影片
更多
2019-03-26
1388 浏览
星期日放假，想同男朋友歎番個悠閒嘅午餐。路過呢間餐廳好多次，終於可以試到！餐廳裝潢幾有風格，附近嘅本地同外國客人都係咁影相，誇張到我食左一半都仲影緊！但可惜座位編排得太緊密，有d逼，又咁啱我坐喺轉角位，侍應每次行過都撞到我一下而又冇say sorry...回歸正題，呢度嘅食物質素不錯，選擇充足。鍾意食牛而又有要求嘅朋友可以直接到雪櫃揀牛扒，然後佢地會按你要求煮。價錢因重量同部位而異。最後揀左牛肉漢堡同雞蛋波菜牛扒。牛肉漢堡幾多肉汁，薯條係極粗切，炸得啱啱好，個芯好粉軟！而雞蛋波菜牛扒就略嫌d波菜太水汪汪，比較遜色。另外餐廳內仲有超市，都係來佬野，d日用品好吸引下，下次再試！
餐廳裝潢幾有風格，附近嘅本地同外國客人都係咁影相，誇張到我食左一半都仲影緊！但可惜座位編排得太緊密，有d逼，又咁啱我坐喺轉角位，侍應每次行過都撞到我一下而又冇say sorry...
回歸正題，呢度嘅食物質素不錯，選擇充足。鍾意食牛而又有要求嘅朋友可以直接到雪櫃揀牛扒，然後佢地會按你要求煮。價錢因重量同部位而異。
最後揀左牛肉漢堡同雞蛋波菜牛扒。牛肉漢堡幾多肉汁，薯條係極粗切，炸得啱啱好，個芯好粉軟！
而雞蛋波菜牛扒就略嫌d波菜太水汪汪，比較遜色。
另外餐廳內仲有超市，都係來佬野，d日用品好吸引下，下次再試！
张贴
