好大。星州炒米加紅豆冰，盛惠$70。
