Melodyuki的个人专页

九流晚餐後，朋友提議去HeSheEat食甜品9:00PM啫，門口已經大排長龍咪以為得門面咁少位，原來有樓上0架，可能我哋只係兩個人，唔駛10分鐘就等到位---搭枱Meun都好細心圖文並茂，個個都好吸引，唔係食物吸引得滯，係器皿好別緻:)朱古力奶凍$49我當然揀我最愛0既朱古力味喇個杯好靚呀，我都好想擁有一個。有好多層次，一個雪糕球，上面有好多脆脆+nuts，底層有奶凍，味道唔太濃，入口都好有黑朱古力味，我鍾意，食完就覺得真正飽lu！綠茶奶凍$49朋友綠茶奶凍同朱古力奶凍好唔同，脆脆唔同，但我唔知咩唔同，總之都係好脆！至於底層應該係奶嚟0既。我哋食到一半時，有個侍應哥哥：『唔好意思，麻煩妳哋轉張細枱！』，因為我哋係坐八位搭枱無所謂，轉枱又唔會收貴啲0既，侍應哥哥都好禮貌，幫我哋拎嘢。當我哋食食吓時，有侍應送上一壺花茶，我哋話：『我哋無叫』，重以為係轉枱前者所叫，跟住侍應哥哥就同我哋講：『送比妳哋0既』嘩，轉枱舉手之勞啫，太客氣了HeSheEat，真係超有禮貌，好似去咗五星級酒店，多謝！…查看更多

餐廳由好朋友選擇，相約食聖誕+新年飯，book咗7:30PM，我早到望入餐廳唔大, 已經有兩枱客，但好光猛。入座時，侍應態度已經一般，睇完meun無set 0既？問問侍應，佢話今晚無set dinner，唯有散叫啦！但選擇唔算太多，飲品又貴，我哋決定叫兩個小食+意粉share一齊食。向侍應落order，一埋嚟完全零出聲，唔理照order，侍應抄都唔駛抄低又唔重覆我哋order內容就咁就走咗去......墨西哥香辣烤雞餅$42真係即整架，熱辣辣，食物亦放得好別緻，個皮脆卜卜饀真係幾辣，加上酸汁重正香辣鮮蝦蒜片意粉$55比起烤雞餅意粉無咁辣，汁唔會太多，醬住個口，碟就超大，份量少啲囉威尼斯芝士焗帶子$38一份兩隻，都算大隻，就算係芝士焗，但都唔覺得滯食完諗住叫甜品，但款式真係好少，得四款，所以我哋決定去第度食甜品要加一，埋單時同朋友商討好唔會比tips，所以找錢我全數攞晒，可能侍應見到我同朋友喺度執緊銀包以為我哋摷tips比佢，sorry呀，你諗多咗，服務態度咁差，無禮貌、無笑容重想我比tips...本來想比哈哈大笑，但服務態度扣咗好多分，改善吓啦！…查看更多

相約兩個好朋友預早慶祝聖誕節兼交換聖誕禮物，一早已經book好lunch食放題燒肉 以為喺正雅蘭中心，點知原來要兜番去另一邊至去到目的地，不過都唔算難搵。我哋好準時中午12:00入席，可以食到15:00，一個客都未有，員工應該都係啱啱開工。 海鮮頪會用細細錫紙兜盛著，再加細片牛油，燒起上嚟好香，海鮮真係算幾新鮮，我覺得扇貝、魚好正，值得refill 青口就一般了！ 肉頪睇落都好新鮮好正咁，叫晒咁多款都唔識分辨咩肉打咩肉，哈XD不過樣樣都唔錯，唔會太"UN" 刺身份量唔會大大件，少少哋叫多幾轉都重食得落，感覺抵啲！不過刺身款的確唔多，講真，如果每位加$30先有得食就唔太值lu~(看看題外話吧！)~ 我喜歡食炸蠔，蝦多士，不過可能凍咗無咁好味:( 雖然星期日，但到15:00走人時都唔係full，最後重每人送咗杯雀巢雪糕 午市放題每位$138+$30刺身+10%服務費…查看更多

原本今晚相約男朋友試新嘢，兜咗幾個圈依然好多人，所以決定選擇格離川味美食食米線，有位呀嘛我揀咗酸辣炸醬紅薯寬粉+雲耳+魚皮餃(兩粒)，小辣，好大碗，好多雲耳同配菜，估唔到小辣都幾辣吓男朋友揀咗秘制醬汁撈紅薯幼粉+紫菜+蘿蔔+雞絲，小辣，我哋異口同聲話幼粉好食過寬粉，起碼易夾啲。雞絲切得夠努細，紫菜超多，蘿蔔又無渣，不錯另外叫咗碟通菜$8，唔係加乳腐，唔知係咩醬汁呢？都幾好味。跟餐重可以加$5有一支豆漿，無錯，係一支咁抵，有黑白揀O添~~…查看更多

同妹妹去食午餐，周圍都好多人，兜咗一陣最後去咗連城搵食，一樣咁多人，度度都要等位我哋攞咗冬蔭公公同另一間食韓國菜o既等位飛，睇吓邊間快有位就去邊間，最後冬蔭公公跑出了坐位應該約有50位，但位與位之間好親密囉，感覺有啲迫妹妹第一時間就話想食薯仔薄餅，我就想食冬薩公麵，揀咗好耐先落單泰國冬薩功湯底，湯底料有粟米粒、芽菜、花生、芫茜、參巴醬魚仔、乾蔥，我揀咗BB辣$30幼薯粉(免一款麵類)，我再加咗兩款餸+$4 竹笙+$6 BB粟米腸麵底唔算多，好多花生同粟米，冬薩功好夠味，正！最搞笑係以為BB粟米腸係好細件，原來係好大約直徑兩吋圓型，不過切得好薄片，味道都係腸味，無乜特別加$7有杯龍眼冰，我無飲，妹妹話OK，我眼見都多龍眼肉同好多冰薯仔薄餅賣晒，唯有叫花生薄餅，一樣係$20，切咗有八塊，每塊大約半塊梳打餅再大少少，唔算太油，不過我同妹妹都嫌花生醬太甜…查看更多

早兩日好"闖咄"咁買咗團購$80共兩張價值$160 coupon，相約好甜品天使去食我先決定買，因為我想約甜品天使食飯之餘又想試呢間。去之前我都上網望吓menu計計數叫邊幾款係around $160因為無得book位，原本約喺港鐵站等，皆因我遲咗少少，甜品天使就去攞位先。打開餐牌已經心裏有數叫咩，米比薩一定唔少得啦我同甜品天使都係鍾意食辣之人，有芥辣味之餘唔會"公"鼻，不過北寄貝係切唔開，原隻食都幾和味呀，餅底係用米製成，好似飯焦咁。成個大約8吋，size一開四，細食人士啱啱好。米比薩嚟o既時候上面啲......以前Pizza Hurt出過o既郁郁批嗰啲郁郁北海道冰管酸酸甜甜好似桃味，送兩支太少了，唔夠喉！和風炒野菌什菜：普通炒雜菜，無乜特別，size都係啱細食人士和風煎焗山葵野菜豬肉餃子：好得意o架，有少少芥辣味，唔點醬反而重好味成餐飯total$170-coupon$160，只係比$10就走得人啦，甜品天使話從來未試過食餐飯只係比$10，哈哈:)餐飯只係$90咋，有coupon係抵o既，但如果正價去食就要諗諗咯，我係慳妹呀嘛…查看更多

摯愛無特別話要同我去邊度食飯慶祝，最緊要食得飽；坐得舒服；又平又開心就夠之前已經留意到呢間餐廳，今次特登嚟呢度食，貪呢度無乜人餐廳係樓上鋪，我哋喺留吓望望有咩食，其實都象徵式做個樣望望餐牌，見到二人餐都幾抵食$84，我哋就手牽手入去食上到去唔算多人，冷氣好夠凍，起碼有四五部電視安裝喺唔同位置讓食客邊食邊睇電視，左揭右睇最抵都係二人餐包兩個碗湯、兩個小菜、兩碗白飯、兩杯飲品(注意：凍飲係唔駛加錢，試問依家邊間餐廳凍飲係唔駛加錢呀？係咪值得嚟先:))摯愛揀咗中湯，佢估計係紅蘿蔔豬骨湯，應該係日日唔同o架，而我就揀咗西湯羅宋湯，個湯好稠(所謂o既"杰")唔會好稀，夠味又多渣！白飯其實無乜必要影，但真係又實又大碗，我就食唔晒lu單叫小菜係$43，估唔到啲豬頸肉同四季豆o既比例係一半一半，好多肉呀，又唔係肥肉，不過就多油咗少少，請廚房師父下次比少啲油呀，唔該:)名符其實係有枝竹、火腩、豆腐，全部比例都係一樣，唔會有一款搶晒風頭，枝竹索晒啲汁o既味道，火腩又唔會太肥，正我哋加咗$8點咗個菜，絕對唔係平時去食麵加幾蚊白灼菜o既份量，係酒樓炒出嚟嗰隻o既份量呀，真係抵到爛啦我唔記得影我哋兩杯飲品呀，因為最後先上枱，摯愛係飲紅豆冰，凍飲唔駛加錢之餘呢款都算係特飲呀，都唔駛加錢，餐廳所謂叫套餐轉特飲都係加$8，而我本來係叫熱朱古力，但嚟咗凍朱古力，我見唔駛加錢就算啦，個杯好大應該有500ml(即大約兩包250ml紙包飲品)我唔知應該點sale呢間餐廳好，喺我同摯愛o既角度真係覺得超抵，平時我哋去廳餐、食米線、叫小菜......都唔止呢個價錢，呢度環境唔差o架，位又多，重有VIP Room，咁平點解都無乜人嚟幫襯呢？定係咁啱我哋呢日嚟&呢個時間(大約20:00)係無乜人呢？and then，呢度重有得睇足球直播o架，最低消息都係每位$60，落bar都唔得啦，呢度又坐得舒服。最貼心係佢會為行動不便人士著想，有專用o既lift，老闆好細心喔一定要嚟試吓呀，長沙灣都有分店o架~…查看更多

早前喺openrice見到Ruby Tuesday有75折coupon就相約朋友一齊去食飯，原來友人有富邦信用卡7折，實在太好啦，唔去都對唔住自己啦！揀食物大家都揀得好快，只係揀飲品時大家都心大心細，同埋有啲飲品唔知係咩口味，有個waiter見我哋揀得咁苦惱就推介咗幾款飲品比我哋份量唔算大，豬肋骨好腍身，啲炸雞同炸蝦好爽口，配埋酸辣汁好野味，不過個忌簾汁就遜色咗少少，感覺漏咗啲:)當長通粉嚟到o既時候，真係好嘩然啲蝦點可能咁大隻o架？一啖係放唔到入口o架，起碼有十隻八隻蝦呀，重好creamy o添，唔會有漏o既感覺，好正我最鍾意呢款薄餅，亦都係以蝦做主打，依然都係咁大隻咁爽口，個汁有少少辣，我好鍾意，唔會好似平時食pizza咁多芝士咁快飽，食兩件都無問題好多藍莓肉沉喺底，酸酸maymay食到飽飽飲最啱，容易消化朋友叫咗Fruit Icea Tea $52 & Ruby Refresher $58，完全係迎接夏日o既感覺呀呢杯朱古力雪糕蛋糕真係勁揪，我哋三個人都食唔晒呀，應該有兩至三個雪糕球，有好多忌簾喺面&少許朱古力醬，重有個勁大o既朱古力蛋糕喺底，好似莎莉蛋糕咁o既味道好滿足，真係好滿足，樣樣都好好味，我唔係第一次嚟，但今次比我o既味覺係最好原來身邊好多枱客都有好多discount，有啲重六折甚至半價o添，會員係半價優惠，我無打算入會，怕日日都嚟呢度會厭咗就唔係幾好啦，不如等佢再有credit卡優惠我再嚟重好，我一定會再嚟…查看更多

食元氣途中我同阿琪提議一陣去食糖水，阿琪提議再次嚟心飴，其實我諗住去第二間不過又唔知邊間好:)行到去~~嘩，好多人喺出面排隊等位呀，即刻好唔想等，但照行埋去睇個究竟。無人喺出面派籌，阿琪就衝咗入去，即刻就有兩個吉位，點解出面又排晒長龍o既？都有兩個人等位呀，唔理lu我哋唔客氣食先上次我係食花冰，今次要試吓其他。我又嘩啦，原來加咗價呀，上次我食個花冰都係$35，今次要成$45呀，好過份我揀咗A5心花怒放蘋果撻伴雪糕，雪糕緊係我最鍾意o既朱古力味啦今次有啲驚喜，因為個蘋果撻真係好好味，同食蘋果批差唔多，外層好脆，好似食送粥嗰啲脆卜卜，薄身啲，不過我覺得略為甜咗少少。唔知黃色伴碟嗰啲係咩嚟呢？侍應太忙我無問呀至於阿琪就食S10挪亞方舟(包三球雪糕：榴槤雪糕+雲呢拿雪糕+朱古力雪糕)本應係$35，因為榴槤味所以要加$3本來我都想揀呢個，不過我唔想食蕉所以揀咗A5，我有試過榴槤雪糕，好重榴槤味，同出面食到嗰啲差唔多。阿琪就嘥啦，食淨半條蕉&啲生果，話好飽喎加咗價，所以我短時間內都未必會再去，等王先生減價或者有團購優惠我至再幫襯啦食食吓o既時候我哋留意到有心太"硬"，哈哈，新嘢噃，應該唔係朱古力製成品…查看更多

同摯愛睇完戲我提議去好耐無去o既柯士甸餐廳(因為初初我哋唔知間餐廳叫咩名，所以就自己改咗佢做柯士甸餐廳)，即係呢間富都餐廳。我哋都成大半年無嚟呢度食飯，去到門口唔見有套餐，我估計無咗個小菜套廳或者加咗價而無貼出嚟:(不過我哋都無理，見到有扒餐都幾吸引就齊齊衝咗入去我一打開餐牌就馬上搵吓有冇小菜套餐，有呀，貴咗呀！我同摮愛喺度討論貴咗幾多呢？佢話$4，我覺得又唔止......講咗好耐，是但啦，貴咗我哋都係照揀呢個套餐，摯愛比我話事揀個小菜，我今次揀得好快呀，一係食煲一係就食避風塘鱔片，摯愛話避風塘鱔片，就扑鎚落order。侍應已經全部換晒，因為最低工資？？？二人套餐$102：燒味隻拼(我哋揀咗叉燒&燒肉)任選小菜一款(噢no..........無避風塘鱔片，摯愛就揀咗我至愛食o既菠蘿生炒骨)態度無以前咁好喔:(！蠔油時菜一碟(我哋揀腐乳炒通菜)奉送明火例湯、絲苗白飯(各兩碗)、兩杯餐茶(我要熱檸茶；摯愛要凍檸茶+2)呢度有足球直播o架，想睇波o既朋友可以嚟呢度，我唔見有最低消費先先嚟咗兩碗湯，以前係燉湯嚟o架，依家只係煲湯:(啲燉湯好正o架，有人蔘，不過煲湯都足料，但我嗰碗好多骨呢！摯愛杯凍檸茶細杯咗我嗰杯熱檸菜好澀呀我已經一早拎起咗啲檸檬喎，都咁澀！隔離左右遲order o既餸已經上枱，點解我哋重未有？我好期待菠蘿生炒骨呀又噢no..........咁細碟兼無乜肉，配菜就多算你啦，碗白飯咁大碗，我只係食淨少少咋:)雖然燒味雙拼都係細碟咗，但水準一流，重係好熱，燒肉皮又夠脆伙記話無腐乳通菜，我哋改咗菜心，都算幾大碟，唔會好多油，啱晒我原來好嘢後來先出現燒味係最好味，我哋重睇埋場波至走，曼聯win咗…查看更多

聽日開始放復活節假期，同摯愛約咗喺西九龍中心等，本來諗住上最頂o既美食廣場食嘢，點知上到去好多人，諗住睇吓食咩行完一個圈會有位，點知都係無.....位:(摯愛提議去君滬，佢成日話葵涌嗰間o既下午茶好抵食，成日講但都無帶我食，真衰喔獨食一去到就有位唔駛等係最開心我好多嘢都想食呀，生煎包，蔥油餅，鍋貼，腸粉.....我揀咗食麵，有四隻菜肉雲吞，我一路食一路同摮愛喺度埋怨：點解$22個餐得四隻咁少o既:(？突然諗起我係有豬扒，明明豬扒喺正我面前，我忘記咗佢o既存在，噢.....no，豬扒請你原諒我當你透明咗15秒雲吞皮唔粉又煮得熟；豬扒唔油膩，又大塊；加$4有一大杯(超過250ml)豆漿，我好似叫咗熱豆漿，係咪呢？要問番摯愛至知lu~~摯愛就要食飯至夠飽啦(大食kaaaaaa)我偷食咗一羹菜飯，好味喔！又大碟喎，起碼兩碗飯。紅燒牛肉好“林”啲汁入味到連摯愛都話白蘿蔔都變紅蘿蔔，我話：會唔會係本身係紅蘿蔔呀？如果白飯餐係$23，菜飯都係$26+$5有可樂我哋重叫多五隻$11鍋貼，唔落豉油.....定醋呢？都好好味啫(其實係我唔多喜歡加豉油.....定醋呢？)食完我重話想食生煎包、蔥油餅、腸粉.....但我已經開始飽，唯有下次再幫襯過…查看更多

多謝openrice比機會我參加試食會，我第一次參加咋，收到call時已經二話不說say yes出席啦7:10pm左右到達試食會，我係第三個參加者到達，雖然周邊人個個都唔識，但可以品嚐美食乜都唔怕啦，為食！哈哈一坐底我就望吓菜牌有咩食嘩........十二道菜，為咗呢十二道菜我係空肚嚟o架，希望塞得晒入我個肚而又唔會肥啦比我早到o既兩位先生小姐都係第一次嚟，心裡對佢哋講“nice to meet you”大約去到7:30pm差不多二十位試食會員到齊，大家都好準時，梗係啦有得食點會有人執輸呢事不而遲，openrice負責人簡單講講今次o既試食會並介紹名苑酒家負責人及大廚，酒家其中一個經理鄭經理喺我嗰枱負責介紹每道菜o既製造過程同埋食物來源，好似一個大廚咁勁登登登登~~第一道菜出場，咁大個女都未試過食翅要用筷子o架，每人有兩両，啲翅重多過啲湯呀，好過份喔翅好“林”身，原來呢啲就係翅，我真係孤柳寡聞(大笑十聲)呼~~好快就嚟第二道菜，重未見過咁大隻扇貝，每隻好似西餐湯羹咁大粒，食o既時候要用刀叉品嚐，真係超大粒呢，無可能一口食得晒。好爽口，個汁我唔知係咩，但唔會好鹹，啱啱好。聽鄭經理講未煮前重大隻o架，超誇張喔剛開始時，鄭經理提醒我哋食呢個菜時唔可以斯文，一定要用手拿住食至夠滋味。我好聽話，唔理得咁多，一啖咬落去吧！雖然係炸，但唔覺得好油，因為連埋塊生菜一齊食，隻蠔大唔在講，唔會有平時食蠔嗰種少少腥o既味道，不過我就食唔出有什麼砵酒味，我不是食神heheee食完有一杯飲品係用楊桃汁加檸檬皮製成，酸酸地飲咗無咁“漏”，得好細杯，我想飲多啲都無:(重頭戲出場啦，大廚喺我哋面前即場煮比我哋，呢個時候openrice負責人出場問問題，如果答啱咗會將三頭鮑升grade成一頭鮑問問題前酒家負責人講解有關鮑魚o既事，若然我無記錯個問題：邊兩個國家o既乾鮑係最貴、最出名呢？我本來心裡估係日本同澳洲，原來答案係：日本同中東(到底我有冇記錯呢)曾經睇無線節目華麗明星賽話靚鮑魚用刀切時係會黐刀......鮑魚唔靭，好容易咬開，玉掌都唔遜色，不過我嫌“林”咗少少，個鮑汁濃得嚟唔會好鹹good！呢個菜有試食會員著眼點並不在於老虎蝦，係裝飾品《麥芽糖》，重要求分配食物o既侍應分少少麥芽糖比佢試，呢位會員好搞笑！原來裝飾品《麥芽糖》係將麥芽糖淋落一舊大冰製成o既，idea好特別。已經唔可以再用大嚟形容食物，巨蝦又係要用刀切，同扇貝一樣好爽口，啲配菜我都唔放過......喂喂，等多陣先上第六道菜啦，我食唔切喔好彩都影得切相，我最鍾意食魚，豪宴果然係唔同係食斑o架，唔會一夾就散，夠實淨:)食到第六道菜我己經飽飽地，我要再食慢啲，如果咪點頂到去最尾呢奸爸爹第七道菜係黃金脆皮雞，我覺得同平時去酒樓食o既炸子雞差唔多，無乜特別。成餐飯最少係菜，但$9,888無理由比菜我食o既，菜好難有好多特式。生拆龍蝦肉西施飯：好飽o添！呢個飯好得意，臨食前要倒泡飯落煮好o既湯飯上，好似就嚟滾卸咁，個個都拿定手機&相機拍攝整個過程。一小碗好熱，雖然好飽但聞到好香點忍得住唔食呢？飯多咗啲，湯唔夠，湯好夠味，料好多。養顏蛋白杏仁茶：鄭經理話杏仁係自己磨，真係好香杏仁味，加咗蛋白我覺得好滑，唔會好甜。比起平時食o既壽包大兩個碼，最厲害係流沙壽包，最最最勁係裏面有燕窩，可能流沙蓋過燕窩，睇到但食唔出燕窩，不過真係好正呢，飽我都食得晒成個，我最勁kakaaaa宮廷桂花糕：好多杞子，我最鍾意食，好彩個子唔大，重可以哽得落，如果鍾意食甜嘢o既人會嫌唔夠甜，但我覺得好夠味，yummy！鮮製呂宋香芒布甸：芒果佈滿成個碗，雖然好味，但我真係太飽食唔晒，sorry！連豐富o既果盆我都無能力品嚐，火龍果係紫色嗰隻，真係好想試:)今晚餐飯o既共通點係用刀品嚐，樣樣都巨型size，$9,888係值o架，雖然我未必會再嚟試呢個set，但我要推介比全世界，因為食過你就會知道咩叫做正菜真係唔好意思，上載相片有限，有好多美食未能盡在你的眼簾:)試食沿途我都同身邊o既會員講我o既感受，佢哋唔會覺得我阻住佢哋食嘢啩，哈哈！總括呢個試食會真係樣樣都好正好好味，因為我平時都好怕食得太油、太鹹、太甜，呢餐飯每樣都好似為我調味咁，啱晒我口味，多謝名苑酒家，希望我有機會再去其他試食會…查看更多

喺openrice買咗$15平嘆Ocio窩夫連雪糕，見有食評都讚唔錯，膽粗粗買一張試吓。同摯愛一齊去搵食，唔難搵，去到只有兩個食客。呢度賣點係即叫即整，就算等8分鐘都係抵o既~一格格切開嚟食，初初同雲呢拿雪糕分開食，但原來將雪糕連埋格格一齊食係最完美記得要一齊入口至係最好味…查看更多

今日同Apple一齊慶祝Carol生日，我哋選擇咗去和味館，我好耐都無食過放題。我book咗7:30pm，Apple早到，一邊點食物一邊等我哋。我order杯熱綠茶，好苦澀不過Carol話荔枝茶好好味！刺身真係唔少得，算係幾新鮮，唔會有雪味有沙律醬o既壽司真係好好味，但不能食太多，會好快飽，食唔到其他嘢唔抵係咪真係唔知乜東東呢？一放上枱，我覺得好似枝波板糖咁，原來佢係洋蔥呢~哈哈，無乜特別，係個賣相夠cute串燒我平時多數都會揀雞多，依家食自助放題可以試吓冬菇、丸類，淡淡哋都啱我o既牛肉金菇卷好淡，直頭係無味o添呀！粉皮加酸醋就更加好味~煎炸嘢夠香口點都係好味~正三款cake竟然係芒果最好味噃~~我食晒呀朱古力唔好味囉，我好失望呀tiramisu又係我一個食晒~哈哈重有雀巢雪糕，我梗係揀朱古力味啦:)食完都係唔爆場，可能係閒日啦！P.S.平均每位係$168.00(+10% service charge)…查看更多

相片黑咗啲，請勿見怪！今晚同阿琪食完晚飯好似都唔夠飽咁，所以我提議去食糖水，咁啱我手袋又有張心飴o既印花卡，諗都唔諗就行去可能時間尚早，所以唔多人。打開餐牌都算幾多款式，不過我都係揀我至愛o既朱古力~heehee~我揀咗E1朱古力雪花冰──可以配自選三款配料2. 棉花糖5. 杏仁片6. 蜜紅豆嘩~~order完好快到我眼前，好大碟呀！好彩頭先餐飯食得唔算好飽朱古力味好重，唔會係偷功減料搞到淡晒。棉花糖係我至愛；杏仁片夠晒脆；蜜紅豆又有咬口。有機會我一定會再去試多次:)…查看更多