fattyanimal的个人专页

冇得去旅行，勁掛住台灣同台式火鍋同小食，所以搵左呢間餐廳試。一入餐廳聞到陣似臭豆腐嘅臭味，就知道呢間餐廳有料到。叫左個必試嘅招牌臭臭鍋，湯底揀左少辣，酸辣度啱啱好適合香港人。煮開後，臭豆腐、鴨血同蜆索曬湯底嘅味，正。佢嘅脆皮肥腸同花枝丸炸得外脆內軟，加埋個酸辣醬，平衡肥腸嘅油膩感，食前停唔到口。另外仲叫左鹽酥雞扒滷肉飯都唔錯，尤其係鹽酥雞，炸得好鬆脆，入面juicy。個人好怕好粉好咸嘅鹽酥雞，但呢度好有驚喜，未到調得啱啱好！再配埋個芝芝梅梅，酸酸甜甜，balance番香濃嘅臭臭鍋。…查看更多

由於餐點好細，通常都係買外賣唔洗等咁耐。但堂食嘅好處係湯同飲品都任添，而且都好高質，唔係現成野！紫菜卷蛋醬煮豆腐粒甘筍沾醬螺絲粉除左果片橙令成個餐的氣味不討好外，其餘嘅食材都好好味，甘筍沾醬意外地同螺絲粉夾，豆腐亦好入味，食完都覺得自己健康曬！…查看更多

星期日去咗愉景新城覓食，喺Cherry食咗兩樣嘢都冇令我失望。個人一向比較鍾意有日式風格嘅西餐，佢嘅葡萄酒煮大蜆意粉絕對冇令我失望！濃濃嘅蒜香配上葡萄再加上少少嘅辣味令成碟菜加分，以佢嘅大顯亦都好大隻好多肉！另外亦要左佢嘅芥末籽醬六安士牛肉芝士漢堡餐，佢嘅包係用牛油烘過嘅芝麻麵包，很趣很香，而芥末只亦令醬汁味道更豐富。牛肉亦很足料，但稍有點兒乾。值得一讚嘅係佢嘅粗切炸薯條，外面好脆，而裏面好起粉，非常好味！不過餐廳嘅服務方面略待改進，店員態度不太友善，而且服務效率低，建議餐廳增加人手。…查看更多

難得放工來灣仔覓食，想試吓呢區嘅小店，於是揀咗新記。望吓牆上嘅星級推介餐牌，冇一樣食物係超過$55 ，對於想慳錢嘅打工仔來講，絕對係一個天堂。由於係冒着佢嘅芝士撈公仔麵而來，當然要試吓啦！揀咗芝士汁豬頸肉撈公仔麵，芝士汁極多，幾乎好似湯咁浸住d麵，相信芝士迷絕對會鍾意。但因為最近想食清淡啲，對我來講，咁多芝士絕對有點兒負擔，最後食唔晒。另外亦叫咗一碟炭燒豬頸肉煎蛋飯，豬頸肉燒得好爽口，配上留心嘅太陽蛋同事甜豉油汁，非常適合送飯，好快就食晒成碟，加埋個凍檸茶，一個字爽！唔係芝士迷嘅朋友，可以試吓佢嘅碳燒豬頸肉系列！…查看更多

因為附近嘅餐廳啲隊都好爆，見函館冇乜人排隊，所以揀咗食函館。由於唔想太漏，所以揀咗鹽味拉麵。個湯底除咗鹹味同油，就冇其他可以形容，面底十分普通，唔夠硬身。最後$90 埋單但成碗面得一塊叉燒，一啲都唔抵！…查看更多

由於附近一帶好食嘅餐廳選擇唔多，而且好多餐廳都要排好耐隊，基本上25係我同同事嘅食堂。必食大千雞飯個汁完全係成個飯嘅靈魂，酒味適中帶點甜，小小嘅辣味好惹味。個人喜歡嘅程度可以只用汁撈飯來食！而且配有少少菜，更加健康。炸豬扒昆布菠菜烏冬豬扒炸得很脆，一啲都唔厚粉，非常香口，如果可以加啲蛋黃醬就更加加分！由於個湯加咗昆布，鮮味亦有所提升，烏冬煮得剛剛好， 十分彈牙。紅酒汁牛柳粒飯牛柳粒煎得外脆內淋，但略嫌汁太多。…查看更多

整體食物質素過得去，但略嫌份量太少，適合想試多種類但食量唔大嘅朋友。豬肉船金邊粉（港式）-$42佢嘅粉面大部份都有分港式份量同泰式份量，港式份量比較大，但都比出面普遍嘅泰國餐廳份量少，而泰式份量就更少，比較似屋企嘅飯碗大小，所以叫嘅時候可以因應自己嘅食量去選擇。呢個豬肉選金邊粉係佢嘅店舖推介，湯底味道好足，而佢嘅金邊粉口感好煙銀，不錯。另外，每張枱都會放有唔同嘅泰式調味料，客人可以根據自己嘅口味去添加，值得一讚！泰式扎肉雞絲金邊粉（泰地道）-$28味道不過不失，冇特別，但唔難食。雞串燒 -$42個沙嗲汁幾好味，但上菜時已經淋上，個人比較鍾意因應自己喜好去點合適嘅份量。另外，雖然佢一份有兩串，但都有點貴，因為計全本身冇乜特別，而且份量好少。泰辣魷魚 -$52店舖有十級的辣同普通辣兩個版本，叫了普通辣，但都唔太頂得住。除咗辣，整個菜就冇咩其他特色，而且份量少，只有幾條魷魚腳，而且配菜多個魷魚， $52有點不值。椰青 -$32幾甜但又係細到兩啖飲晒。…查看更多

之前路過，一直覺得係啲好行嘅西餐廳，今日一試，完全瓦解之前嘅印象，整體質素令我十分驚喜。兩個人來食，每人分別叫咗一個套餐，基本上對所有食物都好滿意。頭盤一：雜菌忌廉湯成個湯煮得好濃郁，菇味亦好出，最點睛係果塊看到好脆嘅薄麵包，點完個湯再食， 完全索晒啲湯嘅香味！ 頭盤二：巴馬火腿溫泉蛋配黑松露筍沙律個筍煎得剛剛好，唔太生又未熟到出水， 十分爽口，配埋火腿同蛋汁，非常夾！主菜一：燒美國安格斯眼扒配薯泥（極推！）首先個肉眼扒十分厚身，目測有1.5吋，叫了五成熟，外層鎖住入面啲肉汁，裏面雖然生，但切落去嘅時候，完全冇 bit晒啲肉汁同血水出嚟，可見resting time好足夠。配上gravy sauce 同basil oil sauce都各有特色， 十分好味！另外，個黑松露薯泥好滑，黑松露嘅香味亦很濃郁，高質！主菜二：香炒新鮮蜆仔配墨汁青檸扁意粉值得一讚嘅位係廚師有將貶意粉剪短，令食嘅時候唔會將墨汁彈到周圍係，加上啲汁收得剛剛好，唔會水汪汪，控制得剛剛好！而且蜆仔炒嘅時候加咗酒，令蜆仔嘅鮮味昇華。甜品一：意式奶凍奶味好濃，口感好滑， 加上一層薄薄嘅朱古力，更能帶出奶凍嘅香味。甜品二：tiramisu味道同口感都好rich，配上士多啤梨同藍莓，減低整個甜品嘅漏度！…查看更多

唔係有住喺附近嘅朋友介紹，都唔知道坑口村附近原來有咁多嘢食，而隱居就係當中嘅高質之選。門前裝修十分低調，好底有和式料理嘅風格。由於當日係平日，店內人唔算多，所以十分恬靜，而且環境很衛生，非常適合適合拍拖或朋友聚會。另外，店員態度親切，上菜節奏明快，而且服務細心，令成餐飯嘅感覺加分。進入主題講下啲食物質素，成餐飯兩個人一共叫咗十二道菜，當中好多都好有水!首推鹽燒牛舌心串，個人一向有啲d怕食牛舌，因為好意會有蘇味同un，但呢度用嘅係牛舌心，而且燒得啱啱好，外脆內軟，好值得encore。($48)佢個味噌甲羅焼不但賣相精緻，味道亦都很豐富。喺足料嘅蟹膏上加上生嘅鶉春蛋，令蟹膏嘅口感更滑，另外仲加咗明太子，將整個甲羅焼嘅鮮味帶到另一個層次。（$88）燒明太子山藥棒棒糖都好有驚喜，山藥嘅口感好爽脆，明太子亦有點綴味道嘅效果，相輔相成。($38)另外，佢嘅甘露帆立貝焼亦相當不錯，帆立貝十分新鮮，豆腐炸得剛剛好，外脆內糖心，加上松露後整個菜嘅味完全昇華。（$68）…查看更多

有一排冇來republic,轉左新餐牌有好多野都好想試。首推：新豬肉豆腐飯新豬肉係齋肉，像真度極高，配上麻婆豆腐嘅辣味十分惹味。有一排冇來republic,轉左新餐牌有好多野都好想試。西餐嘅選擇亦十分豐富，有兩款包類揀，份量亦很足，材料非常豐富。而闊條麵亦唔錯，幾有𡁻口。不過新豬肉咖哩肉餅飯肉餅太燶，味道太咸，有待改善。…查看更多

星期日放假，想同男朋友歎番個悠閒嘅午餐。路過呢間餐廳好多次，終於可以試到！餐廳裝潢幾有風格，附近嘅本地同外國客人都係咁影相，誇張到我食左一半都仲影緊！但可惜座位編排得太緊密，有d逼，又咁啱我坐喺轉角位，侍應每次行過都撞到我一下而又冇say sorry...回歸正題，呢度嘅食物質素不錯，選擇充足。鍾意食牛而又有要求嘅朋友可以直接到雪櫃揀牛扒，然後佢地會按你要求煮。價錢因重量同部位而異。最後揀左牛肉漢堡同雞蛋波菜牛扒。牛肉漢堡幾多肉汁，薯條係極粗切，炸得啱啱好，個芯好粉軟！而雞蛋波菜牛扒就略嫌d波菜太水汪汪，比較遜色。另外餐廳內仲有超市，都係來佬野，d日用品好吸引下，下次再試！…查看更多