barrymeow的个人专页

友人生日一行四人訂了這間餐廳慶祝當晚客人不算多，環境很舒服很適合三五知己邊用餐邊聊天我們點了不少菜式先來個羽衣甘藍沙律，配上大大塊龍蝦肉菜很新鮮，沙律汁酸酸甜甜十分開胃小食方面叫了蟹肉釀白菌，水牛城雞翼及啤酒炸魚薯條白菌十分juicy 、水牛城雞翼調味適中少許辣，炸魚魚肉很滑又有魚味然後點了龍蝦湯，十分濃郁！看色澤就知道了。可能有加入蝦膏煲過，湯有一陣蝦膏香味主菜點了頂級肉眼扒，五成熟拿捏得十分準確，肉質軟滑香口另外點了一份豬扒和意式黑橄欖汁鱈魚意粉豬扒一點都不韌，仲有淡淡豬肉香意粉很特別，鱈魚肉融入了橄欖汁，十分鮮味最後了了三份甜品心太軟、朱古力蛋糕和Apple crumble心太軟和朱古力蛋糕用了黑朱古力，味道超濃但不會過甜，Apple crumble 的蘋果肉酸酸甜甜，配上冰凍雲呢拿雪糕為友人生日晚餐畫上完美句號因為環境坐得舒適，最後和友人們聊到餐廳快打烊才離開侍應也沒有趕時間打發我們服務方面反應也快速這餐晚餐大家都十分滿足…查看更多

同朋友好鐘意打邊爐又好鐘意食牛於是去左呢度試下，因為聽講成隻牛既部位都有得食Book左位好快就有得坐地方唔大，但枱同位好闊落，唔係卡位都坐得好舒服食方面開頭諗住散叫因為我地得2個人點知放題原來包哂咁滯，仲有個個都有影既牛木盤(視覺一流），價錢都係288，計落平過散叫仲有得試多啲部位，於是決定叫放題我地叫左個苦瓜牛尾湯底，好甜好足料，可以飲左啖湯先食野，苦瓜好新鮮無渣又甘香呢度加二十蚊有自助醬料同任飲各款汽水(各十蚊)醬料同汽水都係基本選擇，有清涼爽勁正同埋有我至愛既雀檸已經好開心全部都要自己岀去拎，不過地方唔大行幾步就得啦我就無乜所謂牛木盤份量十足，一黎到我同朋友勁興奮有好少任食地方有得食既黑柏葉！口感一流牛丸好彈牙好好味，全部都唔錯，同埋原來唔同部位啲紅色都會有唔同深淺，長知識另一盤係更靚更多雪花，個牛小排超重牛味，一啲都唔韌，塊塊都厚切，每款一樣有4件，勁抵食俾大家睇下有幾大盤另一盤牛雜，個牛筋一望就知勁腍勁入味，好食過好多麵檔既牛筋牛肚都係！另外叫左金菇同響鈴，係打邊爐必備唔洗多講，但讚下個金菇好靚好乾淨個頭大大粒，唔似岀面任食嗰啲咁醜樣又污糟其實仲有萵筍同娃娃菜但唔記得影，萵筍好好味好嫩俾我清左一大半，一定要點最後埋單300頭，但我地飽到食唔哂，真係超多份量，2個女仔太細食，叫多個男性朋友黎就應該ok岀面火鍋店叫一碟靚牛已經要200幾300份量又唔多，呢度300有得任食咁高質既牛肉真係無得輸，服務態度都好好，好有耐性，仲會同客人傾幾句。PS唯一要注意既係呢度話明係饕牛記，火鍋肉類方面只得牛肉，無其他選擇架！菇菜類就非常齊全同新鮮唔洗擔心，唔好唔小心帶左唔食得牛既朋友黎食丫不過呢度有啲小菜可以點，我見隔離對情侶都係邊打邊爐邊食小菜，好似好吸引…查看更多

早前跟幾位朋友聚會，第一次選擇食中菜因為有朋友想食片皮鴨，所以揀左呢間由於星期六，所以食客非常多我地有訂位，一行七人被安排坐喺樓上一張有魚缸既枱，好特別！未食已影緊相我地7個人叫左麻辣粉皮、雞絲粉皮、蔥爆羊肉、鐵板牛肉、一隻片皮鴨，糖醋魚柳、上湯豆苖、炒飯同拔絲士多啤梨但掛住食，無乜點影相為左片皮鴨而黎但片皮鴨只屬正常水準，肥膏有點多麻辣粉皮個汁不麻不夠辣，雞絲粉皮個汁好香值得一讚係啲粉皮做得好靚，晶瑩剔透好薄好滑反而其他菜式有驚喜最好食係糖醋魚柳，外脆內軟酸甜適中，魚肉好滑無雪味，其次係蔥爆羊肉(一啲都唔羶，調味好惹味)，鐵板牛肉同拔絲士多啤梨(士多啤梨本身來貨已經好甜，好好味)我地差啲食唔哂侍應服務不錯，幾友善佢地啲前菜都幾好味埋單每人二百左右，非常抵食會有下一次…查看更多

睇到啲雜誌介紹好似好正咁我勁鐘意食燒魷魚有日睇戲前有少少時間所以走去試份量有少少細，不過旺角租貴都明既(凱都戲院岀面個魷魚伯伯都係好貴)我淨係買左呢個，唔記得叫咩已經有部機碌岀黎魷魚味好香，辣椒油幾好味，可惜唔係炭燒，否則一定再正啲如果香港多啲食肆可以用炭爐就好了，問過消防朋友，原來係極難批，唔怪得咁少。。。btw老闆娘好好人，天氣好熱，見到啲小店就覺得啲員工好辛苦，下次經過都會再支持下，試下其他野食，以後喺呢邊掃街又多一個選擇…查看更多

前2日同男朋友去左食pizza express，男朋友未食過，我就食過好幾次都覺得唔錯所以帶佢去我地比較細食，所以只叫左一個美國xxxx辣pizza(唔記得名，$152)，仲有個肉丸($61)，加多杯生啤(好似$59)肉丸好有肉味，個汁都好好味，係細粒左少少點知杯生啤成15分鐘都未黎，後面個bartender又好似無任何動作，就叫落單個waitress同我地跟下，其實我地都無發脾氣，我只係問左句「唔該杯啤酒可唔可以上左先呀？」，但原來佢落漏左單，佢落返後即刻say sorry，仲free左杯啤酒俾我地，勁好人，我地勁唔好意思又唔係叫得多野但我唔記得佢叫咩名，戴眼鏡的。個辣pizza好正，有多指天椒，好夠辣，辣到男朋友流哂汗，好惹味，最愛的薄pizza+少少脆邊，一人三塊我地好快清哂可惜埋單簽卡時男朋友唔記得簽tips俾個waitress，佢收返卡先醒起，好慘…查看更多

我又唔小心千字文好驚op唔俾我岀呢篇但我情願實話實說又話係香港無老鍋？無左去邊？門面就抄足，但順便抄埋個餡會唔會好啲首先，佢價錢中高但除返開個份量就絕對高檔$208一個細既手切牛（外面通常158-188就有）貴唔緊要的確係好靚好精緻但我真係第一次打邊爐食手切牛嗰片肉咁細咁薄，熟左之後得女仔手指公咁大塊仲要好薄一碟廿五塊都無，睇相好似好吸引唔係好細，但佢幾乎2塊加埋等如岀面1塊手切牛嗰個梅花豬先經典係擺得好靚，上枱嗰陣個個嘩一聲但嘩係因為個份量。。。影得幾好，好似好大朵花，但實際上朵花直徑我諗都有4-5cm既，你望下嗰棵假草直徑都長過佢豬肉好似抵過牛肉，$88每朵好似有4塊，但係切到仲細條過d 牛老實講個牛同豬都食得岀唔差但細到咁未食到咩味就呑左。。。我唔可以答你好食定唔好食最後。。火鍋個湯底先係靈魂個個都話佢湯底正叫左蜂巢豆腐x麻辣小辣望落的確足料，好期待飲落。。嗯，白色嗰邊無味煲左半個鐘開始有藥材味岀，但都好淡再麻辣嗰邊咦？另一隻味既紅色清湯黎架喎師兄係咪上錯定我眼花，其實味道唔差，佢唔係唔好味但我叫麻辣湯底唔麻唔辣唔香點解叫麻辣湯講到呢度，我都唔識評呢度食物唔難食，其實仲幾新鮮我唔係幾知點俾分但價錢同份量太不合比例湯底，唔難飲，幾清幾足料但同賣點不符飲品價錢，青島生啤都索價66蚊杯老闆呀，野食都算，酒水你仲貴過酒吧，我好難做架最後，有啲侍應成碌木咁，好細個我估係讀緊書，叫佢加蔥同豉油，會呆左幾秒。岀入有客人擋住佢地，佢地係唔會講借借或小心，呆企喺度十秒、廿秒唔岀聲，唔岀聲我點知我阻住你，我背脊無眼架麻妹妹。俾左切餅費，但唔會主動行埋黎幫客人切餅，唔緊要仲細，下次醒目d啦，完。單食物質素，都ok (中等至中上，未到好好食)但整體食後感，包括性價比、服務等:劣評，希望老闆睇到改善下。…查看更多

早前同一班朋友去食蜆因為同行朋友非常食得辣(平時會咬指天椒送飯嗰啲😑)我同男友也算ok食到辣而且係愛辣人士，於是挑戰佢個18禁卜卜蜆煲另外4位唔食辣的朋友就食普通蜆煲叫個蜆煲前問過侍應無得揀辣度我問佢有幾辣佢答我好辣😒我話用譚仔比係幾多佢竟然答我中辣我心諗:下原來只係中辣都講到咁誇(利申最近食辣進步了譚仔中辣我覺得唔係太辣)最後蜆煲上黎淨係見到紅色一試，俾辣汁彈到喉嚨。。。嘩正到😂其實好明顯唔止譚仔中辣而食得辣朋友都話辣(正確黎講係對佢黎講只係有辣味，夠辣)不過，餐牌上寫係麻辣但個蜆一啲都唔麻，得個辣字其實食食下都食到，又無話辣到頭痛嗰種而且辣味都幾快散所以都食哂不過老實講普通嗰隻好食啲，食到蜆味辣呢煲除左辣我食唔到其他味，辣得無香味不過普通嗰個蜆煲，坦白講自己都整到。。非常容易，但佢呢度賣得幾平所以都唔錯啦而其他火鍋料只係正常但價錢偏貴直頭係無印象自己食左咩同有咩係好食總結如果你好似我同啲朋友咁好食得辣，好想挑戰辣到跳舞既感覺，呢個俾唔到你，對於食得辣既人未至於會係一個大挑戰。。。而且辣得黎又唔係好食如果你唔食得辣，都可以一試普通嗰隻，但宵夜時段會抵啲，因為佢其他火鍋料真係未係高水準但又唔係平(舉例:68蚊得6粒丸)…查看更多

聽人講呢間野幾好食～剌身幾咁新鮮～拖羅幾咁美味，所以終於一試。我係晚市6點鐘左右去食，其實對於H8既餐廳無咩好感，大部分都食過，大部分都失望而回。我份人唔止對食有要求，對餐廳裝修、服務、甚至餐牌都係。我認為真係好食同既餐廳，對呢幾樣都會有啲要求。點知坐低後發覺menu真係好難睇，好肉酸，連張吸引人既相片都無，每張都印到模糊不清，啲字同排版亂咁飛，睇多幾眼都頭暈，而且價錢不算非常平價(即使平的話都未至於整到個menu咁，我寧願你整整齊齊得啲字。) 咁只表示幾樣野：1.老闆/負責人對美感零感覺  2. 經營唔夠仔細 3. 對食物以外既野毫無要求，咁意思係食物有一定水準先有信心咁。咁食物係點？我食既係自選三款剌身丼，叫了海膽、油甘魚同中拖羅。男朋友食三文魚+三文魚子丼套餐包括前菜、茶碗蒸、漬物、味噌湯同主角剌身丼。前菜係煮蘿白絲同豆卜絲，甜甜地，不錯～我清哂茶碗蒸不夠熱，大概放在蒸爐一直焗住但溫度又不夠。味道普通，勝在多料，但老實講元氣的好食過呢度。漬物就係最普通的黃蘿白，正常，無特別味噌湯不錯，清清地，唔死咸，唔似沖岀黎，大概係自己煲主角如何呢？海膽色澤不錯有光澤，也清楚見到一塊塊，食落算新鮮，可惜無咩海膽獨有的甜味⋯可能來貨不是很好的貨色吧，至少無腥同算新鮮，叫做好過無。油甘魚比較驚喜，很肥美，入口竟然有點半溶，應該係接近腩位，魚味好香，但刀功唔得，有塊爛左最期待的藍鰭中拖羅⋯賣相算有光澤，入口⋯其中兩件有筋，唉，影響口感，但大致上都ok，算係入口溶化，油脂充足～只係無咩味⋯可能不夠新鮮。唔齒夾留香⋯⋯平時食拖羅嗰種滋味係久久不散，呢道無⋯失望。至於男朋友的更不用提⋯普通到不行，食完都唔會諗起佢，佢啲三文魚欠光澤顏色深一睇就知唔夠新鮮⋯⋯食左380幾蚊，不貴，但以此質數貴了。唔上唔落既價錢，配上唔上唔落的味道、配套。再者無裝修、無服務可言，個餐牌更加唔洗講。接近200蚊一位，跟同區有見城、旬菜富、道、鮨真的午市套餐接近，不過味道、賣相、服務感動20倍。晚市麻，附近有錦丼，雖然質數比呢道差一點點(其實以三文魚計錦丼不會差過呢道)，但價錢平一截。咁睇黎我真係無必要再俾機會呢道。（篇野我O係手機打，相係手機影，唔知點解開電腦睇返張相細到咁？）…查看更多

上兩星期慶祝男朋友生日黎左呢度因為我同男朋友都鐘意食生蠔超期待之下覺得無想像中咁好首先環境一定係靚既，之前喺sky lounge飲過幾次野都知個景係正其次我地最concern 係生蠔當晚揀左好耐，最後決定叫個$1488既set share再散叫，個set包1杯champange，1杯白酒同1杯紅酒，分別用黎配指定3隻oysters、頭盤同主菜、甜品。聽落幾抵，但計返條數其實有啲搵笨。3隻生蠔有2隻係美國一隻係法國而且係較平的品種，主菜都係menu上最平嗰款西冷，雖然食物質數好好，但如果唔係貪嗰3杯酒，應該散叫好啲。講返oyster，除左set 嗰3款，另外叫左gillardeau 同royal, royal未試過純粹試下。總括黎講係新鮮, even 美國蠔都好鮮甜，有2隻比較瘦。但可能我食開嗰幾間蠔吧係唔切帶子位，呢度係幫你切埋，方便食用但我唔慣。同埋生蠔唔係隻隻都郁，有啲失望。可能因為切左帶子位。生蠔8/10龍蝦湯係好飲，好香濃，但我飲過更好。。呢度我俾8/10蟹餅好好食，我未食過grand hyatt嗰啲，但呢度係我食過最鮮甜好食既crab cake ，肉唔係碎，係一梳梳，食到好香蟹味。有機會都會去試下grand hyatt嗰啲，畢竟係嗰度名物。9/10西冷叫左medium，內裡啱啱好粉紅而無血水，要讚!肉味香濃，side dish都好食，好滿意。因為係share，佢地幫我地分左一半。個心太軟一般，非常普通，失望。唔夠流心，唔夠香濃。6/103杯酒都選得唔錯，特別係白酒，同蟹餅好夾，但對於無飲開既人可能唔係咁慣，因為唔係果味同甜重嗰啲，幸好我同男朋友都飲開酒，覺得不錯^_^8/10較為唔滿意係服務，個manager一黎拎住個board一輪咀講有咩推介，我只聽到一半，其他都一舊舊！佢好似行過黎背完書就走咁，無理我地有無野有興趣。而且呢度啲侍應完全無笑容，好似機械人，每日做同一樣野幾百次，佢地個樣話俾我知佢地好悶好無癮=_=。如果呢度係普通西餐廳千幾蚊落樓我都ok，但價位2個人食都2、3千，對於我呢啲小市民唔係平架都，而且係酒店，俾啲笑容會好啲。。仲有上菜好慢，平均每道菜等20分鐘，但又唔係full house ，又唔係法國菜。。埋單都叫左3次，等左成20分鐘。唔係趕時間都無咁燥。。7/10呢餐飯總結係滿意，但令我回想喺澳門貝隆既美好回憶，食物環境同呢度旗鼓相當(龍蝦湯比這裡更好 )但服務贏哂，而且價位低一點點。。搞到我好掛住嗰度～～ 香港的話，呢度可以一試～但不要期望過高…查看更多

同男朋友上兩個星期突然好想食放題，大x屋嗰d無訂枱一定入唔到，就中左過黎h8，因為多選擇。其實本身想去頂樓嗰間因為我食過覺得還可以，但男朋友話呢間裝修幾是正特別想試下，於是入左去。。。星期六8點幾都咁多空枱都覺得有問題。。果然。。。一黎嗌左啲剌身、熱食、燒物。唔知點解係熱野同燒物黎哂先。。個羊架係無味，完全無羊味無咸味，想點？只有陣雪味，我食左一啖無食仲有啲串燒老實講mk求其搵街邊檔都好食過佢清酒煮蜆得10粒8粒細細隻每隻肉都唔知有無個殼一半仲要有空殼，仲要只係微暖，大佬你叮都俾d誠意叮耐少少好無？ 到剌身黎左賣相正常，但一放落口，三文魚、呑拿魚、油甘魚未解哂凍，仲要係一樣味，個味叫「無味」。有無過份啲？連三文魚咁普通既野都可以無味！爭x嗰d好食過佢唔止10倍！都係$5件！個北寄貝，我未食過「淋」既北寄貝囉。。勁唔新鮮！嗰個口感好核突囉我要用水送。。。我未試過放題連第一round剌身都清唔哂。。太恐怖。。。我同男朋友已經邊食邊鬧，個牛肉雜菜煲d菜竟然係 唐 生 菜 ！係咪我見識少？定係因為間野本住中西合壁既旗號？個經理仲sell我地食個「滿粥」，話用蟹煲，係既，係有隻蟹仔，但好明顯係煲完先掉d烚左既蟹入去。。d粥係白粥落左味精既味，多謝哂。 食左咁多野，得個天婦羅叫做正常，係正常，唔係好食，個粉好厚，但都叫炸得脆既＝ ＝同埋用水沖既麵豉湯，我飲哂。。。  食到個人岀哂煙，諗住食杯雪糕平衡返，無野好講連雪糕都無！有無咁岩？？？ 埋單每人成240，我男朋友話攞$40食譚仔再俾$200 tips個感覺都好過喺度食啲咁既野。。我係覺得直頭跌左都唔想俾錢！我講既野句句事實，我食完先上黎睇D食評，見到有位會員講「一失足成千古恨」，非常同感亦好後悔唔係食之前睇…查看更多

o係附近做野既朋友講呢度幾抵食所以佢帶左我地幾個frd一齊上黎o係工廠區度,我第一次o係工廠大廈食飯lol我地食168蚊果隻~~好似話200幾蚊果隻會多4款私房菜其他大致上差唔多(?)去到地方唔大, 不過都坐滿感覺好似屋企party咁 哈哈講下食物先, 由於掛住食, 只係影左幾張相ja 出面放食物既地方唔多, 開頭仲諗點解咁少野食但原來每隔一陣就會轉款, 所以選擇好足夠想試新野一定要快快手普通野蟹腳就一定係buffet必食, 呢度d蟹腳同外面酒店buffet差唔多,有鮮味, (試過食d平價buffet d蟹腳又鹹又霉)呢度主打既牛肉都幾好, 原來係用黎打邊爐架我第一次邊打邊爐邊食buffet幾有牛味, 比普通肥牛好食其他邊爐料有幾款菜、丸類都正路, 冇特別但有蟹棒呀!! 正!! 食左勁多出面任食打邊爐都未必有蟹棒燒豬脾>w<仲有呢度d服務都幾殷勤, 時不時提我地有食物轉款, 同埋拎牛肉過黎又問d野岩唔岩食不過佢d刺身好遲先送黎, 雖然砌得好靚, 但我地已經勁飽但係d刺身都幾新鮮 如果下次可以一早就上刺身先就好啦! 希望可以留意一下!btw我見人地食2xx蚊果隻既牛肉雪花靚d. 仲有果d私房菜好似好好食咁..下次再試下先總睇黎講食物方面真係好唔錯, 地方就真係太細...裝修又無乜不過呢個價錢咁平算好好, 係會想有下次既! 希望可以KEEP到水準!…查看更多

見到呢度食評唔係幾好但我上次食過覺得好好食, 好想再去wor不過筷子的確唔明點解要用即棄型...扣左d分而且呢度呢度有d家庭式咁d櫈都係比較樸素, 唔似某d出名d既店.裝修hip d年輕d對某d人黎講都會扣分既~~但係上次我同男朋友食左個2人燒肉set$550, 包3碟肉, 一個石窩飯, 2枝啤酒, d肉可以任你配, 3碟都係牛都可以, 價錢一樣!原本都覺得有d貴, 但食落就覺得值仲有一坐低就送既9小碟碟碟都好好食, 特別係個薯仔~事隔3個月我都仲記得set分量岩岩好係2個人~~飽左d,大食dd既都應該ok最好食係d牛肋骨, 好香牛味, 脂肪平均五花腩雖然好肥, 但好爽好香口反而雞肉就普通, 雖然嫩滑但唔係新鮮雞雞味都真係差d早知叫多碟牛~~因為真係唔夠喉個飯好香好好食~~明明好飽都忍唔住食哂食完仲送生果~待應服務ok, 個老闆(貌似)態度ok, 但有dd趕住叫你快d落單咁個阿豬媽會自動自覺幫我地燒同埋睇火佢識廣東話架~~唔正囉, 幾搞笑anyway今次食得好開心,男朋友好滿意(佢不嬲都嘴叼)加埋一300蚊一個人有d貴~~但去新高麗苑食個韓燒放題連加一都要$19x仲要排勁耐隊有時俾多100蚊唔洗等食d靚d既肉, 都值架~~我仲諗住同frd去多次睇下其他食物係咪大家講到咁麻麻?!…查看更多

同bf揀左呢間慶祝我既生日因為之前有朋友食過話d生蠔好正咁睇到食評,又真係好似好好, 評分又咁高點知可能期望太大....試過之後未至於失望但係呢個價錢, 值得更加好既quality先講環境, 好少去呢頭, 黎到都打個突...竟然o係唐樓上面上到去...地方好細, 裝修ok, 燈光亦夠暗,可惜台同台之間比較窄, 人聲好嘈, 以500蚊一餐黎講...環境唔ok我地叫左3款蠔..係buy1 get 1 free,一款irish premium, coffin bay同埋法國蠔...忘記點串, 係fine de xxxx頭2款望到個樣都唔想食...勁瘦...新鮮度普通...味道,coffin bay呢度果d可以話係唔好食....法國果隻就ok...蠔味幾出, 海水味亦岩岩好大約160蚊有6隻....ok la...買一送一...可能質素差d掛但係以生蠔為主打既地方...真係有d失望囉... 之前去中環某餐廳...生蠔quality都比呢度好, 價錢又平dstarter叫左蘆筍焗大菌, ok, 幾juciy, 幾清, 但冇咩surprise湯叫左2個蠔湯, 同bf一致覺得好蠔, 飲得出係用d蠔打碎哂黎整d湯之前飲過munch果d, 都好好飲,但係唔同style~~主菜係人人都讚好既黑松露意大利飯 --- good! 好香, 食唔停, d飯有咬口,我好鐘意, bf 反而就話鐘意食軟身d既不過因為味濃,都幾滯...bf已經幫我食左1/3, 我食左2/3都已經好飽bf個主菜係鱸魚, 幾滑, 幾有魚味, 但都係冇咩驚喜叫左3杯house white, 唔好飲, 好酸, 酒味好淡, 印象好淡薄...飲完就會忘記佢既味道果d不過bf都飲左2杯=.="最後個甜品, 係心太軟, 插左個happy birthday 牌~ 但係我覺得如果可以再花d心思寫字上去就更好...以往試既餐廳大部分都有呢個service,呢度就冇...高級餐廳冇呢個service似乎有d...不過,個心太軟可以話係我試過最好食既...個流心超流<<haha! 真係好流!!!唔太甜...個蛋糕外脆內軟...真係第一次食到咁好食既心太軟, 正<3埋單$1005食物整體係好食, 但係唔會好食到要話"嘩!!真係好正!!", 除左個飯同埋心太軟…查看更多

同朋友們想試下未試過既鋪頭睇openrice見到呢間~~開頭都有d擔心~~因為好多食評都係得1篇..而且topic都好似...驚係打手不過擔心係多餘ge~話知係唔係打手, 總之好食就得結果係比想像中好好多~~有d驚喜首先刺身有成10款左右選擇,比一般百幾蚊既放題多有平時放題未必有得食既鯛魚同埋間八魚,仲要醋青魚等,鯛魚勁鮮甜~而且全部刺身都好好食. 3文魚次次都俾左腩位~ encore左好多次刺身甜蝦好多蝦子, 但係好麻煩~我同d朋友都比較懶~~haha,不過味道都係好好, 好鮮甜要數既係吞拿魚比較失色普通,個螺唔好食天婦羅做得幾好食~牛舌一致勁讚~encore左幾次~其中一次燒得100%岩岩好,正炸蠔好好食,岩岩好, 好juicy!另外雞翼都燒得好好食南瓜餅又好好食~差唔多所有食物都一份既份量都係2人份多人果陣唔怕叫左食唔哂, 可以share黎食有好有唔好壽司真係好一般,可以唔食唔好既係芝士年糕算係比較難食既一道@@d炒雜菜超超超超咸......服務普通, 拎生日蛋糕拎左20mins都未拎到出黎=.="同埋冇左鍋物...=[ 呢度似乎係刺身, 炸物,燒物做得最好,其他都係普通/麻麻埋單225蚊左右~~同金田價錢差唔多,但係好食過金田ok ge! 因為比平時既放題好食~ 大家都食唔停~~~之前鐘意去既中環吉壽而家質素差左, 又要178蚊, 又坐得唔舒服~~…查看更多

本來我想俾差評,但又覺得唔係差到咁, 其實全部都唔係大問題,加埋一齊就覺得係問題囉...先講缺點:完全唔似居酒屋,d野太整齊,太光猛,侍應唔親切,無表情,冇居酒屋果種將d menu寫o係黑板 g/牆呀, 音樂大聲d呀既感覺價錢又偏貴,食物同價格相比只係一般,份量好少,上菜慢入到去成間鋪得2,3台人,超靜,要靜就唔揀居酒屋la本身去居酒屋就係希望有果種親切感, 好熱鬧, 老闆招呼好好先係架ma,不過黎到都算,咪試下囉成間野既感覺就係唔上唔落,裝修,服務係一個問題,懶係有格調但絕對去唔到高級個level刺身 3文魚---28蚊得2塊中等size,質素其實係唔錯, 但唔係話"叮"一聲囉~ 唔會話食完好想再食多d, 有d貴油甘魚---38蚊2塊,仲切得唔係好厚添,普普通通, 算新鮮ge3文魚子sushi ---34蚊一件, 叫左2件,我食之前好驚如果同連鎖店出品一樣既話,我真係嬲呀好在係好好食,但有d貴囉..我一啖食左34蚊.. 燒大蝦--- 88蚊隻,價錢ok, bf話個好好食,因為好大隻,而且bf話堅係好食,好多膏清酒煮蜆--- 唔記得幾錢,d 蜆肉好細粒, 唔肥, 個湯係唔錯, 清甜, 份量比較少, 湯入面d昆布好食燒牛舌,五花腩,煙肉鵪鶉蛋 -- 好似30幾蚊串, 一般居酒屋既質素,ok ge, 牛舌太鹹3文魚飯團 -- 22蚊, 勁嬲呀呢個, 個size得5x5 cm(都唔知有冇)咁大架ja...真係tiny 到... 仲要唔知點解切開左一半...係咪我唔識野呢?!?!, 味道?我同bf一人一半...太細件...食唔出=.= 飯ok..微微飯焦...煙韌, 3文魚勁少,都係果句...太細舊,食唔出吞拿魚腩卷---因為我見佢地個toro 刺身168蚊2件, 我怕唔好食就徙左錢,於是叫左呢個,68蚊, 6小件(2x2cm), 即係10蚊件可能真係太細件, d toro又係琢蓉左ge, sorry我真係食唔出...我只係食到有d唔知咩蓉o係入面,我食唔到toro味,even食唔到魚味我同bf已經好慢慢咁等d toro蓉 o係個口度化開,但真係太少=.=佢化得黎我已經未趕得切食到咩味..d壽司飯味仲勁過佢呢餐係食唔飽,但已經冇心機再食, 嬲呀! 後悔冇去對面既八王子,早知唔試新野,我有寫食評架~埋單約500蚊!…查看更多