勁食和味龍的个人专页

好耐冇寫過食評喇 今次忍唔住要同大家分享🥰如果你想俾人hard time既話 記得要黎試試呀🥰食物質素OK 但服務真係不敢恭維今晚冇啤酒供應 入座嘅時候冇講 俾Menu我哋嘅時候冇講 到落左單叫野食後先知……..食韓式炸雞冇啤酒點得㗎？！問佢地做乜之前唔同我哋講 店員嘴藐藐反駁話佢哋有Cocktail同其他嘢飲外籍侍應明顯對外國人態度好好多 對住香港人好似欠左佢哋咁 明明收10點 9點45分就開始趕人走食到一啖氣 冇下次！…查看更多

成日係ig見到有人係呢度打咭 一直都好想黎 尋晚終於約左朋友黎試下喇餐廳既環境唔錯 以日本街景做主題 幾闊落 幾好坐 傾計一流首先黎既係兩杯造型好靚既飲品「北海道士多啤梨牛乳乳酸」同埋「蜜桃烏龍熊茶」「蜜桃烏龍熊茶」入面仲有隻冰熊仔嫁 好打耳呀 味道亦好好試咗佢地超人氣嘅「日本啤酒拉麵」 其實佢裡面係冇啤酒嫁 係造型黎彈牙既冷麵配上佢地秘製冷麵汁同埋自家製忌廉作泡沫出奇地夾 簡直食得又睇得 仲好有創意添呀😍接住落黎係同樣人氣爆燈既「海產細味六杯子」d杯仔分別係拖羅油醋沙律、日本生蠔配雞尾醬汁及新鮮海膽配玉子飯各兩杯食材好高質好新鮮 海膽夠鮮甜 生蠔夠juicy 拖羅茸夠香綿 啖啖都有驚喜之後係「一口和牛三文治」 吉列A5宮崎和牛肉配上外脆內軟嘅多士 每一啖都係享受最後係「濃煮鮑魚豚角」豚肉煮到好淋好入味 入口即溶 鮑魚亦炆得好淋身 職員既服務態度都好好呢度既食物靚得黎味道都好好 打咭一流🥰非常滿足既一餐🥰…查看更多

同朋友去開呢頭打波 打波前見太和消防局對面開左間新既日本餐廳 一於試下大埔地膽朋友話呢間野平時食飯時間都幾爆客 好彩我地早去 好快就安排到入座前菜叫左什錦漬物👍近排天氣又濕又翳焗 好岩食 好開胃 為後續作好準備生蠔👍新鮮肥美 配埋上面既三文魚子 大滿足池魚刺身👍肉質細緻爽口 略帶油香 味道鮮甜 師傅既刀功唔錯 切得夠薄 配上佢地特製既醬汁 完美地帶出鮮味壽司👍作為壽司既靈魂 佢地既飯底做得唔錯 夠香夠綿糯❤️海膽質地厚實 味道鮮味 好少係香港食到呢個質素既海膽❤️推介佢地既吞拿魚茸鵪鶉蛋壽司 香綿既吞拿魚茸配上鵪鶉蛋 完美既配搭燒物👍❤️師傅功力夠 燒物燒得外脆內軟 肉汁仲保留到❤️燒白鱔做得好好 魚皮燒到卜卜脆 而魚肉則鮮嫩彈牙另外幾款燒物都做得好出色 不過我唔記得左叫咩名喇🫣👍值得一讚既係雖然爆場 但係佢地既服務好好👍想講今餐真係好驚喜 冇諗過係大埔區居然有咁高水準既小店 下次去開大埔都會再黎👍…查看更多

話說岩岩外地返黎 完成左「0+3」個3終於可以出去堂食 決定食返餐好既 經朋友介紹下去左呢間位於上環既日本餐廳「Honjo」坐低先order左兩杯野飲傾下計先 朋友叫左杯cocktail 叫Amai 我就叫左杯梅酒 順帶一提呢度裝修好有格調 行摩登風格 約會同見客都同樣適合海鹽枝豆👍和牛👍鮮嫩既和牛配上開胃既醬汁 令人味蕾為之一振炸日式豆腐沙律👍外脆內嫩既炸日式豆腐伴以青瓜絲及蘿蔔絲等多種蔬菜絲 口感清新 各種手握卷物亦同樣出色 口感豐富有層次軟殼蟹天婦羅👍外脆內juicy 配埋青辣椒沙律醬好夾 中和左油膩感 粟米天婦羅👍天婦羅既口感鬆脆 粟米香甜和牛釜飯👍和牛既香氣配上口感香脆既飯焦 食到停唔到口燒油甘魚鮫👍很大的魚頭 魚頭既外層微烤至焦脆 魚肉鮮嫩多汁帶有油份 非常出色甜品Matcha lava👍抹茶心太軟既味道香濃 配上雲呢拿雪糕 好滿足值得一讚既係侍應們好專業 服務好好 每上一道菜都好詳細咁介紹 令我覺得d錢洗得好值得😂…查看更多

前果排襯夜晚仲有堂食 拿拿聲食個最後的晚餐 諗都冇諗就揀左我最鍾意既拉麵中環區黎講 金鶴拉麵既名氣可謂數一數二 加上香港真係冇乜幾間拉麵店有賣雞白湯拉麵 (講緊仲要係高質既)廢話少講 入正題先今次點左極濃雞白湯拉麵、蒲燒活鰻魚串同埋明太子雞翼<<極濃雞白湯拉麵>>一如以往咁高質 湯底美味而濃郁 我又忍唔住飲晒d湯喇而拉麵麵質好好 彈牙而且好掛湯 每一口拉麵都掛住滿滿既湯汁 而溏心蛋同慢煮雞白肉亦做得出色 生熟程度得宜 <<蒲燒活鰻魚串>>鰻魚味重且燒得唔錯 鰻魚表面燒得好香而內裡既肉汁仲保留到 魚皮做到煙韌微焦 而鰻魚肉質鮮嫩得黎又帶幾分彈牙 而且都幾厚身下 下次黎會再叫<<明太子雞翼>>明太子餡料豐富飽滿 成隻雞翼望落脹卜卜咁好吸引雞皮燒到略略帶脆而雞肉嫩滑 食落好香好惹味而口感有層次 用黎充飢或者送酒都係一流下次想試試佢個蠔湯拉麵…查看更多

前幾日又喺附近做完嘢 見到佢個Menu有我最愛嘅檸檬蒸烏頭 諗都冇諗入咗去解缺我嘅晚餐喇 環境唔錯乾淨棋你又好坐先來嘅係中湯 飲落冇乜味精 唔錯檸檬蒸烏頭火候掌握得好好 唔會過生或者過熟 魚嘅肉質好好 好鮮嫩 另外啲汁亦好惹味 從飯一流值得一讚嘅係條魚大大條 好抵食！過白飯亦煮得都唔錯 口感適中 軟熟得來飯粒又做到粒粒分明 平時晚餐唔食白飯嘅我（怕肥吖嘛）亦將個飯食清光餐飲揀咗泰式珍多冰 唔會太甜 珍多既口感亦好好 讚！簡單而又美好嘅一餐 大滿足呀！俾個Menu大家參考 除咗泰式嘢之外 中式同西式都有 啱晒唔同人嘅口味P.S. 唔好呢間野好似好頹咁 服務都唔錯 店員好親切 超出晒我預期 值得嘉許！…查看更多

今次去既係黎自新加坡既人氣美顏火鍋店裝修係唯美粉紅設計 一入到去門口擺左個用花砌成既熊啤啤 立即少女心爆發自助點餐 大部電腦食物可以揀全份或者半份 岩晒人少想試多幾樣野或者細食既女士們主打湯底有「膠原蛋白養顏美容鍋」同「滋補養生香辣鍋」 必試！醬料吧：醬料選擇好多 真係花多眼亂！餐前小食、醬料同水果都係任拎任食我地就揀左四格湯或 分別有兩款主打湯底「滋補養生香辣鍋」、「膠原蛋白養顏美容鍋」 另搭「長生松茸野菌鍋」同埋「維他命C蕃茄栗米鍋」四款湯底都同樣出色 佢地既湯底可以當湯飲 嫁！ 我地就最鍾意「膠原蛋白養顏美顏窩」 美味得黎每一口都有滿滿既膠原蛋白 我地簡直飲左標準游泳池咁多既湯底！另外「滋補養生香辣鍋」配肉類都係好正！ 香濃既豬骨湯底配上各種藥材同香料 散發住濃郁既香辣滋味 出色！叫左一次就無限添飲既「紫背天葵洛神花茶」同「竹蓆茅根」 唔會太甜 岩晒懶健康既我地「美國安格斯牛小排」（半份）：好新鮮 且肉質鮮嫩 油花分佈平均 牛味香濃另外仲點左「珍寶鮮蝦水餃」、「西班牙黑豚香肩」、萵筍片同埋油麥菜 亦同樣新鮮高質自助吧拎既生果 水果種類多 而且非常新鮮味美美味既一餐以柚子沙冰作結…查看更多

環境唔錯 小清新既風格 適合傾計 朋友聚會或者約會都好適合餐湯跟餐既煙三文魚凱撒沙律份量都幾大 蔬菜幾新鮮爽口跟餐既煙鴨胸田園沙律賣相好靚 好開胃 蔬菜亦同樣新鮮 煙鴨胸既味道亦唔錯主菜：紐西蘭頂級肉眼（8安士）· 牛油金蒜紅酒燒汁配薯條件肉眼扒真係足足有八安士肉眼扒既肉質好好 生熟度亦拿捏得好好 配菜既薯條同埋燒蔬菜亦同樣出色 個牛油金蒜紅酒燒汁同個扒好match!呢個價位黎講水準唔錯！主菜：美國安格斯漢堡扒配甜洋蔥煙肉BBQ汁好足料既漢堡 漢堡包既包皮好鬆軟 煙肉煎得好香 漢堡扒口感好好牛味亦香濃 而且唔會煎得過熟肉汁仲保存到 配埋惹味既洋蔥汁真係冇得挑剔！跟餐既蘋果汁同埋菠蘿汁甜品係雀巢既杯裝雪糕 香我地揀咗紅豆味同香芋口味俾個lunch menu大家參考下埋單除開每人都係百幾蚊 有齊晒餐湯、沙律、主菜、甜品同埋餐飲 真係好抵食！…查看更多

話說之前試過Flames既其他分店 自己同朋友都覺得好高質 知道屋企附近新開左間分店 急不及待要約埋朋友去試試😁閒日8點半去到都冇乜吉檯淨 好彩有book定檯咋一坐低叫兩杯野傾下計先 我就叫左杯cocktail 「Flames Lagoon」 而朋友因為要揸車 所以叫左不含酒精既mocktail 「Flames Lemonade」「Fmanes Lagoon」外型幾有特色 一上枱既時間侍應會先係上面點火 飲落好清新 視覺同味覺享受都滿足左之後黎既係「Truffle Fries」 一上檯就聞到陣陣香噴噴既黑松露味 黑松露均勻咁舖滿係外脆內軟既薯條上面 好邪惡好惹味 忍唔忍食完一條又一條「Crab Meat Rigatoni」 好香蟹肉味 蟹肉十分鮮味 每一口Rigatoni都掛滿左醬汁 食落好creamy Rigatoni既口感亦好好 令人一試難忘「Slow Cooked Beef Cheek」Beef Cheek經過長時間烹煮 好入味 肉質亦非常鮮嫩 入口即溶 配上紅酒汁同薯蓉 perfect!俾個menu大家參考一下啦！…查看更多

同朋友去旺角行街行到攰 經過呢間位於白布街既「HeSheEat」 見佢個Dinner combo menu幾吸引 所以一行二人就入左去食晚餐喇！首先黎既係dinner combo既「烤紐西蘭肉眼牛扒配燒汁」 因為當天冇肉眼扒 所以就以西冷代替牛既分量都算多 生熟度我地叫左medium 岩岩好！口感唔錯除左外脆內軟既薯條之外 旁邊仲有d沙律菜 中和左牛肉既油膩感！緊接著既同樣都係dinner combo既「海膽燴意大利飯」上枱既時候都幾震撼 隔離枱都係咁望過黎 原本以為menu上面既圖片係只供參考 真係冇諗過百幾蚊會有成板海膽 而且海膽既質素仲要唔差 食落鮮甜Risotto都唔錯 忌廉汁好香好滑 好明顯有花心機dish up過 有花又有草 仲有滿滿既魚子添呀 賣相好靚 最後黎既係單點「蕃茄蟹肉牛油果莎莎配墨西哥脆片」 賣相同味道同樣唔錯 口感同味道豐富 牛油果溶口感順滑 鍾意牛油果既你地絕對唔可以錯過呀梳乎厘班戟都好吸引呀 不過我地實在太飽食唔落喇 已經約好左下次再黎試試！埋單每人都係2百頭 而家外賣自取主餐牌單點仲有88折優惠添呀！…查看更多

前幾日去開佐敦果頭做野 做完野餓餓地見到盛記個優選套餐幾吸引就入左去醫肚仔喇！個優選套餐真係幾抵食 而且選擇仲好多添呀！ 主食可以揀任何一款正價既粥、麵、飯或者腸粉不得不讚佢既環境真係好乾淨企理 食得好安心《招牌薏米水》佢地既薏米水飲落好清甜 裡面有一粒粒薏米好足料 薏米好彈牙 必飲！《鮮蝦水餃》佢地既鮮蝦水餃好飽滿 皮薄餡靚 裡面既蝦好新鮮 食落好彈牙好有咬口！另外個湯頭亦唔錯 濃淡得宜 同埋食唔到有落到味精 《腩汁蘿蔔》佢地既白蘿蔔真係好鮮甜多汁 食落仲要冇渣 超級好食 食到見到碟底！簡單而又美味既一餐 埋單都只係$66 真係抵到爛！ 下次黎開呢頭做野要再食食！…查看更多

前幾日收工一丁友唔知食乜好 經過《盈記四季養生麵館》俾佢「養生」二字吸引左 決定入去試試店內環境唔錯 好光猛 乾淨企理 坐得舒服《藥膳上湯自家製水餃》一共有5隻 藥膳湯底好香好足料 水餃外型飽滿 食落肉香帶甜 肥瘦度適中 而餃皮厚薄適中 非常出色《紅油抄手》其實係同水餃係同一樣野 同樣有5隻 不過就配以香濃野味既紅油辣汁 麻、辣、香都拿捏得好好 香得黎又唔會話過辣 唔太食得辣既朋友都唔需要太過擔心 放心點啦！《菜膳上湯浸時令菜》個湯底好濃郁 材料豐富 仲落左紅棗吊味 菜亦十分新鮮爽脆 正！又健康養生 味道又好 決定下星期再黎食過！…查看更多

記得以前去親Paris做野每次都要去餐廳食crepe 估唔到係香港都搵到Paris既味道！ 講緊既係位於中環威靈頓街既「Cafe Crepe」 閒日同朋友未夠7點就去到 時間尚早 好快就有得入座喇我地兩個女人仔夜晚食得唔多 所以叫左一個set dinner share 再加一個crepe跟餐既田園沙律 Signature Salad羽衣甘藍加上士多啤梨、藍莓、紅蘿蔔絲及紅蔥頭等多款新鮮既蔬菜水果 配以蜜糖意大利香醋 美味又健康 清新既口味亦打開左我地既味蕾 為品嘗之後既美食做好準備是日餐湯係南瓜湯 濃濃既南瓜香味 口感濃稠 裡面有滿滿既南瓜蓉 南瓜迷必試蒜香蜆肉扁意粉好香蒜香味 蜆肉份量好多 值回票價既菜式意粉既口感掌握得好好 軟硬程度適中好驚喜 本身覺得呢度主打食crepe 冇諗過佢既意粉都咁出色好喇 到甜品時間喇！甜味法式薄餅：開心果、核桃及蜂巢配香草雪糕口味店員話呢度所有Crepe都係即叫即整 Crepe既口感好好 食落邊位脆口 中間部分就煙煙韌韌 配上又香又有咬口既開心果同核桃 加埋香草雪糕 層次非常豐富 好滿足既一餐❤️…查看更多

上星期為左慶祝朋友失業 請佢食左餐飯 一如以往我都係將決定權交俾佢（本人只負責重大事情既決策 例如今晚xx夜唔夜之類果d啦） 佢揀左位於太子既「慢煮工業 Under Vacuum」餐廳總共有兩層 環境係唔錯既 工業風得黎又帶有幾分少女味 有幾個位影相都幾靚今日咁開心 開返支白酒先飲左少少酒開始餓了 食物呢個時候黎岩岩好首先黎既係「黑松露巴馬臣芝士薯條」薯條炸到外脆內軟 配上濃濃既黑松露醬同芝士碎 好味到我地食唔停口主角黎喇：「美國菲力牛扒」係以真空低溫烹調法煮熟既牛扒 由於係慢煮既緣故 所以冇得選擇生熟程度 不過呢 相信佢地啦！ 果然生熟程度控制得好好 切開既時候好多肉汁流出黎 牛扒色水好靚 帶有粉紅色 食落口感軟滑而且唔需要落太多調味已經好好食完全滿足到我地視覺同味覺享受「芝士流心蛋大啡菇」重芝士既菜式 鍾意芝士既朋友一定唔可以錯過 大啡菇好juicy 一切落去好多汁流出黎 「蒜香芝士排包」焗得外脆內裡仲保留左少少排包既軟綿 非常出色食物高質之餘價錢仲要唔貴（仲要唔收加一添呀） 真係要大大力支持！…查看更多

以前係日本既「塚田農場」食過佢地既美人鍋後一直念念不忘 所以隨住疫情開始好轉 我決定去為於沙田新城市廣場既「塚田農場」大快朵頤喇點左一入份既「美人鍋」同埋甜品「石鍋雪糕新地-芒果口味」呢個謎之震騰騰乳白色啫喱狀物體係佢地既招牌湯底「黃金骨膠原雞湯」湯底係以產自日本農場的走地雞 經過八小時熬製 再經過冷卻再由日本空運到港 湯底誠意十分 口味濃郁得黎又唔會太膩 配上嫩滑既日本走地雞雞肉同雞肉滑（分別以黑白芝麻／七味粉點綴）仲有色彩繽紛既蔬菜盤 有南瓜、車厘茄、翠玉瓜、黃椒同菇等 應有盡有 而且蔬菜好新鮮鮮甜仲配有三款醬汁 誠意十足停唔到口係咁飲個湯底 每一啖都有滿滿既骨膠原 飲完立即覺得自己靚左望落後生左食完主食一定要食返甜品先夠滿足！ 試左芒果口味既石鍋新地雪糕 雪糕以石鍋盛載保持溫度冇咁易溶 可以慢慢品嘗 香滑既雲呢拿雪糕配上芒果醬同濃郁嘅芝士蛋糕 口感同味道都好有層次感 冇得輸！好滿足既一餐呀！…查看更多