ukulili的个人专页

是日為平日下午三時許, 在外面等了約十五分鐘終於可以堂食了. 近來人氣急升的日本雪糕店, 我也趁有空來試試. 隨即叫了綠茶雪糕餡蜜, 怎料到.... 原來雪糕是這麼少的, 都怪自己不看清楚大小......小到, 我可以一啖吃掉. 味道, 真的還未嚐到已經差不多食完了. 總體應該有濃濃的綠茶味, 滑滑的, 但實在是份量太少!!!至於餡蜜, 不大欣賞, 啫喱般的東西沒有味道. 只有小橘子是比較好味.看著對面叫了為典型的雪糕筒, 雪糕大小比我大3倍......好後悔我叫了這個.......…查看更多

想食台灣野食~ 除了人人都會去的咖啡弄外, 這一間可算是另外一個選擇. 晚上6點到, 等了約25分鐘就可以入去食, 仲要無指定時間任坐唔嬲, 太好了!叫了紅燒牛肉麵, 黑蒜白肉, 古早味三杯雞, 還有綜合水果茶及熱水果花茶.紅燒牛肉麵, 麵很爽同彈, 兼且牛肉味湯底好濃, 令到麵都好滋味. 牛肉不老, 一絲一絲的全舊也食得.黑蒜白肉, 每一塊白肉上面都有充足的黑蒜, 配合白肉, 肉汁鎖住在口裡, 跟黑蒜一齊, 可謂最佳配搭.而古早味三杯雞, 原來有飯跟的, 食出一點甜味, 跟飯一起很快就食完~至於飲品, 熱水果花茶是可以添飲的~ 很好! 吃著這麼多好東西, 配上熱的水果花茶感覺真的好爽.吃到七七八八就叫了最矚目的甜品: 芒果香草蜜糖磚塊, 因為都要等半小時才有.嘩, 見到都覺得興奮! 果然無介紹錯! 內裡的蜜糖磚塊, 沾上芒果雪糕及cream, 一冷一熱一脆, 口裡面同時間容納幾種感覺可說是強勁! 仲有小棉花粒令整個甜品一路食一路唔想比佢停! 真係要一讚!另外服務員都OK~ 又不會趕我們走, 出到去仲有人排緊!!!下次再黎重溫一下!…查看更多

我的好友為我預備的生日飯～ 當天天氣又凍又濕，故餐廰裡只有小貓兩三隻。晚上8點到，隨即叫東西。叫了好多東東吃﹣ 燻黃金蛋， 溏心皮蛋鮭魚鬆豆腐, 蕃茄豬肉水餃, 谷媽沙律, 台式香腸, 糖醋魚，雞煨麵. 擔擔麵。基本上，正常飯一頓，要講特別既， 都有兩三樣。個燻黃金蛋， 好香，好滋味，洒上去既粉看似多， 但食落同隻蛋又夾得好好。暖暖地既流心蛋加上帶點糊椒既燻味， 一流～ 之後要數既係溏心皮蛋鮭魚鬆豆腐， 唔係好滑但有豆味， D汁個味好特別，仲有皮蛋伴碟，加埋一齊即刻唔同SAI。最後要講就係雞煨麵, 湯清得黎甜，食落D麵就一路繼續想食～埋單每位103，都OK既，可以一試。…查看更多

學完野好肚餓, 去左starbuck飲咖啡, 但D cake貴, 無啦啦想食蛋撻, 於是係太子亂行. 行行下見到有間餅舖, 出面貼左好多雜誌, 好似好勁咁. 再睇睇, 蛋撻要4.5一個? 好貴. 但見雜誌話菠蘿油同西多士出名, 又突然好耐無食菠蘿油, 就叫左個. 原來都幾多人等出爐, 於是趁人叫, 我又叫.熱哄哄的菠蘿油, 外皮完全同平時食既菠蘿包唔同. 係爭十皮, 呢個好有層次感, 塊外脆皮睇落有1cm厚, 聞落去好有蛋香味, 食落去好脆, 雖然厚, 但咬落去口感好好, 一咬就鬆, 好香既蛋味就係口裡面徘徊, 錯中複雜, 只有自己咬落去先知係咩一回事.至於裡面既油, 食落又唔覺好油, 同個包好融入咁, 完全無肥膩感覺, 反而油好似唔係好夠, 食到最後無sai 油.嘩, 呢個咁豐富既菠蘿油可以令人諗好多野.n 食下食下, 買包既人成條人龍出左黎, 果然名不虛傳!…查看更多

再次來臨這裡吃, 上一次跟友人SHARE了一個, 今次就自己獨食威化杯~ 除左有綠茶牛奶雪糕外, 仲有大大粒丸子同紅豆.綠茶和牛奶依然係濃濃的味道, 質感無論咬或LAM都是很好. 雪糕仍然是滑滑的.正~ 加上大大丸子, IN UN~ 不過真係幾大粒, 細粒番少少會好D, 而溫度若果同雪糕再相似一D又會好D. 而家係溫室度數. 仲有紅豆蓉~ 同綠茶果然是絕配~…查看更多

從來都無諗過海防道街市裡面有得食, 每一次都係係勁多人既海防道度行. 行完山, 搭車黎到尖沙咀, 友人說呢間好出名. 於是3點幾未食午餐, 一大班人衝黎食.叫左一陣, 好快一碗一碗既牛丸麵/河就來到. 單拼有5粒牛丸, 雙拼就只會有2粒, 於是個個都叫單拼. 但一碗的SIZE好少, 好快就食完, 唔夠飽肚.講番牛丸, 彈力十足, 由咬個下已經知道. 味道很好, 肉質同感覺都豐富. 但價錢貴左少少啦.…查看更多

係德福食完晚餐, 就黎呢邊睇下有咩甜品食, 於是就行呢到, 見到人都幾多下, 就坐低.D甜品價錢都OK, 我叫左龍珠2世, 朋友叫左雪中花但我要左綠茶雪糕, 所以整體賣相顏色不討好, 芒果汁有D大冰係度, 唔係幾好. 至於D珠珠, 都爽, 綠茶雪糕都O, 係D糖水爭D, 有點人工FEEL.至於朋友既, 賣相好好多, 椰汁底, 勁甜, 鐘意甜的朋友可以試試, 條條粉狀的都幾QQ評價是可以一試~~~ …查看更多

與友人相聚, 好久沒有食中國東西, 所以來這.兩個人只是叫了小籠包及水煮牛肉拉麵小籠包內裡的汁尚可, 不是多到要爆, 肉若果再大一點會好D, 味道OK, 整體不俗而水煮牛肉拉麵, 已經叫了小辣, 但仍是勁麻辣, 野味是野味, 但其實可以無咁辣, 但仍然蓋不過牛肉的味道, 口感OK,但當然價錢呢度並不是大眾化吧, 下次還是揀番D平D 的 …查看更多

友人晚上想食西餐, 於是搜尋一下灣仔, 見呢間人稱街坊價食扒的地方, 就來這裡吃一下.叫了鴨胸龍脷天使麵同牛扒配雞扒.首先講餐湯, 呢度有五款餐湯揀, 都好多選擇, 我選了平時無咩飲既周打魚湯. 不過不失, 但個包好鬆軟, 一MIT手感同口感都好好.然後就係天使麵. 鴨胸咸左小小, 但份量足夠. 龍脷比較好味, 而整體汁係多左D, 所以有小小水的感覺, 但天使麵都煮得OK.而牛扒配雞扒, 牛扒好好, 我要七成熟, 肉好腍, 一切都已經切到, 無筋, 全塊肉, 味道很好.仲有甜品食, 吃了布甸加鍊奶. 布甸硬度適中, 可以用匙一下一下咁切出來吃. 溫度唔會太凍, 放入口中剛剛好.果然是街坊至愛的食扒地方~…查看更多

是日在這附近開會, 即刻搜尋附近美食, 就找到這裡. 由於已1 點, 所以唔係好多人.午市套餐可以揀一款麵, 仲有1-3款點心. 我地三人揀了三款點心而麵3款湯底同麵都揀左. 我揀左黑高湯葛粉絲, 好濃既牛腩味, 仲有佢話既羅漢果, 真係好中藥FEEL, 感覺好健康. 而葛粉絲, 少少似紅薯粉, 但無咁粗同靭.而點心, 我地揀左豬頸肉, 墨魚丸同溏心蛋. 豬頸肉太油我覺得, 墨魚丸幾好, 裡面有少少WASABI, 炸得唔錯, 而溏心蛋, 蛋黃liquid得黎硬硬地, 味道唔錯.試左同事湯底, 兩個都幾好, 睇下你想要咩, 清既我建議大高湯雞湯, 飲落去真係好似食緊雞絲咁. …查看更多

去觀塘HEA, 經過海濱花園後, 見openrice話呢間隱世米綫幾好味, 就黎試下~本以為係街度, 唔會有幾隱, 點知原來係廣場裡面, 仲要係勁隔SIP.終於轉左幾個彎, 係一條行仔見到佢. 見人人食緊好大碗麵, 以為係大碗, 點知呢碗係細. 嘩, 羊可以揀帶皮同淨瘦揀, 未試過當然兩款都各一半~一來~ 真係好大碗(個碗), 試啖湯- 清, 有少少羊味, 幾好. 米線, 同X仔差唔多, 唔太LUM, 質感OK.至於重頭戲羊羊, 夠LUM, 帶皮同淨瘦各有特色. 但個人認為味若果可以再濃D會更加好, 因為食到好’掛’, 羊唔夠羶, 唔夠入味, 湯又清, 結果就無咩味.但湯唔好講笑, 竟然食完半個鐘仲有味係個口徘徊!至於份量, 其實好少, 咁大食既我, 覺得唔夠飽……查看更多

友人想來大坑食, 於是佢揀左呢間拉麵店. 去到20:00等左一陣子就有位了, 空間不多, 但感覺舒服, 看看牆上的裝飾, 別緻, 日本FEEL出SAI來, 但D玩具看起來好像有D霉. 看看餐牌, 有金木水火土, 土再分4款拉麵. 選擇好多, 隨意開OPENRICE睇相, 見到某幾張一樣, 都叫了黑蒜油豚骨湯麵, 於是叫了呢個.麵選了普通, 因為唔知軟同硬會去到幾軟同硬.來了, 一聞已聞到蒜的味道, 試試湯底, 果然不同凡響! 咸得來味濃, 總以為黑色就會好咸, 但呢個唔會, 飲過番尋味.拉麵同平時食開唔同粗度, 呢款幼d. 彈力小d. 至於個豚肉, 口感不俗, 嫩同lum, 但味道若果再豚味d會好d.湯底真係碗麵的靈魂~ 好!…查看更多

下午5:30都有早餐食, 神奇~ 叫了友人推介的蕃茄湯底通粉, 配煎蛋同煙肉.蕃茄湯味濃, 料多, 好多紅蘿蔔仲有洋葱. 通粉煮得岩岩好, 唔會太腍.至於煙肉, 咸左小小, 同埋縮左水咁. 煎蛋就好味, 蛋黃一拮慢慢留出來~ 但溫度可以熱番少少.熱奶茶, 唔落糖都己經OK~ 唔太GIP, 尚可~…查看更多

與友人食晚飯, 友人七點到, 還有位子, 過了一陣越來越多人~兩個人叫了豚肉生薑燒丼同咖喱吉列豚肉芝士卷飯, 加15同25蚊要了一份沙律及甜品.沙律豚肉生薑燒丼:有d乾, 加上飯一齊食, 其實都好’掛’, 無咩汁, 又無咩油, 所以整體就係麻麻.咖喱吉列豚肉芝士卷飯呢個好好味, 脆脆的豬扒裡面充滿住芝士, 配上咖喱, 濕度適中, 口感好好~ 誠意推介至於甜品, 我地叫左宇治金時, 雪糕如果可以多d會好d, 因為食到下面淨番d脆脆縠物會好乾同唔係好想食落去. 味道ok, 可以再濃d綠茶同牛奶味~…查看更多

 跟朋友farewell, 選址這裡~ 環境舒適~ 樓上舖雖然難找, 12:30到上到人還未多, 往後人潮卻一浪接一浪~四個人叫了忌廉汁蘑菇腸螺絲粉,香蒜銀魚柳蕃茄乾意大利麵仲有日本小南瓜薄脆PIZZA前湯先講螺絲粉, 白汁唔會太濕, 味道剛剛好, 唔會食到漏. 好味. 至於意大利麵, 味好鮮, 同螺絲粉係一個好好的配搭. 好有蕃茄同少許蒜味, 所以食完很refresh.再黎就係PIZZA, 個餅底好脆, 南瓜味唔係好突出, 但口感很好, 有D芝士味, 熱LALA咁好滋味.食完唔夠喉, 於是叫左新出既野莓窩夫伴雪糕全份, 4個人一人一件岩岩好! 窩夫好厚, 唔似其他café個D薄得來無口感, 呢個厚得來外面少少脆, 所以咬落去個下感覺到脆之後就係內裡LUM LUM既質感, 加上雪糕, 凍得來裡面又熱哄哄, 好滿足!餐飲叫了latte, 工整的花, 飲落去好舒服, 奶滑味濃, 作為完結一餐一個係好好的選擇!…查看更多