kristinn的个人专页

呢間潮式菜館有驚喜，非常多款式，有滷水、小食、小菜、炒粉麵及甜品，而且味道仲相當有質素。🍴海蜇手撕雞 hkd58海蜇爽口，而手撕雞新鮮嫩滑，底下仲有胡麻醬青瓜，作為前菜非常開胃。🍴滷水鵝片 hkd168份量多，除左鵝片底下仲有滷水豆腐，鵝片入味而肉質嫩唔韌，肥瘦又適中，但如果可以厚切少少就更好。另外還附上醋，一齊食更開胃。🍴腿茸津白 hkd88唔想全部叫肉就叫左個菜，津白清甜， 配以鮮奶為主所做嘅奶油汁，食落津白更滑更甜，而加上金華火腿碎更令整個菜帶點鹹香。🍴菠蘿炒咕嚕肉 hkd88咕嚕肉皮薄香脆，而醬汁酸甜度剛好，非常出色。🍴潮式反沙芋 hkd78香港十分少見既潮式甜品，非常考功夫，餐廳即叫即整，外層砂糖香脆，內層芋頭熱辣辣而乾身夠粉。…查看更多

好耐冇燒肉, 呢間朋友推薦既餐廳果然冇令人失望。🍴日本安曇野豆腐沙律(胡麻醬) hkd68食燒肉之前叫個沙律打定底先, 沙律菜新鮮豆腐滑嫩配上胡麻醬十分清新。🍴牛魔再現 hkd630呢個拼盤包括有日本國產A4和牛肉眼100g、美國Prime牛小排、美國牛Prime牛角切。店員會主動教我地點燒D肉最好, 非常親切。另外店員亦介紹他們店內用的是從日本訂製的陶瓷爐, 整個爐都能均勻受熱。醬汁有3款, 分別是柚子醋, 店員建議配和牛以便解膩,  A4和牛肉眼油脂非常香, 真是入口即溶, 但同時肉味非常濃郁超滿意! 而燒肉汁建議配美國prime牛, 美國prime牛小排油脂分佈平均, 肉質唔韌而牛味濃。牛角切則肉質更有口感, 而且無筋軟熟滿滿肉汁。🍴豚腩燒(鹽燒) hkd84豚腩肉油脂平均，燒完之後脆脆地, 油花脂肪非常香。而店員亦建議可用胡麻醬配海鮮及豬。🍴特大緬甸虎蝦 hkd260/2隻虎蝦size 十分誇張, 非常巨型有成隻手咁大, 而且開埋邊方便燒, 其實唔使配醬料已經好好食, 肉質鮮甜爽而彈牙。🍴鰻魚炒飯 hkd108飯粒炒得乾身,粒粒分明, 而鰻魚的數量不少,  鰻魚又好鮮甜。🍴熱情果特飲 hkd28🍴青蘋果特飲 hkd28兩杯特飲都非常清新, 甜度適中, 岩哂配燒肉解膩。…查看更多

餐廳地點十分方便, 地鐵出口直達商場,  而且環境舒適, 間隔做得好, 唔會有迫既感覺, 適合聚會。剛入座店員就馬上送來麵包同welcome drink, 係一杯white sangria, 非常驚喜。🍴Blue Mussels  hkd228藍青口份量十足而新鮮, 用白酒煮成, 加上蒜頭、辣椒和洋蔥, 更突顯青口既鮮味, 連朋友平時不太喜歡青口都讚不絕口, 值得一試。🍴French Quail Leg  hkd168賣相精緻, 煙燻鵪鶉髀配上清新既蕃茄, 味道清爽, 肉質鮮嫩, 不過如果單食鵪鶉髀就會少少偏鹹。🍴Crab Meat & Urchin Linguine  hkd328海膽醬汁一流, 每條扁意粉都充滿濃郁海膽味, 意粉彈牙creamy而不膩, 面上仲有好足料既新鮮海膽及蟹肉, 無可挑剔。🍴Iberico Pork Rack  hkd388豬鞍是用28天熟成的西班牙黑毛豬, 店員推薦七成熟, 豬鞍厚切但唔乾非常juicy, 表面有坑紋, 食落有炭香味, 配上伴碟上的芥末醬非常夾。🍴Cheddar Cheese Cake  hkd118賣相好精美, 以白朱古力粒、脆脆及燒焦既蛋白伴碟好有心思。日式芝士蛋糕芝士味唔會太重, 亦保持濕潤, 配上煙燻既芝士粒, 非常特別, 而味道又有層次, 整體唔會覺得好膩。🍴Pink Perfume  hkd128🍴Emerald Love  hkd128飲品我地就簡左2杯blaster cocktails, 呈現方式特別又有趣, 店員會係杯飲品上用氣槍吹一個大氣泡, 仲會預先問使唔使拍片非常貼心, 打卡之選。整體餐廳環境、食物賣相及味道都令人非常滿意, 無論朋友聚會定情侶慶祝都非常合適!…查看更多

突然心血來潮想食牛扒, 就諗起the grill room, 好耐冇食都仲保持到水準!🍴Fresh Mussels (1/2 kg)  with truffles fries  hkd238青口我地叫左half size但都份量十足, 每隻都好大隻。青口以香草白酒煮成, 再擠少少檸檬汁,   非常新鮮好鮮甜。  薯條新鮮炸起, 但略欠黑松露味。🍴Angus Rib Eye 16oz  hkd368牛扒我地簡左medium, 表面帶有烤過既坑紋同香味, 切開後仍保持粉嫩的色澤, 肉味濃郁而有肉汁, 帶點脂肪但都烤到好香口。上菜時員工仲會問你加唔加黑胡椒, 可以因應自己需要選擇, 好貼心! 而伴菜既薯蓉好出色, 有黑松露味又creamy。🍴Bone in Pork Loin  hkd258好貼心切件後上菜, 厚切豬扒口感十足, 非常juicy唔乾, 但香茅芥末籽忌廉汁可以再濃味D就更好。🍴Sangria Rosso  hkd88好耐冇飲過sangria, 見到有即刻叫左, 帶有果味非常易入口。…查看更多

餐廳地方很大, 粉色裝潢設計再加上藤椅, 好有渡假既感覺。店內仲有一個鞦韆打卡位。我地當日安排到坐卡位, 可以自成一角, 私隱度高, 坐得舒服, 仲可以望到海景!🍴黑松露薯條 hkd68超大份新鮮炸起熱辣辣, 足料多醬仲有大量芝士係面, 但粉紅色醬就麻麻冇咩味, 就咁食佢黑松露沙律醬/茄汁仲好。🍴龍蝦冬陰意粉 hkd168龍蝦新鮮爽口, 意粉彈牙, 龍蝦汁好香濃, 但冬陰功味就唔係好重。🍴香茅烤雞 $198半隻烤雞即叫即焗要預30分鐘時間, 所以建議如果想食去到就叫左先, 再慢慢簡其他想食咩。一上檯超香, 雞肉非常滑嫩juicy, 醬汁微辣非常惹味!🍴紫薯香芋班戟 hkd 88賣相吸引, 顏色豐富岩哂打卡。班戟口感綿密, 覺得偏向蛋糕質感, 內裹仲會食到香芋粒,  另外有個香芋醬比你自己加, 最鐘意係個醬味道帶點椰汁味超正。🍴荔枝玫瑰梳打 hkd 48🍴草莓檸檬梳打 hkd 48兩款飲品都好清新, 非常解膩。餐廳環境食物都好適合打卡, 岩哂各位姊妹聚會~…查看更多

餐廳只提供Set menu, 套餐包括是日餐湯、餐包、沙律、一個主菜、任食薯條, 每位HKD 328, 仲可以加HKD59要甜品。🍴Soup of the Day當日係南瓜湯, 非常creamy同濃郁, 最鐘意佢夠熱。🍴Fresh Caesar Salad沙律菜均勻地混上沙律醬, 再加上芝士粉、半熟蛋和麵包粒, 但麵包粒唔脆比較可惜。🍴Home-made Bread Roll 自家麵包除了配上牛油, 仲非常特別有肉桂牛油醬, 誠意十足。 麵包微暖而且好甜心只係一邊烘脆, 咁就可以同時食到軟同脆既口感!  🍴Signature 10oz Premium NZ Ribeye Steak 我地叫左medium,   牛扒煎得面頭焦香, 但內裹仍然充滿肉汁同好嫩, 牛味濃郁, 雖然有少少筋位但切走就唔怕啦。醬汁簡左黑椒汁, 如果驚唔名味檯面仲有玫瑰鹽。薯條非常出色, 新鮮炸起金黃色脆卜卜, 就算放涼左都仍然好好食, 更可以無限添!🍴BBQ Baby Back Pork Ribs  Ribs份量十足, 仲好淋好入味, 配上燒烤醬超惹味。🍴Chocolate  lava  cake with Vanilla Ice CreamLava Cake一切開就是流心的熱溶朱古力, 朱古力味濃郁帶少少苦, 配上雲尼拿雪糕, 非常滿足。餐廳環境舒適, 夜晚燈光會較暗但氣氛非常好, 服務亦唔錯。…查看更多

餐廳分室內室外坐位, 但當日落雨只好坐室內, 裝潢非常光猛開揚, 座位亦算寬敞。🍴Chicken Caesar Salad  hkd$118🍴Peach Tea  hkd$38沙律好大一盤, 羅馬生菜好新鮮而且撈勻了凱撒汁、煙肉、麵包糠及撒滿了芝士粉, 雞肉唔乾仲幾嫩。水蜜桃茶是手搖的, 而且沒有額外加糖, 非常清新。🍴Crab Meat Pasta  hkd$158意粉上佈滿好多蟹肉, 非常足料。醬汁是由香草忌廉番茄汁煮成, 非常濃郁creamy但又唔會膩!🍴Surf N Turf & Fries  hkd$258牛扒5成熟岩岩好, 肉質軟腍, 牛味濃而不會韌, 好高質! 旁邊仲配上2隻開邊大蝦, 燒得香而彈牙。香脆粗薯條份量好多, 炸到金黃色熱辣辣。…查看更多

同朋友懶得簡食咩, 直接就叫左二人餐, 又樣樣都有可以試到, hkd$796/2, 另收加一。餐廳環境很日式, 座位很寬敞私隱度高!🍴時令沙律沙律佢唔係沙律醬/芝麻醬, 而係淡淡既橙味, 酸酸甜甜非常開胃,  而且有不少既帆立貝刺身係面。🍴刺身盛 六點當日有三文魚腩、油甘魚、牡丹蝦、鳥貝、廣島蠔及大拖羅, 員工亦推薦我地依佢介紹既順序食用。刺身非常新鮮而厚切, 三文魚腩油脂豐富, 牡丹蝦好大隻又鮮甜,  鳥貝非常爽, 拖羅厚切無筋, 更加入口即融, 而最驚喜係有廣島蠔, 手掌大既廣島蠔加D檸檬汁及cocktail sauce, 入口仲有淡淡海水味非常滿足!🍴壽司盛 六點分別有帶子壽司, 中拖羅魚蓉, 鏗魚壽司,及柚子果凍。帶子大粒鮮甜, 而飯既份量細細舊岩岩好。吞拿魚腩打蓉質感綿密, 微微火炙既鏗魚壽司會較濃味所以師傅加上洋蔥乾及蔥中和味道。柚子果凍放上滿滿既蟹子及蟹柳絲, 以此作總結清清味蕾就可以開始食熟食。🍴汁燒野菜雞肉卷及鹽燒日本茄子雞肉卷包住野菜再配上芥末醬, 口感豐富而肉質嫩滑, 茄子燒得香脆配埋柴魚非常夾。🍴壽喜燒鍋物 澳洲產M9黑毛和牛及北海道豚肉壽喜燒鍋上菜時已經煮熟, 有金菇、冬菇、娃娃菜、皇帝菜、南瓜、豆卜、大蔥及粉絲, 非常豐富而入味。M9黑毛和牛油脂分佈好平均, 輕輕淥一淥就夠, 再沾上日本生雞蛋, 入口順滑, 肉味濃郁而唔會韌。而北海道豚肉肉味相對較重又唔夠乾。🍴是日甜品最後以蜜瓜作總結, 非常滿足。…查看更多

地點好方便, 附近都好多食肆, 但最特別最有特色一定係呢間, 酒吧入面食拉麵, 真係估佢唔到, 仲要好有水準, 每一款都有賣相又好食!🍴蝦片同餐前小食 一坐低就先送上炸蝦片、花生、Wasabi青豆同開心果, 岩哂叫返杯啤酒慢慢嘆。🍴日式鱈魚豆腐 hkd59鱈魚豆腐一客四件, 熱辣辣即炸起, 口感彈牙魚味突出, 配埋芝麻醬一流。🍴自製黑豚叉燒拉麵 hkd98叉燒係餐廳自家製, 仲係師傅自己扎, 出面絕對食唔到非常有心機, 來貨完全冇得比。叉燒有兩大塊, 半肥瘦, 入味而口感鬆化。拉麵爽口彈牙, 湯底係豬骨湯底, 非常濃郁而不油膩, 真材實料!🍴日式沾面 hkd128呢個沾面絕對係打卡之選, 上菜時店員會加水落乾冰, 呈現煙霧瀰漫嘅效果俾你影相同拍片。而味道亦唔會令你失望, 配料有三文魚刺身、蟹柳絲同溏心蛋, 而麵條就係闊麵, 適合掛汁。魚介沾麵汁有好濃既鏗魚味, 而最重要係熱辣辣。老闆娘仲介紹另一食法, 除左點沾麵汁之外, 仲可以點佢哋既特製豉油同wasabi, 估唔到又好夾好好味!餐廳環境氣氛舒服自在, 岩哂同朋友放工黎傾計飲返杯, 絕對值得再來!…查看更多

餐廳裝潢簡潔寬敞, 令人坐得舒服, 食物款式亦非常多。🍴牛油果香芒烤雞沙律 hkd$108超大份而且食材好新鮮, 雞扒滑嫩, 半個牛油果熟度剛好,  芒果香甜有口感而唔係淋果隻, 配上胡麻醬汁食落輕盈又清新。🍴小食拼盤 hkd138一上檯嚇親份量超多,  真係好豐富又樣樣都試到。雞翼勁脆又好juice沾埋是拉差醬超正! 香腸有兩款, 分別是坎伯蘭腸煙同煙辣腸, 煙辣腸微辣好開胃。 薯角同春卷都好脆正常發揮, 八爪魚丸原來係魚蛋咁不過都唔錯。🍴香煎加拿大保濕豬鞍配蘋果泥  hkd158豬鞍店員落單時提醒需時25分鐘, 但食埋前菜其實岩岩好, 咁就唔使擺到成檯食物。 豬鞍好厚但真係完全唔乾非常juicy, 而且無多餘油膩感, 配上蘋果泥味道更加清新。而伴碟嘅薯蓉亦好好食。🍴法式蘋果撻配雲呢拿雪糕 hkd$78蘋果撻賣相超靚, 蘋果切做薄片砌做花咁。即刻焗熱辣辣酥皮好脆, 蘋果又唔會酸, 配埋雪糕好好食超滿足!🍴自家調配菠蘿Lemonade 配伯爵茶鳳梨酥 hkd62呢款飲品特別在於會額外附上一塊鳳梨酥,  伯爵茶味濃非常特別。菠蘿檸檬特飲唔會好酸, 非常清新又解膩。…查看更多

餐廳環境乾淨整潔, 坐位舒適唔會逼, 而員工亦好好禮貌。Dinner set好抵食又多款式 。🍴招牌叻沙 hkd66店員落單時好細心會提醒麵底係滲滲, 即油麵加米粉, 如果唔鐘意既都可以改只叫其中一款。叻沙湯底有非常濃郁既椰香味, 配料好豐富有鮮蝦、蟹柳、魚片頭、魷魚圈、豆卜、半隻蛋等，成個麵份量非常之多, 而且D麵又好掛湯好惹味。🍴招牌無骨海南雞配油飯 hkd66可以簡白飯/油飯, 但食海南雞緊係配油飯啦! 無骨雞好方便, 肉質滑嫩, 油飯亦夠香而不油膩, 仲配有3款醬汁, 緊有一款岩你。 🍴玻璃魷魚通菜 hkd 32叫dinner set可以優惠價加配小食, 玻璃魷魚通菜醬汁微辣, 魷魚多和非常爽。🍴肉鬆煉奶油酥餅 hkd24呢個好特別, 出面餐廳比較少見, 油酥餅好酥脆，夾住肉鬆煉奶好夾!🍴星加坡摩摩喳喳(凍) $35見到呢款甜品忍唔住要試埋佢, 有芋圓、蕃薯圓、紅豆、涼粉及椰奶,。芋圓煙韌, 紅豆軟燸, 冰涼又好夠味, 好滿足!🍴青檸梳打 hkd14🍴椰香沙冰 hkd16搭配主套餐可以半價享用飲品, 兩款飲品都好解膩岩哂食濃味野飲。…查看更多

果然係人氣黃店, 平日夜晚8點半黎到非常爆滿。食物非常多選擇, 除左西餐之外, 仲有D日式fusion既選擇。諗住散叫應該冇餐包, 點知落完單冇耐就送上。最令人驚喜係餐包上檯時熱辣辣, 牛角酥好酥脆好好食。不過如果牛油同果醬唔係咁上既話整體會較好。🍴香煎帶子配無花果辣肉腸沙律伴黑松露油醋汁 hkd138沙律擺盤非常有心思好fine dining, 唔係一大盤沙律咁上, 帶子煎得岩岩好表面煎香但內裹嫩滑, 無花果亦新鮮香甜, 黑松露油醋汁令人非常開胃, 作為前菜非常出色!🍴甜脆番薯條 hkd58非常香脆, 醬汁好特別好味, 份量超多, 2個人share食都食唔哂。🍴加拿大海膽松葉蟹膏蟹肉忌廉汁意大利麵 hkd198加拿大海膽非常鮮甜而不腥臭, 而蟹膏令到碟意粉完全昇華左好重蟹味。意粉份量亦好多, 好creamy有好多菇、紅椒粒和洋蔥但唔會漏, 非常值得一試!🍴紐西蘭西冷扒 (8安士) hkd198叫左5成熟冇overcook, 牛扒好香炭燒味, 肉質腍同肉汁豐富, 不過有少少筋, 配菜既薯蓉同菠菜都好出色。🍴菠蘿青檸梳打 hkd38好fresh又唔會太甜, 岩哂黎解膩。整體食物質素令人滿意，值得encore。…查看更多

呢間Lunch set有好多選擇, 有好多款丼飯及壽司set, 不過如果唔岩都可以單點簡返自己鐘意食既。🍴特選刺身丼 (帆立貝, 真鯛, 三文魚, 甜蝦) hkd148每個Set都會包埋沙律同麵豉湯, 刺身非常新鮮, 而且每款都厚切大大件非常肥美。🍴稻庭烏冬壽司定食 hkd128烏冬可以簡湯/冷烏冬, 而壽司有5件加2件卷物再加一件玉子燒, 作為lunch一定夠飽。餐廳服務非常好, 員工友善, 會不停幫你添茶。…查看更多

Lunch去到已經大排長龍，真係要預時間排隊。🍴自家製叉燒 鮮忌廉豬骨湯意粉 配 4.3牛奶炒日本滑蛋+牛油多士(加$5轉奶油大脆豬) hkd48+5叉燒比較瘦但又唔會太柴, 而忌廉豬骨湯就非常濃郁而且唔會好味精配通粉連湯一齊食好正。奶油大脆豬就烘得香脆而又鬆軟, 記得要叫多鍊奶!🍴自家製海鮮XO醬肉眼豬排飯 加$10配炒日本滑蛋 hkd58+10豬扒有2大塊, 肉質超嫩完全唔會柴, 仲有沙律菜令到健康d 柚子汁酸酸地好開胃, 滑蛋亦非常滑溜, 雖然有XO醬但因為落左甜豉油搞到個飯變左甜甜地而唔係辣，如果辣就好啦~見到隔離食叉燒滑蛋飯好吸引，下次要試下先～…查看更多

🍴皇牌原隻燒春雞 hkd68原隻燒春雞份量十足, 仲可以簡配飯/意粉/薯菜, 但只係$68真係超抵食!! 最緊要係真係燒得好好又熱辣辣, 外表燒得香脆, 但內裹又好juicy嫩滑完全唔會柴! 醬汁又好出色, 蒜蓉味重沾雞食超夾。餐廳仲好貼心會俾埋手套方便食用。而我地今次簡左薯菜就係炸薯角黎, 炸得好香脆, 真係連配菜都好出色。🍴招牌安格斯西冷牛扒配薯菜 hkd148呢個餐就配埋沙律/餐湯+日式蛋糕+飲品。牛扒都好大塊雖然比較薄, 但肉質不錯, 而飯又用珍珠米好味。整體食物質素有驚喜好食, 仲好抵食, 用operice book位仲會有折。…查看更多