長發粉麵冰室 (已結業)

今日路街青山道，見到間茶餐廳門前掛放幾款小菜真實版在門口，幾吸引，一行四人順道幫幫襯吓，地方唔算寬敞，但整齊潔淨。

原來餐廳細細，種類好多選擇，中，西式時仲有麵食餐等等。有啲特式菜款仲用螢光板顯示喺牆上。

後來見到四人小菜，送半隻沙薑雞，就點咗四款。

西蘭花少班塊
碟頭唔算大，都有好塊魚塊，西蘭花稍硬，淋淋地會更好味。

生炒骨
甜酸汁調得幾好，啲排骨尚算有嚼口，喺送飯嘅美味小菜。

砂鍋魚頭煲
上枱熱騰騰，有半個魚頭大，豆腐，燒腩伴鍋，是晚最搶手菜式。

滑蛋蝦仁
蝦仁爽口，蛋件炒得算滑溜，合格啦。

沙薑雞
沙薑油淋上雞件，野味，雞肉不過不失啦。

茶餐廳吃小菜算得抵食，味道都幾好，夠晒大眾化。