Vgo_CY_L's Profile

作為一個時不時會喺四川重慶做嘢嘅人，本身就對個邊嘅食物好有興趣叫咗有啲研究， 講真香港要食到正宗嘅重慶川味嘅舖頭，呢間係其中一間， 雖然價錢略高少少，但係我覺得係物有所值嘅~ 次次來都係食佢個麵，重慶麵整到個日本拉麵咁~就真係冇得頂嘅， 好正宗嘅重慶味，今次同gf 就索性來試佢個缽缽雞，四川仲有個名係叫冷鍋， 點解叫冷鍋？因為唔係畀火熱住咁出㗎嘛； 佢二人份嘅缽缽雞係有60串~ 菜加肉各30串， 因為我哋都鍾意食麻，所以我哋叫咗藤椒口味~上到嚟望落都幾壯觀咖~60串， 靚仔叫我哋浸多三分鐘先開始食， 其實我哋食完碗麵都已經唔止三分鐘， 始終係喺香港食~食嘅材料同四川嗰邊係有分別嘅， 起碼唔會喺四川食嘅材料係唔會有蝦仁~ 甚至有菜心， 但係佢個湯汁係非常之濃郁~亦正宗， 個麻度好刺激 ﹐所以係食得好爽， 因為佢個汁做到好濃所以浸落去嘅串串都非常之入味~雖然食完食到個嘴麻到震曬，但係正宗口味對我來講都覺得呢一間係不二之選， 尤其係呢一年因為疫情關係完全過唔到去四川食~頂到癮呀~…Read More

因為見到有幾個朋友嘅社交平台post咗呢一間餐廳，好似唔錯又幾得意，好奇心嚟啦； 同個朋友夾時間淨係得lunch time可以， 咁就打電話book lunch time 嚟食， 睇google map搵咗一下…係一間樓上舖， 入去食飯要先join member﹐ 食飯時間有個半鐘~唔係夾兩輪嗰隻~非常之好， 仲要好彩地安排坐到窗邊位， Time Square 景，橋上面嘅車喺度塞， 我就好舒服喺度食飯， 有啲唔好意思又有啲心涼~ 由裝修套餐具甚至menu 都好有搞怪feel﹐ 淨係影個餐牌啲名都可以呃下like﹐ 兩條友第一次嚟保守少少， 兩杯嘢飲~ 朋友就叫咗個牛油果沙冰， 我就叫咗個黃金阿婆塊皮~ 睇英文就知係蘋果沙冰， 就係個名就已經有吸引力， 墨魚汁risotto 再加個 brunch﹐見到有個甜品 kik嘅心情？ 其實應該就係是日甜品， 問返靚女佢話今日係 cream brûlèe 芝士蛋糕~ok喎又試下~ 兩杯飲品最先上， 係新鮮嘅果蔬味，最正係冇加糖，所以味道好似淡啲但係就好fresh嘅水果感覺~ 啱我， 跟住上墨魚汁risotto﹐ 佢有魷魚粒喺入面都有墨魚丸炸嘅， risotto加咗芝士所以拔起嘅時候會睇到一絲絲， 墨魚汁味好濃~足料， 我就嫌佢有少少鹹蛋~朋友話齋落墨魚汁肯定係會鹹啲㗎啦，其實總體味道係鮮味~Brunch就好似一個set咁， 一塊肩胛肉眼~ 一個蕎麥麵仲有沙律，真心就咁望落個肩胛肉眼好似麻麻哋， 食落牛肉味唔錯~好鮮嫩， 而且已經切好~比較啱我哋兩個 share來食， 咁當然如果女士個口細個少少~佢都有把刀 嘅最後嗰位靚女kiki嘅心情終於上來， 絕對還原咗cream brûlèe 味道嘅cheesecake﹐ 冇整到個cheese cake好硬~ 口感啱啱好， 作為一個唔係好鍾意食甜品嘅我都覺得佢做得唔錯~最後埋單兩個人四百幾蚊， 普通價錢唔平都唔算貴； 講番嗰個墨魚汁risotto﹐ 其實佢個名係叫做~炒你魷魚墨汁燉飯， 不過我哋兩個人都已經有走佬嘅打算， 又唔係好mind~…Read More

無意中發現嘅一間好好味小籠包， 利奧坊講真平時喺大角咀食嘢都唔會行過嚟呢度， 呢個樓盤商場都算冷清，事源咁啱有人送咗張30蚊嘅coupon 所以就嚟試下搵嘢食，試咗慶記結果一來再來… 主力都係講下食物，我首推一定係小籠包，皮薄晶瑩剔透~肉餡鮮味~上海嘅味道； 第二推係胡椒包， 呢個菜比較得意，因為餐廳用QR上網落單， 但係佢網上入面係永遠點唔到呢個菜， 必需要口頭 order~起碼我兩次來都係咁樣，佢個包皮酥香胡椒味啱啱好，唔算好刺激，配埋肉香好融合； 佢嘅醉雞卷都唔錯，口水汁比較野味， 雖然唔算特別出色，但係都可以一食再食； 佢嘅餃子有兩種一個係傳統嘅菜肉餃~普通， 另外一個係魚肉餃即係百花餃，呢個比較好食， 試兩個餃意外發現有一樣嘢好好食~就係佢個蘿蔔， 冇揸好淋燴到入曬味~lunch食咗個豬扒就真係頹咗啲，肉鬆粉味比較明顯， 不過就好厚肉~ ; 另外一個有一個流心叉燒包，呢個偏普通咗啲同埋偏鹹咗少少…如果以後再入大角咀食嘢我諗我真係會特登入嚟淨係食一籠小籠包… 但我係咪應該畀啲機會利奧坊其他嘅餐廳？…Read More

話明係感謝祭就梗係搵好鍾意香港嘅舖頭幫襯啦，呢間傳統店舖其實我住觀塘咁耐我都未來食過， 所以就成機同阿媽嚟試下~七點鐘到都已經要等位，唔使一陣已經有條細細嘅隊，不過都唔算好耐就可以入去坐低 ,其實我見好多話佢川菜唔錯，但係我哋一心想嚟食上海菜，傳統少少~小籠包 醉雞 酸辣湯 上海粗炒 ﹔上菜速度都幾快， 酸辣湯整得唔錯傳統正路嘅上海酸辣湯味道，但係我就覺得就酸咗少少，不過就好開胃，醉雞嘅花雕味非常之香~肉實，而且睇得出係原隻雞開骨出嚟，唔係淨係用雞髀肉hea整， 上海粗炒對於我嚟講係一個驚喜地好食， 仲唔係食完一碟油，小籠包一出師父叫我哋盡快趁熱食， 小籠包嘅皮比較厚少少~少少失望，因為我鍾意食好薄皮嘅，但係一咬入去爆湯同埋餡嘅味道就令我非常之驚喜，肉有肉嘅鮮味， 調味偏向無錫嘅風味~甜甜哋~好好食~鋪入面有 "好鍾意香港嘅陳設"﹐ 埋單二百幾蚊冇加一~都幾抵食~…Read More

去食完pizza行到過西環想食糖水，本來想去嗰間老字號， 但係朋友又話而家唔多好食，出大街望下發現咗呢間 糖水舖， 幾好吖唔使check都知道係好鍾意香港嘅~ 入去係一位後生姐姐做招呼，望下餐牌~ 有樣嘢叫"是但啦 whatever"﹐ 我係一個好有冒險精神嘅人決定就佢，朋友就保險少少要咗個栗子露， 最先上嘅朋友個栗子露，望落嘅成色都唔錯； 我個是但啦都唔多是但，因為都等有少少時間先上，造型非常之出色， 底係益力多沙冰再配椰果+芒果爆珠，仲有應該係oreo雪糕m 味道好夾，椰果個啲冇用糖水浸到好甜， 所以食完都唔會好膩；試過朋友嗰個栗子露~雖然一啖咁大把，但係食到非常之真材實料，栗子味好香濃， 唔會太甜，搞到我都想打包一碗走~埋單嘅時候問過姐姐究竟個是但啦係咪隨機，佢話係仲要睇下係邊個做， BTW唯一美中不足就係姐姐可能做得太攰，面口有啲黑……Read More

唔知大家對crêpe有咩概念，但係我好細個接觸嘅crêpe就係呢一個style…話說我對呢一樣食品唔算太偏好， 但係為博紅顏一笑， 梗係要來朝聖一下啦，而且喺香港其實都唔算太多地方有得食， 地點好方便喺k11﹐ 嚟到都要探熱先可以入menu…都要稍等咗一陣， 睇menu我都係決定要一個鹹嘅有肉嘅， 咁另外再叫咗個甜嘅啱晒隔離個個~乜嘢都試下， 大家今日都未飲咖啡…所以都係要杯咖啡； 有少少快餐店嘅style~畀完錢會畀一個pager~ 震就拎得…我叫嗰個鹹嘅crêpe係 French Onion Alcase~ 係好傳統嘅法式味道， 法國洋蔥湯我諗好多人都飲過， 呢一個都秉承咗呢個傳統嘅味道， 再加埋煙肉嘅香味同洋蔥相得益彰，唔會太膩又唔會太刺激~甜嘅crêpe係 Cafe Gourmand 睇名都知係屬於法系甜品味道crêpe﹐ 當然就唔少得蛋糕啦，佢用咗黑朱古力配冧酒汁同埋espresso嘅cream cheese ﹐真係一個crêpe 包含曬成份Cafe Gourmand~原本諗住2份crêpe唔夠飽再叫order或再出去食少少嘢，但係發覺食完都已經好滿足 ﹐而且食物質素唔錯仲要令隔離嗰個滿意就已經100分啦~…Read More

呢餐食咗$10xx貴~但值得…疫下限聚令放寬後第一次打邊爐，就被女朋友捉咗去深水埗試一間新店火鍋，喺深水埗嗰啲內街入面， 都唔知佢點搵到嚟呢度嘅… 嗰日放工時間一陣大雨，所以去到都有啲呢hea﹐ 入到店見到啲冷氣一條條咁噴落嚟~好似入咗雪房咁樣，火鍋店都正常嘅， 所以睇menu嘅時候大家一致決定要呢個"滋潤老百姓鍋"~而呢個係今晚做得最正確嘅決定…個鍋上到嚟已經有啲嚇親~因為好大煲~我哋得兩個人，我哋8卦去了了佢…發現有好大嚿蜜瓜、一隻完整隻雞、 好多花膠&雞腳、仲有豬骨， 你煲湯究竟有幾濃喎…又會唔會濃得濟？ anyway staff通知要滾一滾先可以飲， 其實夠時間係直都幫我地拔湯同湯料~ 一入口啖湯好香濃但係唔會過龍， 可能係落咗蜜瓜所以都有種好清嘅感覺~中和咗落咗咁多肉嘅油膩感，但佢加咗好多花膠同雞腳，所以膠質好重飲到差唔多最後時我哋數過應該有超過十塊花膠同十隻雞腳， 而且目測應該起碼仲有半斤豬骨， 同完整一隻雞 ﹐其實佢係俾我哋飲完先打邊爐， 但我都飲到唔想打邊爐， 因為實在太好飲， 我應該前後飲咗八碗湯， 因為啲湯料佢冇煮到出晒味，所以其實都係可以食，不過因為我哋需要打邊爐所以都冇食曬啲湯料，仲有少量一直煲， 加上佢加湯打邊爐嘅時候落嘅係清雞湯，所以成個鍋底一直都好有鮮味~ 而打邊爐嘅料都非常啲新鮮， 牛舌嘅牛香味好重， 而且淥完出嚟好爽口， 係新鮮牛舌心；牛筋我哋喺一開始嘅時候已經放咗落鍋，因為佢都要時間煮先淋，所以湯飲到後尾呢個湯都變咗係加埋牛筋嘅膠膠湯， 咁樣煮完嘅牛筋就好好食~我哋可以自己控制時間；另外要極力推薦嘅係佢嘅但係響鈴~係即叫即炸，上枱嘅時候佢係配埋汁俾我哋即，食 我幾乎成籃一次過食曬，不過都係留番一件打邊爐嘅時候湯煮試下，事後本人都係建議新鮮食咗佢~其實佢都有啲正常價錢百靚蚊嘅湯底嘅，不過我都係建議呢個滋潤百姓鍋~因為真係好正……Read More

約一位ee去食下午茶，所以就搵一間有景嘅酒樓， 因為見到炊公館做緊下午茶set, 附屬於阿一嘅~見到佢有鮑魚酥就梗係要試下啦； 提早一日book咗枱但係去到都要跟次序入去， staff都會安排客人坐窗邊位先嘅， 的確佢呢個景係幫佢上咗一個價位~飲普洱冇隔茶葉，但係見到有茶柱~ 就當自己有好運嘅一日啦， 因為係紅雨~所以睇到嘅維港景係雨景，可以話係另有一番風味； 上菜都算好快， 有啲似西式嘅點心拼盤~不過食嘅係中式點心~ 咁多樣點心…講真有好有唔好， 鮑魚酥就冇得輸啦~真係好好食， 燒賣都非常之唔錯， 菠蘿叉燒包都有啲驚喜不過偏鹹咗啲， 但個芋角…真係好唔得~ 普遍嚟講比較普通，但係如果係傾計呢個係一個幾好嘅地方~ 而且寬闊嘅景觀亦都令人心情開朗…Read More

跟啲嘢跟到過晒食晏時間，諗主去food court求其食餐就算，係鴻圖道附近索性去鴻圖中心， 鴻圖中心對於我嚟講而得來hea得來都有啲層次； 入去兜咗個圈覺得真係太肚餓都係決定食飯， 望望二少廚房個menu 主力淨係幾樣餸~簡簡單單都好唔使煩， 招牌手撕雞飯+ 本來想叫個花膠燉湯，但係原來已經賣曬~好啦要個蟲草花燉雞湯啦，都係唔使食得咁乾姐…food court外賣格局呢個我ok冇問題 ﹐先開手撕雞飯先啦~了下啲雞肉幾唔少喎， 懶人食法先食曬啲菜， 見佢雞汁都幾多就成盆雞肉連雞汁撈飯， 真係啲雞肉太多定佢啲飯太少呢~ 撈起來啖啖肉， 因為有雞汁好易入口又夠香，雞肉本身整得幾夠入味~ 幾正喎， 加上佢係屬於客家鹽焗雞所以比較香口… 食咗幾啖飯就開盅湯嚟飲~真係燉湯來喎， 又攞隻匙羹了下~又係好足料，嗰種燉湯嘅肉香味充滿曬成個口 ﹐呢個燉湯對於我嚟講係驚喜，蓋返我食完個香雞飯再慢慢嘆呢啖湯， 俾自己enjoy the lunch~ 食完返去睇menu如果齋叫燉湯都唔平，但係如果連埋雞飯一齊叫，我呢度先至係70蚊，平時飲埋例湯食個飯都五六十啦，畀多十蚊飲燉湯都物有所值……Read More

扮孝順有好報~ 陪伴阿媽上安泰 睇啲嘢順便食晏，食到超正牛腩， 上到去街市阿媽話好耐冇食粉麵，見到呢一間粉麵茶記好似唔錯，所以就入去試下， 第一次嚟紊下menu先啦， 可能阿姐姐見我哋睇得耐， 就同我哋講"我哋啲牛腩同埋牛三好好食㗎"﹐ 阿媽就決定牛三寶河，我想試下牛雜~就叫咗個雜米，咁梗係要加油菜啦~點可以唔食菜呀~上得好快呀~上嚟嘅時候賣相就麻麻地，但係攞隻羹兜下原來好鬼多料~好大碗， 先講自己個牛什米~好新鮮 ﹐雖然都應該係冰鮮貨，但係佢真係做出嚟嘅味道好似新鮮牛雜咁樣，牛味好夠~ 佢五香味好香，但係唔會濃到膩~ 阿媽嘅食量呢我係一定要幫佢食少少，果然係阿姐嘅推介，牛筋真係唔會係軟曬一pat pat嗰隻， 牛腩軟淋啲肉已經係淋到見一絲絲，但係食完唔粘牙， 阿姐見我哋食得咁滋味跟住就講咗句 "我哋啲崩沙腩仲好食呀", 唔使諗~ 加一份淨食崩沙腩， 阿姐好開心咁幫我同廚房落order﹐ 唔好見咁大嚿肥其實入口就係半肥瘦嘅感覺， 嗰浸牛香味配埋五香~ 真係一個最高嘅享受，張相我係食咗先記得影~﹐ 而且佢呢個淨食係唔貴㗎~只係一百蚊，個質素呢絕對係一流~ 下次嚟都一定要食~另外仲要講係佢油菜嗰個腐乳， 佢冇做到出面加好多鹽令到佢死鹹，亦都冇做到稀了了咁樣~都仲幾有腐乳嘅質感，其實呢啲細節位做得好唔好就真係睇下呢間餐廳有冇心去經螢嘅……Read More

講真呢間鋪真係由細食到，就算我搬離開深水埗區， 會返去行街嘅時候 有時都會幫襯下，老小店服務態度就梗係唔完美可以改善，但係我又唔覺得太差，而且佢嘅質素確實一直都保持得唔錯，起碼一直啱我口味先， 就算唔係食粉麵整串魚蛋同八爪魚都係必需嘅~ 近來短暫停食澱粉質嘅嘢， 同朋友入到去唯有叫淨食再加碟菜咁啦， 淨雲吞有九粒~粒粒都好圓潤飽滿，耷朋友心口黑栢葉粉， 就老笠兩件黑栢葉嚟食， 新鮮爽口~正; 嚟呢度食油菜我都一定係食芥蘭，呢度應該係我食個最芥蘭嘅芥蘭， 其實我朋友都問過我點解， 喺街食有好多芥蘭都已經係用幼身偏淋嗰隻芥蘭， 但喺我心目中係芥蘭就必須係要係粗碌，咬落要好爽口~卜卜聲，我好傳統咖…講真佢啲嘢唔算貴，但係亦都唔係平價，不過物有所值~…Read More

第一次~真係第一次， 無意中見到有朋友食過呢一間吉列牛，吉列豬就食得多~牛真係第一次聽， 炸牛咪會好老囉？ 決定上去搵個答案~gf 比較早收， 所以六點幾就上咗去，當時客人唔算多，所以都好快可以安排入座， 靚仔可能見到我一頭都係汗，佢話幫我安排一個比較涼快嘅座位~好貼心呀 。anyway第一次來安全少少叫set~ 吉列牛定食+咖哩烏冬定食， 烏冬可以揀雞同牛， 因為有人唔食牛所以叫雞肉烏冬， 再加個小食應該夠喇啩~ 最先上嘅係兩杯飲品， 顏色就一流啦 睇到個人都開朗， 但…跟住上咗一碗泡泡？ 有冇上錯啊？ 正所謂撥開雲霧見青天，原來呢個就係~ 烏冬， 完全冇諗過佢嘅忌廉烏冬啲忌廉喺多到咁樣，諗住都係烏冬面有一pat忌廉， 當好開心咁喺度影相嘅時候…就發現啲忌廉開始~下陷， 嗱嗱聲撈好佢~ 跟住靚仔就拎咗兩個碗仔過嚟~ 真係好細心呀； 咖哩味好香微辣加埋忌廉 化解咗個膩嘅感覺，但係又起到silk嘅質感出咗嚟，有啲似湯烏冬…但係汁係杰身嘅， 味道調教得唔錯好食~ 係驚喜，小食咗個雞軟骨餃子皮好爽~ 唔會韌， 餡有質感~ 不過又唔會食到軟骨索索聲嗰種感覺~跟住主角登場吉列牛~ 等靚女擺好之後…佢就將我隔離嘅石燒爐點著咗，然之後同我講啲牛肉要放上去燒熟佢？明明真係見到佢吉列咗但係望一望…嚿肉係生嘅~ 好過癮喎， 即係將原件牛肉撲咗吉列炸熟個面~中間要幾熟就靠會自己石燒；個爐都需要少少時間去熱… 十分鐘左右， 跟主就自作業~其實好有滿足感， 牛肉好鬆軟 吉列面經過熱烤之後都一樣有好酥脆， 白飯係落咗飯素， 仲有唔同嘅醬汁…有wasabi 、wasabi沙律醬、 仲有一個微酸類似醋嘅汁， 坦白講每樣都好開胃~ 今次呢個新嘗試非常之滿意十分滿足﹐其實好多時試新嘢都驚中伏， 但係中伏都係一次過啫~唔試咪miss好嘢囉~…Read More

利申~ 呢個係買咗兩次嘅經驗， 第一次係純粹想去撐黃， 因為屋企附近冇咩黃店， 所以要走到去藍田嗰邊買， 試過好食之後 阿媽就落柯打叫買第二次~ 雖然係商場舖講真我覺得唔容易搵， 去兩次都幾多人喺度等，入邊有四五個人喺度做嘢~不停手咁喺度包~ 佢哋手捲用嘅紫菜係有膠紙封嗰隻， 食嘅時候先將膠紙撕開將紫菜同飯卷返一齊個種， 所以返到屋企食塊紫菜都非常之脆唔會畀飯氣整到淋曬， 佢哋用嘅魚生材料非常之新鮮…呢個係會買第二次嘅主要原因， 另外用料亦都非常足本，手卷嘅魚生真係包到落底~唔係淨鋪係面~阿媽首推軟殼蟹手捲， 返到屋企軟殼蟹仲非常之香脆~ 呢啲係skill﹔ 我就鍾意劍魚腩手卷， 因為自從n年前喺一間長期去嘅壽司舖食過劍魚腩後愛上，但間鋪後來結業， 之後都冇搵到價錢咁中肯但係質素咁好嘅劍魚腩， 以後買壽司遠少少都會過嚟呢度買~…Read More

呢間鋪頭都喺呢區屹立咗好多年， 我記得以前個袋唔係好夠錢都唔敢行入去， 咁其實佢啲嘢就唔係好貴嘅~不過係要現金找數，同埋選擇比較多唔小心就會買多咗~ 話說要去牛頭角做少少嘢， 兩三點想搵飯食， 天氣熱辣辣諗無可諗決定去食壽司， 其實我係未試過lunch去幫襯，原來佢係有lunch set仲幾抵食添； 入門口要量體溫再畀搓手液捽手~ 正常程序， 姐姐幾好笑容服務態度都唔錯， 坐低都研究咗少少時間 叫咗一個set﹐ 都話來親抵唔住頸~另外再嗌咗半打日本珍珠蠔~最先上嘅竟然係烏冬，不過我嗰陣時仲係好熱所以都係擺埋一邊冇食住， 跟住上嚟嘅就係生蠔~非常新鮮海水味啱啱好~ 啱我口味， 再來個lunch box就上啦， 魚生壽司沙律齊備，而且仲幾新鮮， 炸物鬆化唔油膩，食完返轉頭食個烏冬， 稻庭烏冬口感 唔錯~浸咗咁耐煙韌度仲好好， 雖然個湯 少少味精味，但都冇例如茶記嗰種純味精咁hea~可能太餓我都食得幾快，埋單嘅時候攞出我嘅信用卡，無錯~與時並進而家係可以收信用卡~放心食…Read More

颱風係附近日日都有啲無情雨， 本來lunch想去食碗麵， 點知去到對面馬路附近橫風橫雨，企咗差唔多十分鐘都好似沖涼咁樣， 但就意外地發現咗呢一間舖頭~焰井( 其實我一開始望以為佢係丼)﹐ 見到佢門口寫住外賣有折， 我估自己都趕唔到堂食， 啲雨細啲就沖咗過去~入到去有位小姐好好招呼，拎咗外賣menu我睇， 周圍八下望下環境~呢度應該係食石燒， 不過疫情之下就做埋外賣丼~ 話說好耐都冇食過牛肉飯~ 就叫咗個和風牛肉飯， 朋友就叫左個燒魚飯， 有折之餘仲送嘢飲，都幾快手大概五分鐘鬆啲已經搞掂pack好曬可以拎走， 返到上去拿拿林開嚟食~因為真係已經好肚餓， 我個牛肉飯靠得住~ 醬汁味夠濃郁~ 牛肉唔鞋~份量唔算少~ 仲好多汁 ﹐如果飯嘅量可以再多啲畀我撈汁就一流啦； 朋友話佢燒魚飯都唔錯， 話又係唔會燒到好鞋， 望落好似好乾但係食落係啱啱好， 而且魚味好香~證明舊魚都幾新鮮~因為一場颱風雨搵到一間新食店幾開心，但比較搞笑係買完外賣出門口就係嗰幾分鐘啲雨停曬~仲出太陽，不過亦都令到我哋安然無恙咁帶啲飯盒返上去~都好嘅， 希望佢嘅折做耐啲…可以多啲嚟幫襯……Read More