janetloping的個人專頁

今年多數吃自煮小菜，間中叫外賣，始終食物吃不到熱騰騰的味道，欠缺少少。見到近日疫情緩和，好想外出吃飯，朋友推介一家小菜酒樓，食材及味道唔錯，梗係要去品嚐吓。進入菜館地方唔算寬敞，但光猛整潔，牆上貼滿招牌菜式，非常吸引。避風塘瀨尿蝦賣相好靚，瀨尿蝦肉只黏上薄薄粉漿來炸，入口吃到鮮甜嘅蝦肉，配上金黃香蒜，滋味超好吃。 送啤酒一流，這道菜不愧喺招牌菜。金蠔和味雞雞肉嫩滑有雞味，雞胸肉都唔太實，有嚼口，連雞皮帶點咸香又沒有太多雞油。砂煲芥蘭啫爽肉 店員將熱辣辣砂窩放下，隨即整碟芥蘭倒下去，好像鐵板燒「咋咋聲」攪動幾下，香噴噴熱辣辣香氣勇出來，爽肉帶少少鹹香，芥蘭翠綠嫩口又冇喳，至尾還保持暖意。鮮菠蘿咕嚕肉咕嚕肉個甜酸汁調較幾好，鮮菠蘿同三色椒沾上汁夠惹味， 不過啲肉能帶少計肥肉就更加美味。翡翠炒班球龍躉肉塊嫩滑，配上西芹炒得青綠脆口又冇渣，有鑊氣。亮哥招牌炒飯炒飯看似容易，要炒到粒粒金黃而唔油膩，材料剛好，甘香美味，又幾好食啊。整體幾道小菜吃來滋味，唔會有太多味精，值得下次再去試吓其他招牌菜。…查看更多

一向很喜歡吃潮州食品，這間食店已經不是第一次光顧了，上一次已經覺得 食品不錯，而且位置也很方便，今天在和家人來到這裏，品嚐了不少的潮州食品，這裏的服務絕對是殷勤，而且店員都很有禮貌。鹵水鵝拼鵝腸拼墨魚片。鹵水拼盤尚算大碟，先食鵝片，好有口感又唔韌，真的一啲唔黐牙 ，再食墨魚片，薄薄一片，非常爽脆，鵝腸冇腥臭味，各款都好淋滑，食落唔覺太多味精調味料。椒鹽九肚魚椒鹽九肚魚沾上薄薄嘅脆漿，色澤金黃，咬一口香脆軟滑又唔油膩，吃到停不了，更勝一般酒樓。豆醬通菜這碟通菜都幾大碟，炒得青綠，配少少豆醬洽當， 鑊氣十足兼少油，美味好吃。蠔仔粥蠔仔粥大大碗，二人份量，飯粒軟滑，加上蠔仔大大粒，配上肉碎，方魚，香蔥，少許芹菜碎，味道啱啱好。…查看更多

早前曾經到訪元朗的鮨文，那天晚上的經驗實在食材新鮮而且師傅講講10分詳細，令我們享用了一餐滿意的晚餐。 今天晚上相約了居住在九龍的朋友，所以選擇了黃埔的鮨文用餐。黃埔店比元朗店更大更寬敞，而且私隱度更高。omakase $1980 茶碗蒸：金箔黑松露茶碗蒸四點先付三點刺身八貫手握壽司手卷湯果物茶碗蒸內還有日本本菇，北海道乾元貝。蒸蛋做得非常一流，而且黑松露的味道濃郁，我們地滑入口中呢沖繩海葡萄上面放上酸汁啫喱，梅酒浸的糖番茄日本車厘茄，好香酒味啊。日本菠菜，配上冷麵汁清爽的味道鰻魚汁配賴尿蝦配上小女子（玉筋魚），這個配搭想不到味道不錯呢鮫鰈（皮像鯊魚一般堅韌）右口魚被火槍燒過，包裹着溫室芽蔥吃，並沒有草腥味，好香魚油的香味岩手縣大船渡真蠔配上紫蘇葉製作而成的醋日本號真的很好吃，每日歐洲蠔的金屬味道配上紫蘇葉的醋，真的非常清新日本稻草作煙燻的鰹魚，初鰹比較清香，火燒過魚皮，然後再煙熏。配上蒜蓉味的豉油，入口很香呢鰹魚在日本被稱為長壽魚，食用的方法很多是日本人最喜愛的魚類之一呢。吉列帆立貝 自家製他他醬 入面有酸青瓜同新鮮洋蔥帆立貝真的有一份驚喜，十分巨型，師傅告訴我們新鮮的才能吃出一絲絲的感覺。師傅把它油炸得剛剛好，外皮金黃色而且十分鬆脆，入面一點也不乾。櫻煮八爪魚這個起名由於因為當八爪魚第一天煮熟的時候，會呈現櫻花的顏色，經過三天的烹煮之間。首天烹煮半小時後，便用鹽清洗。三日之內，每日煮一個鐘頭左右，然後放進雪櫃，外面膠質很柔軟，中間就會脆。這個口感令我對八爪魚完全改觀。柚子胡椒，只用柚子的皮，煮熟然後加上胡椒清酒煮黑鮑魚每客差不多500至600克一個。黑鮑魚是最高規格的鮑魚，生蒸了四至5小時，入口比較彈牙。鮑魚肝是鮑魚旁邊綠色的肝臟，清酒把肝臟蒸熟了，剖開了壓成幼滑的蓉。師傅特別提醒我們先吃鮑魚，然後餘下的飯團把所有的鮑魚醬一併拌勻吃下。鮑魚醬是世界級的好吃，味道濃郁入口滑溜，加上經過店方特製，並沒有平常吃到的苦味。野生吞拿魚壽司吞拿魚選取了中腩部位，油脂同魚味平衡一點，感覺會比較強烈，外觀有點像雪花肥牛的模樣。湯霜鱚魚（日本被稱為接吻魚。）用木魚花湯立刻灼熟魚的表皮，立即冷凍。魚皮散發出一陣清香，能夠吃到魚的鮮味。特別是裏面放了青柚子的調味，只需要一點點柚皮，一般調味都會用上黃柚子，而且青柚子味道較酸，所以不需要太多。喉黑(赤鯥）魚身有部份是黑色的因而得名這件壽司是真的非常好吃，外皮被火槍燒過，油脂豐富。白蝦全世界只有日本富山出產這種白蝦，每一件壽司已經包含了10至20隻小蝦了。白蝦體積非常細小，不過入口是非常的清甜。野生吞拿魚雖然師傅把五倍的Wasabi放進吞拿魚內，但是一點也不會刺鼻，魚油減低wasabi 的辣度呢。三文魚子真的超級好吃，每一粒晶凝通透，經過店家特別的製作，有別於平常吃到的。吞拿魚，赤身做了15分鐘的醬油漬，令表面呈現一個幼溜的狀態，自家製特別的醬油特別一提師傅大雨的花紋切得整齊有序，使每一條魚放在碟上的狀態呈現得更完美，美觀之外，這樣的切法令每一片魚肉都平均對沾上了特別的醬汁。今天我們品嚐了日本北海道的紫海膽，這個海膽在今天豐州市場排名13 ，排列整齊均一，味道也很清香。海膽鋪滿證件返上，但是賣相已令人垂涎欲滴呢。品嚐了不少omakase，鮨文確實是一個不錯的選擇，黃埔的分店比元朗的分店服務更情深，特別鳴謝信師傅詳細的講解呢。…查看更多

平日返工在佐敦官涌，美食多不勝數，午膳因時間緊拙，多數喺食快餐便算。今晚收工後逛逛，見到新開間點心店，晚上都可歎茶品嘗點心，真的好。店內裝修雅緻，喺新派清新點心經營。點心種類眾多，還有籠仔蒸飯，粥等。黑松露菜苗餃賣相吸引，細細隻巧精瑩，一口一啖，黑松露唔係太濃味，但材料新鮮， 爽口彈牙。叉燒腸粉腸粉外皮夠薄，看到滿滿义燒餡料，食落軟滑好味。鮑魚螺片滑雞粥粥底綿綿又唔會太杰，雞件大大件，食落好滑入味有口感，味道啱啱好。香煎蘿蔔糕薄薄哋細細件，蘿蔔絲夠多，皮脆內軟，點上辣椒油，更加好食。一般酒樓嘅出品淨喺一團粉，此款點心值得一讚。濃湯鮮竹卷鮮竹卷被濃濃湯底浸透，先喝淡湯，唔覺有好多味精，饀料唔喺咁多肉，但材料都好豐富。上海小籠包有肉汁，點埋啲醋都好好食，外皮能再薄少少口感會更好。整體點心喺用心做，下次再去試食其它。…查看更多

葵芳新都會廣場見到餐廳大排長龍，原來開咗一間金子半之助日式餐廳，該餐廳是日本有天一丼之美譽。餐廳喺半開放式廚房，食材即叫即做，可見新鮮製作及認真。店內裝修雅緻，餐牌好簡單，只有三款天丼，及一些小食。江戶前天丼上枱時已陣陣麻油香味撲鼻，好大碗好豐富嘅丼喎，賣相好靚，內有海鰻，鳳尾蝦，什錦海鮮，墨魚粒，乾貝同溫泉蛋等。海鰻肉質嫩滑無腥味，鳳尾蝦彈牙有口感，什錦海鮮都唔錯， 將半熟蛋同埋醬油一齊撈飯，美味極了，天婦羅用料喺薄薄粉漿，吃落好脆口，有別於其它日式料理。前菜都有驚喜，蘿蔔幼條都好好食，加埋杯黑豆茶可以解肥膩油脂，飯後飲多兩杯都係一個唔錯嘅選擇。…查看更多

第一次嚟食辣雞煲+海鮮打邊爐！一上到黎，飄來陣陣雞煲嘅香味，好鬼死香，個肚皮開始咕咕聲叫！一坐低，夥計好好招呼咁俾咗兩碟雞腳！（原來要另外俾錢，唔知係咪可以唔要）等左一陣，雞煲好快就上咗嚟加埋呢個油炸鬼超級好味!（雞煲可以無限續食）食完雞煲跟住就嚟咗一個超大嘅海鮮拼盤，有大大隻嘅開邊龍蝦，龍蝦肉大大舊，鮮甜好味，有新鮮嘅魚片，有筷子咁長嘅聖子，有大大粒嘅帶子，有隻不知名既蚌，好鮮甜，仲有兩碟新鮮嘅手切牛頸脊，食落好有牛味。一眼望去，都好豐富好多野食！（呢個海鮮拼盤係無得額外添加，須另外加錢添加的，但一個人的食量係完全足夠飽到攬住個肚）另外仲有火鍋配料同蔬菜類可以叫無限添食，款式都多種類，梗有一款啱你心水！差d唔記得講呢度既飲品係任飲既，最後埋單，仲送多個小小甜既奶凍，食完個人無咁熱，好舒服！…查看更多

假日到基隆街買至愛糕點，望見對面開咗間西餐廳，半自助餐又幾吸引，於入內幫襯。進入餐廳，環境都幾舒服，裝修優雅，兩邊牆壁擺放酒，前方有一張長吧枱，放滿了半自助餐的食物，有沙律、水果、同埋不同款式嘅甜品，又有熱湯同埋青菜。餐牌有多款選擇，價錢真係好平，$58起已包括餐湯、自助沙律、仲有精美甜品任食。雖然係半自助餐，食物種類都好有差不多二十款，甜品都超過10款。點咗三款主菜後取咗洋蔥湯，呢嗰湯好清甜，唔覺太多味精，最欣賞無一般啲麵粉醬糊口，啱晒我嘅口味。意式芝士香煎龍利柳$78龍利柳半煎焗，外皮香脆，肉質嫩，食唔到雪藏味仲唔會太油膩。連伴碟嘅他他汁，薯球，紅蘿蔔，脆玉瓜，沙律菜等都排心放美觀吸引食慾。美式燒西冷牛扒$98塊牛扒簡直係巨扒，差唔多有塊面咁大塊，牛扒七成熟剛剛好。伴碟同樣吸引，牛扒有肉汁又唔靭，雖然唔可以同大酒店嘅扒房相比，味道唔錯。紅酒燴牛尾 $98牛尾配蘿蔔喺絕配，燴得夠晒淋，嗰汁味道甜酸適中，老公同囡囡食得好滋味。以上三個主菜都看得出廚師對菜式用料認真，賣相精緻，味道唔錯，值得一試。因為仲有半自助餐嘅其他食物可以任食，沙律有六款，雜菜沙律、薯仔沙律、蜜桃沙律、芒果沙律、仲有紅菜頭沙律添。甜品大概有10款，擺設相當精緻，另有驚喜嘅係桃膠甜品，creme brûlée同南瓜西米露，水準都唔錯。餐廳播放輕音樂，可放鬆心情享受一餐美味餐膳。…查看更多

自從去完大陸旅行，真係對大陸嘅水煮魚念念不忘，嗰種刺激，係我好鍾意嘅。今次同朋友試吓呢一間水煮魚。一上枱，見到咁多辣椒，已經覺得好正，食落去辣得來有唔同嘅層次。仲要啲魚冇乜骨，越食越刺激，不過又越食越想食。如果加碗白飯就更加好食。。淨係食水煮魚就唔能夠滿足大家，所以就帶咗宮保雞丁，不過呢個宮保雞丁亦都係非常刺激，因為啲雞粒炸得好香口，而且仲有好多辣椒。亦都係越食越辣，送飯一流。最後仲叫咗個青笋臘肉，亦都係好香口，而且有啲菜食下。總括來講，都算唔錯，可以一試。…查看更多

放假遲起身，搵到一個食早午餐(brunch)的好地方。 最重要的是，還有欣賞到維多利亞港海景。餐廳裝潢十分舒服，樓底極高，空間感很好，沒有一般中式酒樓嘈吵的感覺。餐廳內所有點心都是精緻的中式點心， 一般點心小點22蚊起。 餐牌上看見黑毛豬好像是特別推介，有黑毛豬叉燒，黑毛豬叉燒包及黑毛豬腸粉。 點咗一款湯飯，西班牙黑毛豬义燒义燒及幾款點心。龍蝦湯泡飯脆米這個湯飯完煲上熱騰騰 ，湯底濃郁鮮甜 ， 啲蝦仁又幾爽口，天熱食呢個湯飯非常爽口，加埋脆更加滋味。鮑魚花膠灌湯餃值得大家一試， 灌湯餃入面有新鮮蝦及蟹肉， 湯底是灌湯餃另一個靈魂，用上花膠及鮑魚，當然只有一個只能夠形容「甜」。 以為花膠及鮑魚只是配角，原來上枱之後分量極多，十分飽肚，以48蚊一個上品點心來說，性價比極高。黑毛豬果然是黑毛豬， 人人都知道黑毛豬的豬肉味十分突出， 那個黑毛豬叉燒是厚切，每塊都有瘦肉及肥膏， 如吃豬扒一樣啖啖肉，最緊要喺夠淋滑有嚼口又唔靭，值得一讚。叉燒包也是不錯的，一般茶樓叉燒包都是汁太甜，肉味是比較差的肉， 這個叉燒包不會令你失望。其他點心分量都是很足夠的， 四人吃飽之餘又能欣賞美景， 假日不錯的選擇。…查看更多

荃灣路德圍嗰間"樓下冰室"， 經常排長龍，今晚行經荃薈商場見到已開咗分店。於是入內，地方寬敞，坐得舒服。打開餐牌都有好多款選擇，另見到特色泡飯。後點咗餐廳推介，"蕃茄濃湯通粉"配滑牛乳炒蛋，瑞士雞翼，另加$8可追加牛肉或豬膶，再點多嗰特色泡飯。上枱時嗰通粉好大碗，湯底有番茄蓉，唔喺落番茄膏，濃濃番茄味又唔太酸，啲滑蛋攪勻連湯粉齊吃，幾好味，啲豬膶唔夠淋滑，瑞士雞翼就另試，夠入味又唔鹹，有肉汁，老公不知食得幾滋味。胡椒豬肚滑雞湯飯湯飯緊喺飲啖湯，胡椒辣味夠濃郁嗆口，滑雞，豬肚，炸支竹，酸菜，芹菜粒鋪滿碗湯飯，雞塊喺鮮雞，肉質滑有嚼口，豬肚腍唔韌， 其它配菜搭幾好，喺餐廳都能吃到這款湯飯真的有驚喜。套餐飲品半價，二杯飲品都好有特色。忌廉紅豆冰大大嚿忌廉好澎湃，賣相好靚，香滑好飲。綠椰冰味道相當好，綠豆蓉唔太淋，有口感，加埋椰汁清香好飲。…查看更多

旺角區喺美食天堂，想吃什麼好都有，今晚走入創興中心看看，發現新開間中式酒樓，喺七樓全層，地方寬敞，裝修雅緻，坐落幾舒適。可能新開張，服務員招待欣勤，經理推介片皮鴨靚，家人就再點咗幾款小菜。北京片皮鴨片皮鴨外皮燒得微焦，聞到香噴噴，一層麽麽，加入青瓜絲，京蔥絲，點埋海鮮醬，咬一口鴨片，肉汁在口腔 朗朗廈，滋味無窮。片皮鴨還有2食，加$60鴨肉炆茄子，啖啖鴨肉，配起茄子夠晒入味，這道菜真有獲氣，一般家庭較難做到咁美味。黑松露蝦仁炒蛋濃郁黑松露香味鋪滿碟滑蛋上，蝦仁大隻又幾爽口，啲蛋都算炒得好滑好食。西班牙黑毛豬义燒皇燒得微焦，薄薄的肥肉伴住，肉質結實又唔會靭，口感一流。黑椒牛仔骨煲上枱時熱騰騰，香氣撲鼻，牛仔骨夠晒淋滑，砂鍋上能保持道菜到尾唔會凍，家人大讚味道唔錯。紫薯淮山浸菜苗碟頭大賣相靚，這款菜能食到白，紫，綠三樣嘢，准山就最爽口，白菜仔好淋，不過紫薯就硬咗少少。不過味道清甜，好食。最後吃埋個生果盤，這頓晚飯飽肚又滿足。整體酒樓環境靚，食材新鮮，有時間再會與家人品嘗早茶吃點心。…查看更多

去完四川旅行，食過正宗嘅麻辣火鍋，真係返唔到轉頭，喺香港要搵一間正宗嘅都唔容易，但係呢度仲係舌尖上的中國推介嘅火鍋店呢。湯底我哋叫咗大骨滋補鴛鴦鍋，淨係個湯底都唔錯，味道幾濃郁，鴛鴦鍋就啱大眾嘅口味，有辣有唔辣。美國桶肥蠔：比想像中肥美，滾一滾，好快就食得啦。美國優質肥牛粒：打邊爐一定要叫牛肉啦，美國嘅肥牛仲係有質素保證，脂肪分配平均。鮮魚頭：朋友好鍾意食魚，魚肚配上麻辣湯底，真係好惹味啊。黑豚腩肉：肉類配麻辣湯底簡直係無敵，試咗肥牛，豚肉，最愛都係牛肉，雖然呢個都唔差，但係最鍾意都係肥牛。紅棗冰糖：一餐最重要就係糖水，尤其係能夠解辣嘅糖水。…查看更多

喺旺角喺放題天堂，今晚想食燒肉，行進創興商場4樓德家，呢間有日式燒肉及火煱放題，踏進門口，見到地方寬敞，火煱同燒烤分咗二區，而座位多是廂房式卡位，私隱度高，三二好友邊吃邊閑談好地方。自助吧檯有多種蔬菜之外，仲有凍蝦同青口，還有甜品隨意選取，更有汽水，啤酒及梅酒供應。最驚喜還有自助咖啡機。點餐紙，可選牛肉，羊架、豚肉、雞肉。連海鮮都可以任點：蝦、青口、多春魚、帆立貝、墨魚仔。蝦及扇貝都好新鮮，即燒時食，滋味無窮。其中牛魔王至愛嘅極上牛肋肉，一口牛，牛舌，牛脊肉等等一定可滿足晒。幾成熟自己話事，其中我嘅至愛羊排味道啱啱好，燒熟熱騰騰極美味，一件又一件，共吃了三大件。燒肉以外都有熟食選擇，有烏冬、冷山菌，粟米，秋葵燒起來又另一番味道。吃飽後再嘆個雪糕，今個放題飽足又滿足。…查看更多

今早往佐敦覆後，行過餐廳仲有早餐，於是入去坐抵，座位唔多，尚算整齊。睇到餐牌早餐有多種選擇，還有追加食物，滿足晒啲大胃王。點咗二款，其一款有多士，火腿，煎蛋，魚片頭米粉，送朱古力熱飲。碗米粉尚算大碗，多士搽上牛油好食。另一款喺豬扒，火腿午餐肉，栗米，多士，送熱飲。豬扒夠晒大件，唔靭之餘，味道幾好，醬汁又啱啱好，唔咸，杯咖啡都唔太差。二個早餐埋單只須$61，喺這區份喺便宜啦。…查看更多

今日路街青山道，見到間茶餐廳門前掛放幾款小菜真實版在門口，幾吸引，一行四人順道幫幫襯吓，地方唔算寬敞，但整齊潔淨。原來餐廳細細，種類好多選擇，中，西式時仲有麵食餐等等。有啲特式菜款仲用螢光板顯示喺牆上。後來見到四人小菜，送半隻沙薑雞，就點咗四款。西蘭花少班塊碟頭唔算大，都有好塊魚塊，西蘭花稍硬，淋淋地會更好味。生炒骨甜酸汁調得幾好，啲排骨尚算有嚼口，喺送飯嘅美味小菜。砂鍋魚頭煲上枱熱騰騰，有半個魚頭大，豆腐，燒腩伴鍋，是晚最搶手菜式。滑蛋蝦仁蝦仁爽口，蛋件炒得算滑溜，合格啦。沙薑雞沙薑油淋上雞件，野味，雞肉不過不失啦。茶餐廳吃小菜算得抵食，味道都幾好，夠晒大眾化。…查看更多